ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏକ ତିନିଦିନିଆ ଗସ୍ତରେ ଗୁଜରାଟ ଯାଉଛନ୍ତି, ଯେଉଁ ଗସ୍ତ କି ଆସନ୍ତକାଲିଠାରୁ 2019 ଜାନୁଆରୀ 17ରୁ ଆରମ୍ଭ ହେବ । ଏହି ଗସ୍ତ ସମୟରେ ସେ ଗାନ୍ଧୀନଗର,ଅହମ୍ମଦାବାଦ ଓ ହାଜିରା ଗସ୍ତ କରିବେ ।
ଆସନ୍ତାକାଲି ଗାନ୍ଧୀନଗରରେ ମହାତ୍ମା ମନ୍ଦିର ପ୍ରଦର୍ଶନୀ ଓ ସମ୍ମିଳନୀ କକ୍ଷରେ ତାଙ୍କ ପ୍ରଥମ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଗୁଜରାଟ ବୈଶ୍ୱିକ ବାଣିଜ୍ୟ ପ୍ରଦର୍ଶନୀର ଉଦଘାଟନ କରିବେ । ଏହି ପ୍ରଦର୍ଶନୀ ଅନ୍ତର୍ଗତ 25ରୁ ଉର୍ଦ୍ଧ୍ଵ ଶିଳ୍ପ ଏବଂ ବାଣିଜ୍ୟିକ କ୍ଷେତ୍ରମାନଙ୍କୁ ପ୍ରଦର୍ଶିତ କରାଯିବ ।
ସଂଧ୍ୟାରେ ସେ ଅହମ୍ମଦାବାଦଠାରେ ସର୍ଦ୍ଦାର ବଲ୍ଲଭଭାଏ ପଟେଲ ଚିକିତ୍ସା ବିଜ୍ଞାନ ଏବଂ ଗବେଷଣା ପ୍ରତିଷ୍ଠାନକୁ ଉଦଘାଟନ କରିବେ । ଏହା ଅହମ୍ମଦାବାଦ ମୁନିସପାଲ କର୍ପୋରେସନ ଦ୍ୱାରା ନିର୍ମିତ ସ୍ୱତନ୍ତ୍ର ସୁବିଧା ଥିବା ଏକ ଅତ୍ୟାଧୁନିକ ସାର୍ବଜନୀନ ଡାକ୍ତରଖାନା ଏବଂ ଏଥିରେ ଏୟାର ଆମ୍ବୁଲାନ୍ସ ସହିତ ସମସ୍ତ ଅତ୍ୟାଧୁନିକ ସୁବିଧା ରହିଛି । 78 ମିଟର ଉଚ୍ଚତା ବିଶିଷ୍ଟ ଏହି ସୌଧ ଦକ୍ଷତା,ପରିମାପକ ଏବଂ ବେଗର ଏକ ପ୍ରକୃତ ମିଶ୍ରଣ ।
ଡିଜିଟାଲ ଭାରତର ଭାବନାକୁ ଆଖି ଆଗରେ ରଖି ଏହା ହେବ ସମ୍ପୂର୍ଣ୍ଣ ଭାବେ ଏକ କାଗଜ ବିହୀନ ଡାକ୍ତରଖାନା । ଏହା ସାଧାରଣ ଜନତାଙ୍କ ସେବା କରିବ ଏବଂ ଆୟୁଷ୍ମାନ ଭାରତର ଅନ୍ତର୍ଦ୍ଦୁଷ୍ଟିକୁ ବ୍ୟାପକ କରିବା ନେଇ ସହାୟକ ହେବ ।
ପ୍ରଧାନମନ୍ତ୍ରୀ ହସପିଟାଲର ସୁବିଧା ସୁଯୋଗକୁ ତଦାରଖ କରିବେ ଏବଂ ଏକ ସମ୍ମେଳନକୁ ସମ୍ବୋଧନ କରିବେ ।
ପରେ ସଂଧ୍ୟାରେ ପ୍ରଧାନମନ୍ତ୍ରୀଙ୍କ ଦ୍ୱାରା ଅହମ୍ମଦାବାଦ ସପିଙ୍ଗ ଫେଷ୍ଟଭାଲ-2019ର ଉଦଘାଟନ କରାଯିବ । ଏହା ଉଦ୍ୟୋଗୀ ଗୁଜରାଟ ସମ୍ମିଳନୀ ସହ ଏକାସଙ୍ଗେ ଆୟୋଜନ କରାଯାଉଛି । ପ୍ରଧାନମନ୍ତ୍ରୀ ମଧ୍ୟ ଭାଏବ୍ରାଣ୍ଟ ଗୁଜରାଟ ଅହମ୍ମଦାବାଦ ସପିଙ୍ଗ ଫେଷ୍ଟିଭାଲ ମାସ୍କଟର ଉନ୍ମୋଚନ କରିବେ । ଅହମ୍ମଦାବାଦ ସପିଙ୍ଗ ଫେଷ୍ଟିଭାଲ 2019 ହେଉଛି ଭାରତରେ ଆୟୋଜିତ ଏପରି ଏକ ପ୍ରଥମ କାର୍ଯ୍ୟକ୍ରମ । ଏହା ସହରର ଉଦ୍ୟୋଗମାନଙ୍କୁ ସେମାନଙ୍କ ଉତ୍ପାଦର ପ୍ରଦର୍ଶନ କରିବା ପାଇଁ ଏକ ସୁଯୋଗ ପ୍ରଦାନ କରିବ ।
ପ୍ରଧାନମନ୍ତ୍ରୀ ମଧ୍ୟ ଏହି ଅବସରରେ ଏକ ଜନସାଧାରଣଙ୍କ ସମ୍ମିଳନୀକୁ ସମ୍ବୋଧିତ କରିବେ ।
ପରଦିନ ଅର୍ଥାତ 2019 ଜାନୁଆରୀ 18ରେ ପ୍ରଧାନମନ୍ତ୍ରୀ ଗାନ୍ଧୀନଗରଠାରେ ମହାତ୍ମା ମନ୍ଦିର ପ୍ରଦର୍ଶନୀ ଓ ସମ୍ମିଳନୀ କେନ୍ଦ୍ରରେ ଭାଏବ୍ରାଣ୍ଟ ଗୁଜରାଟ ସମ୍ମିଳନୀର ନବମ ସଂସ୍କରଣର ଉଦଘାଟନ କରିବେ ।
ଗୁଜରାଟକୁ ଏକ ପସନ୍ଦ ଯୋଗ୍ୟ ନିବେଶ ଲକ୍ଷ୍ୟସ୍ଥଳରେ ପୁନଃ ପ୍ରତିଷ୍ଠିତ କରିବା ପାଇଁ ଗୁଜରାଟର ମୁଖ୍ୟମନ୍ତ୍ରୀ ଥିବା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 2003ରେ ଭାଏବ୍ରାଣ୍ଟ ଗୁଜରାଟ ସମ୍ମିଳନୀର ପରିକଳ୍ପନା କରିଥିଲେ । ବୈଶ୍ୱିକ ସାମାଜିକ-ଅର୍ଥନୈତିକ ବିକାଶ, ଜ୍ଞାନ ବଂଟନ ଏବଂ ଫଳପ୍ରଦ ଭାଗୀଦାରୀତା ଆଦି ବିଷୟକୁ ନେଇ ମାନସ ମନ୍ଥନ ପାଇଁ ଏହି ସମ୍ମିଳନୀ ଏକ ଭିତ୍ତିଭୂମି ପ୍ରଦାନ କରିବ ।
ହାଜିରା ବନ୍ଧୁକ କାରଖାନା ପ୍ରତିଷ୍ଠା କରିବା ପାଇଁ ପ୍ରଧାନମନ୍ତ୍ରୀ 2019 ଜାନୁଆରୀ 19ରେ ହାଜିରା ଗସ୍ତ କରିବେ ।
ହାଜିରାରୁ ସେ ଦାଦ୍ରା ନଗର ହାବେଳୀର ସିଲଭାସା ଯାତ୍ରା କରିବେ । ସେଠାରେ ସେ ବିଭିନ୍ନ ଉନ୍ନୟନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ ।
ତାଙ୍କ ଗସ୍ତ ଶେଷରେ ଜାନୁଆରୀ 19ରେ ପ୍ରଧାନମନ୍ତ୍ରୀ ମୁମ୍ବାଇ ଯିବେ । ସେଠାରେ ସେ ଭାରତୀୟ ଜାତୀୟ ଚଳଚ୍ଚିତ୍ର ସଂଗ୍ରହାଳୟର ନୂତନ ଅଟ୍ଟାଳିକାକୁ ଉଦଘାଟନ କରିବେ ।
