প্ৰধানমন্ত্ৰী শ্ৰী নৰেন্দ্ৰ মোদীয়ে আজি ষষ্ঠদশ লোকসভাৰ অন্তিম অধিৱেশন সম্বোধন কৰে৷
সদনৰ কাম কাজ নিয়াৰিকৈ চলাই নিয়াৰ ক্ষেত্ৰত অধ্যক্ষা শ্ৰীমতী সুমিত্ৰা মহাজনৰ ভূমিকাক তেওঁ প্ৰশংসা কৰে৷ ষষ্ঠদশ লোকসভাৰ কাৰ্যকালত সংসদীয় পৰিক্ৰমা মন্ত্ৰীসকলৰ ভূমিকাকো প্ৰধানমন্ত্ৰীয়ে শলাগ লয়৷ তেওঁ লোকসভালৈ মূল্যৱান বৰঙণি আগবঢ়োৱা প্ৰাক্তন সংসদীয় পৰিক্ৰমা মন্ত্ৰী প্ৰয়াত অনন্ত কুমাৰকো স্মৰণ কৰে৷
সদনক সম্বোধন কৰি প্ৰধানমন্ত্ৰীয়ে কয় যে প্ৰায় তিনি দশকৰ মূৰত দেশে সম্পূৰ্ণ সংখ্যাগৰিষ্ঠতাৰ ভিত্তিত গঠিত চৰকাৰ এখন দেখিবলৈ পাইছিল৷ লোকসভাৰ গঠনমূলক কাৰ্যসূচী সন্দৰ্ভত প্ৰধানমন্ত্ৰীয়ে উল্লেখ কৰে যে ১৭খন অধিৱেশনৰ ভিতৰত ৮খনত ১০০শতাংশ পাৰদৰ্শিতা দেখিবলৈ পোৱা যায় আৰু সামগ্ৰিক পাৰদৰ্শিতাৰ পৰিমাণ হ’ল ৮৫%৷
সকলো সদস্যৰ শলাগ লৈ প্ৰধানমন্ত্ৰীয়ে কয় যে শাসনাধিষ্ঠিত দলৰ সদস্যৰ সমান্তৰালকৈ বিৰোধী দলৰ সদস্যইও লোকসভাৰ কাৰ্যকাল সূচাৰুৰূপে আগবঢ়াত উল্লেখনীয় অৰিহণা আগবঢ়ায়৷
প্ৰধানমন্ত্ৰীয়ে কয় যে সৰ্বাধিক মহিলা সাংসদৰ বাবে এই লোকসভা স্মৰণীয় হৈ ৰ’ব৷ ইয়াৰে ৪৪ গৰাকী আকৌ প্ৰথমবাৰৰ বাবে সাংসদ হৈছে৷ মহিলা সাংসদসকলক প্ৰশংসা কৰি প্ৰধানমন্ত্ৰীয়ে কয় প্ৰথমবাৰৰ বাবে কেবিনেটত সৰ্বাধিক মহিলাই স্থান লাভ কৰিছে আৰু আমাৰ সুৰক্ষা বিষয়ক কেবিনেট কমিটিত দুগৰাকীকৈ মহিলা মন্ত্ৰী আছে৷
প্ৰধানমন্ত্ৰীয়ে কয়, ‘ভাৰতৰ আত্মবিশ্বাস এতিয়া সৰ্বকালৰ সৰ্বশ্ৰেষ্ঠ উচ্চতাত অধিষ্ঠিত হৈ আছে৷ মই বিশ্বাস কৰো যে এয়া দেশৰ বাবে এক ইতিবাচক লক্ষণ, কিয়নো এইধৰণৰ আত্মবিশ্বাসে উন্নয়নৰ ধাৰাক গতি প্ৰদান কৰে৷’
তেওঁ লগতে উল্লেখ কৰে যে ভাৰত এতিয়া ষষ্ঠ বৃহৎ অৰ্থনীতি আৰু ৫ ট্ৰিলিয়ন ডলাৰৰ অৰ্থনীতি হোৱাৰ দিশত আগবাঢ়িছে৷
শক্তি, ডিজিটেল প্ৰযুক্তি, উৎপাদন আদি খণ্ডত ভাৰতৰ সাফল্য সন্দৰ্ভত প্ৰধানমন্ত্ৰীয়ে কয়, ‘বিশ্বই গোলকীয় উষ্ণতাৰ বিষয়ে আলোচনা কৰি আছে আৰু ভাৰতে এই বিপদ প্ৰশমিত কৰিবলৈ আন্তঃৰাষ্ট্ৰীয় সৌৰ মৈত্ৰীৰ ৰূপত প্ৰচেষ্টা অব্যাহত ৰাখিছে৷’
প্ৰধানমন্ত্ৰীয়ে কয়, আজি সমগ্ৰ বিশ্বই আমাক গুৰুত্বসহকাৰে গ্ৰহণ কৰিছে, কিয়নো আমাৰ চৰকাৰ সম্পূৰ্ণ সংখ্যাগৰিষ্ঠতাৰ ভিত্তিত নিৰ্বাচিত৷ ভাৰতৰ এই শক্তিশালী স্থিতিৰ বাবে দেশৰ জনসাধাৰণ কৃতিত্বৰ অধিকাৰী, যিয়ে ২০১৪ত ব্যাপক ভোটেৰে আমাৰ চৰকাৰ গঠন কৰিছিল৷
ভাৰতৰ বৈদেশিক নীতি সন্দৰ্ভত প্ৰধানমন্ত্ৰীয়ে কয় যোৱা ৫ বছৰত ভাৰতে বিপদকালীন সময়ত বিশ্বৰ বিভিন্ন দেশক সহায় কৰি মানৱতাৰ উৎকৃষ্ট নিদৰ্শন দাঙি ধৰিছে৷ ভাৰতৰ প্ৰাচীন সভ্যতা যোগাসনক বিশ্বই আদৰি লৈছে৷ তদুপৰি, বহুতো দেশে এতিয়া বাবা চাহেব আম্বেদকাৰ জয়ন্তী, মহাত্মা গান্ধী জয়ন্তী পালন কৰিবলৈ লৈছে৷
প্ৰধানমন্ত্ৰীয়ে জানিবলৈ দিয়ে যে লোকসভাত ২১৯খন বিধেয়ক উত্থাপিত হৈছে আৰু ২০৩খন বিধেয়ক গৃহীত হৈছে৷
ক’লা ধন আৰু দুৰ্নীতিৰ বিৰুদ্ধে তেওঁৰ চৰকাৰৰ দৃঢ় পদক্ষেপৰ কথা উল্লেখ কৰি প্ৰধানমন্ত্ৰীয়ে কয় যে এই লোকসভাই ইনছোলভেন্সী আৰু বেংকৰাপচী ক’ড (বেংক দেউলীয়া) আৰু পলৰীয়া অৰ্থনৈতিক অপৰাধী আইন গৃহীত কৰিছে৷
প্ৰধানমন্ত্ৰীয়ে কয়, ‘এই লোকসভাতে জিএছটি গৃহীত হৈছিল৷ জিএছটি প্ৰক্ৰিয়াই সহযোগিতা আৰু দ্বিদলীয় প্ৰথাৰ কৰ্মশক্তিক প্ৰতিফলিত কৰে৷’
প্ৰধানমন্ত্ৰী মোদীয়ে চৰকাৰৰ আন পদক্ষেপ যেনে আধাৰ কাৰ্ড, সাধাৰণ শ্ৰেণীৰ দৰিদ্ৰ লোকৰ বাবে ১০% সংৰক্ষণ, মাতৃকালীন সুবিধা আদিৰ বিষয়েও উল্লেখ কৰে৷ তেওঁ কয় যে এক গুৰুত্বপূৰ্ণ সিদ্ধান্ত হিচাপে ষষ্ঠদশ লোকসভাই ১৪০০খন অপ্ৰাসংগিক আইন বাতিল কৰিছে৷
ষষ্ঠদশ লোকসভাৰ সফল কাৰ্যকালৰ বাবে তেওঁ সদনৰ সকলো সদস্যক ধন্যবাদ জ্ঞাপন কৰি ভাষণৰ সামৰণি মাৰে৷
Several sessions in this Lok Sabha had good productivity. This is a very good sign.
— PMO India (@PMOIndia) February 13, 2019
I appreciate @MVenkaiahNaidu Ji, Late @AnanthKumar_BJP Ji for their service as Ministers for Parliamentary Affairs: PM @narendramodi in the Lok Sabha
India's self-confidence is at an all time high.
— PMO India (@PMOIndia) February 13, 2019
I consider this to be a very positive sign because such confidence gives an impetus to development: PM @narendramodi
The world is discussing global warming and India made an effort in the form of the International Solar Alliance to mitigate this menace: PM @narendramodi
— PMO India (@PMOIndia) February 13, 2019
It is this Lok Sabha that has passed stringent laws against corruption and black money: PM @narendramodi
— PMO India (@PMOIndia) February 13, 2019
It is this Lok Sabha that passed the GST.
— PMO India (@PMOIndia) February 13, 2019
The GST process revealed the spirit of cooperation and bipartisanship: PM @narendramodi
