PM Modi interacts with business leaders at third annual AIIB meet in Mumbai
PM Modi urges the corporate sector to invest in a big way, especially in the agriculture sectorWe need to promote domestic manufacturing and to boost production in areas such as medical devices, electronics and defence equipment: PM Modi to business leadersWhile interacting with entrepreneurs at AIIB conclave, PM Modi says a positive mindset, and a "can do" spirit is now pervading the countryপ্ৰধানমন্ত্ৰী শ্ৰী নৰেন্দ্ৰ মোদীয়ে আজি মুম্বাইত দেশৰ আগশাৰীৰ ব্যৱসায়ীসকলৰ সৈতে এক মত-বিনিময়ত মিলিত হয়৷ আজিৰ এই মত-বিনিময় অনুষ্ঠানত ভাৰতীয় অৰ্থনীতিৰ এক পৰিবৰ্ধিত পৰিসৰক সামৰি লোৱা দেশৰ ৪১ গৰাকী শীৰ্ষ ব্যৱসায়ীয়ে অংশগ্ৰহণ কৰে৷
বিগত চাৰিটা বৰ্ষত কেন্দ্ৰ চৰকাৰখনে গ্ৰহণ কৰা বিভিন্ন নীতিৰ সংস্কাৰ আৰু পদক্ষেপৰ বিশদ আলোচনা কৰা হয় এই দুঘণ্টাজোৰা বৈঠকত৷ দেশৰ অৰ্থনৈতিক বিকাশ আৰু উন্নয়নৰ ক্ষেত্ৰত উদ্যোগৰ অৱদানৰ বিষয়েও আলোচনা কৰা হয়৷
দেশত ব্যৱসায়ৰ পৰিৱেশৰ উন্নয়নৰ বাবে বিভিন্ন উদ্যোগৰ ভালেমান প্ৰতিনিধিয়ে প্ৰশংসা কৰে, আৰু তেওঁলোকে কয় যে ভাৰতৰ বিকাশৰ সম্ভাৱনীয়তাক এনে পৰিৱেশে আৰু অধিক প্ৰৌজ্জ্বল কৰি তুলিব৷ প্ৰধানমন্ত্ৰীৰ নৱ ভাৰতৰ পৰিকল্পনা তথা দৰ্শনকো তেওঁলোকে উচ্চ প্ৰশংসা কৰে৷
বিভিন্ন ষ্টাৰ্ট-আপ আৰু উদ্যোগীসকলৰ সৈতে হোৱা শেহতীয়া আলোচনাৰ বিষয়ে উল্লেখ কৰে প্ৰধানমন্ত্ৰীয়ে৷ তেওঁ কয় যে দেশত এতিয়া এক ইতিবাচক মানসিকতা আৰু সম্ভাৱনীয়তাৰ বাতাবৰণ সৃষ্টি হৈছে৷ তেওঁ কৰ্প’ৰেট খণ্ডক বৃহৎ মাত্ৰাত বিনিয়োগ কৰাৰ বাবে আহ্বান কৰে, বিশেষকৈ কৃষি খণ্ডত৷
ঘৰুৱা উৎপাদনৰ দিশটোক অধিক প্ৰসাৰতা প্ৰদান কৰাৰ ওপৰত গুৰুত্ব প্ৰদান কৰি তেওঁ মেডিকেলৰ সা-সৰঞ্জাম, ইলেক্ট্ৰ’নিক্স আৰু প্ৰতিৰক্ষাৰ উপাদানসমূহৰ দৰে সামগ্ৰীসমূহৰ উৎপাদনৰ প্ৰয়োজনীয়তাৰ বিষয়ে উল্লেখ কৰে৷
ইয়াৰ পূৰ্বে, দেশৰ বিত্ত মন্ত্ৰী পীয়ুষ গোৱেলে বিগত চাৰিটা বৰ্ষত কেন্দ্ৰ চৰকাৰে গ্ৰহণ কৰা বিভিন্ন পদক্ষেপসমূহে দেশৰ অৰ্থনীতিক কেনেদৰে এক উচ্চ পৰ্যায়লৈ লৈ গৈছে তাৰ ওপৰত আলোকপাত কৰে৷ তেওঁ বিভিন্ন নীতি গ্ৰহণ, উন্নয়নমূলক পদক্ষেপ গ্ৰহণ, উদ্ভাৱনীয়তাৰ বাতাবৰণ সৃষ্টি আৰু প্ৰযুক্তিৰ ওপৰতো বক্তব্য ৰাখে৷
