Share
 
Comments

প্ৰধানমন্ত্ৰীয়ে কাইলৈ গুৱাহাটী, ইটানগৰ আৰু আগৰতলা ভ্ৰমণ কৰিব৷ কাইলৈ তেওঁ ইটানগৰত গ্ৰীণফিল্ড বিমানবন্দৰ, ছেলা টানেল আৰু উত্তৰ পূব গেছ গ্ৰীডৰ আধাৰশিলা স্থাপন কৰিব৷ ইয়াৰ পিছত তেওঁ ডিডি অৰুণ প্ৰভা চেনেল আৰু গাৰ্জী-বেল’নিয়া ৰে’লৱে পথ মুকলি কৰিব৷ ইয়াৰোপৰি প্ৰধানমন্ত্ৰীয়ে তিনিখন ৰাজ্যত বিভিন্ন উন্নয়নমূলক প্ৰকল্পও মুকলি কৰিব৷

 

অৰুণাচল প্ৰদেশত প্ৰধানমন্ত্ৰী

প্ৰধানমন্ত্ৰীয়ে কাইলৈ ৰাতিপুৱা গুৱাহাটীৰ পৰা ইটানগৰত উপস্থিত হ’ব৷ ইটানগৰৰ আইজি পাৰ্কত কাইলৈ তেওঁ বিভিন্ন উন্নয়নমূলক প্ৰকল্প মুকলি কৰিব৷

প্ৰধানমন্ত্ৰীয়ে হলংগি গ্ৰীণফিল্ড বিমানবন্দৰৰ আধাৰশিলা স্থাপন কৰিব৷ বৰ্তমানে ইটানগৰৰ নিকটৱৰ্তী বিমানবন্দৰটো হ’ল অসমৰ লীলাবাৰী বিমানবন্দৰটো যি ইটানগৰৰ পৰা ৮০ কিলোমিটাৰ দূৰৈত অৱস্থিত৷ হলংগি বিমানবন্দৰে এই দূৰত্ব চাৰিগুণলৈ হ্ৰাস কৰিব৷ এই বিমানবন্দৰে অঞ্চলটোত যোগাযোগ ব্যৱস্থা উন্নত কৰাৰ উপৰিও পৰ্যটনৰো বিকাশ কৰিব৷ তাৰোপৰি অঞ্চলটোৰ অৰ্থনৈতিক উত্তৰণৰ দ্বাৰা ৰাষ্ট্ৰৰ বাবেও ই গুৰুত্বপূৰ্ণ ভূমিকা পালন কৰিব৷ বিমানবন্দৰটোত কেতবোৰ বিশেষ সুবিধা উপলব্ধ কৰোৱা হৈছে৷ যেনে শব্দ প্ৰতিৰোধী ব্যৱস্থা, বৰষুণৰ পানী জমা কৰাৰ ব্যৱস্থা, শক্তিৰ দক্ষতা বৃদ্ধিৰ সঁজুলি ইত্যাদি৷

প্ৰধানমন্ত্ৰীয়ে কাইলৈ অৰুণাচল প্ৰদেশত ছেলা টানেলৰ আধাৰশিলাও স্থাপন কৰিব৷ ইয়াৰ দ্বাৰা টাৱাং উপত্যকাৰ বাসিন্দাই বছৰৰ সকলো সময়তে যাতায়াতৰ সুবিধা লাভ কৰাৰ লগতে যাত্ৰাৰ দূৰত্ব এঘণ্টালৈ হ্ৰাস হ’ব৷ ফলত অঞ্চলটোত পৰ্যটনৰ সুবিধা অধিক বিকশিত হোৱাৰ সম্ভাৱনা আছে৷

অৰুণাচল প্ৰদেশৰ বাবে দূৰদৰ্শনৰ এটা নতুন চেনেল ডিডি অৰুণ প্ৰভা কাইলৈ প্ৰধানমন্ত্ৰীয়ে ইটানগৰৰ আইজি পাৰ্কত মুকলি কৰিব৷ দূৰদৰ্শনৰ এই চেনেলটো ২৪ ঘণ্টাই উপভোগ কৰিব পৰা হ’ব৷ ইয়াৰোপৰি প্ৰধানমন্ত্ৰীয়ে কাইলৈ অৰুণাচল প্ৰদেশত ১১০ মেগাৱাটৰ পাৰে হাইড্ৰ’ইলেক্ট্ৰিক উত্পাদন ক্ষেত্ৰ দেশবাসীলৈ উচৰ্গা কৰিব৷ নীপকোৰ দ্বাৰা নিৰ্মাণ হোৱা এই প্ৰকল্পই ব্ৰহ্মপুত্ৰ নদীৰ উপনৈ দিক্ৰঙৰ পৰা জল বিদ্যুৎউৎপাদন কৰি উত্তৰ পূৰ্বাঞ্চলৰ বিভিন্ন ৰাজ্যলৈ বিদ্যুৎশক্তি যোগান ধৰিব৷

বিভিন্ন প্ৰকল্পৰ মুকলি অনুষ্ঠান উপলক্ষে প্ৰধানমন্ত্ৰীয়ে অৰুণাচল প্ৰদেশৰ জোটেত ফিল্ম এণ্ড টেলিভিচন ইন্সটিটিউট অব্ ইণ্ডিয়া (এফটিআইআই)ৰ স্থায়ী আৱাসক্ষেত্ৰৰ আধাৰশিলা স্থাপন কৰিব৷ ইয়াৰ দ্বাৰা উত্তৰ পূৰ্বাঞ্চলৰ চলচ্চিত্ৰ নিৰ্মাণৰ শিক্ষাৰ্থীসকল উপকৃত হ’ব৷

প্ৰধানমন্ত্ৰীয়ে অৰুণাচল প্ৰদেশৰ উন্নীত তেজু বিমানবন্দৰো মুকলি কৰিব৷ এই বিমানবন্দৰটো উড়ান আঁচনিৰ অধীনত নতুনকৈ নিৰ্মাণ কৰা হৈছে আৰু বাণিজ্যিক ব্যৱহাৰৰ বাবে টাৰ্মিনেল বিল্ডিঙৰো নিৰ্মাণ কৰা হৈছে৷

কাইলৈ প্ৰধানমন্ত্ৰীয়ে অৰুণাচল প্ৰদেশত আয়ুষ্মান ভাৰতৰ অধীনত ৫০টা স্বাস্থ্য আৰু কল্যাণ কেন্দ্ৰ মুকলি কৰিব৷ তাৰোপৰি প্ৰধানমন্ত্ৰীয়ে অৰুণাচল প্ৰদেশক সৌভাগ্য যোজনাৰ অধীনত ১০০% বৈদ্যুতিকীকৰণ ৰাজ্য হিচাপে ঘোষণা কৰিব৷

     

অসমত প্ৰধানমন্ত্ৰী

ইটানগৰৰ পৰা প্ৰধানমন্ত্ৰী গুৱাহাটীলৈ ৰাওনা হ’ব৷ গুৱাহাটীত তেওঁ উত্তৰ পূব গেছ গ্ৰীডৰ আধাৰশিলা স্থাপন কৰিব যাৰ দ্বাৰা অঞ্চলটোত প্ৰাকৃতিক গেছৰ উপলব্ধতা সহজ হৈ পৰিব৷ এই গ্ৰীড চৰকাৰে উত্তৰ পূৰ্বাঞ্চলত কম মূল্য তথা গুণগতমানৰ গেছ প্ৰদান কৰাৰ পদক্ষেপৰ এক অংশ৷ তেওঁ কামৰুপ, কাছাৰ, হাইলাকান্দি আৰু কৰিমগঞ্জ জিলাৰ চিটী গেছ বিতৰণ নেটৱৰ্কৰ আধাৰশিলা স্থাপন কৰিব৷ চিটী গেছ বিতৰণে ঘৰ, উদ্যোগ আৰু বাণিজ্যিক সংস্থাসমূহলৈ স্বচ্ছ ইন্ধন (পিএনজি) যোগানৰ নিশ্চিত প্ৰদান কৰে৷

প্ৰধানমন্ত্ৰীয়ে অসমৰ তিনিচুকীয়া জিলাত হলং মডুলাৰ গেছ প্ৰচেছিং কাৰখানা মুকলি কৰিব৷ ইয়াৰ জৰিয়তে অসমৰ মুঠ উত্পাদিত গেছৰ ১৫% যোগান সম্ভৱ হৈ উঠিব৷ তাৰোপৰি প্ৰধানমন্ত্ৰীয়ে উত্তৰ গুৱাহাটীত মাউণ্টেড  ষ্ট’ৰেজ ভেছেলৰ এলপিজি সামৰ্থ বৃদ্ধি প্ৰকল্পও মুকলি কৰিব৷ এই অনুষ্ঠানতে নুমলীগড়ত এনআৰএল বায়’ ৰিফাইনাৰী আৰু বিহাৰ, পশ্চিম বংগ, ছিক্কিম আৰু অসমৰ মাজেৰে পাৰ হৈ যোৱা ৭২৯ কিলোমিটাৰৰ বাৰাউনী-গুৱাহাটী গেছ পাইপলাইনৰ আধাৰশিলাও স্থাপন কৰিব প্ৰধানমন্ত্ৰীয়ে৷

 

ত্ৰিপুৰাত প্ৰধানমন্ত্ৰী

প্ৰধানমন্ত্ৰীৰ উত্তৰ পূৰ্বাঞ্চলৰ ভ্ৰমণৰ শেষচোৱাত তেওঁ আগৰতলা ভ্ৰমণ কৰিব৷ প্ৰধানমন্ত্ৰীয়ে স্বামী বিবেকানন্দ ষ্টেডিয়ামৰ পৰা গাৰ্জী –বেল’নিয়া ৰে’লৱে পথৰ ফলক মুকলি কৰি ৰাষ্ট্ৰলৈ উচৰ্গা কৰিব৷ ইয়াৰ জৰিয়তে ত্ৰিপুৰা দক্ষিণ আৰু দক্ষিণ পূব এচিয়াৰ বাবে দুৱাৰমুখ হৈ পৰিব৷ তাৰোপৰি প্ৰধানমন্ত্ৰীয়ে নৰসিংগড়ত ত্ৰিপুৰা ইন্সটিটিউট অব্ টেকন’ল’জীৰ নতুন আৱাসিক ভৱনো মুকলি কৰিব৷

প্ৰধানমন্ত্ৰীয়ে আগৰতলাৰ মহাৰাজা বীৰ বিক্ৰম বিমানবন্দৰত মহাৰাজা বীৰ বিক্ৰম কিশোৰ মানিক্য বাহাদুৰৰ মূৰ্তি মুকলি কৰিব৷ মহাৰাজা বীৰ বিক্ৰম কিশোৰ মানিক্য বাহাদুৰক আধুনিক ত্ৰিপুৰাৰ জনক হিচাপে জনা যায়৷ এই মূৰ্তি মুকলি কৰি কেন্দ্ৰীয় চৰকাৰে ভাৰত নিৰ্মাণৰ অজানা বীৰসকলক সন্মান জনোৱাৰ পদক্ষেপৰ উদ্দেশ্যসাধিত কৰিব৷

 

সেৱা আৰু সমৰ্পণৰ ২০ বছৰক সূচিত কৰা ২০ খন আলোকচিত্ৰ
Mann KI Baat Quiz
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
At Rs 1.31 trn, India's Nov GST collection second-highest in a month yet

Media Coverage

At Rs 1.31 trn, India's Nov GST collection second-highest in a month yet
...

Nm on the go

Always be the first to hear from the PM. Get the App Now!
...
চ'ছিয়েল মিডিয়া কৰ্ণাৰ 1 ডিচেম্বৰ 2021
December 01, 2021
Share
 
Comments

India's economic growth is getting stronger everyday under the decisive leadership of PM Modi.

Citizens gave a big thumbs up to Modi Govt for transforming India.