Mera Saansad
Search Search
Assamese language

ইথিঅ’পিয়াত সংসদৰ যুটীয়া অধিৱেশনত প্ৰধানমন্ত্ৰীৰ ভাষণ

Published By : Admin | December 17, 2025 | 12:12 IST

প্ৰধানমন্ত্ৰীয়ে আজি ইথিঅ’পিয়াৰ সংসদৰ যুটীয়া অধিৱেশনত ভাষণ দিয়ে। ইথিঅ’পিয়াত প্ৰথম দ্বিপাক্ষিক ভ্ৰমণত থকা প্ৰধানমন্ত্ৰীক এয়া এক বিশেষ সন্মান।


প্ৰধানমন্ত্ৰীয়ে ইথিঅ’পিয়াৰ সাংসদসকলক ভাৰতৰ জনসাধাৰণৰ তৰফৰ পৰা বন্ধুত্ব আৰু সদিচ্ছাৰ শুভেচ্ছা জনাই তেওঁৰ ভাষণ আৰম্ভ কৰে। তেওঁ উল্লেখ কৰে যে সংসদত আৰু গণতন্ত্ৰৰ এই মন্দিৰৰ জৰিয়তে ইথিঅ’পিয়াৰ সাধাৰণ মানুহ-কৃষক, উদ্যোগী, গৌৰৱান্বিত মহিলা আৰু দেশৰ ভৱিষ্যত গঠন কৰা যুৱক-যুৱতীসকলৰ সৈতে কথা পাতিবলৈ পোৱাটো তেওঁৰ বাবে এক সৌভাগ্য। তেওঁ ইথিঅ’পিয়াৰ জনসাধাৰণ আৰু চৰকাৰক তেওঁক ইথিঅ’পিয়াৰ সৰ্বোচ্চ বঁটা-‘গ্ৰেট অনৰ নিশান অব্ ইথিঅ’পিয়া’ প্ৰদান কৰাৰ বাবে ধন্যবাদ জ্ঞাপন কৰে। সম্পৰ্কৰ গুৰুত্বৰ প্ৰতি লক্ষ্য ৰাখি, প্ৰধানমন্ত্ৰীয়ে গভীৰ সন্তুষ্টি প্ৰকাশ কৰে যে এই ভ্ৰমণৰ সময়ত দুয়োখন দেশৰ মাজত বহু বছৰ পুৰণি সম্পৰ্ক কৌশলগত অংশীদাৰিত্বলৈ উন্নীত হৈছে।

 

ভাৰত আৰু ইথিঅ’পিয়াৰ মাজৰ সভ্যতাৰ সম্পৰ্কৰ কথা স্মৰণ কৰি প্ৰধানমন্ত্ৰীয়ে উল্লেখ কৰে যে দুয়োখন দেশে প্ৰাচীন জ্ঞানক আধুনিক উচ্চাকাংক্ষাৰ সৈতে একত্ৰিত কৰে। এই সন্দৰ্ভত তেওঁ উল্লেখ কৰে যে ভাৰতৰ ৰাষ্ট্ৰীয় গীত "বন্দে মাতৰম" আৰু ইথিঅ’পিয়াৰ ৰাষ্ট্ৰীয় সংগীত দুয়োটাই তেওঁলোকৰ ভূমিক মাতৃ বুলি উল্লেখ কৰে। দুয়োখন দেশৰ যৌথ সংগ্ৰামৰ কথা উল্লেখ কৰি প্ৰধানমন্ত্ৰীয়ে ১৯৪১ চনত ইথিঅ’পিয়াৰ সতীৰ্থসকলৰ সৈতে তেওঁলোকৰ মুক্তিৰ বাবে যুঁজ দিয়া ভাৰতীয় সৈনিকসকলৰ অৱদানৰ ওপৰত আলোকপাত কৰে। তেওঁ ব্যক্ত কৰে যে ইথিঅ’পিয়াৰ জনসাধাৰণৰ ত্যাগৰ প্ৰতীক আদৱা বিজয় স্মৃতিসৌধলৈ শ্ৰদ্ধাঞ্জলি জনোৱাটো তেওঁৰ বাবে সন্মানৰ বিষয়।

 

প্ৰধানমন্ত্ৰীয়ে ভাৰত-ইথিঅ’পিয়াৰ অংশীদাৰিত্ব বৃদ্ধি আৰু শক্তিশালী কৰাৰ বাবে ভাৰতৰ প্ৰতিশ্ৰুতি প্ৰকাশ কৰে। এই সন্দৰ্ভত তেওঁ ইথিঅ’পিয়াৰ বিকাশ আৰু সমৃদ্ধিৰ ক্ষেত্ৰত ভাৰতীয় শিক্ষক আৰু ভাৰতীয় ব্যৱসায়ীসকলৰ অৱদানৰ কথা স্মৰণ কৰে। তেওঁ ডিজিটেল ৰাজহুৱা আন্তঃগাঁথনি, খাদ্য প্ৰক্ৰিয়াকৰণ আৰু উদ্ভাৱনৰ ক্ষেত্ৰকে ধৰি ভাৰতৰ উন্নয়নৰ অভিজ্ঞতা ভাগ বাটোৱাৰা কৰে আৰু ইথিঅ’পিয়াৰ অগ্ৰাধিকাৰৰ সৈতে সংগতি ৰাখি ইয়াৰ উন্নয়ন সমৰ্থন অব্যাহত ৰাখিবলৈ ভাৰতৰ প্ৰস্তুতি ব্যক্ত কৰে। মানৱতাৰ সেৱা কৰাৰ ক্ষেত্ৰত ভাৰতৰ প্ৰতিশ্ৰুতিৰ কথা উল্লেখ কৰি তেওঁ কয় যে ক’ভিড মহামাৰীৰ সময়ত ইথিঅ’পিয়াক প্ৰতিষেধক যোগান ধৰাটো ভাৰতৰ বাবে এক অগ্ৰাধিকাৰ আছিল।

 

প্ৰধানমন্ত্ৰীয়ে গুৰুত্ব আৰোপ কৰি কয় যে গোলকীয় দক্ষিণৰ ৰাষ্ট্ৰ হিচাপে ভাৰত আৰু ইথিঅ’পিয়াই উন্নয়নশীল দেশসমূহক অধিক শক্তিশালী কৰিবলৈ একেলগে থিয় দিব লাগিব। সন্ত্ৰাসবাদৰ বিৰুদ্ধে বিশ্বব্যাপী যুঁজ শক্তিশালী কৰাৰ ক্ষেত্ৰত ইথিঅ’পিয়াৰ সংহতিৰ বাবে তেওঁ ধন্যবাদ জ্ঞাপন কৰে।

 

আফ্ৰিকান ঐক্যৰ সপোন বাস্তৱায়িত কৰাত আফ্ৰিকান ইউনিয়নৰ মুখ্য কাৰ্যালয় আদ্দিছ আবাবাৰ গুৰুত্বপূৰ্ণ ভূমিকাৰ ওপৰত আলোকপাত কৰি প্ৰধানমন্ত্ৰীয়ে কয় যে আফ্ৰিকান ইউনিয়নক জি-২০ৰ স্থায়ী সদস্য হিচাপে আদৰণি জনাবলৈ পাই ভাৰত গৌৰৱান্বিত। তেওঁ লগতে কয় যে তেওঁৰ চৰকাৰৰ ১১বছৰীয়া কাৰ্যকালত ভাৰত-আফ্ৰিকাৰ সম্পৰ্ক বহুগুণে বৃদ্ধি পাইছে আৰু দুয়োপক্ষই ৰাষ্ট্ৰ আৰু চৰকাৰৰ মুৰব্বীসকলৰ পৰ্যায়ত ১০০ৰো অধিক ভ্ৰমণৰ আদান-প্ৰদান কৰিছে। তেওঁ আফ্ৰিকাৰ উন্নয়নৰ প্ৰতি ভাৰতৰ গভীৰ প্ৰতিশ্ৰুতিৰ বিষয়ে উল্লেখ কৰি জোহান্সবৰ্গ জি-২০ সন্মিলনত মহাদেশখনত এক নিযুত প্ৰশিক্ষকক প্ৰশিক্ষণ দিবলৈ "আফ্ৰিকা স্কীলছ মাল্টিপ্লায়াৰ ইনিচিয়েটিভ" আৰম্ভ কৰাৰ বাবে তেওঁৰ প্ৰস্তাৱৰ ওপৰত গুৰুত্ব আৰোপ কৰে।

 

প্ৰধানমন্ত্ৰীয়ে ভাৰতৰ যাত্ৰাক এখন সহযোগী গণতন্ত্ৰৰ সৈতে ভাগ বাটোৱাৰা কৰাৰ সুযোগ দিয়াৰ বাবে সন্মানীয় অধ্যক্ষক ধন্যবাদ জ্ঞাপন কৰি উল্লেখ কৰে যে গোলকীয় দক্ষিণে নিজৰ ভাগ্য লিখি আছে।

 

সম্পূৰ্ণ ভাষণ পঢ়িবলৈ ইয়াত ক্লিক কৰক

Login or Register to add your comment
Explore More
শ্ৰী ৰাম জনমভূমি মন্দিৰৰ ধ্বজাৰোহণ উৎসৱত প্ৰধানমন্ত্ৰীৰ সম্বোধনৰ অসমীয়া অনুবাদ

Popular Speeches

শ্ৰী ৰাম জনমভূমি মন্দিৰৰ ধ্বজাৰোহণ উৎসৱত প্ৰধানমন্ত্ৰীৰ সম্বোধনৰ অসমীয়া অনুবাদ
View All
UPI goes live at Eiffel Tower and French airports as India-France digital ties strengthen

Media Coverage

UPI goes live at Eiffel Tower and French airports as India-France digital ties strengthen
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister shares Sanskrit Subhashitam highlighting the importance of prudence and thoughtful decision-making
June 16, 2026

The Prime Minister, Shri Narendra Modi said that the doors to happiness and prosperity open through actions guided by patience, wisdom and foresight. He noted that every decision requires careful understanding, as success is built on steps taken with due thought and consideration.

The Prime Minister shared a Sanskrit Subhashitam-

“सहसा विदधीत न क्रियामविवेकः परमापदां पदम्।

वृणते हि विमृश्यकारिणं गुणलुब्धाः स्वयमेव सम्पदः॥”

The Subhashitam conveys that one should never undertake any task without thinking, for doing so without thinking can lead to great calamities. Conversely, success and prosperity automatically seek out and choose the person who thinks carefully.

The Prime Minister wrote on X;

“धैर्य, विवेक और दूरदर्शिता से किए गए कार्यों से ही सुख-समृद्धि के द्वार खुलते हैं। इसलिए हर निर्णय में पूरी समझदारी जरूरी है, क्योंकि सोच-समझकर उठाया गया कदम ही सफलता का आधार बनता है।

सहसा विदधीत न क्रियामविवेकः परमापदां पदम्।

वृणते हि विमृश्यकारिणं गुणलुब्धाः स्वयमेव सम्पदः॥”