ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୬ ମାର୍ଚ୍ଚ ୨୦୨୨ ରେ ପୁଣେ ଗସ୍ତରେ ଯିବା ସହିତ ପୁଣେ ମେଟ୍ରୋ ରେଳ ପ୍ରକଳ୍ପର ଉଦଘାଟନ କରିବେ । ସେ ବିଭିନ୍ନ ବିକାଶମୂଳକ ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ କରିବେ ।
ପୂର୍ବାହ୍ନ ପ୍ରାୟ ୧୧ ଟାରେ ପ୍ରଧାନମନ୍ତ୍ରୀ ପୁଣେ ମହାନଗର ନିଗମ ପରିସରରେ ଶ୍ରୀ ଛତ୍ରପତି ଶିବାଜୀ ମହାରାଜଙ୍କ ପ୍ରତିମୂର୍ତ୍ତିକୁ ଉନ୍ମୋଚନ କରିବେ । ଏହି ପ୍ରତିମୂର୍ତ୍ତି ୧୮୫୦ କିଲୋଗ୍ରାମ ଧାତୁରେ ର୍ନିମିତ ଏବଂ ଏହାର ଉଚ୍ଚତା ପ୍ରାୟ ୯.୫ ଫୁଟ ।
ପ୍ରଧାନମନ୍ତ୍ରୀ ପୂର୍ବାହ୍ନ ୧୧:୩୦ ସମୟରେ ପୁଣେ ମେଟ୍ରୋ ରେଳ ପ୍ରକଳ୍ପର ଉଦଘାଟନ କରିବେ । ପୁଣେରେ ସହରୀ ଗତିଶୀଳତା ପାଇଁ ବିଶ୍ୱ ସ୍ତରୀୟ ଭିତ୍ତିଭୂମି ଯୋଗାଇବା ଲାଗି ଏହି ପ୍ରକଳ୍ପ ଏକ ପ୍ରୟାସ । ଏହି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ମଧ୍ୟ ୨୪ ଡିସେମ୍ବର ୨୦୧୬ ରେ ପ୍ରଧାନମନ୍ତ୍ରୀଙ୍କ ଦ୍ୱାରା ହୋଇଥିଲା । ପୁଣେ ମେଟ୍ରୋ ରେଳ ପ୍ରକଳ୍ପର ମୋଟ୍ ୩୨.୨ କିଲୋମିଟର ମଧ୍ୟରୁ ୧୨ କିଲୋମିଟରକୁ ପ୍ରଧାନମନ୍ତ୍ରୀ ଉଦଘାଟନ କରିବେ । ୧୧,୪୦୦ କୋଟିରୁ ଅଧିକ ମୂଲ୍ୟରେ ଏହି ପ୍ରକଳ୍ପ ର୍ନିମାଣ କରାଯାଉଛି । ସେ ଗାରୱାରେ ମେଟ୍ରୋ ଷ୍ଟେସନରେ ପ୍ରଦର୍ଶନୀକୁ ଉଦଘାଟନ ଏବଂ ଅନୁଧ୍ୟାନ କରିବେ ଏବଂ ସେଠାରୁ ଆନନ୍ଦନଗର ମେଟ୍ରୋ ଷ୍ଟେସନ ପର୍ଯ୍ୟନ୍ତ ମେଟ୍ରୋରେ ଯାତ୍ରା କରିବେ ।
ମଧ୍ୟାହ୍ନ ପ୍ରାୟ ୧୨ ଟା ସମୟରେ ପ୍ରଧାନମନ୍ତ୍ରୀ ଏକାଧିକ ବିକାଶମୂଳକ ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ ଓ ଉଦଘାଟନ କରିବେ । ସେ ମୁଲା-ମୁଥା ନଦୀ ପ୍ରକଳ୍ପର ନବୀକରଣ ଏବଂ ପ୍ରଦୂଷଣ ହ୍ରାସର ମୂଳଦୂଆ ପକାଇବେ । ପ୍ରାୟ ୧୦୮୦ କୋଟି ଟଙ୍କାରୁ ଅଧିକ ମୂଲ୍ୟର ପ୍ରକଳ୍ପରେ ନଦୀର ୯ କିଲୋମିଟର ଅବବାହିକାର ନବୀକରଣ କାର୍ଯ୍ୟ କରାଯିବ । ଏଥିରେ ନଦୀ ତଟର ସୁରକ୍ଷା, ଇଣ୍ଟରସେପ୍ଟର ସ୍ୱେରେଜ୍ ନେଟୱାର୍କ, ଜନସାଧାରଣଙ୍କ ପାଇଁ ସୁବିଧା, ନୌଚାଳନା କାର୍ଯ୍ୟକଳାପ ଇତ୍ୟାଦି କାର୍ଯ୍ୟ ଅନ୍ତର୍ଭୁକ୍ତ ହେବ । ୧୪୭୦ କୋଟିରୁ ଅଧିକ ଟଙ୍କା ବ୍ୟୟରେ “ୱାନ ସିଟି ୱାନ ଅପରେଟର” ର ସଂକଳ୍ପ ଉପରେ ମୁଲା-ମୁଥା ନଦୀ ପ୍ରଦୂଷଣ ନିବାରଣ ପ୍ରକଳ୍ପ କାର୍ଯ୍ୟକାରୀ ହେବ । ପ୍ରାୟ ୪୦୦ ଏମଏଲଡି ମିଳିତ କ୍ଷମତା ସହିତ ଏହି ପ୍ରକଳ୍ପ ଅଧୀନରେ ସମୁଦାୟ ୧୧ ଟି ସ୍ୱେରେଜ୍ ଟ୍ରିଟମେଣ୍ଟଣ୍ଟ ପ୍ଲାଣ୍ଟଣ୍ଟ ର୍ନିମାଣ କରାଯିବ । ପ୍ରଧାନମନ୍ତ୍ରୀ ୧୦୦ଟି ଇ-ବସ୍ ସହିତ ବାନରରେ ର୍ନିମିତ ୧୦୦ ଇ-ବସ୍ ଡିପୋର ମଧ୍ୟ ଶୁଭାରମ୍ଭ କରିବେ ।
ପୁଣେର ବାଲେୱାଡିରେ ର୍ନିମିତ ଆର.କେ ଲକ୍ଷ୍ମଣ ଆର୍ଟ ଗ୍ୟାଲେରୀ-ସଂଗ୍ରହାଳୟକୁ ପ୍ରଧାନମନ୍ତ୍ରୀ ଉଦଘାଟନ କରିବେ । ସଂଗ୍ରହାଳୟର ମୁଖ୍ୟ ଆକର୍ଷଣ ହେଉଛି ମାଲଗୁଡି ଗାଁ ଉପରେ ଆଧାରିତ ଏକ କ୍ଷୁଦ୍ର ମଡେଲ ଯାହା ଅଡିଓ-ଭିଜୁଆଲ୍ ଇଫେକ୍ଟ ମାଧ୍ୟମରେ ଜୀବନ୍ତ ଲାଗିବ । କାର୍ଟୁନିଷ୍ଟ ଆର କେ ଲକ୍ଷ୍ମଣଙ୍କ ଦ୍ୱାରା ଅଙ୍କିତ କାର୍ଟୁନ୍ ଏହି ସଂଗ୍ରହାଳୟରେ ପ୍ରଦର୍ଶିତ ହେବ । ଏହା ପରେ, ଅପରାହ୍ନ ପ୍ରାୟ ୧:୪୫ ରେ ପ୍ରଧାନମନ୍ତ୍ରୀ ସିମ୍ବିବିଓସିସ୍ ବିଶ୍ୱବିଦ୍ୟାଳୟର ସୁବର୍ଣ୍ଣ ଜୟନ୍ତୀ ସମାରୋହର ଶୁଭାରମ୍ଭ କରିବେ ।
