ସେୟାର
 
Comments
PM Modi appreciates dedication and perseverance shown by the nation’s healthcare workers, frontline workers and administrators during these difficult times
All the officials have a very important role in the war against Corona like a field commander: PM Modi
Work is being done rapidly to install oxygen plants in hospitals in every district of the country through PM CARES Fund: PM Modi
Continuous efforts are being made to increase the supply of Corona vaccine on a very large scale: PM Modi

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କୋଭିଡ ସଂକ୍ରାନ୍ତ ପରିସ୍ଥିତି ସମ୍ପର୍କରେ ଆଜି ଦେଶର ବିଭିନ୍ନ ସ୍ଥାନରୁ ଡାକ୍ତରମାନଙ୍କ ଦଳ ସହିତ ଭିଡିଓ କନଫରେନ୍ସିଂ ଜରିଆରେ ଆଲୋଚନା କରିଛନ୍ତି।

କୋଭିଡର ଦ୍ବିତୀୟ ଲହରୀ ସମୟରେ ଦେଖାଦେଇଥିବା ଅଭୂତପୂର୍ବ ପରିସ୍ଥିତି ବିରୋଧରେ  ଲଢ଼େଇ କରି ଉଲ୍ଲେଖନୀୟ ଉଦାହରଣ ପ୍ରସ୍ତୁତ କରିଥିବାରୁ ସମ୍ପୂର୍ଣ୍ଣ ସ୍ବାସ୍ଥ୍ୟସେବା ଜଗତ ଓ ସ୍ବାସ୍ଥ୍ୟକର୍ମୀମାନଙ୍କୁ ପ୍ରଧାନମନ୍ତ୍ରୀ ଧନ୍ୟବାଦ ଜଣାଇଥିଲେ। ସେ କହିଥିଲେ ଯେ ଆଜି ସାରା ଦେଶ ସେମାନଙ୍କ ନିକଟରେ ଋଣୀ ହୋଇ ରହିଛି। ସେ ଉଲ୍ଲେଖ କରିଥିଲେ ଯେ ରେକର୍ଡ ସମୟ ମଧ୍ୟରେ ନମୁନା ପରୀକ୍ଷା, ଔଷଧ ଯୋଗାଣ କିମ୍ବା ନୂତନ ଭିତ୍ତିଭୂମି ନିର୍ମାଣ ହେଉ, ଏସବୁ କାର୍ଯ୍ୟ ଦ୍ରୁତ ବେଗରେ କାର୍ଯ୍ୟକାରୀ କରାଯାଉଛି। ଅକ୍ସିଜେନ ଉତ୍ପାଦନ ଏବଂ ଯୋଗାଣ କ୍ଷେତ୍ରରେ ରହିଥିବା ସମସ୍ୟା ଦୂର କରାଯାଉଛି। ଏମବିବିଏସ ଡାକ୍ତରୀ ଛାତ୍ରଛାତ୍ରୀଙ୍କୁ କୋଭିଡ ଚିକିତ୍ସାରେ ନିୟୋଜିତ କରିବା ଏବଂ ସ୍ବାସ୍ଥ୍ୟ ସେବା ବ୍ୟବସ୍ଥାକୁ ସୁଦୃଢ଼ କରିବା ଲାଗି ଆଶା ଓ ଅଙ୍ଗନଓ୍ବାଡ଼ି କର୍ମୀଙ୍କୁ ଅତିରିକ୍ତ ସହାୟତା ଯୋଗାଇ ଦେବା ଆଦି ମାନବ ସମ୍ବଳ ବୃଦ୍ଧି ପାଇଁ ଦେଶରେ ପଦକ୍ଷେପ ଗ୍ରହଣ କରାଯାଇଛି।

ପ୍ରଧାନମନ୍ତ୍ରୀ ଆଲୋକପାତ କରି କହିଥିଲେ ଯେ ଅଗ୍ରଣୀ ଯୋଦ୍ଧାମାନଙ୍କୁ ପ୍ରଥମେ ଟିକାକରଣ କରାଇବାର ରଣନୀତି ଦ୍ବିତୀୟ ଲହରୀ ସମୟରେ ଉତ୍ତମ ଫଳାଫଳ ପ୍ରଦାନ କରିଛି। ଦେଶରେ ପାଖାପାଖି 90 ପ୍ରତିଶତ ସ୍ବାସ୍ଥ୍ୟସେବା ପେସାଦାର ପ୍ରଥମ ଡୋଜ ଟିକା ନେଇସାରିଛନ୍ତି। ଟିକା ଅଧିକାଂଶ ଡାକ୍ତରଙ୍କ ନିରାପତ୍ତା ସୁନିଶ୍ଚିତ କରିଛି।

ଦୈନିକ କାର୍ଯ୍ୟରେ ଅକ୍ସିଜେନ ଅଡିଟ୍ ସୁନିଶ୍ଚିତ କରିବା ଲାଗି ପ୍ରଧାନମନ୍ତ୍ରୀ ଡାକ୍ତରମାନଙ୍କୁ ଅନୁରୋଧ କରିଥିଲେ। ଅଧିକାଂଶ ସଂଖ୍ୟକ ରୋଗୀ ଏବେ ‘ଗୃହ ସଙ୍ଗରୋଧ’ରେ ରହୁଥିବା ଉଲ୍ଲେଖ କରି ସେ ଡାକ୍ତରମାନଙ୍କୁ ଅନୁରୋଧ କରିଥିଲେ ଯେ ଘରେ ଚିକିତ୍ସିତ ହେଉଥିବା ରୋଗୀଙ୍କୁ ଏସଓପି ଅନୁଯାୟୀ ସ୍ବାସ୍ଥ୍ୟସେବା ଦିଆଯିବା ଆବଶ୍ୟକ। ସେ କହିଥିଲେ ଯେ ଟେଲିମେଡ଼ିସିନ ସେବା ଗୃହ ସଙ୍ଗରୋଧରେ ରହୁଥିବା ରୋଗୀଙ୍କ କ୍ଷେତ୍ରରେ ଏକ ବଡ଼ ଭୂମିକା ନିର୍ବାହ କରିଛି ଏବଂ ଏହି ସେବା ଗ୍ରାମାଞ୍ଚଳ କ୍ଷେତ୍ରକୁ ମଧ୍ୟ ସମ୍ପ୍ରସାରିତ ହେବା ଆବଶ୍ୟକ। ଗ୍ରାମାଞ୍ଚଳରେ ଦଳଗତ ହୋଇ ଟେଲିମେଡ଼ିସିନ ସେବା ଯୋଗାଇ ଦେଉଥିବା ଡାକ୍ତରମାନଙ୍କୁ ସେ ପ୍ରଶଂସା କରିଥିଲେ। ସେ ବିଭିନ୍ନ ରାଜ୍ୟର ଡାକ୍ତରମାନଙ୍କୁ ଅନୁରୋଧ କରି କହିଥିଲେ ଯେ ସେମାନେ ସେହିପରି ଦଳ ଗଠନ କରନ୍ତୁ, ଶେଷ ବର୍ଷର ଏମବିବିଏସ ଡାକ୍ତରୀ ଛାତ୍ର ଓ ଏମବିବିଏସ ଇଣ୍ଟର୍ଣ୍ଣମାନଙ୍କୁ ପ୍ରଶିକ୍ଷିତ କରନ୍ତୁ। ଯାହାଫଳରେ ଦେଶର ସମସ୍ତ ତହସିଲ ଓ ଜିଲ୍ଲାରେ ଟେଲି ମେଡ଼ିସିନ ସେବା ସୁନିଶ୍ଚିତ କରିବା ଲାଗି କାମ ଆରମ୍ଭ ହୋଇପାରିବ।

ପ୍ରଧାନମନ୍ତ୍ରୀ ମଧ୍ୟ ମ୍ୟୁକୋରମିକୋସିସ (କବକ ସଂକ୍ରମଣ) ସମ୍ପର୍କରେ ଆଲୋଚନା କରିଥିଲେ ଏବଂ କହିଥିଲେ ଯେ ଏ ଦିଗରେ ସକ୍ରିୟ ପଦକ୍ଷେପ ଗ୍ରହଣ କରିବା ଏବଂ ଏ ସମ୍ପର୍କରେ ସଚେତନା ସୃଷ୍ଟି କରିବା ଲାଗି ଡାକ୍ତରମାନେ ଅତିରିକ୍ତ ପ୍ରୟାସ କରିବା ଆବଶ୍ୟକ। ଆହୁରି ସେ ଶାରୀରିକ ଯତ୍ନ ସହିତ ମାନସିକ ଯତ୍ନ  ଉପରେ ମଧ୍ୟ ଗୁରୁତ୍ବାରୋପ କରିଥିଲେ। ସେ କହିଥିଲେ ଯେ ଏହି ଭୂତାଣୁ ବିରୋଧରେ ଦୀର୍ଘ ଲଢ଼େଇ ନିଶ୍ଚିତ ଭାବେ ସ୍ବାସ୍ଥ୍ୟସେବା ଜଗତ ପାଇଁ ଆହ୍ବାନପୂର୍ଣ୍ଣ ହୋଇଛି, କିନ୍ତୁ ନାଗରିକମାନଙ୍କର ବିଶ୍ବାସର ଶକ୍ତି ଏ ଲଢ଼େଇରେ ସେମାନଙ୍କ ସହ ରହିଛି।

ଏହି ଆଲୋଚନା ସମୟରେ, ଡାକ୍ତରମାନେ ସଂକ୍ରମଣ ବୃଦ୍ଧି ପାଇବା ସମୟରେ ମାର୍ଗଦର୍ଶନ ଓ ନେତୃତ୍ବ ପାଇଁ ଧନ୍ୟବାଦ ଜଣାଇଥିଲେ। ସ୍ବାସ୍ଥ୍ୟକର୍ମୀଙ୍କୁ ଟିକାକରଣରେ ପ୍ରାଥମିକତା ଦେଇଥିବାରୁ ଡାକ୍ତରମାନେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଥିଲେ। କୋଭିଡର ପ୍ରଥମ ଲହରୀ ପରଠାରୁ ସେମାନେ କରିଥିବା ପ୍ରସ୍ତୁତି ଏବଂ ଦ୍ବିତୀୟ ଲହରୀ ସମୟରେ ସେମାନେ ସମ୍ମୁଖୀନ ହେଉଥିବା ଆହ୍ବାନଗୁଡ଼ିକ ସମ୍ପର୍କରେ ସେମାନେ ପ୍ରଧାନମନ୍ତ୍ରୀ ସୂଚନା ଦେଇଥିଲେ। ଡାକ୍ତରମାନେ ସେମାନଙ୍କର ଅଭିଜ୍ଞତା, ଶ୍ରେଷ୍ଠ ପ୍ରଚଳନ ଓ ଅଭିନବ ପ୍ରୟାସ ବିଷୟରେ କହିଥିଲେ। ସେମାନେ ସୂଚନା ଦେଇଥିଲେ ଯେ କୋଭିଡ ମୁକାବିଲା ସମୟରେ ଅଣକୋଭିଡ ରୋଗୀଙ୍କ ଉପଯୁକ୍ତ ଚିକିତ୍ସା ନିମନ୍ତେ ସମସ୍ତ ପଦକ୍ଷେପ ନିଆଯିବା ଆବଶ୍ୟକ। ଔଷଧର ଅନୁପଯୁକ୍ତ ବ୍ୟବହାର ସମ୍ପର୍କରେ ସତର୍କ କରାଇବା ସହିତ ଜନସାଧାରଣଙ୍କ ମଧ୍ୟରେ ସଚେତନତା ବୃଦ୍ଧି ଦିଗରେ ରହିଥିବା ଅଭିଜ୍ଞତା ସମ୍ପର୍କରେ ସେମାନେ କହିଥିଲେ।

ଏହି ବୈଠକରେ ସଦସ୍ୟ (ସ୍ବାସ୍ଥ୍ୟ) ନୀତି ଆୟୋଗ, ସ୍ବାସ୍ଥ୍ୟ ସଚିବ, ଫାର୍ମାସ୍ୟୁଟିକାଲ ସଚିବ ଏବଂ ପ୍ରଧାନମନ୍ତ୍ରୀ କାର୍ଯ୍ୟାଳୟ, କେନ୍ଦ୍ର ସରକାରଙ୍କ ବିଭିନ୍ନ ମନ୍ତ୍ରଣାଳୟ ଓ ବିଭାଗର ବରିଷ୍ଠ ଅଧିକାରୀମାନେ ଅଂଶଗ୍ରହଣ କରିଥିଲେ।

 

 

Click here to read full text speech

ପ୍ରଧାନମନ୍ତ୍ରୀ ମୋଦୀଙ୍କ 'ମନ କି ବାତ' ପାଇଁ ଆପଣଙ୍କ ବିଚାର ଏବଂ ଅନ୍ତର୍ଦୃଷ୍ଟି ପଠାନ୍ତୁ !
Modi Govt's #7YearsOfSeva
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
With 2.5 crore jabs on PM’s birthday, India sets new record for Covid-19 vaccines

Media Coverage

With 2.5 crore jabs on PM’s birthday, India sets new record for Covid-19 vaccines
...

Nm on the go

Always be the first to hear from the PM. Get the App Now!
...
ଜନ୍ମଦିନ ଶୁଭେଚ୍ଛା ଜଣାଇଥିବା ରାଷ୍ଟ୍ରପତି, ଉପରାଷ୍ଟ୍ରପତି ଓ ଅନ୍ୟ ବିଶ୍ୱ ନେତାଙ୍କୁ କୃତଜ୍ଞତା ଜଣାଇଲେ ପ୍ରଧାନମନ୍ତ୍ରୀ
September 17, 2021
ସେୟାର
 
Comments

ଜନ୍ମଦିନ ଶୁଭେଚ୍ଛା ଜଣାଇଥିବା ରାଷ୍ଟ୍ରପତି, ଉପରାଷ୍ଟ୍ରପତି ଓ ଅନ୍ୟ ବିଶ୍ୱ ନେତାଙ୍କୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କୃତଜ୍ଞତା ଜଣାଇଛନ୍ତି ।

ରାଷ୍ଟ୍ରପତିଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ମାନନୀୟ ରାଷ୍ଟ୍ରପତି ମହୋଦୟ, ଆପଣଙ୍କର ଏହି ଅମୂଲ୍ୟ ଶୁଭେଚ୍ଛା ବାର୍ତ୍ତା ପାଇଁ ହୃଦୟରୁ ସମ୍ମାନ ଜଣାଉଛି ।”  

ଉପରାଷ୍ଟ୍ରପତିଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ଚିନ୍ତାଶୀଳ ଶୁଭେଚ୍ଛା ପାଇଁ ଧନ୍ୟବାଦ ଉପରାଷ୍ଟ୍ରପତି @ଏମଭେଙ୍କିଆନାଇଡୁ ଗାରୁ ।”  

ଶ୍ରୀଲଙ୍କା ରାଷ୍ଟ୍ରପତିଙ୍କ ଟ୍ୱିଟର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି;

“ଶୁଭେଚ୍ଛା ପାଇଁ ଧନ୍ୟବାଦ ରାଷ୍ଟ୍ରପତି @ଗୋଟବାୟାଆର ।”

ନେପାଳ ପ୍ରଧାନମନ୍ତ୍ରୀଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ଆପଣଙ୍କ ଶୁଭେଚ୍ଛା ପାଇଁ ଧନ୍ୟବାଦ ଜଣାଉଛି ପିଏମ @ଶେରବିଦେଉବା ।”  

ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କ ଟ୍ୱିଟର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି;

“ଶୁଭେଚ୍ଛା ପାଇଁ ଧନ୍ୟବାଦ ବନ୍ଧୁ, ପିଏମ ରାଜପକ୍ଷ ।”

ଡୋମିନିକା ପ୍ରଧାନମନ୍ତ୍ରୀଙ୍କ ଟ୍ୱିଟର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି;

“ଆପଣଙ୍କ ଶୁଭେଚ୍ଛା ପାଇ ବେଶ କୃତଜ୍ଞ, ପିଏମ @ଏସକେରିଟଆର ।”  

ନେପାଳ ପୂର୍ବତନ ପ୍ରଧାନମନ୍ତ୍ରୀଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ଧନ୍ୟବାଦ, ଶ୍ରୀ @କେପିଶର୍ମାଓଲି ।”