NITI Aayog has key role to play in fulfilling the mantra of SabkaSaath, SabkaVikas, SabkaVishwas:PM
Goal to make India a 5 trillion dollar economy by 2024, is challenging, but achievable, with the concerted efforts of States:PM
Export sector vital for boosting income and employment; States should focus on export promotion:PM
Newly created Jal Shakti Ministry will help provide an integrated approach to water; States can also integrate various efforts towards water conservation and management:PM
We are now moving towards a governance system characterized by Performance, Transparency and Delivery:PM
புதுதில்லியில் உள்ள குடியரசுத் தலைவர் மாளிகையின் கலாச்சார மையத்தில் இன்று (15.06.2019) நித்தி ஆயோக்கின் 5-ஆவது நிர்வாகக் கவுன்சில் கூட்டத்தில் பிரதமர் திரு நரேந்திர மோடி தொடக்க உரையாற்றினார்.
இந்தக் கூட்டத்தில் பங்கேற்ற ஜம்மு கஷ்மீர் மாநில ஆளுநர், முதலமைச்சர்கள், அந்தமான் நிகோபார் தீவுகளின் துணை நிலை ஆளுநர் மற்றும் பிரதிநிதிகளை வரவேற்ற பிரதமர், அனைவரும் இணைவோம், அனைவரும் உயர்வோம், அனைவருக்கும் நட்பாக இருப்போம் என்ற கொள்கையை நிறைவேற்றுவதில் நித்தி ஆயோக் முக்கியப் பங்கு வகிக்கிறது என்றார்.
அண்மையில் நடந்து முடிந்த பொதுத்தேர்தல் பற்றி நினைவுகூர்ந்த பிரதமர், இது உலகின் மிகப்பெரிய ஜனநாயக நடவடிக்கை என்றார். இந்தியாவின் வளர்ச்சிக்குப் பாடுபட ஒவ்வொருவருக்குமான நேரம் இது என்று அவர் குறிப்பிட்டார். வறுமை, வேலையின்மை, வறட்சி, வெள்ளம், மாசுபாடு, ஊழல், வன்முறை ஆகியவற்றுக்கு எதிராக ஒன்றுசேர்ந்து போராட வேண்டும் என்று அவர் கேட்டுக் கொண்டார்.
இந்த அமைப்பில் கூடியிருக்கும் ஒவ்வொருவருக்கும் 2022-க்குள் புதிய இந்தியா என்ற பொது இலக்கு இருப்பதாக பிரதமர் கூறினார். தூய்மை இந்தியா இயக்கம், பிரதமரின் வீட்டு வசதித் திட்டம் ஆகியவற்றை மத்திய – மாநில அரசுகள் ஒன்றிணைந்து செயல்படுத்த முடியும் என்று அவர் குறிப்பிட்டார்.
இந்த இலக்குகள் மகாத்மாகாந்தியின் 150-ஆவது ஆண்டுவிழா நடைபெறும் அக்டோபர் 2 ஆம் தேதிக்குள் நிறைவேற்ற நிர்ணயிக்கப்பட்டுள்ள நிலையில், நாட்டின் 75 ஆவது சுதந்திர தினவிழா கொண்டாடப்படும் 2022-க்கான இலக்குகளை விரைந்து முடிக்க பணிகளைத் தொடங்க வேண்டும் என்றார்.
குறுகிய கால மற்றும் நீண்டகால இலக்குகளை அடைவதற்குக் கூட்டுப் பொறுப்பில் கவனம் செலுத்த வேண்டும் என்றும் பிரதமர் வலியுறுத்தினார்.
தண்ணீர் என்பது வாழ்க்கைக்கு மிகவும் முக்கியமானது என்று குறிப்பிட்ட பிரதமர், போதுமான அளவுக்குத் தண்ணீர் சேகரிப்புக்கான முயற்சிகள் இல்லை என்று கூறினார். புதிதாக உருவாக்கப்பட்டுள்ள ஜல்சக்தி அமைச்சகம் தண்ணீருக்கு ஒருங்கிணைந்த அணுகுமுறையை அளிக்க உதவும் என்று அவர் தெரிவித்தார். 2024-க்குள் ஊரகப் பகுதிகளில் உள்ள அனைத்து வீடுகளுக்கும் குழாய் மூலம் தண்ணீர் கிடைக்கச் செய்வது நோக்கம் என்று அவர் கூறினார்.
