ସେୟାର
 
Comments
ଡିଜିଟାଲ ମାଧ୍ୟମରେ ସଶକ୍ତ ଯୁବକ ଏହି ଦଶନ୍ଧିକୁ ‘ଭାରତର ଡେକେଡ୍’ରେ ପରିଣତ କରିବେ : ପ୍ରଧାନମନ୍ତ୍ରୀ
ଡିଜିଟାଲ ଇଣ୍ଡିଆ ଆତ୍ମନିର୍ଭର ଭାରତର ପ୍ରମୁଖ ଆଧାର : ପ୍ରଧାନମନ୍ତ୍ରୀ
ଡିଜିଟାଲ ଇଣ୍ଡିଆର ଅର୍ଥ ହେଉଛି ଦ୍ରୁତ ଲାଭ, ସମ୍ପୂର୍ଣ୍ଣ ଲାଭ, ଡିଜିଟାଲ ଇଣ୍ଡିଆର ଅର୍ଥ ସର୍ବନିମ୍ନ ସରକାର, ସର୍ବାଧିକ ପ୍ରଶାସନ : ପ୍ରଧାନମନ୍ତ୍ରୀ
କରୋନା କାଳରେ ଭାରତର ଡିଜିଟାଲ ସମାଧାନ ସାରା ବିଶ୍ବର ଧ୍ୟାନ ଆକର୍ଷଣ କରିଛି : ପ୍ରଧାନମନ୍ତ୍ରୀ
10 କୋଟିରୁ ଊର୍ଦ୍ଧ୍ବ ପରିବାରଙ୍କ ଆକାଉଣ୍ଟରେ ଜମା ହୋଇଛି 1.35 ଲକ୍ଷ କୋଟି : ପ୍ରଧାନମନ୍ତ୍ରୀ
ଏକ ରାଷ୍ଟ୍ର-ଏକ ଏମଏସପି ଭାବନାକୁ ବାସ୍ତବ ରୂପ ଦେଇଛି ଡିଜିଟାଲ ଇଣ୍ଡିଆ : ପ୍ରଧାନମନ୍ତ୍ରୀ

ନମସ୍କାର,

କେନ୍ଦ୍ରୀୟ ମନ୍ତ୍ରିମଣ୍ଡଳରେ ମୋର ସହଯୋଗୀ ଶ୍ରୀ ରବିଶଙ୍କର ପ୍ରସାଦ ମହାଶୟ, ଶ୍ରୀ ସଞ୍ଜୟ ଧୋତ୍ରେ ମହାଶୟ, ଡିଜିଟାଲ ଇଣ୍ଡିଆ ସମେତ ଭିନ୍ନ-ଭିନ୍ନ ପଦକ୍ଷେପ ସହିତ ସାମିଲ ମୋର ସମସ୍ତ ସାଥୀଗଣ, ଭାଇ ଓ ଭଉଣୀମାନେ ! ଡିଜିଟାଲ ଇଣ୍ଡିଆ ଅଭିଯାନର 6 ବର୍ଷ ପୂରଣ ହେବା ଅବସରରେ ଆପଣମାନଙ୍କୁ ବହୁତ-ବହୁତ ଶୁଭକାମନା !

ଆଜିକାର ଦିନଟି ହେଉଛି ଭାରତର ସାମର୍ଥ୍ୟ, ଭାରତର ସଂକଳ୍ପ ଏବଂ ଭବିଷ୍ୟତର ଅସୀମିତ ସମ୍ଭାବନା ପାଇଁ ସମର୍ପିତ। ଆଜିକାର ଦିନଟି, ଆମକୁ ଏହା ମନେ ପକାଇ ଦେଉଛି ଯେ ଏକ ରାଷ୍ଟ୍ର ଭାବେ, କେବଳ 5-6 ବର୍ଷ ମଧ୍ୟରେ ଆମେ ଡିଜିଟାଲ ଜଗତରେ କେତେ ଉଚ୍ଚ ଲମ୍ଫ ପ୍ରଦାନ କରିଛୁ।

ସାଥୀଗଣ,

ଭାରତକୁ ଡିଜିଟାଲ ପଥରେ ଦ୍ରୁତ ଗତିରେ ଆଗକୁ ବଢାଇ ପ୍ରତ୍ୟେକ ଦେଶବାସୀଙ୍କ ଜୀବନକୁ ସହଜ କରିବାର ସ୍ୱପ୍ନ ହେଉଛି ସମଗ୍ର ଦେଶର। ଏହାକୁ ପୂରଣ କରିବା ପାଇଁ ଆମେ ସମସ୍ତେ ଦିନ-ରାତି ଏକ କରି ଲାଗିପଡ଼ିଛୁ। ଦେଶରେ ଆଜି ଗୋଟିଏ ପଟେ ନବସୃଜନର ଉତ୍ସୁକତା ରହିଛି ଆଉ ଅନ୍ୟ ପଟେ ସେହି ନବସୃଜନକୁ ଦ୍ରୁତ ଗତିରେ ଗ୍ରହଣ କରିବାର ଉତ୍ସାହ ରହିଛି। ତେଣୁ, ଡିଜିଟାଲ ଇଣ୍ଡିଆ, ହେଉଛି ଆତ୍ମନିର୍ଭର ଭାରତର ସାଧନା, ଡିଜିଟାଲ ଇଣ୍ଡିଆ, ଏକବିଂଶ ଶତାବ୍ଦୀରେ ସଶକ୍ତ ହେବା ପାଇଁ ହେଉଛି ଭାରତର ଏକ ଜୟଘୋଷ।

ସାଥୀଗଣ,

ସର୍ବନିମ୍ନ ସରକାର– ସର୍ବାଧିକ ପ୍ରଶାସନର ସିଦ୍ଧାନ୍ତ ଆଧାରରେ ଗତିକରି, ସରକାର ଏବଂ ଜନତାଙ୍କ ମଧ୍ୟରେ, ବ୍ୟବସ୍ଥା​​‌ ଏବଂ ସୁବିଧା ମଧ୍ୟରେ, ସମସ୍ୟା ଏବଂ ସେବା ମଧ୍ୟରେ ପାର୍ଥକ୍ୟ କମ୍‍ କରିବା, ଏମାନଙ୍କ ମଧ୍ୟରେ ରହିଥିବା ସମସ୍ୟାଗୁଡ଼ିକୁ କମ୍‍ କରିବା ଏବଂ ଜନ ସାଧାରଣଙ୍କ ସୁବିଧା ବୃଦ୍ଧି କରିବା, ଏହା ସମୟର ଆହ୍ବାନ ଭାବେ ରହି ଆସିଛି, ଆଉ ଏଥିପାଇଁ ଡିଜିଟାଲ ଇଣ୍ଡିଆ, ହେଉଛି ସାଧାରଣ ନାଗରିକଙ୍କୁ ସୁବିଧା ଏବଂ ସେମାନଙ୍କର ସଶକ୍ତିକରଣର ହେଉଛି ଏକ ବହୁତ ବଡ଼ ମାଧ୍ୟମ।

ସାଥୀଗଣ,

ଡିଜିଟାଲ ଇଣ୍ଡିଆ ଏହାକୁ କିପରି ଭାବେ ସମ୍ଭବ କରି ପାରିଛି, ଏହାର ଏକ ଉତ୍କୃଷ୍ଟ ଉଦାହରଣ ହେଉଛି– ଡିଜି ଲକର । ସ୍କୁଲର ସାର୍ଟିଫିକେଟ, କଲେଜର ଡିଗ୍ରୀ, ଡ୍ରାଇଭିଂ ଲାଇସେନ୍ସ, ପାସପୋର୍ଟ, ଆଧାର କିମ୍ବା ଅନ୍ୟାନ୍ୟ ଦସ୍ତାବେଜଗୁଡ଼ିକୁ ସୁରକ୍ଷିତ ଭାବେ ସାଇତି ରଖିବା ସବୁବେଳେ ଲୋକମାନଙ୍କ ପାଇଁ ଏକ ବହୁତ ବଡ଼ ଚିନ୍ତାର ବିଷୟ ରହିଆସିଛି। କେତେଥର ବନ୍ୟାରେ, ଭୂମିକମ୍ପରେ, ସୁନାମୀରେ, କେଉଁଠାରେ ନିଆଁ ଲାଗିଯିବା କାରଣରୁ, ଲୋକମାନଙ୍କର ଜରୁରୀ ପରିଚୟପତ୍ର ନଷ୍ଟ ହୋଇ ଯାଇଥାଏ। କିନ୍ତୁ ଏବେ 10ମ, ଦ୍ୱାଦଶ, କଲେଜ, ବିଶ୍ୱବିଦ୍ୟାଳୟର ମାର୍କସିଟ ଠାରୁ ନେଇ ଅନ୍ୟାନ୍ୟ ଯାବତୀୟ ଦସ୍ତାବେଜ ସିଧାସଳଖ ସହଜ ଭାବେ ଡିଜିଲକରରେ ରଖାଯାଇ ପାରୁଛି । ଏବେ କରୋନାର ଏହି ସମୟରେ, କେତେକ ସହରର କଲେଜ ଗୁଡ଼ିକ, ନାମଲେଖା ପାଇଁ ସ୍କୁଲ ସାର୍ଟିଫିକେଟର ଯାଞ୍ଚ, ଡିଜି-ଲକର ସାହାଯ୍ୟରେ ହିଁ କରୁଛନ୍ତି।

ସାଥୀଗଣ,

ଡ୍ରାଇଭିଂ ଲାଇସେନ୍ସ ହେଉ, ଜନ୍ମ ପ୍ରମାଣପତ୍ର ହେଉ, ବିଜୁଳିର ବିଲ ଦେୟ ପ୍ରଦାନ କରିବା ହେଉ, ପାଣି ବିଲ ଦେୟ ପ୍ରଦାନ କରିବା ହେଉ, ଆୟକର ଟିକସ ପୈଠ କରିବା, ଏହି ପ୍ରକାରର ଅନେକ କାର୍ଯ୍ୟପାଇଁ ଏବେ  ସମସ୍ତ ପ୍ରକ୍ରିୟା ଗୁଡ଼ିକ ଡିଜିଟାଲ ଇଣ୍ଡିଆ ସାହାଯ୍ୟରେ ବହୁତ ସହଜ, ବହୁତ ଦ୍ରୁତ ବେଗରେ ହୋଇ ପାରୁଛି। ଆଉ ଗାଁମାନଙ୍କରେ ଏହି ସବୁ ସୁବିଧା, ଏବେ ନିଜ ଘର ପାଖରେ ସିଏସସି କେନ୍ଦ୍ରରେ ମଧ୍ୟ ହେଉଛି । ଡିଜିଟାଲ ଇଣ୍ଡିଆ ଗରିବଙ୍କୁ ମିଳୁଥିବା ରାସନର ଯୋଗାଣକୁ ମଧ୍ୟ ସହଜ କରିଛି।

ଏହା ହେଉଛି ଡିଜିଟାଲ ଇଣ୍ଡିଆର ଶକ୍ତି ଯେ ଗୋଟିଏ ରାଷ୍ଟ୍ର, ଗୋଟିଏ ରାସନ୍‍ କାର୍ଡର ସଂକଳ୍ପ ପୂରଣ ହେଉଛି । ଏବେ ଅନ୍ୟ ରାଜ୍ୟକୁ ଯିବା ପରେ ମଧ୍ୟ ଆଉ ନୂତନ ଭାବେ ରାସନ କାର୍ଡ ତିଆରି କରିବାର ଆବଶ୍ୟକତା ନାହିଁ। ସମଗ୍ର ଦେଶରେ ଗୋଟିଏ ରାସନ କାର୍ଡ ଗ୍ରହଣ ହେବ। ଏହାର ସବୁଠାରୁ ବଡ଼ ଲାଭ ସେହି ଶ୍ରମିକ ପରିବାରମାନଙ୍କୁ ହେଉଛି, ଯେଉଁମାନେ କାମଧନ୍ଦା ପାଇଁ ଅନ୍ୟ ରାଜ୍ୟକୁ ଯାଉଛନ୍ତି। ଏବେ ଏଭଳି ଜଣେ ସାଥୀଙ୍କ ସହିତ ମୋର ବାର୍ତାଳାପ ମଧ୍ୟ ହୋଇଛି।

ଏବେ ନିକଟରେ ମାନ୍ୟବର ସର୍ବୋଚ୍ଚ ନ୍ୟାୟାଳୟ ମଧ୍ୟ ଏହା ସହିତ ଜଡ଼ିତ ଏକ ବଡ଼ ଗୁରୁତ୍ୱପୂର୍ଣ୍ଣ ନିଷ୍ପତି ଶୁଣାଇଛନ୍ତି । କିଛି ରାଜ୍ୟ ଅଛନ୍ତି ଯେଉଁମାନେ ଏହି କଥାକୁ ମାନୁ ନଥିଲେ। ଶେଷରେ ସର୍ବୋଚ୍ଚ ନ୍ୟାୟାଳୟ ଆଦେଶ ଦେଇଛନ୍ତି ଯେ ଯେଉଁ ରାଜ୍ୟଗୁଡ଼ିକ ଏ ପର୍ଯ୍ୟନ୍ତ ଗୋଟିଏ ରାଷ୍ଟ୍ର, ଗୋଟିଏ ରାସନ୍‍ କାର୍ଡର କଥାକୁ ଗ୍ରହଣ କରି ନାହାଁନ୍ତି, ସେମାନେ ତୁରନ୍ତ ଲାଗୁ କରନ୍ତୁ। ଆଦେଶ ଜାରି କରିବାକୁ ପଡ଼ିଲା ସର୍ବୋଚ୍ଚ ନ୍ୟାୟାଳୟଙ୍କୁ । ସେମାନଙ୍କୁ ମଧ୍ୟ ଏହି ଯୋଜନାକୁ ଲାଗୁ କରିବାକୁ କୁହାଯାଇଛି । ମୁଁ ଏହି ନିଷ୍ପତି ପାଇଁ ସର୍ବୋଚ୍ଚ ନ୍ୟାୟାଳୟଙ୍କୁ ମଧ୍ୟ ଅଭିନନ୍ଦନ ଜଣାଉଛି, କାରଣ ଏହା ହେଉଛି ଗରିବଙ୍କ ପାଇଁ, ଶ୍ରମିକମାନଙ୍କ ପାଇଁ । ନିଜ ସ୍ଥାନରୁ ଯେଉଁମାନଙ୍କୁ ବାହାରକୁ ଯିବାକୁ ପଡ଼ୁଛି ସେମାନଙ୍କ ପାଇଁ । ଆଉ ଯଦି ସମ୍ବେଦନଶୀଳତା ରହିଛି ତେବେ ଏପରି କାର୍ଯ୍ୟଗୁଡ଼ିକୁ ତୁରନ୍ତ ପ୍ରାଥମିକତା ମିଳିଥାଏ।

ସାଥୀଗଣ,

ଡିଜିଟାଲ ଇଣ୍ଡିଆ, ଆତ୍ମନିର୍ଭର ଭାରତର ସଂକଳ୍ପକୁ ଦୃଢ଼ତାର ସହିତ ଆଗକୁ ବଢ଼଼ାଉଛି। ଡିଜିଟାଲ ଇଣ୍ଡିଆ, ସେହି ଲୋକମାନଙ୍କୁ ମଧ୍ୟ ବ୍ୟବସ୍ଥା ସହିତ ସଂଯୋଗ କରୁଛି, ଯେଉଁମାନେ କେବେ ହେଲେ ମଧ୍ୟ ଏହାର କଳ୍ପନା କରି ନଥିଲେ। ଏବେ ଆଉ କିଛି ହିତାଧିକାରୀଙ୍କ ସହିତ ମୁଁ କଥା ହୋଇଛି। ସେମାନେ ବଡ଼ ଗୌରବ ଏବଂ ସନ୍ତୋଷର ସହିତ କହୁଥିଲେ ଯେ ଡିଜିଟାଲ ସମାଧାନ ଦ୍ୱାରା କିଭଳି ଭାବେ ସେମାନଙ୍କ ଜୀବନରେ ପରିବର୍ତ୍ତନ ଆସିପାରିଛି।

ରାସ୍ତା କଡ଼ ବୁଲା ବିକାଳି, ଉଠା ଦୋକାନୀମାନେ କେବେ ଚିନ୍ତା କରିଥିଲେ ଯେ ବ୍ୟାଙ୍କିଙ୍ଗ ବ୍ୟବସ୍ଥା ସହିତ ଯୋଡି ହେବେ ଆଉ ସେମାନଙ୍କୁ ମଧ୍ୟ ବ୍ୟାଙ୍କରୁ ଶସ୍ତା ଏବଂ ସହଜରେ ଋଣ ସୁବିଧା ଉପଲବ୍ଧ ହୋଇ ପାରିବ । କିନ୍ତୁ ଆଜି ସ୍ୱନିଧି ଯୋଜନା ଦ୍ୱାରା ଏହା ସମ୍ଭବ ହୋଇ ପାରିଛି। ଗାଁରେ ଘର ଏବଂ ଜମି ସହିତ ଜଡ଼ିତ ବିବାଦ ଏବଂ ଅସୁରକ୍ଷିତ ଥିବା ଖବର ମଧ୍ୟ ପ୍ରାୟତଃ ଶୁଣିବାକୁ ମିଳୁଥିଲା। କିନ୍ତୁ ଏବେ ସ୍ୱାମିତ୍ୱ ଯୋଜନା ମାଧ୍ୟମରେ ଗାଁର ଜମିଗୁଡ଼ିକର ଡ୍ରୋନ ମ୍ୟାପିଂ କରାଯାଉଛି। ଡିଜିଟାଲ ମାଧ୍ୟମରେ ଗ୍ରାମୀଣ ଲୋକଙ୍କୁ ନିଜ ଘରର ଆଇନଗତ ସୁରକ୍ଷା ଜନିତ ଦସ୍ତାବେଜ ମିଳୁଛି । ଅନ୍‍ ଲାଇନ୍‍ ପାଠପଢ଼଼ାରୁ ନେଇ ଔଷଧ ପର୍ଯ୍ୟନ୍ତ ସବୁପାଇଁ, ଯେଉଁ ପ୍ଲାଟଫର୍ମ ବିକଶିତ କରାଯାଇଛି, ସେଗୁଡ଼ିକ ଦ୍ୱାରା ଦେଶର କୋଟି-କୋଟି ସାଥୀ ଲାଭାନ୍ୱିତ ହେଉଛନ୍ତି।

ସାଥୀଗଣ,

ଦୂର-ଦୂରାନ୍ତର ପର୍ଯ୍ୟନ୍ତ ସ୍ୱାସ୍ଥ୍ୟ ସୁବିଧାଗୁଡ଼ିକ ପହଞ୍ଚାଇବାରେ ମଧ୍ୟ ଡିଜିଟାଲ ଇଣ୍ଡିଆ ଗୁରୁତ୍ୱପୂର୍ଣ୍ଣ ଭୂମିକା ତୁଲାଉଛି । କିଛି ସମୟ ପୂର୍ବରୁ ବିହାରର ଜଣେ ସାଥୀ ମୋତେ ଅବଗତ କରାଇଲେ ଯେ, ଇ-ସଞ୍ଜିବନୀ ମାଧ୍ୟମରେ କିପରି ଏହି କଷ୍ଟକର ସମୟରେ ଘରେ ବସିକରି ହିଁ ତାଙ୍କ ଜେଜେ ମାଆଙ୍କ ଆରୋଗ୍ୟ ପାଇଁ ଚିନ୍ତା କଲେ । ସମସ୍ତଙ୍କୁ ସ୍ୱାସ୍ଥ୍ୟ ସୁବିଧା ମିଳୁ, ସଠିକ୍‍ ସମୟରେ ଭଲ ସୁବିଧା ମିଳୁ, ଏହା ହେଉଛି ଆମର ପ୍ରାଥମିକତା। ଏଥିପାଇଁ ଜାତୀୟ ଡିଜିଟାଲ ସ୍ୱାସ୍ଥ୍ୟ ମିଶନ (ନ୍ୟାସନାଲ ଡିଜିଟାଲ ହେଲ୍‍ଥ ମିଶନ) ମାଧ୍ୟମରେ ଏକ ପ୍ରଭାବୀ ପ୍ଲାଟଫର୍ମ ଉପରେ ମଧ୍ୟ କାର୍ଯ୍ୟ ଚାଲୁ ରହିଛି।

ଏହି କରୋନା କାଳରେ ଯେଉଁ ଡିଜିଟାଲ ସମାଧାନ ଭାରତ ନିର୍ମାଣ କରିଛି, ତାହା ଆଜି ସମଗ୍ର ଦୁନିଆରେ ଚର୍ଚ୍ଚାର ବିଷୟ ପାଲଟିଛି ଆଉ ହେଉଛି ଆକର୍ଷଣର ବିଷୟ ମଧ୍ୟ। ଦୁନିଆର ସବୁଠାରୁ ବଡ଼ ଡିଜିଟାଲ କନଟାକ୍ଟ ଟ୍ରେସିଂ ଆପ୍‍ ମଧ୍ୟରୁ ଗୋଟିଏ, ଆରୋଗ୍ୟ ସେତୁ ଦ୍ୱାରା କରୋନା ସଂକ୍ରମଣକୁ ରୋକିବାରେ ବହୁତ ସାହାଯ୍ୟ ମିଳିଛି। ଟିକାକରଣ ପାଇଁ ଭାରତର କୋୱିନ ଆପରେ ମଧ୍ୟ ଆଜି ଅନେକ ଦେଶ ରୁଚି ଦେଖାଉଛନ୍ତି। ସେମାନେ ଚାହୁଁଛନ୍ତି ଯେ ସେମାନଙ୍କ ଦେଶକୁ ଏହି ଯୋଜନାର ଲାଭ ମିଳୁ । ଟିକାକରଣର ପ୍ରକ୍ରିୟା ପାଇଁ ଏଭଳି ମନିଟରିଂ ଟୁଲ୍‍ ହେବା ଆମର ବୈଷୟିକ ଦକ୍ଷତାର ହେଉଛି ପ୍ରମାଣ।

ସାଥୀଗଣ,

କୋଭିଡ଼ ସମୟରେ ହିଁ ଆମେ ଅନୁଭବ କଲୁ ଯେ ଡିଜିଟାଲ ଇଣ୍ଡିଆ ଆମ କାର୍ଯ୍ୟକୁ କେତେ ପରିମାଣରେ ସରଳ କରି ଦେଇଛି । ତେବେ ଆଜି ଆମେ ଦେଖୁଛେ ଯେ କେହି ପାହାଡ଼ରୁ, କେହି ଗାଁରେ ବସି ଘରେ ରହି, ନିଜ କାର୍ଯ୍ୟ ସମ୍ପାଦନ କରି ପାରୁଛନ୍ତି । କଳ୍ପନା କରନ୍ତୁ, ଯଦି ଏହି ଡିଜିଟାଲ ସଂଯୋଗ ନଥାନ୍ତା ତେବେ କରୋନା ସମୟରେ ପରିସ୍ଥିତି କିଭଳି ହୋଇ ଥାଆନ୍ତା ? କିଛି ଲୋକ ଡିଜିଟାଲ ଇଣ୍ଡିଆର ପ୍ରୟାସଗୁଡ଼ିକୁ କେବଳ ଗରିବମାନଙ୍କ ସହିତ ଯୋଡ଼ି ଦେଖୁଛନ୍ତି । କିନ୍ତୁ ଏହି ଅଭିଯାନ ମଧ୍ୟମ ବର୍ଗ ଏବଂ ଯୁବକଙ୍କ ଜୀବନକୁ ମଧ୍ୟ ବଦଳାଇ ଦେଇଛି।

ଆଉ ଆଜିକାଲିର ଏହି ସହସ୍ରାବ୍ଦୀରେ, ଯଦି ଆଜି ଏହି ସମଗ୍ର ଦୁନିଆ ନଥାନ୍ତା, ଟେକ୍ନୋଲୋଜି ନଥାନ୍ତା ତେବେ ସେମାନଙ୍କର ଅବସ୍ଥା କ’ଣ ହୋଇ ଥାଆନ୍ତା ? ଶସ୍ତା ସ୍ମାର୍ଟ ଫୋନ୍‍ ବିନା, ଶସ୍ତା ଇଂଟରନେଟ ଏବଂ ଶସ୍ତା ଡାଟାରେ, ସେମାନଙ୍କର ଦୈନନ୍ଦିନ ଜୀବନଚର୍ଯ୍ୟାରେ ଆକାଶ ପାତାଳ ଫରକ ରହିଥାଆନ୍ତା। ତେଣୁ, ମୁଁ କହୁଛି, ଡିଜିଟାଲ ଇଣ୍ଡିଆ ଅର୍ଥାତ ସମସ୍ତଙ୍କୁ ସୁଯୋଗ, ସମସ୍ତଙ୍କୁ ସୁବିଧା, ସମସ୍ତଙ୍କର ଭାଗିଦାରୀ। ଡିଜିଟାଲ ଇଣ୍ଡିଆ ଅର୍ଥାତ ସରକାରୀ କଳ ପର୍ଯ୍ୟନ୍ତ ପ୍ରତ୍ୟେକଙ୍କର ପହଞ୍ଚ । ଡିଜିଟାଲ ଇଣ୍ଡିଆ ଅର୍ଥାତ ପାରଦର୍ଶୀ, ଭେଦଭାବ ଶୂନ୍ୟ ବ୍ୟବସ୍ଥା ଏବଂ ଭ୍ରଷ୍ଟାଚାର ଉପରେ ଶକ୍ତ ଆଘାତ। ଡିଜିଟାଲ ଇଣ୍ଡିଆ ଅର୍ଥାତ ସମୟ, ଶ୍ରମ ଏବଂ ଧନର ସଞ୍ଚୟ। ଡିଜିଟାଲ ଇଣ୍ଡିଆ ଅର୍ଥାତ ଦ୍ରୁତ ଗତିରେ ଲାଭ, ସମ୍ପୂର୍ଣ୍ଣ ଲାଭ। ଡିଜିଟାଲ ଇଣ୍ଡିଆ ଅର୍ଥାତ ସର୍ବନିମ୍ନ ସରକାର, ସର୍ବାଧିକ ପ୍ରଶାସନ।

ସାଥୀଗଣ,

ଡିଜିଟାଲ ଇଣ୍ଡିଆ ଅଭିଯାନର ଆଉ ଏକ ବିଶେଷତ୍ୱ ରହିଛି ଯେ ଏଥିରେ ଭିତିଭୂମିର ମାପ ଏବଂ ବେଗ, ଦୁଇଟି ଯାକ ଉପରେ ବହୁତ ଗୁରୁତ୍ୱାରୋପ କରାଯାଇଛି । ଦେଶର ଗାଁମାନଙ୍କରେ ପ୍ରାୟ ଅଢ଼େଇ ଲକ୍ଷ ସାଧାରଣ ସେବା କେନ୍ଦ୍ର ସେଠାରେ ଇଣ୍ଟରନେଟକୁ ନେଇ ପହଞ୍ଚାଇଛନ୍ତି, ଯେଉଁଠାକୁ ଯିବା କେବେ ଖୁବ କଷ୍ଟକର କାର୍ଯ୍ୟ ବୋଲି ଭାବୁଥିଲେ । ଭାରତ-ନେଟ ଯୋଜନା ମାଧ୍ୟମରେ ଗାଁ-ଗାଁରେ, ବ୍ରଡବ୍ୟାଣ୍ଡ ଇଣ୍ଟରନେଟ ପହଞ୍ଚାଇବା ପାଇଁ ମିଶନ ମୋଡରେ କାର୍ଯ୍ୟ ଚାଲୁ ରହିଛି।

ପିଏମ-ବାଣୀ ଯୋଜନା ଦ୍ୱାରା, ସମଗ୍ର ଦେଶରେ ଏଭଳି ଆକସେସ୍‍ ପଏଣ୍ଟ ନିର୍ମାଣ କରାଯାଉଛି, ଯେଉଁଠାରେ କମରୁ ଅତି କମ୍‍ ଦାମରେ ବ୍ରଡବ୍ୟାଣ୍ଡ-ୱାଇଫାଇ-ଇଣ୍ଟରନେଟ ଉପଲବ୍ଧ ହୋଇ ପାରିବ। ଏହାଦ୍ୱାରା ବିଶେଷ ଭାବେ ଆମର ଗରିବ ପରିବାରର ପିଲାମାନଙ୍କୁ, ଯୁବକ ବନ୍ଧୁମାନଙ୍କୁ ଅନ୍‍ ଲାଇନ୍‍ ଶିକ୍ଷାର ସୁଯୋଗ ସହିତ ଯୋଡି ହେବାରେ ସାହାଯ୍ୟ ମିଳିବ। ଏବେ ଏହି ଚେଷ୍ଟା ଜାରି ରହିଛି ଯେ ଦେଶରେ ଶସ୍ତା ଟାବଲେଟ୍‍ ଏବଂ ଅନ୍ୟାନ୍ୟ ଡିଜିଟାଲ ଉପକରଣ ଉପଲବ୍ଧ ହୋଇପାରୁ। ଏଥିପାଇଁ ଦେଶ ଏବଂ ଦୁନିଆର ଇଲେକ୍ଟ୍ରୋନିକ୍ସ କମ୍ପାନୀଗୁଡ଼ିକୁ ପିଏଲଆଇ ସ୍କିମ୍‍ ସୁବିଧା ଦିଆଯାଇଛି।

ସାଥୀଗଣ,

ଆଜି ଭାରତ ଯେତିକି ଦୃଢ଼ତାର ସହିତ ଦୁନିଆର ଅଗ୍ରଣୀ ଡିଜିଟାଲ ଅର୍ଥନୀତି ମଧ୍ୟରୁ ଅନ୍ୟତମ ହୋଇପାରିଛି, ତାହା ପ୍ରତ୍ୟେକ ଭାରତବାସୀଙ୍କ ପାଇଁ ହେଉଛି ଗୌରବର ବିଷୟ। ବିଗତ 6-7 ବର୍ଷରେ ଭିନ୍ନ-ଭିନ୍ନ ଯୋଜନା ମାଧ୍ୟମରେ ପ୍ରାୟ 17 ଲକ୍ଷ କୋଟି ଟଙ୍କା ସିଧାସଳଖ, ଲୋକମାନଙ୍କର ବ୍ୟାଙ୍କ ଖାତାକୁ ହସ୍ତାନ୍ତର କରାଯାଇଛି । କରୋନା ସମୟରେ ଡିଜିଟାଲ ଇଣ୍ଡିଆ ଅଭିଯାନ କେତେ ପରିମାଣରେ ଦେଶରେ କାର୍ଯ୍ୟରେ ଆସିପାରିଛି, ଏହା ମଧ୍ୟ ଆମେ ସମସ୍ତେ ଦେଖିଛୁ। ଯେଉଁ ସମୟରେ ବଡ଼-ବଡ଼ ସମୃଦ୍ଧ ଦେଶ, ଲକ୍‍ ଡାଉନ୍‍ କାରଣରୁ ନିଜ ନାଗରିକମାନଙ୍କୁ ସହାୟତା ରାଶି ପଠାଇ ପାରୁ ନଥିଲେ, ଭାରତ ହଜାର-ହଜାର  କୋଟି ଟଙ୍କା, ସିଧାସଳଖ ଲୋକମାନଙ୍କର ବ୍ୟାଙ୍କ ଖାତାକୁ ପଠାଉଥିଲା। କରୋନାର ଏହି ଦେଢ଼ ବର୍ଷ ମଧ୍ୟରେ ହିଁ ଭାରତ ବିଭିନ୍ନ ଯୋଜନା ମାଧ୍ୟମରେ ପ୍ରାୟ 7 ଲକ୍ଷ କୋଟି ଟଙ୍କା ସିଧାସଳଖ ସୁବିଧା ହସ୍ତାନ୍ତର ମାଧ୍ୟମରେ ଲୋକମାନଙ୍କର ବ୍ୟାଙ୍କ ଖାତାକୁ ପଠାଇଛି। ଭାରତରେ ଆଜି କେବଳ ଭୀମ୍ ୟୁପିଆଇ ମାଧ୍ୟମରେ ହିଁ ପ୍ରତି ମାସରେ ପ୍ରାୟ 5 ଲକ୍ଷ କୋଟି ଟଙ୍କାର ନେଣଦେଣ ହେଉଛି।

ସାଥୀଗଣ,

କୃଷକଙ୍କ ଜୀବନରେ ମଧ୍ୟ ଡିଜିଟାଲ ନେଣଦେଣ ଦ୍ୱାରା ଅଦ୍ଭୁତପୂର୍ବ ପରିବର୍ତନ ଆସିଛି। ପିଏମ କିଷାନ ସମ୍ମାନ ନିଧି ମାଧ୍ୟମରେ 10 କୋଟିରୁ ଅଧିକ କୃଷକ ପରିବାରର 1 ଲକ୍ଷ 35 କୋଟି ଟଙ୍କା ସିଧାସଳଖ ବ୍ୟାଙ୍କ ଖାତାରେ ଜମା କରାଯାଇଛି । ଡିଜିଟାଲ ଇଣ୍ଡିଆ ୱାନ ନେସନ୍‍, ୱାନ ଏମଏସପିର ଭାବନାକୁ ମଧ୍ୟ ସାକାର କରିଛି। ଏ ବର୍ଷ ଗହମର ରେକର୍ଡ ସ୍ତରର କ୍ରୟର ପ୍ରାୟ 85 ହଜାର କୋଟି ଟଙ୍କା ସିଧାସଳଖ କୃଷକମାନଙ୍କ ବ୍ୟାଙ୍କ ଖାତାରେ ପହଞ୍ଚିଛି । ଇ-ନାମ ପୋର୍ଟାଲ ଦ୍ୱାରା ହିଁ ଏ ପର୍ଯ୍ୟନ୍ତ ଦେଶର କୃଷକ ଏକ ଲକ୍ଷ 35 ହଜାର କୋଟି ଟଙ୍କାରୁ ଅଧିକ ଟଙ୍କାର ନେଣ-ଦେଣ କରି ସାରିଛନ୍ତି।

ସାଥୀଗଣ,

ୱାନ୍‍ ନେସନ୍‍, ୱାନ୍‍ କାର୍ଡ, ଅର୍ଥାତ ସାରା ଦେଶରେ ପରିବହନ ଏବଂ ଅନ୍ୟାନ୍ୟ ସୁବିଧାଗୁଡ଼ିକ ପାଇଁ ଦେୟର ଗୋଟିଏ ହିଁ ମାଧ୍ୟମ, ଏକ ବହୁତ ବଡ଼ ସୁବିଧା ସିଦ୍ଧ ହେବାକୁ ଯାଉଛି। ଫାସଟ୍ୟାଗ୍‍ ଆସିବା ଦ୍ୱାରା ସମଗ୍ର ଦେଶରେ ପରିବହନ ସହଜ ମଧ୍ୟ ହୋଇଛି, ଶସ୍ତା ମଧ୍ୟ ହୋଇଛି ଆଉ ସମୟର ମଧ୍ୟ ସଞ୍ଚୟ ହୋଇ ପାରିଛି । ଏହିଭଳି ଭାବେ ଜିଏସଟି ଦ୍ୱାରା, ଇ-ୱେ ବିଲର ବ୍ୟବସ୍ଥା ଦ୍ୱାରା, ଦେଶରେ ବ୍ୟବସାୟ-କାରବାରରେ ସୁବିଧା ଏବଂ ପାରଦର୍ଶିତା, ଦୁଇଟି ଯାକ ସୁନିଶ୍ଚିତ ହୋଇଛି। କାଲି ହିଁ ଜିଏସଟିର ଚାରି ବର୍ଷ ପୂର୍ତ୍ତି ହୋଇଛି । କରୋନା କାଳ ସତ୍ୱେ, ବିଗତ ଆଠ ମାସ ଧରି କ୍ରମାଗତ ଜିଏସଟି ରାଜସ୍ବ ଏକ ଲକ୍ଷ କୋଟି ଟଙ୍କାର ମାର୍କକୁ ଅତିକ୍ରମ କରିଚାଲିଛି। ଆଜି ଏକ କୋଟି 28 ଲକ୍ଷରୁ ଅଧିକ ପଞ୍ଜିକୃତ ଉଦ୍ୟମୀ, ଏହାର ଲାଭ ଉଠାଉଛନ୍ତି। ସେଠାରେ, ସରକାରୀ ଇ-ବଜାରସ୍ଥଳ (ଗଭମେଣ୍ଟ ଇ-ମାର୍କେଟପ୍ଲେସ୍‍) ଅର୍ଥାତ ଜିଇଏମ ଦ୍ୱାରା ହେବାକୁ ଥିବା ସରକାରୀ କ୍ରୟ ପାରଦର୍ଶିତା ବୃଦ୍ଧି କରିଛି, କ୍ଷୁଦ୍ର ରୁ ଅତି କ୍ଷୁଦ୍ର ବ୍ୟବସାୟୀଙ୍କୁ ସୁଯୋଗ ପ୍ରଦାନ କରିଛି।

ସାଥୀଗଣ,

ଏହି ଦଶକ, ଡିଜିଟାଲ୍ ଟେକ୍ନୋଲୋଜିରେ ଭାରତର ସାମର୍ଥ୍ୟକୁ, ବିଶ୍ୱ ଡିଜିଟାଲ୍ ଅର୍ଥନୀତିରେ ଭାରତର ସହଭାଗୀତାକୁ ବହୁ ଅଧିକ ବଢାଇବାକୁ ଯାଉଛି । ସେଥିପାଇଁ ବଡ଼-ବଡ଼ ବିଶେଷଜ୍ଞମାନେ ଏହି ଦଶନ୍ଧିରେ ଭାରତକୁ ଟେକ୍ ହେଡ ବା ଟେକ୍ନୋଲୋଜିର ମୁଖ୍ୟ କେନ୍ଦ୍ର ଭାବେ ଦେଖୁଛନ୍ତି । ଏକ ଆକଳନ ଅନୁସାରେ ଆସନ୍ତା କିଛି ବର୍ଷ ମଧ୍ୟରେ ଭାରତର ଡଜନ ଡଜନ ଟେକ୍ନୋଲୋଜି କମ୍ପାନୀ ୟୁନିକର୍ଣ୍ଣ କ୍ଲବରେ ସାମିଲ ହେବେ। ଏହା ଦର୍ଶାଉଛି ଯେ ତଥ୍ୟ ଏବଂ ଡିଭିଡେଣ୍ଡର ସାମୂହିକ ଶକ୍ତି, ଆମ ପାଇଁ କେତେ ବଡ଼ ସୁଯୋଗ ଆଣୁଛି।

ସାଥୀଗଣ,

5-ଜି ଟେକ୍ନୋଲୋଜି ସମଗ୍ର ବିଶ୍ୱରେ ଜୀବନର ପ୍ରତ୍ୟେକ କ୍ଷେତ୍ରରେ ଏକ ବଡ଼ ପରିବର୍ତ୍ତନ ଆଣିବାକୁ ଯାଉଛି । ଭାରତ ମଧ୍ୟ ଏଥିପାଇଁ ପ୍ରସ୍ତୁତିରେ ଲାଗିଛି । ଆଜି ଯେତେବେଳେ ବିଶ୍ୱ 4.0 ଉଦ୍ୟୋଗ ବିଷୟରେ କହୁଛି, ସେତେବେଳେ ଭାରତ ଏଥିରେ ଏକ ବଡ଼ ଅଂଶୀଦାର ଭାବେ ଉପସ୍ଥିତ ହୋଇ ରହିଛି। ଡାଟା ପାୱାର ହାଉସ୍ ଭାବରେ ଭାରତ ମଧ୍ୟ ଏହାର ଦାୟିତ୍ବ ବିଷୟରେ ଅବଗତ ଅଛି । ଏଥିପାଇଁ ତଥ୍ୟ ସୁରକ୍ଷା ନିମନ୍ତେ ପ୍ରତ୍ୟେକ ଆବଶ୍ୟକୀୟ ବ୍ୟବସ୍ଥା ଉପରେ ନିରନ୍ତର କାର୍ଯ୍ୟ ଚାଲିଛି । କିଛି ଦିନ ପୂର୍ବରୁ ସାଇବର ସୁରକ୍ଷା ସହ ଜଡିତ ଏକ ଆନ୍ତର୍ଜାତୀୟ ମାନ୍ୟତା ଆସିଛି । 180ରୁ ଅଧିକ ଦେଶର ଆଇଟିୟୁ-ଗ୍ଲୋବାଲ ସାଇବର ସୁରକ୍ଷା ସୂଚକାଙ୍କରେ ଭାରତ ବିଶ୍ୱର ଶ୍ରେଷ୍ଠ-10ଟି ରାଷ୍ଟ୍ର ମଧ୍ୟରେ ରହିଛି। ଏକ ବର୍ଷ ପୂର୍ବେ, ଆମେ ଏଥିରେ 47 ତମ ସ୍ଥାନରେ ରହିଥିଲୁ।

ସାଥୀଗଣ,

ଭାରତର ଯୁବକମାନଙ୍କ ଉପରେ, ସେମାନଙ୍କର ଦକ୍ଷତା ଉପରେ ମୋର ସମ୍ପୂର୍ଣ୍ଣ ବିଶ୍ୱାସ ରହିଛି। ମୁଁ ନିଶ୍ଚିତ ଯେ ଆମର ଯୁବକମାନେ ଡିଜିଟାଲ୍ ସଶକ୍ତିକରଣକୁ ନୂତନ ଶିଖରକୁ ନେଇଯିବେ । ଆମକୁ ମିଳିମିଶି ପ୍ରୟାସ ଜାରି ରଖିବାକୁ ପଡିବ। ଏହି ଦଶକକୁ ଭାରତର ଟେକ୍ ହେଡ୍  କରିବାରେ ଆମେ ସଫଳ ହେବା, ଏହି କାମନା ସହିତ ମୁଁ ଆପଣଙ୍କୁ ପୁଣିଥରେ ବହୁତ ବହୁତ ଶୁଭ କାମନା !

ପ୍ରଧାନମନ୍ତ୍ରୀ ମୋଦୀଙ୍କ 'ମନ କି ବାତ' ପାଇଁ ଆପଣଙ୍କ ବିଚାର ଏବଂ ଅନ୍ତର୍ଦୃଷ୍ଟି ପଠାନ୍ତୁ !
20ଟି ଫୋଟଚିତ୍ର 20 ବର୍ଷର ସେବା ଓ ସମର୍ପଣର ବ୍ୟାଖ୍ୟା କରୁଛି
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
Why Narendra Modi is a radical departure in Indian thinking about the world

Media Coverage

Why Narendra Modi is a radical departure in Indian thinking about the world
...

Nm on the go

Always be the first to hear from the PM. Get the App Now!
...
ସୋସିଆଲ ମିଡିଆ କର୍ଣ୍ଣର ଅକ୍ଟୋବର 17, 2021
October 17, 2021
ସେୟାର
 
Comments

Citizens congratulate the Indian Army as they won Gold Medal at the prestigious Cambrian Patrol Exercise.

Indians express gratitude and recognize the initiatives of the Modi government towards Healthcare and Economy.