প্ৰধানমন্ত্ৰী পেটংটাৰ্ণ শ্বিনাৱাট্ৰাৰ আমন্ত্ৰণক্ৰমে আজি মই চৰকাৰী ভ্ৰমণসূচীৰে ষষ্ঠ বিমষ্টেক শীৰ্ষ সন্মিলনত অংশগ্ৰহণ কৰিবলৈ থাইলেণ্ডলৈ যাত্ৰা কৰিছো।
বিগত দশকত বিমষ্টেকে বংগোপসাগৰ অঞ্চলত আঞ্চলিক উন্নয়ন, সংযোগ আৰু অৰ্থনৈতিক প্ৰগতিৰ প্ৰসাৰৰ বাবে এখন উল্লেখযোগ্য মঞ্চ হিচাপে আত্মপ্ৰকাশ কৰিছে। ভৌগোলিক অৱস্থানৰ বাবে ভাৰতৰ উত্তৰ-পূব অঞ্চল বিমষ্টেকৰ কেন্দ্ৰবিন্দুত অৱস্থিত। বিমষ্টেক দেশসমূহৰ নেতাসকলক সাক্ষাৎ কৰি আমাৰ জনসাধাৰণৰ স্বাৰ্থৰ প্ৰতি লক্ষ্য ৰাখি আমাৰ সহযোগিতা আৰু অধিক শক্তিশালী কৰাৰ বাবে অৰ্থপূৰ্ণভাৱে জড়িত হ’বলৈ মই আগ্ৰহী।
মোৰ চৰকাৰী ভ্ৰমণৰ সময়ত মই প্ৰধানমন্ত্ৰী শ্বিনাৱাট্ৰা আৰু থাইলেণ্ডৰ নেতৃত্বৰ সৈতে আমাৰ শতিকা পুৰণি ঐতিহাসিক সম্পৰ্ক গভীৰ কৰাৰ সন্দৰ্ভত মত বিনিময় কৰাৰ সুযোগ পাম, যিবোৰ ভাগ-বাটোৱাৰা কৰা সংস্কৃতি, দৰ্শন আৰু আধ্যাত্মিক মূল্যবোধৰ শক্তিশালী ভেটিৰ ওপৰত ভিত্তি কৰি গঢ় লৈ উঠিছে।
থাইলেণ্ডৰ পৰা গৈ ০৪-০৬ এপ্ৰিলত দুদিনীয়াকৈ শ্ৰীলংকা ভ্ৰমণলৈ যাম। যোৱা ডিচেম্বৰত ৰাষ্ট্ৰপতি দিশানায়কৰ ভাৰত ভ্ৰমণৰ অতি সফল আছিল। আমি “এটা অংশীদাৰী ভৱিষ্যতৰ বাবে এই অংশীদাৰিত্বক লালন-পালন কৰা”ৰ যৌথ দৃষ্টিভংগীৰ অগ্ৰগতি পৰ্যালোচনা কৰাৰ সুযোগ পাম আৰু আমাৰ অংশীদাৰী লক্ষ্যসমূহ বাস্তৱায়িত কৰিবলৈ অধিক পথ প্ৰদৰ্শন কৰিম।
মোৰ বিশ্বাস যে এই ভ্ৰমণসূচী অতীতৰ ভেটিৰ ওপৰত আধাৰিত আৰু ই আমাৰ জনসাধাৰণ তথা বহল অঞ্চলটোৰ সুবিধাৰ্থে আমাৰ ঘনিষ্ঠ সম্পৰ্কসমূহ শক্তিশালী কৰাত অৰিহণা যোগাব।
