ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜାଲିଆନାୱାଲା ବାଗ ସ୍ମାରକର ନବୀକରଣ ହୋଇଥିବା କଂପ୍ଲେକ୍ସକୁ ୨୮ ଅଗଷ୍ଟ ୨୦୨୧ ରେ ଭିଡିଓ କନଫରେନ୍ସିଂ ମାଧ୍ୟମରେ ଦେଶକୁ ଉତ୍ସର୍ଗ କରିବେ । ସେ ଆହୁରି ମଧ୍ୟ ସ୍ମାରକୀରେ ବିକଶିତ ସଂଗ୍ରହାଳୟ ଗ୍ୟାଲେରୀର ଉଦଘାଟନ କରିବେ । ଏହି କାର୍ଯ୍ୟକ୍ରମରେ କଂପ୍ଲେକ୍ସ ର ନବୀକରଣ ପାଇଁ ସରକାର ନେଇଥିବା ଏକାଧିକ ବିକାଶମୂଳକ ପଦକ୍ଷେପ ମଧ୍ୟ ପ୍ରଦର୍ଶିତ ହେବ ।
ପଦକ୍ଷେପ ଗ୍ରହଣ
ଅନାବଶ୍ୟକ ଏବଂ ଅବ୍ୟବହୃତ ଅଟ୍ଟାଳିକାର ଆବଶ୍ୟକତା ଅନୁଯାୟୀ ପୁନଃ ବ୍ୟବହାର ମାଧ୍ୟମରେ ଚାରୋଟି ସଂଗ୍ରହାଳୟ ଗ୍ୟାଲେରୀ ସୃଷ୍ଟି କରାଯାଇଛି । ଗ୍ୟାଲେରୀଗୁଡିକ ସେହି ସମୟ ମଧ୍ୟରେ ପଞ୍ଜାବରେ ଘଟିଥିବା ଘଟଣାଗୁଡ଼ିକର ଐତିହାସିକ ମୂଲ୍ୟ ପ୍ରଦର୍ଶନ କରୁଛି ଯେଉଁଥିରେ ଅଡିଓ-ଭିଜୁଆଲ୍ ଜ୍ଞାନକୌଶଳ, ପ୍ରୋଜେକସନ ମ୍ୟାପିଂ ଏବଂ ୩ଡି ପ୍ରତିନିଧିତ୍ୱ ସହିତ କଳା ଏବଂ ମୂର୍ତ୍ତି ସ୍ଥାପନର ମିଶ୍ରଣ ହୋଇଛି ।
୧୩ ଏପ୍ରିଲ, ୧୯୧୯ ରେ ଘଟିଥିବା ଘଟଣାଗୁଡ଼ିକୁ ପ୍ରଦର୍ଶନ କରିବା ପାଇଁ ଶବ୍ଦ ଏବଂ ଆଲୋକ ପ୍ରଦର୍ଶନ ବ୍ୟବସ୍ଥା କରାଯାଇଛି ।
କମ୍ପେ୍ଲକ୍ସରେ ଏକାଧିକ ବିକାଶମୂଳକ ପଦକ୍ଷେପ ନିଆଯାଇଛି । ପଞ୍ଜାବର ସ୍ଥାନୀୟ ସ୍ଥାପତ୍ୟ ଶୈଳୀ ସହିତ ଅନୁରୂପ ଭାବେ ବିସ୍ତୃତ ଐତିହ୍ୟ ପୁନରୁଦ୍ଧାର କାର୍ଯ୍ୟ କରାଯାଇଛି । ଶାହିଡି କୂଅର ମରାମତି ଏବଂ ନିର୍ମାଣ ସହିତ ପୁନଃ ସ୍ଥାପିତ ହୋଇଛି । ବାଗର ହୃଦୟ, ଅଗ୍ନି ସ୍ମାରକୀ, ମରାମତି ଏବଂ ପୁନଃରାୟ ସ୍ଥାପିତ ହୋଇଛି, ଜଳାଶୟକୁ ଏକ ପଦ୍ମ ପୋଖରୀ ରୂପେ ପୁର୍ନଜୀବିତ କରାଯାଇଛି ଏବଂ ଉତ୍ତମ ନୌଚାଳନା ପାଇଁ ପଥଗୁଡ଼ିକ ବିସ୍ତୃତ ହୋଇଛି ।
କେତେକ ନୂତନ ଏବଂ ଆଧୁନିକ ସୁବିଧା ସୁଯୋଗ ଅର୍ନ୍ତଭୁକ୍ତ କରାଯାଇଛି, ଏଥି ମଧ୍ୟରେ ଯାତାୟତ ପାଇଁ ଚକଚକ୍ କରୁଥିବା ର୍ନିଦ୍ଧିଷ୍ଟ ପଥ, ରଣନୀତିକ ଚିହ୍ନଗୁଡ଼ିକର ଆଲୋକୀକରଣ; ଦେଶୀ ବୃକ୍ଷରୋପଣ ସହିତ ସବୁଜ ଗାଲିଚା ଏବଂ ଟାଇଲ ବିଛାଯାଇଛି; ଏବଂ ସମଗ୍ର ବଗିଚାରେ ଗୀତ ଶୁଣିବାପାଇଁ ସ୍ପିକରଗୁଡିକ ଖଞ୍ଜା ଯାଇଛି । ଏଥି ସହିତ ସାଲଭେସନ୍ ଗ୍ରାଉଣ୍ଡ, ଅମର ଜ୍ୟୋତି ଏବଂ ଫ୍ଲାଗ୍ ମାଷ୍ଟ୍ ଘର ପାଇଁ ନୂତନ କ୍ଷେତ୍ରଗୁଡିକ ବିକାଶ କରାଯାଇଛି ।
ଏହି ଅବସରରେ କେନ୍ଦ୍ର ସଂସ୍କୃତି ମନ୍ତ୍ରୀ, ଗୃହ ଓ ସହରାଞ୍ଚଳ ବ୍ୟାପାର ମନ୍ତ୍ରୀ, ରାଜ୍ୟ ସଂସ୍କୃତି ମନ୍ତ୍ରୀ, ରାଜ୍ୟପାଳ ଏବଂ ପଞ୍ଜାବର ମୁଖ୍ୟମନ୍ତ୍ରୀ; ହରିୟାଣା, ଉତ୍ତରପ୍ରଦେଶ ଏବଂ ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ; ଏହି ଅବସରରେ ପଞ୍ଜାବର ସମସ୍ତ ଲୋକସଭା ଏବଂ ରାଜ୍ୟସଭା ସାଂସଦ, ଜଲିଆନାୱାଲା ବାଗ ଜାତୀୟ ସ୍ମାରକ ଟ୍ରଷ୍ଟର ସଦସ୍ୟମାନେ ଯୋଗଦେବେ ।
