ଆପଣମାନେ ସମସ୍ତଙ୍କ ସହିତ ଏକସଂଗେ ସିଧାସଳଖ ଆଲୋଚନା କରିବା ଲାଗି ଏହା ପ୍ରଥମ ପ୍ରୟାସ ଅଟେ । ଏବଂ ମୁଁ ଜାଣିବାକୁ ପାଇଛି ଯେ ଦେଶର ପାଖାପାଖି ପ୍ରତ୍ୟେକ ବ୍ଲକରୁ ଆପଣମାନେ ସିଧାସଳଖ ଏହି ବାର୍ତ୍ତାଳାପ ସହିତ ଯୋଡ଼ି ହୋଇଛନ୍ତି । ଆଶା ହୁଅନ୍ତୁ, ଅଙ୍ଗନୱାଡ଼ି କର୍ମୀ ହୁଅନ୍ତ କିମ୍ବା ପୁଣି ଏଏନଏମ ଆପଣମାନେ ସମସ୍ତେ ରାଷ୍ଟ୍ର ନିର୍ମାଣର ଅଗ୍ରଣୀ ସିପାହୀ ଅଟନ୍ତି । ଆପଣମାନଙ୍କ ବିନା ଦେଶରେ ସୁସ୍ଥ ମାତୃତ୍ୱର ପରିକଳ୍ପନା ମଧ୍ୟ କଷ୍ଟକର । ମୁଁ ଆନନ୍ଦିତ ଯେ ଆପଣମାନେ ସମସ୍ତେ ଦେଶର ମୂଳଦୂଆକୁ, ଦେଶର ଭବିଷ୍ୟତକୁ ମଜଭୂତ କରିବାରେ ବହୁତ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛନ୍ତି । ଦେଶର ପ୍ରତ୍ୟେକ ମାତା, ପ୍ରତ୍ୟେକ ଶିଶୁର ସୁରକ୍ଷା ଘେରକୁ ସୁଦୃଢ଼ କରିବାର ଉତ୍ତରଦାୟିତ୍ୱ ଆପଣମାନେ ସମସ୍ତେ ନିଜ କାନ୍ଧରେ ଉଠାଇଛନ୍ତି । ସୁରକ୍ଷାର ଏହି ପରିଧିର ତିନୋଟି ଦିଗ ରହିଛି । ପ୍ରଥମ ହେଉଛି ପୁଷ୍ଟିସାଧନ ଅର୍ଥାତ ଖାଦ୍ୟ-ପେୟ, ଦ୍ୱିତୀୟରେ ଟିକାକରଣ ଏବଂ ତୃତୀୟରେ ସ୍ୱଚ୍ଛତା । ଏପରି ନୁହେଁ ଯେ ପୂର୍ବରୁ ଲୋକମାନେ ଏ ବିଷୟରେ ଜାଣିନଥିଲେ କିମ୍ବା ପୂର୍ବରୁ ଯୋଜନା ହୋଇନଥିଲା ।
ଏହି ସମସ୍ତ ଦିଗକୁ ନେଇ ସ୍ୱାଧୀନତା ପରଠାରୁ ଅନେକ କାର୍ଯ୍ୟକ୍ରମ ଚାଲିଛି, କିନ୍ତୁ ଖୁବ କମ ସଫଳତା ମିଳିଛି । ଆମ ଠାରୁ କମ ବିକଶିତ, କମ ସମ୍ବଳସମ୍ପନ୍ନ, ଛୋଟ ଛୋଟ ଦେଶ ମଧ୍ୟ ଏ ବିଷୟରେ ଅନେକ ଗୁଣ ଆଗକୁ ଯାଇସାରିଛନ୍ତି । ବହୁତ କିଛି ଉନ୍ନତି ହାସଲ କରିଛନ୍ତି । ଏପରି ସ୍ଥିତିରୁ ବାହାରକୁ ବାରିବା ଲାଗି 2014 ପରଠାରୁ ଏକ ନୂଆ ରଣନୀତି ସହିତ ଆମେ କାମ କରିବା ଆରମ୍ଭ କରିଛୁ ।
ଆପଣମାନେ ସମସ୍ତେ ଭଲଭାବେ ମିଶନ ଇନ୍ଦ୍ରଧନୁଷ ବିଷୟରେ ଜାଣନ୍ତି । ଏହି ମିଶନ ଇନ୍ଦ୍ରଧନୁଷ ଅନ୍ତର୍ଗତ ଦେଶର ଟିକାକରଣ ଅଭିଯାନକୁ ଦୂରବର୍ତ୍ତୀ ଏବଂ ପଛୁଆ ଇଲାକାରେ ଆମର ଯେଉଁ ଛୋଟ ଛୋଟ ଶିଶୁ ଅଛନ୍ତି, ସେମାନଙ୍କ ନିକଟରେ ପହଁଚାଇବା ଲାଗି ଲକ୍ଷ୍ୟ ନିର୍ଦ୍ଧାରଣ କରାଯାଇଛି । ଆପଣମାନେ ସମସ୍ତେ ଏହି ମିଶନକୁ ଦ୍ରୁତ ଗତିରେ ଆଗକୁ ବଢ଼ାଇଛନ୍ତି ଏବଂ ଦେଶର ତିନି କୋଟିରୁ ଅଧିକ ଶିଶୁ ଏବଂ 85 ଲକ୍ଷରୁ ଅଧିକ ଗର୍ଭବତୀ ମହିଳାଙ୍କ ଟିକାକରଣ କରାଇଛନ୍ତି । ପୂର୍ବ ଉତ୍ତର ପ୍ରଦେଶ, ପୂର୍ବ ଭାରତର କର୍ମୀ ଭଲ ଭାବେ ଜାଣନ୍ତି ଯେ ଏନସେଫାଲାଇଟ୍ସ କିପରି ଆମର ଶିଶୁଙ୍କ ପାଇଁ ବିପଜ୍ଜନକ ହୋଇଆସିଛି । ଏପରି ଗୁରୁତର ରୋଗ ବିରୋଧରେ ଲଢ଼େଇ ଲାଗି ସମ୍ପୂର୍ଣ୍ଣ ଟିକାକରଣ କାର୍ଯ୍ୟକ୍ରମରେ ଜାପାନୀ ଏନସେଫାଲାଇଟ୍ସର ଟିକା ସହିତ ଆମେ 5ଟି ନୂଆ ଟିକା ଯୋଡ଼ିଛୁ ।
ସେହିପରି ଦୁଇ ବର୍ଷ ପୂର୍ବରୁ ପ୍ରଧାନମନ୍ତ୍ରୀ ସୁରକ୍ଷିତ ମାତୃତ୍ୱ ଅଭିଯାନ ଆରମ୍ଭ କରାଯାଇଥିଲା । ଏଥିରେ ମଧ୍ୟ ଆପଣମାନଙ୍କ ଯୋଗଦାନ ଖୁବ ଗୁରୁତ୍ୱପୂର୍ଣ୍ଣ ଥିଲା । ଆପଣମାନେ ସମସ୍ତେ ମୋର ସାଥୀ । ପୂର୍ବ କାଳରେ କୁହାଯାଉଥିଲା ଯେ ଭଗବାନଙ୍କ ହଜାର ହାତ ଅଛି । ଏମିତି କ’ଣ 1 ହଜାର ବାହୁ ଲଗାଯାଇଥିଲା । ଏହାର ଅର୍ଥ ଥିଲା ଯେ ତାଙ୍କର ଦଳରେ ଏପରି 500 ଲୋକ ଥିଲେ ଯେଉଁମାନଙ୍କର ବାହୁ ସମସ୍ତଙ୍କ ସମସ୍ୟାର ସମାଧାନ କରି ସେମାନଙ୍କ ସହିତ ରହିଥାଏ । ଆଜି ଦେଶର ପ୍ରଧାନମନ୍ତ୍ରୀ କହିପାରିବେ ଯେ ତାଙ୍କର ସହସ୍ର ବାହୁ ନୁହେଁ ଲକ୍ଷ ଲକ୍ଷ ବାହୁ ରହିଛି । ଏବଂ ଏହି ବାହୁ ଆପଣମାନେ ମୋତେ ଦେଇଛନ୍ତି ।
ସାଥୀଗଣ ସ୍ୱାସ୍ଥ୍ୟର ସିଧା ସମ୍ପର୍କ ପୋଷଣ ସହିତ ରହିଛି ଏବଂ ପୁଷ୍ଟିସାଧନ ମଧ୍ୟ ଆମେ କଣ ଖାଇବା?କିପରି ଖାଇବା? କେବଳ ଏତିକିରେ ସୀମିତ ନାହିଁ । ସ୍ୱଚ୍ଛତା ହେଉ, ଟିକାକରଣ ହେଉ, ଆପଣମାନେ ବୋଧହୁଏ ଆଶ୍ଚର୍ଯ୍ୟ ହେବେ, କମ ବୟସରେ ବିବାହ ମଧ୍ୟ ଏହି ସମସ୍ୟାର ଏକ ବହୁତ ବଡ଼ କାରଣ ଅଟେ । ସବୁ ବୟସରେ ବିବାହ ହେଉ । ମା’ ହେବାର ମଧ୍ୟ ସଠିକ ବୟସ ରହିବା ଉଚିତ ଯଦି ଠିକ ସମୟ ପୂର୍ବରୁ ଗର୍ଭବତୀ ହେବାର ଅର୍ଥ ମା’ର ସ୍ୱାସ୍ଥ୍ୟ ଏବଂ ଶିଶୁର ସ୍ୱାସ୍ଥ୍ୟ ଉଭୟ ଉପରେ ସଂକଟ ରହିଥାଏ ଏବଂ ସାରା ଜୀବନ ଦୁହେଁ ବଢ଼ିନଥାନ୍ତି ।
ଖାଇବା ପୂର୍ବରୁ ଏବଂ ଖାଇବା ପରେ ହାତ କିପରି ଧୋଇବା? ଏପରି ଅନେକ ଦିଗ ମଧ୍ୟ ପୁଷ୍ଟିସାଧନ ସହିତ ଯୋଡ଼ି ହୋଇ ରହିଛି । ଏହାକୁ ଧ୍ୟାନରେ ରଖି ଚଳିତ ବର୍ଷ ରାଜସ୍ଥାନର ଝୁନଝୁନଠାରୁ ସାରା ଦେଶରେ ଜାତୀୟ ପୁଷ୍ଟିସାଧନ ମିଶନର ଆରମ୍ଭ କରାଯାଇଛି । ଏହା ବହୁତ ବଡ଼ ମହତ୍ୱାକାଂକ୍ଷୀ ଅଭିଯାନ ଅଟେ । ଆହ୍ୱାନ ବଡ଼ ଅଟେ କିନ୍ତୁ ଏହି ଆହ୍ୱାନ ମୁଁ ମୋ ବଳରେ ନେଇନାହିଁ । ଏହି ଆହ୍ୱାନ ମୁଁ ଆପଣମାନଙ୍କ ଭରସାରେ ନେଇଛି, ଆପଣମାନେ କରି ଦେଖାଇଛନ୍ତି ଏବଂ ଏବେ ଆପଣମାନେ କରି ଦେଖାଇବେ । ଏହି ବିଶ୍ୱାସ କାରଣୁ ଏତେ ବଡ଼ ଆହ୍ୱାନକୁ ଆମେ ହାତକୁ ନେଇଛୁ । ଯଦି ଆମେ କେବଳ ପୁଷ୍ଟିସାଧନର ଅଭିଯାନକୁ ପ୍ରତ୍ୟେକ ମା’, ପ୍ରତ୍ୟେକ ଶିଶୁ ପର୍ଯ୍ୟନ୍ତ ପହଁଚାଇବାରେ ସଫଳ ହେବା ତ’ ଲକ୍ଷ ଲକ୍ଷ ଜୀବନ ବଂଚିଯିବ । ଦେଶର ବିକାଶକୁ ନୂଆ ଗତି ମିଳିବ ।
ବେଳେ ବେଳେ ଆମେ ଶୁଣିଥାଉ ଯେ ପାଣିରେ କେହି ବୁଡ଼ିଯାଉଥିଲେ କେହି ବଂଚାଇ ଦେଲେ । ତ’ସେହି ଗ୍ରାମରେ ସାରା ଜୀବନ ତାଙ୍କ ନାମର ଚର୍ଚ୍ଚା କାହିଁକି ହୋଇଥାଏ? ସେ କାହାର ଜୀବନ ବଂଚାଇଛନ୍ତି । ରେଳ ଧାରଣାରେ କେହି ମୃତ୍ୟୁବରଣ କରିବାକୁ ଯାଉଥିଲା କିନ୍ତୁ କେହି ତା’କୁ ବଂଚାଇ ଦେଲା ତ’ ସାରା ଦୁନିଆର ଟିଭିରେ ଏହାକୁ ଦେଖାଇଥାଏ ଯେ ଦେଖ କେମିତି ସେ ଜୀବନ ରକ୍ଷକା କଲା । କିନ୍ତୁ ଆପଣମାନେ ତ’ ସେହି ଲୋକ ଅଟନ୍ତି ଯେଉଁମାନେ ପ୍ରତ୍ୟେକ ଦିନ ନିଜ ପରିଶ୍ରମରେ,ନିଜ ତ୍ୟାଗ ଏବଂ ତପସ୍ୟାରେ ଅନେକ ଛୋଟ ଛୋଟ କୋମଳ ଶିଶୁଙ୍କ ଜୀବନ ବଂଚାଉଛନ୍ତି । ଜଣେ ଡାକ୍ତର ନିଜ ସାରା ଜୀବନରେ ଯେତିକି ଜୀବନ ବଂଚାଇଥାନ୍ତି । ବେଳେ ବେଳେ ଲାଗେ ଆପଣମାନେ ଆଶାକର୍ମୀ, ଅଙ୍ଗନୱାଡ଼ି କର୍ମୀ, ଆପଣମାନେ ଛୋଟ ଛୋଟ କାମ ଦ୍ୱାରା ସେମାନଙ୍କ ଠାରୁ ମଧ୍ୟ ଅଧିକ ଜୀବନ ବଂଚାଇଦେଉଛନ୍ତି ।
ଦେଶରେ ଚାଲିଥିବା ପୁଷ୍ଟିସାଧନ ମାସକୁ ସଫଳ କରିବାରେ ଲାଗିଥିବା ଆପଣମାନେ ସମସ୍ତେ 24 ଲକ୍ଷରୁ ଅଧିକ କର୍ମୀମାନଙ୍କୁ ଆପଣମାନଙ୍କ ଏହି ଯୋଗଦାନ ଲାଗି, ଆପଣମାନଙ୍କ ଏହି ଏକନିଷ୍ଠ କାର୍ଯ୍ୟ ଲାଗି ରାତି-ଦିନ ଏହି ଲୋକାମାନଙ୍କ ଜୀବନ ବଂଚାଇବାରେ ଲାଗି ରହିବା ଲାଗି ମୁଁ ଆଜି ଏହି ଅବସରରେ ସାର୍ବଜନୀନ ଭାବେ ଆପଣମାନଙ୍କୁ ଆଦରପୂର୍ବକ ପ୍ରଣାମ ଜଣାଉଛି । ଏବଂ ଆଜି ମୋତେ ଆପଣମାନଙ୍କୁ ପ୍ରଣାମ କରିବାର ସୌଭାଗ୍ୟ ମିଳିଛି । ଏହି ଅଭିଯାନ କାଳରେ ଆପଣମାନଙ୍କର ସମ୍ମୁଖରେ କ’ଣ ଆହ୍ୱାନ ରହିଛି । କ’ଣ ପରାମର୍ଶ ରହିଛି, କ’ଣ ଅଭିଜ୍ଞତା ରହିଛି,ଏହା ମୁଁ ଜାଣିବା ଲାଗି ଅତ୍ୟନ୍ତ ଉତ୍ସୁକ ଅଟେ କାରଣ ଆପଣମାନଙ୍କ ଦ୍ୱାରା ଯେଉଁ ପ୍ରସଙ୍ଗ ସାମ୍ନାକୁ ଆସିବ । ଯଦି ସମ୍ପୂର୍ଣ୍ଣ ଯୋଜନାରେ କିଛି ଅଭାବ ରହିଛି ତ’ ଏଠାରେ ଆମେ ବାତାନୁକୂଳିତ ପରିବେଶରେ ବସିଥିବା ଲୋକମାନେ ତାହାର ସମଧାନ କରିପାରିବୁ ନାହିଁ ଯେତିକି ଆପଣମାନେ ଦୈନନ୍ଦିନର ବ୍ୟବହାରିକ ଜୀବନରେ କରୁଛନ୍ତି । ଆହୁରି ଆପଣମାନଙ୍କ କଥା ଯେତେବେଳେ ଦେଶ ଶୁଣିବ ତ’ ଦେଶର ଲକ୍ଷ ଲକ୍ଷ ମୋର ସାଥୀ ଭଉଣୀମାନେ ଅଛନ୍ତି, କର୍ମୀମାନେ ଅଛନ୍ତି । ସେମାନେ ମଧ୍ୟ ଏଥିରୁ ଶିଖିବେ । ଏବଂ ସେଥିପାଇଁ ଆଜି ମୁଁ ଆପଣମାନଙ୍କୁ ଶୁଣିବାକୁ ଚାହୁଁଛି ।
