মই আজিৰেপৰা ৯ জুলাইলৈ পাঁচখন দেশ ঘানা, ত্ৰিনিদাদ আৰু টোবাগো, আৰ্জেন্টিনা, ব্ৰাজিল আৰু নামিবিয়ালৈ ভ্ৰমণ আৰম্ভ কৰিছোঁ।
মই ৰাষ্ট্ৰপতি মহামহিম জন ড্ৰামানী মহামাৰ নিমন্ত্ৰণমৰ্মে ২-৩ জুলাইত ঘানা ভ্ৰমণ কৰিম। ঘানা হৈছে গ্ল’বেল চাউথৰ এক গুৰুত্বপূৰ্ণ অংশীদাৰ আৰু দেশখনে আফ্ৰিকান ইউনিয়ন আৰু পশ্চিম আফ্ৰিকাৰ দেশসমূহৰ অৰ্থনৈতিক সমাজত এটি গুৰুত্বপূৰ্ণ ভূমিকা পালন কৰি আহিছে। আমাৰ ঐতিহাসিক সম্পৰ্কক অধিক গভীৰ কৰি তোলা আৰু বিনিয়োগ, শক্তি, স্বাস্থ্য, নিৰাপত্তা, সামৰ্থ্য গঠন তথা উন্নয়ন অংশীদাৰিত্বকে প্ৰমুখ্য কৰি সহযোগিতাৰ নতুন পথ মুকলিৰ লক্ষ্যৰে আলোচনাৰ বাবে মই আগ্ৰহী হৈ উঠিছোঁ। ঘানাৰ সংসদত ভাষণ প্ৰদান কাৰ্য্য সন্মানৰ কথা হ’ব।
৩-৪ জুলাইত মই ত্ৰিনিদাদ আৰু টোবাগো ভ্ৰমণ কৰিম। দেশখনৰ সৈতে আমাৰ সহভাজিত বদ্ধ-মূল ঐতিহাসিক, সাংস্কৃতিক আৰু জনতাৰ মাজৰ সংযোগ আছে। মই ৰাষ্ট্ৰপতি মহামহিম ক্ৰিষ্টিন কাৰ্লা কেংগালুৰ সৈতে মিলিত হ’ম। একেদৰে, শেহতীয়াকৈ দ্বিতীয়টো কাৰ্য্যকালৰ বাবে কাৰ্য্যভাৰ গ্ৰহণ কৰা প্ৰধানমন্ত্ৰী মহামহিম কমলা পেৰছাদ-বিছেছাৰৰ সৈতে মিলিত হ’ম। ১৮০ বছৰ পূৰ্বে ভাৰতীয়সকল পোন-প্ৰথমবাৰলৈ ত্ৰিনিদাদ আৰু টোবাগোত উপস্থিত হৈছিলগৈ। এই ভ্ৰমণে আমাক একত্ৰিত কৰা বংশ আৰু আত্মীয়তাৰ বিশেষ বান্ধোনক সজীৱকৰণৰ সুযোগ প্ৰদান কৰিব।
মই প’ৰ্ট অৱ স্পেইনৰ পৰা ব্যুনেচ আইৰিচলৈ যাত্ৰা কৰিম। এয়া ৫৭ বছৰৰ পাছত ভাৰতৰ প্ৰধানমন্ত্ৰীৰ আৰ্জেন্টিনালৈ প্ৰথম দ্বিপাক্ষিক ভ্ৰমণ হ’ব। আৰ্জেন্টিনা হৈছে লেটিন আমেৰিকাৰ মূল অৰ্থনৈতিক অংশীদাৰ আৰু জি-২০ৰ ঘনিষ্ঠ সহযোগী দেশ। মই ৰাষ্ট্ৰপতি মহামহিম জেভিয়াৰ মিলেইৰ সৈতে আলোচনা কৰিবলৈ আগ্ৰহী হৈ উঠিছোঁ, তেওঁক মই যোৱা বছৰ লগ পাইছিলোঁ। আমি কৃষি, গুৰুত্বপূৰ্ণ খনিজ, শক্তি, বাণিজ্য, পৰ্যটন, প্ৰযুক্তি আৰু বিনিয়োগ ক্ষেত্ৰকে প্ৰমুখ্য কৰি আমাৰ পাৰস্পৰিকভাৱে উপকাৰী সহযোগিতাক আগুৱাই নিয়াত গুৰুত্ব আৰোপ কৰিম।
৬-৭ জুলাইত ৰিঅ’ ডি জেনেৰিঅ’ত অনুষ্ঠিতব্য ব্ৰিকছ সন্মিলনত অংশগ্ৰহণ কৰিম। ইয়াৰ প্ৰতিষ্ঠাপক সদস্য দেশ হিচাপে ভাৰত উদীয়মান অৰ্থনীতিসমূহৰ মাজত সহযোগিতাৰ এক গুৰুত্বপূৰ্ণ মঞ্চ হিচাপে ব্ৰিকছৰ প্ৰতি দায়বদ্ধ। আমি একেলগে এখনি অধিক শান্তিপূৰ্ণ, সমতাপূৰ্ণ, ন্যায়সংগত, গণতান্ত্ৰিক আৰু সুষম বহুমেৰু বিশ্ব ব্যৱস্থাৰ বাবে প্ৰচেষ্টা গ্ৰহণ কৰিছোঁ। মই এই সন্মিলনৰ আঁৰত বিশ্বৰ কেইবাগৰাকীও নেতাক লগ কৰিম। মই দ্বিপাক্ষিক ভ্ৰমণ স্বৰূপে ব্ৰাজিলিয়ালৈ যাম, এয়া প্ৰায় ছয় দশকৰ পিছত ভাৰতৰ প্ৰধানমন্ত্ৰীৰ প্ৰথম ভ্ৰমণ হ’ব। এই ভ্ৰমণে ব্ৰাজিলৰ সৈতে আমাৰ ঘনিষ্ঠ অংশীদাৰিত্বক সুদৃঢ়কৰণৰ এক সুযোগ প্ৰদান কৰিব আৰু মোৰ বন্ধু ৰাষ্ট্ৰপতি মহামহিম লুইজ ইনাছিঅ’ লুলা দা চিলভাৰ সৈতে গ্ল’বেল চাউথৰ অগ্ৰাধিকাৰৰাজিক আগুৱাই নিয়াৰ ক্ষেত্ৰত কাম কৰিম।
মোৰ অন্তিম গন্তব্যস্থান হ’ব নামিবিয়া, যি আমাৰ এক বিশ্বাসযোগ্য অংশীদাৰ। দেশখনৰ সৈতে আমাৰ ঔপনিৱেশিকতাৰ বিৰুদ্ধে সংগ্ৰামৰ এক সহভাজিত উমৈহতীয়া ইতিহাস আছে। মই ৰাষ্ট্ৰপতি মহামহিম ডঃ নেটুম্বো নান্দি-নদৈতৱাহৰ সৈতে আলোচনাৰে আমাৰ জনসাধাৰণ, আমাৰ অঞ্চল আৰু বিস্তৃতভাৱে গ্ল’বেল চাউথৰ উপকাৰৰ বাবে সহযোগিতা স্থাপনৰ ক্ষেত্ৰত এক নতুন ৰূপৰেখা যুগুত কৰিবলৈ আগ্ৰহী হৈ উঠিছোঁ। স্বাধীনতা আৰু উন্নয়নৰ বাবে আমাৰ চিৰস্থায়ী সংহতি আৰু সহভাজিত দায়বদ্ধতাক উদযাপনেৰে নামিবিয়া সংসদৰ যুটীয়া অধিবেশনত ভাষণ প্ৰদান কাৰ্য্য মোৰ বাবে সৌভাগ্যৰ কথা হ’ব।
মই নিশ্চিত যে মোৰ উক্ত পাঁচখন দেশ ভ্ৰমণে সমগ্ৰ গ্ল’বেল চাউথত আমাৰ বন্ধন, বন্ধুত্বক গভীৰ, আটলান্টিকৰ দুয়োপাৰে আমাৰ অংশীদাৰিত্বক সুদৃঢ় আৰু ব্ৰিকছ, আফ্ৰিকান ইউনিয়ন, ইক’ৱাছ (ECOWAS) আৰু কেৰিকমৰ (CARICOM) দৰে বহুপক্ষীয় মঞ্চত যোগাযোগক শক্তিশালী কৰিব।
Over the next few days, I will be attending various bilateral, multilateral and other programmes in Ghana, Trinidad & Tobago, Argentina, Brazil, and Namibia. Looking forward to interacting with world leaders and discussing ways to make our planet better. https://t.co/tg3FOwtceh
— Narendra Modi (@narendramodi) July 2, 2025
Later this evening, I will reach Ghana, a valued friend in Africa and a key partner in the Global South. The talks with President John Dramani Mahama will provide an opportunity to boost India-Ghana friendship across various sectors. It is also an honour to be getting the…
— Narendra Modi (@narendramodi) July 2, 2025
On 3rd and 4th July, I will be in Trinidad & Tobago, a nation with whom India shares historical linkages. The meetings with President Christine Carla Kangaloo and Prime Minister Kamla Persad-Bissessar will add momentum to the economic and cultural cooperation between our nations.…
— Narendra Modi (@narendramodi) July 2, 2025
My visit to Argentina will be the first bilateral visit by an Indian Prime Minister in 57 years. India and Argentina are working closely in G20 and also bilaterally to improve economic linkages, especially in futuristic sectors such as technology and innovation. Will be holding…
— Narendra Modi (@narendramodi) July 2, 2025
My visit to Brazil include participation in the BRICS Summit in Rio de Janeiro and a bilateral state visit in Brasilia, which would be the first by an Indian Prime Minister in almost six decades. There would be various meetings with world leaders on the sidelines of the Rio BRICS…
— Narendra Modi (@narendramodi) July 2, 2025
The visit to Namibia seeks to strengthen relations with a trusted partner with whom we have a shared history when it comes to resisting colonialism. President Dr.Netumbo Nandi-Ndaitwah and I will talk about ways to boost ties across many sectors. It’ll be an honour to address the…
— Narendra Modi (@narendramodi) July 2, 2025
