প্ৰধানমন্ত্ৰী শ্ৰী নৰেন্দ্ৰ মোদীয়ে আজি পশ্চিম বংগৰ নোৱাপাৰাৰপৰা দক্ষিণেশ্বৰলৈ মেট্ৰ’ ৰেলৱেৰ সম্প্ৰসাৰণৰ কাম উদ্বোধন কৰে আৰু এই সম্প্ৰসাৰণেদি প্ৰথম সেৱাৰ ফ্লেগ অফ কৰে। তেখেতে তদুপৰি কালাইকুণ্ডা আৰু ঝাৰগ্ৰামৰ মাজত তৃতীয় লাইনৰ উদ্বোধন কৰে।
শ্ৰী মোদীয়ে পূব ৰেলৱেৰ আজিমগঞ্জৰপৰা খড়গ্ৰাঘাট পথ শাখালৈ দ্বৈতকৰণ ৰাষ্ট্ৰলৈ উৎসৰ্গা কৰে। তেখেতে দানকুনি আৰু বাৰুইপাৰাৰ মাজত চতুৰ্থটো লাইন আৰু ৰচুলপুৰ আৰু মাগ্ৰাৰ মাজত তৃতীয়টো লাইন ৰাষ্ট্ৰলৈ সমৰ্পণ কৰে।
এই কাৰ্যসূচীত উপস্থিত জনতাক সম্বোধন কৰি, প্ৰধানমন্ত্ৰীগৰাকীয়ে কয়, আজি উদ্বোধন কৰা প্ৰকল্পসমূহে হুগলীৰ আশে-পাশে থকা কেইবা নিযুত লোকৰ জীৱন যাত্ৰা সহজতৰ কৰিব। তেখেতে লগতে কয় যে আমাৰ দেশৰ উত্তম পৰিবহণ ব্যৱস্থাই আত্ম-নিৰ্ভৰতা আৰু বিশ্বাসৰ অভিমুখে আমাৰ সংকল্পক সুদৃঢ় কৰি তুলিব। তেখেতে সন্তোষ ব্যক্ত কৰি কয় যে কলকাতাৰ ওপৰিও, হুগলী, হাওৰা আৰু উত্তৰ ২৪ পৰগণা জিলাৰ জনসাধাৰণেও এই মেট্ৰ’ সেৱাৰ জৰিয়তে উপকৃত হ’ব। তেখেতে কয়, নোৱাপাৰাৰপৰা দক্ষিণেশ্বৰলৈ মেট্ৰ’ ৰেলৱেৰ সম্প্ৰসাৰণৰ ফলত উভয় স্থানৰ মাজৰ ভ্ৰমণ সময় ৯০ মিনিটৰপৰা ২৫ মিনিটলৈ হ্ৰাস পাব। এই সেৱাসমূহে ছাত্ৰ-ছাত্ৰী আৰু শ্ৰমিকসকলক বিশেষভাৱে উপকৃত কৰিব বুলি তেখেতে কয়।
প্ৰধানমন্ত্ৰীগৰাকীয়ে সন্তোষ প্ৰকাশ কৰি কয় যে ভাৰতত বৰ্তমানে নিৰ্মাণ কৰা মেট্ৰ’ বা ৰেলৱে ব্যৱস্থাত মেক ইন ইণ্ডিয়াৰ প্ৰভাৱ দৃশ্যমান হৈছে। ট্ৰেক পাৰিতকৰণৰপৰা আৰম্ভ কৰি আধুনিক ল’ক’ম’টিভ আৰু আধুনিক ট্ৰেইন আৰু আধুনিক ক’ছলৈকে বহুল পৰিমাণে ব্যৱহৃত সামগ্ৰী আৰু প্ৰযুক্তি হৈছে থলুৱা। ই ক্ষীপ্ৰতাৰে প্ৰকল্প সম্পূৰ্ণ কৰাত সহায় আগবঢ়াইছে আৰু নিৰ্মাণৰ মানদণ্ড বৃদ্ধি কৰি তুলিছে।
প্ৰধানমন্ত্ৰীগৰাকীয়ে কয়, পশ্চিম বংগ হৈছে দেশখনৰ আত্ম-নিৰ্ভৰতাৰ এটা গুৰুত্বপূৰ্ণ কেন্দ্ৰ আৰু পশ্চিম বংগ আৰু উত্তৰ পূবৰ বাবে আন্তঃৰাষ্ট্ৰীয় বাণিজ্যৰ সম্ভাৱনা অসীম। প্ৰধানমন্ত্ৰীগৰাকীয়ে কয়, এই নতুন ৰেল লাইনসমূহৰ জৰিয়তে জীৱন যাত্ৰা সহজতৰ হ’ব, উদ্যোগসমূহৰ বাবে নতুন পথো প্ৰশস্ত হৈ পৰিব।
থোৰতে পৃষ্টপটঃ
মেট্ৰ’ ৰেলৱেৰ সম্প্ৰসাৰণ
নোৱাপাৰাৰপৰা দক্ষিণেশ্বৰলৈ মেট্ৰ’ ৰেলৱেৰ সম্প্ৰসাৰণ আৰু এই সম্প্ৰসাৰণেদি প্ৰথম সেৱাৰ ফ্লেগ অফে পথৰ যানজঁট ৰোধ কৰিব আৰু নগৰীয়া চলা-ফুৰাৰ উন্নয়ন সাধন কৰিব। কেন্দ্ৰীয় চৰকাৰখনৰ সম্পূৰ্ণ পুঁজিৰে ৪৬৪ কোটি কোটি টকা ব্য়য় সাপেক্ষে এই ৪.১ কিঃমিঃ সম্প্ৰসাৰণ নিৰ্মাণ কৰি উলিওৱা হৈছে। এই সম্প্ৰসাৰণে লাখ-লাখ পৰ্যটক আৰু ভক্তৰ বাবে কালিঘাট আৰু দক্ষিণেশ্বৰস্থিত বিশ্বৰ দুই প্ৰসিদ্ধ কালী মন্দিৰলৈ যোৱাটো সহজ কৰি তুলিব। বাৰানগৰ আৰু দক্ষিণেশ্বৰ নামৰ নতুনকৈ নিৰ্মাণ কৰি উলিওৱা ষ্টেচন দুটাত যাত্ৰীৰ বাবে সকলোখিনি আধুনিক ব্যৱস্থা কৰা হৈছে আৰু তদুপৰি মুৰাল, ফটোগ্ৰাফ, ভাস্কৰ্য্য আৰু মূৰ্তিৰে নান্দনিকভাৱে ডিজাইন আৰু সজাই তোলা হৈছে।
ৰেলৱে লাইনসমূহৰ উদ্বোধনঃ
কালাইকুণ্ডা আৰু ঝাৰগ্ৰামৰ মাজত তৃতীয় লাইনটো হৈছে দক্ষিণ পূব ৰেলৱেৰ ১৩২ কিঃমিঃ দৈৰ্ঘ্যৰ খড়গপুৰ-আদিত্যপুৰ থাৰ্ড লাইন প্ৰকল্পৰ ৩০ কিঃমিঃ ৰৰোধিক সম্প্ৰসাৰণ। ১৩১২ কোটি টকা আনুমানিক ব্যয় সাপেক্ষে ইয়াত অনুমোদন জনোৱা হয়। কালাইকুণ্ডা আৰু ঝাৰগ্ৰামৰ মাজৰ চাৰিটা ষ্টেচন চাৰিটা নতুন ষ্টেচন ভৱন, ছখন নতুন ফুট অ’ভাৰ ব্ৰীজ আৰু এঘাৰ নতুন প্লেটফৰ্ম নিৰ্মাণৰদ্বাৰা পুনৰাই উন্নয়ন সাধন কৰা হয় তথা বৰ্তমানে থকা আন্তঃগাঁথনিৰ আধুনিকীকৰণ কৰা হয়। ই হাওৰা-মুম্বাই ট্ৰাংক পথত যাত্ৰী আৰু ফ্ৰেইট ৰেলৰ নিৰন্তৰ আহ-যাহৰ সুনিশ্চিতিত সহায় কৰিব।
আজি ৰাষ্ট্ৰলৈ সমৰ্পণ কৰা হাওৰা-বৰ্ধমান চৰ্ড লাইনৰ দানকুনি আৰু বাৰুইপাৰা (১১.২৮ কিঃমিঃ) ৰ মাজত চতুৰ্থটো লাইন তথা হাওৰা-বৰ্ধমান মেইন লাইনৰ ৰচুলপুৰ আৰু মাগ্ৰা (৪২.৪২ কিঃমিঃ) ৰ মাজত তৃতীয়টো লাইনে কলকাতাৰ প্ৰধান গেটৱে হিচাপে ভূমিকা পালন কৰিছে। ৰচুলপুৰ আৰু মাগ্ৰাৰ মাজত তৃতীয়টো লাইন ৭৫৯ কোটি টকা ব্যয় সাপেক্ষে স্থাপন কৰা হৈছে। একেদৰে ১৯৫ কোটি টকা প্ৰকল্প ব্যয় সাপেক্ষে দানকুনি আৰু বাৰুইপাৰাৰ মাজত চতুৰ্থটো লাইন স্থাপন কৰা হৈছে।
আজিমগঞ্জ-খড়গ্ৰাঘাট পথৰ দ্বৈতকৰণ
আজিমগঞ্জৰপৰা খড়গ্ৰাঘাট পথ শাখালৈ দ্বৈতকৰণ হৈছে পূব ৰেলৱেৰ হাওৰা-বান্দেল-আজিমগঞ্জ শাখাৰ এটা অংশ। প্ৰায় ২৪০ কোটি টকা প্ৰকল্প ব্যয় সাপেক্ষে ইয়াৰ নিৰ্মাণ কৰা হৈছে।
এই প্ৰকল্পসমূহে উত্তম সঞ্চালন নিশ্চিত কৰাৰ সমান্তৰালভাৱে ভ্ৰমণ ব্যয় হ্ৰাস কৰিব আৰু ট্ৰেইন সঞ্চালনৰ সুৰক্ষা বৃদ্ধি কৰি তুলিব তথা একেদৰে অঞ্চলটোৰ সামগ্ৰিক অৰ্থনৈতিক বিকাশ সাধনত উদ্দীপনা যোগাব।
हमारे देश में ट्रांसपोर्ट के माध्यम जितने बेहतर होंगे, आत्मनिर्भरता और आत्मविश्वास का हमारा संकल्प उतना ही सशक्त होगा।
— PMO India (@PMOIndia) February 22, 2021
मुझे खुशी है कि कोलकाता के अलावा हुगली, हावड़ा और उत्तरी 24 परगना जिले के साथियों को भी अब मेट्रो सेवा की सुविधा का लाभ मिल रहा है: PM #BanglarBikasheRail
मुझे खुशी है कि मेट्रो हो या रेलवे सिस्टम, आज भारत में जो भी निर्माण हो रहा है, उसमें मेड इन इंडिया की छाप स्पष्ट दिख रही है।
— PMO India (@PMOIndia) February 22, 2021
ट्रैक बिछाने से लेकर रेलगाड़ियों के आधुनिक इंजन और आधुनिक डिब्बों तक बड़ी मात्रा में उपयोग होने वाला सामान और टेक्नॉलॉजी अब भारत की अपनी ही है: PM
पश्चिम बंगाल, देश की आत्मनिर्भरता का एक अहम केंद्र रहा है और यहां से नॉर्थ ईस्ट से लेकर, हमारे पड़ोसी देशों के साथ व्यापार-कारोबार की असीम संभावनाएं हैं।
— PMO India (@PMOIndia) February 22, 2021
इसी को देखते हुए बीते सालों में यहां के रेल नेटवर्क को सशक्त करने का गंभीरता से प्रयास किया जा रहा है: PM #BanglarBikasheRail
इन नई रेल लाइनों से जीवन तो आसान होगा ही, उद्यम के लिए भी नए विकल्प मिलेंगे।
— PMO India (@PMOIndia) February 22, 2021
यही तो बेहतर इंफ्रास्ट्रक्चर का लक्ष्य होता है।
यही तो सबका साथ, सबका विकास, सबका विश्वास है।
यही तो आत्मनिर्भर भारत का भी अंतिम लक्ष्य है: PM @narendramodi #BanglarBikasheRail
