প্ৰধানমন্ত্ৰী শ্ৰী নৰেন্দ্ৰ মোদীয়ে ৫ জানুৱাৰী, ২০১৯ত ঝাৰখণ্ড আৰু ওড়িশা ভ্ৰমণ কৰিব৷
ঝাৰখণ্ডত প্ৰধানমন্ত্ৰীয়ে নৰ্থ কোৱেল(মণ্ডল ডাম) প্ৰকল্পৰ পুনৰুজ্জীৱিতকৰণ আৰু কানহাৰ ষ্টন পাইপলাইন জলসিঞ্চনৰ ব্যৱস্থাৰ আধাৰশিলা স্থাপন উপলক্ষে নামফলক উন্মোচন কৰিব৷ তেওঁ ভিডিঅ’ কনফাৰেন্সিঙৰ জৰিয়তে প্ৰধানমন্ত্ৰী আৱাস যোজনাৰ অধীনত ২৫,০০০ হিতাধিকাৰীৰ সামূহিক ই-গৃহপ্ৰৱেশৰ শুভাৰম্ভ কৰিব৷ এক ৰাজহুৱা সভাতো ভাষণ আগবঢ়াব প্ৰধানমন্ত্ৰীয়ে৷
ইয়াৰ পাছতে প্ৰধানমন্ত্ৰী ওড়িশালৈ যাব৷ বৰীপাড়াত তেওঁ আইঅ’চিএলৰ এলপিজি পাইপলাইন প্ৰকল্পৰ বালাছৰ-হালদিয়া-দুৰ্গাপুৰ অংশ আৰু বালাছৰ মাল্টিমডেল লজিষ্টিক পাৰ্ক দেশবাসীৰ নামত উচৰ্গা কৰিব৷
প্ৰধানমন্ত্ৰীয়ে হৰিপুৰগড়ৰ প্ৰাচীন দুৰ্গত ৰছিতা ৰায় মন্দিৰৰ উন্নয়ন তথা সংৰক্ষণমূলক কাম-কাজৰ শুভাৰম্ভ উপলক্ষে নামফলক উন্মোচন কৰিব৷ তেওঁ একাধিক ৰাষ্ট্ৰীয় ঘাইপথ প্ৰকল্পৰ ফ’ৰলেন আধাৰশিলা আৰু ৬টা পাছপ’ৰ্ট সেৱা কেন্দ্ৰ উদ্বোধন কৰিব৷ তেওঁ টাটানগৰৰ পৰা বাদামপাহাৰৰ মাজত চলিবলগীয়া দ্বিতীয়খন যাত্ৰীবাহী ৰে’লৰো ফ্লেগ অফ কৰিব৷
বৰীপাড়াতো এখন সভাত ভাষণ প্ৰদান কৰিব প্ৰধানমন্ত্ৰীয়ে৷
