କୁୱେତ ବିଦେଶମନ୍ତ୍ରୀ ମହାମାନ୍ୟ ଅବଦୁଲ୍ଲା ଅଲ୍ଲୀ ଅଲ୍-ୟାହୟା ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି ।
ନ୍ୟୁୟର୍କରେ ଗତ ସେପ୍ଟେମ୍ବର ମାସରେ କୁୱେତର ଯୁବରାଜ ମହାମହିମ ଶେଖ୍ ସବା ଖାଲେଦ୍ ଅଲ୍-ହମାଦ ଅଲ-ସବାହଙ୍କ ସହ ହୋଇଥିବା ଭେଟର ମୁହୂର୍ତ୍ତକୁ ପ୍ରଧାନମନ୍ତ୍ରୀ ସ୍ମରଣ କରିବା ସହ ଦୁଇ ଦେଶ ମଧ୍ୟରେ ବଢ଼ୁଥିବା ଦ୍ୱିପାକ୍ଷିକ ସମ୍ପର୍କ ପାଇଁ ସନ୍ତୋଷ ପ୍ରକାଶ କରିଥିଲେ ।
ଉଭୟେ ବାଣିଜ୍ୟ, ନିବେଶ, ଉର୍ଜା, ପ୍ରଯୁକ୍ତି, ସଂସ୍କୃତି ଏବଂ ଲୋକଙ୍କ ସହ ସମ୍ପର୍କ କ୍ଷେତ୍ରରେ ସହଯୋଗ ବୃଦ୍ଧି ଉପରେ ଆଲୋଚନା କରିଥିଲେ ।
କୁୱେତରେ ବସବାସ କରୁଥିବା ୧୦ ଲକ୍ଷରୁ ଅଧିକ ଭାରତୀୟ ସମ୍ପ୍ରଦାୟର ଲୋକଙ୍କ ଯତ୍ନ ନେଉଥିବାରୁ କୁୱେତ ନେତୃତ୍ୱଙ୍କୁ ପ୍ରଧାନମନ୍ତ୍ରୀ ଧନ୍ୟବାଦ ଦେଇଥିଲେ ।
ଗଲଫ ସହଯୋଗ ପରିଷଦରେ କୁୱେତର ସଭାପତିତ୍ୱ କାଳରେ ଭାରତ ଓ ଜିସିସି ମଧ୍ୟରେ ଘନିଷ୍ଠ ସହଯୋଗ ବୃଦ୍ଧି ପାଇବ ବୋଲି ପ୍ରଧାନମନ୍ତ୍ରୀ ବିଶ୍ୱାସ ବ୍ୟକ୍ତ କରିଥିଲେ । ପଶ୍ଚିମ ଏସିଆର ବର୍ତ୍ତମାନର ସ୍ଥିତି ଉପରେ ଦୁଇ ନେତା ଆଲୋଚନା କରିବା ସହ ଅଞ୍ଚଳରେ ଶୀଘ୍ର ଶାନ୍ତି, ନିରାପତ୍ତା ଓ ସ୍ଥିରତା ସକାଶେ ସହଯୋଗକୁ ଗୁରୁତ୍ୱ ଦେଇଥିଲେ ।
ସୁଯୋଗ ମିଳିଲେ ଶୀଘ୍ର କୁୱେତ ଗସ୍ତରେ ଯିବାକୁ ସେଠାକାର ନେତୃତ୍ୱଙ୍କ ନିମନ୍ତ୍ରଣକୁ ପ୍ରଧାନମନ୍ତ୍ରୀ ସ୍ୱୀକାର କରିଥିଲେ ।
Glad to receive Foreign Minister of Kuwait H.E. Abdullah Ali Al-Yahya. I thank the Kuwaiti leadership for the welfare of the Indian nationals. India is committed to advance our deep-rooted and historical ties for the benefit of our people and the region. pic.twitter.com/hR5URxPyt5
— Narendra Modi (@narendramodi) December 4, 2024
