ନମସ୍କାର ବନ୍ଧୁଗଣ!
ନିର୍ବାଚନ ପରେ ନୂତନ ଲୋକସଭା ଗଠନ ହେବା ପରେ ଆଜି ପ୍ରଥମ ଅଧିବେଶନ ଆରମ୍ଭ ହେଉଛି । ଅନେକ ନୂତନ ସାଥିମାନଙ୍କ ସହିତ ପରିଚୟ ହେବାର ଏକ ଅବସର ସୃଷ୍ଟି ହୋଇଛି ଏବଂ ଯେତେବେଳେ ନୂତନ ସାଥି ଜଡିତ ହୋଇଥାନ୍ତି, ସେତେବେଳେ ସେମାନଙ୍କ ସହିତ ନୂତନ ଊର୍ଜା, ନୂତନ ଉତ୍ସାହ, ନୂତନ ସ୍ୱପ୍ନ ମଧ୍ୟ ଯୋଡି ହୋଇଥାଏ । ଭାରତର ଲୋକତନ୍ତ୍ରର ବିଶେଷତା କ’ଣ, ସବୁ ନିର୍ବାଚନରେ ଆମେ ଏହା ଅନୁଭବ କରିଥାଉ । ସ୍ୱାଧୀନତା ପରେ ସଂସଦ ନିର୍ବାଚନରେ ସର୍ବାଧିକ ମତଦାନ, ସର୍ବାଧିକ ମହିଳା ପ୍ରତିନିଧି ନିର୍ବାଚିତ ହେବା, ପୂର୍ବ ତୁଳନାରେ ବହୁ ଅଧିକ ମାତ୍ରାରେ ମହିଳା ମତଦାତା ମତଦାନ କରିବା ଭଳି ଅନେକ ବିଶେଷତାରେ ଏହି ନିର୍ବାଚନ ପୂର୍ଣ୍ଣ । ଅନେକ ଦଶକ ପରେ ଏକ ସରକାରକୁ ଦ୍ୱିତୀୟ ଥର ପୂର୍ଣ୍ଣ ବହୁମତ ସହିତ ଏବଂ ପୂର୍ବରୁ ଅଧିକ ଆସନ ସହିତ ଜନତା-ଜନାର୍ଦ୍ଦନ ସେବା କରିବାର ଅବସର ପ୍ରଦାନ କରିଛନ୍ତି । ଗତ ପାଞ୍ଚ ବର୍ଷରେ ଆମର ଅନୁଭବ ରହିଛି କି ଯେତେବେଳେ ସଦନ ଚାଲିଛି, ଉତ୍ତମ ବାତାବରଣ ମଧ୍ୟରେ ଚାଲିଛି, ସେତେବେଳେ ଦେଶ ହିତ ସମ୍ବନ୍ଧୀୟ ନିର୍ଣ୍ଣୟ ମଧ୍ୟ ବହୁତ ଭଲ ହୋଇଛି । ଏହି ଅନୁଭବ ଆଧାରରେ ମୁଁ ଆଶା କରୁଛି କି ଆମେ ସମସ୍ତ ଦଳ ଉତ୍ତମ ଚର୍ଚ୍ଚା, ଜନହିତ ସମ୍ବନ୍ଧୀୟ ନିର୍ଣ୍ଣୟ ଏବଂ ଜନଆକାଂକ୍ଷା ପୁରଣ କରିବା ଦିଗରେ ଆଗକୁ ବଢ଼ିବା । ଏହି ବିଶ୍ୱାସ ରହିଛି । ଆମେ ଆମ ଯାତ୍ରା ଆରମ୍ଭ କରିଥିଲୁ ‘ସବକା ସାଥ ସବକା ବିକାଶ’ରୁ । ମାତ୍ର ଦେଶର ଜନତା ‘ସବକା ସାଥ ସବକା ବିକାଶ’ ଭିତରେ ଏକ ଅଦ୍ଭୁତ ବିଶ୍ୱାସ ଭରି ଦେଇଥିଲେ ଏବଂ ଏହି ବିଶ୍ୱାସକୁ ନେଇ ସାମାନ୍ୟ ଜନତାର ଆଶା-ଆକାଂକ୍ଷାକୁ, ସ୍ୱପ୍ନକୁ ପୁରଣ କରିବା ପାଇଁ ସଂକଳ୍ପ ନେଇ ଆମେ ନିଶ୍ଚିତ ଭାବେ ଆଗକୁ ବଢ଼ିବାର ପ୍ରୟାସ କରିବୁ ।
ଲୋକତନ୍ତ୍ରରେ ବିପକ୍ଷ ରହିବା, ବିପକ୍ଷ ସକ୍ରିୟ ହେବା, ବିପକ୍ଷ ସାମର୍ଥ୍ୟବାନ ହେବା ହେଉଛି ଲୋକତନ୍ତ୍ରର ଅନିବାର୍ଯ୍ୟ ସର୍ତ୍ତ ଏବଂ ମୁଁ ଆଶା କରୁଛି କି ପ୍ରତିପକ୍ଷର ଲୋକ ସଂଖ୍ୟା ଚିନ୍ତା ଛାଡି ଦିଅନ୍ତୁ । ଦେଶର ଜନତା ସେମାନଙ୍କୁ ଯେଉଁ ସଂଖ୍ୟା ଦେଇଛନ୍ତି, ଦେଇଛନ୍ତି । ମାତ୍ର ଆମ ପାଇଁ ସେମାନଙ୍କର ସମସ୍ତ ଶବ୍ଦ ମୂଲ୍ୟବାନ, ସେମାନଙ୍କ ସମସ୍ତ ଭାବନା ମୂଲ୍ୟବାନ । ଆମେ ଯେତେବେଳେ ସଂସଦର ଚୌକି ଉପରେ ବସୁ ସେତେବେଳେ ପକ୍ଷ-ବିପକ୍ଷ ଅପେକ୍ଷା ନିରପେକ୍ଷ ଭାବନା ଅଧିକ ମହତ୍ୱ ରଖିଥାଏ । ଆଉ ମୋର ବିଶ୍ୱାସ ରହିଛି ଯେ ପକ୍ଷ ଆଉ ବିପକ୍ଷ ଭାବେ ବାଣ୍ଟି ହେବା ପରିବର୍ତ୍ତେ ନିରପେକ୍ଷ ଭାବେ ଜନକଲ୍ୟାଣକୁ ପ୍ରାଥମିକତା ପ୍ରଦାନ କରି ଆମେ ଆଗାମୀ 5 ବର୍ଷ ପାଇଁ ଏହି ସଦନର ଗରିମାକୁ ବୃଦ୍ଧି କରିବାରେ ପ୍ରୟାସ କରିବା । ମୋର ବିଶ୍ୱାସ ଯେ ପୂର୍ବ ତୁଳନାରେ ଆମ ସଦନ ଅଧିକ ପରିଣାମକାରୀ ରହିବ ଏବଂ ଜନହିତ କାମରେ ଅଧିକ ଉର୍ଜା, ଅଧିକ ଗତି ଏବଂ ଅଧିକ ସାମୁହିକ ଚିନ୍ତନର ଅବସର ମିଳିବ ।
ଆପଣମାନଙ୍କୁ ସମସ୍ତଙ୍କୁ ମୋର ଅନୁରୋଧ କି ସଦନରେ ଅନେକ ସଦସ୍ୟ ଅତି ଉତ୍ତମ ବିଚାର ରଖିଥା’ନ୍ତି, ତର୍କକୁ ପ୍ରାଣବନ୍ତ କରିଥା’ନ୍ତି, ମାତ୍ର ଯେହେତୁ ସେମାନେ ଅଧିକ ରଚନାତ୍ମକ ହୋଇଥାନ୍ତି, ଟିଆରପି ସହିତ ଏହାର ମେଳ ହୋଇନଥାଏ । ମାତ୍ର କେବେ କେବେ ଏପରି ସଦସ୍ୟମାନଙ୍କୁ ଟିଆରପି ଉପରେ ମଧ୍ୟ ଅବସର ମିଳିଥାଏ । ଯଦି ସଦନରେ ସରକାରଙ୍କ ଆଲୋଚନା ମଧ୍ୟ କୌଣସି ସଂସଦ ତର୍କବଦ୍ଧ ଭାବେ କରିଥାଏ ଏବଂ ସେହି କଥା ପହଞ୍ଚିଥାଏ ତେବେ ଏହାଦ୍ୱାରା ଲୋକତନ୍ତ୍ରକୁ ବଳ ମିଳିଥାଏ । ଏହି ଲୋକତନ୍ତ୍ରକୁ ବଳ ପ୍ରଦାନ କରିବା ନେଇ ଆପଣମାନଙ୍କ ସମସ୍ତଙ୍କଠାରୁ ମୋର ଆଶା ରହିଛି । ଆରମ୍ଭରୁ ତ ଏହି ଆଶାକୁ ନିଶ୍ଚିତ ଭାବେ ପୁରଣ କରିବେ, ମାତ୍ର 5 ବର୍ଷ ଏହି ଭାବନାକୁ ପ୍ରବଳ କରିବାରେ ମଧ୍ୟ ଆପଣମାନେ ଅନେକ ସକାରାତ୍ମକ ଭୂମିକା ଗ୍ରହଣ କରିପାରିବେ । ଆଉ ଯଦି ସକାରାତ୍ମକ ଭୂମିକା ରହିବ, ସକାରାତ୍ମକ ବିଚାରକୁ ବଳ ଦେବେ ତେବେ ସଦନରେ ମଧ୍ୟ ସକାରାତ୍ମକ ଦିଗରେ ଯିବାରେ ସମସ୍ତଙ୍କ ମନ ବଳିବ । ତେଣୁ ମୁଁ ଆପଣମାନଙ୍କୁ ନିମନ୍ତ୍ରଣ କରୁଛି କି 17ତମ ଲୋକସଭାରେ ଆମେ ଏହି ନୂତନ ଉର୍ଜା, ନୂତନ ବିଶ୍ୱାସ, ନୂତନ ସଂକଳ୍ପ, ନୂତନ ସ୍ୱପ୍ନ ସହିତ ମିଳିତ ହୋଇ ଆଗକୁ ଚାଲିବା । ଦେଶର ସାମାନ୍ୟ ଜନତାର ଆଶା-ଆକାଂକ୍ଷାକୁ ପୁରଣ କରିବାରେ ଆମେ କୌଣସି ଅଭାବ ରଖିବା ନାହିଁ । ଏହି ବିଶ୍ୱାସ ସହିତ ଆପଣମାନଙ୍କୁ ସମସ୍ତଙ୍କୁ ଅନେକ ଅନେକ ଧନ୍ୟବାଦ ।
