ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୨୭ ଡିସେମ୍ବର ୨୦୨୧ ରେ ହିମାଚଳ ପ୍ରଦେଶର ମାଣ୍ଡି ପରିଦର୍ଶନ କରିବେ । ସେ ଅପରାହ୍ନ ପ୍ରାୟ ୧୨ ଟା ସମୟରେ ୧୧,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ଜଳ ବିଦ୍ୟୁତ୍ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । କାର୍ଯ୍ୟକ୍ରମ ପୂର୍ବରୁ ପୂର୍ବାହ୍ନ ପ୍ରାୟ ୧୧.୩୦ ସମୟରେ ସେ ହିମାଚଳ ପ୍ରଦେଶର ଗ୍ଲୋବାଲ ଇନଭେଷ୍ଟର୍ସ ମିଟ୍ ର ଦ୍ୱିତୀୟ ଭୂପି ପୂଜନ ସମାରୋହରେ ଅଧ୍ୟକ୍ଷତା କରିବେ ।
ପ୍ରଧାନମନ୍ତ୍ରୀ ଦେଶରେ ଉପଲବ୍ଧ ସମ୍ବଳର ଅନାବଶ୍ୟକ ସମ୍ଭାବନାକୁ ସମ୍ପୂର୍ଣ୍ଣରୂପେ ଉପଯୋଗ କରିବା ଉପରେ ଧ୍ୟାନ ଦେଇଛନ୍ତି । ଏହି ପରିପ୍ରେକ୍ଷୀରେ ଗୋଟିଏ ହେଉଛି ହିମାଳୟ ଅଞ୍ଚଳରେ ଜଳ ବିଦ୍ୟୁତ୍ କ୍ଷମତାକୁ ଉପଯୁକ୍ତ ଭାବରେ ଉପଯୋଗ କରିବା । ଏହି ପ୍ରକଳ୍ପଗୁଡିକ ଉଦଘାଟିତ ହେବ ଏବଂ ଏହି ଗସ୍ତ ସମୟରେ ପ୍ରଧାନମନ୍ତ୍ରୀଙ୍କ ଦ୍ୱାରା ଭିତ୍ତି ପ୍ରସ୍ତର ସ୍ଥାପନ କରାଯିବା ଏ ଦିଗରେ ଏକ ପ୍ରମୁଖ ପଦକ୍ଷେପ ଭାବେ ପ୍ରତିଫଳିତ ହେବ ।
ପ୍ରଧାନମନ୍ତ୍ରୀ ରେଣୁକାଜୀ ଡ୍ୟାମ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । ପ୍ରାୟ ତିନି ଦଶନ୍ଧି ଧରି ବିଚାରାଧୀନ ଅବସ୍ଥାରେ ଥିବା ଏହି ପ୍ରକଳ୍ପ ପ୍ରଧାନମନ୍ତ୍ରୀଙ୍କ ସଂଘୀୟ ସହଯୋଗ ସମ୍ଭବ ହୋଇପାରିଥିଲା, ଯେତେବେଳେ କେନ୍ଦ୍ର ଦ୍ୱାରା ହିମାଚଳ ପ୍ରଦେଶ, ଉତ୍ତରପ୍ରଦେଶ, ହରିୟାଣା, ରାଜସ୍ଥାନ, ଉତ୍ତରାଖଣ୍ଡ ଏବଂ ଦିଲ୍ଲୀ ଛଅଟି ରାଜ୍ୟ ଏକତ୍ରିତ ହୋଇଥିଲେ । ଏହି ୪୦ ମେଗାୱାଟ ପ୍ରକଳ୍ପ ପ୍ରାୟ ୭୦୦୦ କୋଟି ଟଙ୍କା ବ୍ୟୟରେ ର୍ନିମାଣ ହେବ । ଏହା ଦିଲ୍ଲୀ ପାଇଁ ଅତ୍ୟନ୍ତ ଲାଭଦାୟକ ପ୍ରମାଣିତ ହେବ, ଯାହା ପ୍ରତିବର୍ଷ ପ୍ରାୟ ୫୦୦ ନିୟୁତ ଘନ ମିଟର ଜଳ ଯୋଗାଣରେ ସକ୍ଷମ ହେବ ।
ପ୍ରଧାନମନ୍ତ୍ରୀ ଲୁହରୀ ଜଳ ବିଦ୍ୟୁତ୍ ପ୍ରକଳ୍ପର ପ୍ରଥମ ପର୍ଯ୍ୟାୟର ଭିତ୍ତିପ୍ରସ୍ତର ସ୍ଥାପନ କରିବେ । ୨୧୦ ମେଗାୱାଟର ଏହି ପ୍ରକଳ୍ପ ୧୮୦୦ କୋଟିରୁ ଅଧିକ ମୂଲ୍ୟରେ ର୍ନିମିତ ହେବ । ଏହା ପ୍ରତିବର୍ଷ ୭୫୦ ନିୟୁତ ୟୁନିଟ୍ ବିଦ୍ୟୁତ୍ ଉତ୍ପାଦନ କରିବ । ଆଧୁନିକ ଏବଂ ର୍ନିଭରଶୀଳ ଗ୍ରୀଡ୍ ସହାୟତାରେ ଏହି ଅଞ୍ଚଳ ଏବଂ ଏହାର ଆଖପାଖ ରାଜ୍ୟଗୁଡିକ ପାଇଁ ମଧ୍ୟ ଲାଭଦାୟକ ପ୍ରମାଣିତ ହେବ ।
ପ୍ରଧାନମନ୍ତ୍ରୀ ଧଉଳାସିଧ ଜଳ ବିଦ୍ୟୁତ୍ ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ କରିବେ । ଏହା ହମିରପୁର ଜିଲ୍ଲାରେ ଏଡି ଧରଣର ପ୍ରଥମ ଜଳ ବିଦ୍ୟୁତ୍ ପ୍ରକଳ୍ପ ହେବ । ଏହି ୬୬ ମେଗାୱାଟ ପ୍ରକଳ୍ପ ୬୮୦ କୋଟିରୁ ଅଧିକ ବ୍ୟୟରେ ର୍ନିମିତ ହେବ । ଏହା ପ୍ରତିବର୍ଷ ୩୦୦ ନିୟୁତ ୟୁନିଟ୍ ବିଦ୍ୟୁତ୍ ଉତ୍ପାଦନ କରିବ ।
ପ୍ରଧାନମନ୍ତ୍ରୀ ସାୱରା-କୁଡୁ ଜଳ ବିଦ୍ୟୁତ୍ ପ୍ରକଳ୍ପର ଉଦଘାଟନ କରିବେ । ଏହି ୧୧୧ ମେଗାୱାଟ ପ୍ରକଳ୍ପ ପ୍ରାୟ ୨୦୮୦ କୋଟି ଟଙ୍କା ବ୍ୟୟରେ ର୍ନିମାଣ କରାଯାଇଛି । ଏହା ପ୍ରତିବର୍ଷ ୩୮୦ ନିୟୁତ ୟୁନିଟ୍ ବିଦ୍ୟୁତ ଉତ୍ପାଦନ କରିବ ଏବଂ ରାଜ୍ୟକୁ ବାର୍ଷିକ ୧୨୦ କୋଟି ଟଙ୍କାରୁ ଅଧିକ ରାଜସ୍ୱ ଆୟ କରିବାରେ ସାହାଯ୍ୟ କରିବ ।
ପ୍ରଧାନମନ୍ତ୍ରୀ ମଧ୍ୟ ହିମାଚଳ ପ୍ରଦେଶର ଗ୍ଲୋବାଲ ଇନଭେଷ୍ଟର୍ସ ମିଟ୍ ର ଦ୍ୱିତୀୟ ଭୂମି ପୂଜନ ସମାରୋହରେ ଅଧ୍ୟକ୍ଷତା କରିବେ । ଏହି ସମାରୋହ ଦ୍ୱାରା ସ୍ଥାନୀୟ ଅଞ୍ଚଳରେ ପୁଞ୍ଜି ବିନିଯୋଗ ବୃଦ୍ଧି ହେବା ସହିତ ପ୍ରାୟ ୨୮,୦୦୦ କୋଟି ଟଙ୍କା ମୂଲ୍ୟର ପ୍ରକଳ୍ପ ଆରମ୍ଭ ହେବା ନେଇ ଆଶା କରାଯାଉଛି ।
