୨୨ତମ ଆସିଆନ-ଭାରତ ଶିଖର ସମ୍ମିଳନୀ ୨୬ ଅକ୍ଟୋବର ୨୦୨୫ରେ ଅନୁଷ୍ଠିତ ହୋଇଯାଇଛି। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭର୍ଚୁଆଲ୍ ମାଧ୍ୟମରେ ଏହି ସମ୍ମିଳନୀରେ ଅଂଶଗ୍ରହଣ କରିଥିଲେ। ପ୍ରଧାନମନ୍ତ୍ରୀ ଏବଂ ଆସିଆନ ନେତାମାନେ ମିଳିତ ଭାବେ ଆସିଆନ-ଭାରତ ସମ୍ପର୍କରେ ହେଉଥିବା ଅଗ୍ରଗତିର ସମୀକ୍ଷା କରିଥିଲେ ଏବଂ ବ୍ୟାପକ ରଣନୈତିକ ସହଭାଗୀତାକୁ ସୁଦୃଢ଼ କରିବା ପାଇଁ ବିଭିନ୍ନ ପଦକ୍ଷେପ ଉପରେ ଆଲୋଚନା କରିଥିଲେ। ଏହା ଥିଲା ଭାରତ-ଆସିଆନ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀଙ୍କର ଦ୍ୱାଦଶ ଅଂଶଗ୍ରହଣ।
ପ୍ରଧାନମନ୍ତ୍ରୀ ନିଜ ଅଭିଭାଷଣରେ, ତିମୋର-ଲେଷ୍ଟେକୁ ଆସିଆନର ୧୧ତମ ସଦସ୍ୟ ହେବା ପାଇଁ ଅଭିନନ୍ଦନ ଜଣାଇଥିଲେ । ଆସିଆନର ପୂର୍ଣ୍ଣ ସଦସ୍ୟ ଭାବରେ ପ୍ରଥମ ଥର ପାଇଁ ଆସିଆନ-ଭାରତ ଶିଖର ସମ୍ମିଳନୀରେ ପ୍ରତିନିଧିମଣ୍ଡଳକୁ ସ୍ୱାଗତ କରି, ମାନବ ବିକାଶ ପାଇଁ ଭାରତର ନିରନ୍ତର ସମର୍ଥନକୁ ଦୋହରାଇଥିଲେ।
ଆସିଆନ ଏକତା, ଆସିଆନର କେନ୍ଦ୍ରୀୟତା ଏବଂ ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ଆସିଆନ ଦୃଷ୍ଟିକୋଣ ପ୍ରତି ଭାରତର ସମର୍ଥନକୁ ଦୋହରାଇ ପ୍ରଧାନମନ୍ତ୍ରୀ ଶ୍ରୀ ମୋଦୀ ଆସିଆନ କମ୍ୟୁନିଟି ଭିଜନ ୨୦୪୫କୁ ଗ୍ରହଣ କରିବା ପାଇଁ ଆସିଆନକୁ ପ୍ରଶଂସା କରିଥିଲେ।
ପ୍ରଧାନମନ୍ତ୍ରୀ କହିଥିଲେ ଯେ, ଆସିଆନ-ଭାରତ ମୁକ୍ତ ବାଣିଜ୍ୟ ରାଜିନାମା (ଏଆଇଟିଆଇଜିଏ)ର ସହଳ ସମୀକ୍ଷା ଆମ ଲୋକମାନଙ୍କ ଲାଭ ପାଇଁ ଆମ ସମ୍ପର୍କର ପୂର୍ଣ୍ଣ ଆର୍ଥିକ ସମ୍ଭାବନାକୁ ସାକାର କରିବ ଏବଂ ଆଞ୍ଚଳିକ ସହଯୋଗକୁ ଆହୁରି ମଜବୁତ କରିବ ।
ପ୍ରଧାନମନ୍ତ୍ରୀ କହିଥିଲେ ଯେ, ଆତଙ୍କବାଦ ବିଶ୍ୱ ଶାନ୍ତି ଏବଂ ସୁରକ୍ଷା ପାଇଁ ଏକ ଗମ୍ଭୀର ଆହ୍ୱାନ ଏବଂ ଆତଙ୍କବାଦ ବିରୋଧରେ ଲଢ଼ିବାରେ ଏକତାର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ।
ମାଲେସିଆର ଅଧ୍ୟକ୍ଷତାରେ "ସମଗ୍ରିକତା ଏବଂ ସ୍ଥିରତା" ବିଷୟବସ୍ତୁକୁ ସମର୍ଥନ କରି ପ୍ରଧାନମନ୍ତ୍ରୀ ନିମ୍ନଲିଖିତ ଘୋଷଣା କରିଥିଲେ:
ଆସିଆନ -ଭାରତ ବ୍ୟାପକ ରଣନୈତିକ ସହଭାଗୀତା (୨୦୨୫-୨୦୩୦)କୁ କାର୍ଯ୍ୟକାରୀ କରିବା ନିମନ୍ତେ ଆସିଆନ-ଭାରତ କାର୍ଯ୍ୟଯୋଜନା କାର୍ଯ୍ୟକାରୀ କରିବା ପାଇଁ ସଂପୂର୍ଣ୍ଣ ସମର୍ଥନ।
ଆସିଆନ-ଭାରତ ପର୍ଯ୍ୟଟନ ବର୍ଷ ପାଳନ ମାଧ୍ୟମରେ ପର୍ଯ୍ୟଟନ ସହଯୋଗକୁ ଆହୁରି ମଜବୁତ କରିବା ପାଇଁ ଆସିଆନ -ଭାରତ ନେତାଙ୍କ ସ୍ଥାୟୀ ପର୍ଯ୍ୟଟନ ଉପରେ ମିଳିତ ବିବୃତ୍ତି ଗ୍ରହଣ କରିବା।
ଆସିଆନ-ଭାରତ ପର୍ଯ୍ୟଟନ ବର୍ଷ ପାଳନ କରୁଥିବା ସମୟରେ ପର୍ଯ୍ୟଟନ ସହଯୋଗକୁ ସୁଦୃଢ଼ କରିବା ପାଇଁ ସ୍ଥାୟୀ ପର୍ଯ୍ୟଟନ ଉପରେ ଆସିଆନ-ଭାରତ ମିଳିତ ନେତାଙ୍କ ବିବୃତ୍ତି ଗ୍ରହଣ ।
ସାମୁଦ୍ରିକ ଅର୍ଥନୀତି କ୍ଷେତ୍ରରେ ସହଯୋଗିତା ପାଇଁ ୨୦୨୬କୁ “ସାମୁଦ୍ରିକ ସହଯୋଗିତା କ୍ଷେତ୍ରରେ ଆସିଆନ-ଭାରତ ବର୍ଷ” ଘୋଷଣା ।
ଏକ ସୁରକ୍ଷିତ ସାମୁଦ୍ରିକ ପରିବେଶ ପାଇଁ ଦ୍ୱିତୀୟ ଆସିଆନ-ଭାରତ ପ୍ରତିରକ୍ଷା ମନ୍ତ୍ରୀଙ୍କ ବୈଠକ ଏବଂ ଦ୍ୱିତୀୟ ଆସିଆନ-ଭାରତ ନୌ ସମରାଭ୍ୟାସ ଆୟୋଜନ କରିବାର ପ୍ରସ୍ତାବ।
ପଡ଼ୋଶୀ ରାଷ୍ଟ୍ରମାନଙ୍କରେ ସଙ୍କଟ ସମୟରେ ଭାରତ ପ୍ରଥମ ସହାୟତାକାରୀ ଭାବରେ ଏହାର ଭୂମିକା ଜାରି ରଖିବ, ଏବଂ ବିପର୍ଯ୍ୟୟ ପ୍ରସ୍ତୁତି ଏବଂ ଏଚଏଡିଆରରେ ସହଯୋଗକୁ ଆହୁରି ମଜବୁତ କରିବ।
ଆସିଆନ ପାୱାର ଗ୍ରୀଡ୍ ପଦକ୍ଷେପକୁ ସମର୍ଥନ କରିବା ପାଇଁ ନବୀକରଣୀୟ ଶକ୍ତିରେ ୪,୦୦୦ ପେସାଦାରଙ୍କୁ ତାଲିମ ।
ତିମୋର-ଲେଷ୍ଟେକୁ ତ୍ବରିତ ପ୍ରଭାବ ପ୍ରକଳ୍ପ (କ୍ୟୁଆଇପି) ର ସମ୍ପ୍ରସାରଣ ।
ଆଞ୍ଚଳିକ ବିଶେଷଜ୍ଞତାର ବିକାଶ ପାଇଁ ନାଳନ୍ଦା ବିଶ୍ୱବିଦ୍ୟାଳୟରେ ଦକ୍ଷିଣ-ପୂର୍ବ ଏସୀୟ ଅଧ୍ୟୟନ କେନ୍ଦ୍ର ପ୍ରତିଷ୍ଠା ପ୍ରସ୍ତାବ ।
ଶିକ୍ଷା, ଶକ୍ତି, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା, ଫିନଟେକ୍ ଏବଂ ସାଂସ୍କୃତିକ ସଂରକ୍ଷଣ କ୍ଷେତ୍ରରେ ଚାଲୁଥିବା ସହଯୋଗକୁ ସମର୍ଥନ କରି, ଭିତ୍ତିଭୂମି, ସେମିକଣ୍ଡକ୍ଟର, ଉଦୀୟମାନ ପ୍ରଯୁକ୍ତିବିଦ୍ୟା, ବିରଳ ମୃର୍ତ୍ତିକା ଏବଂ ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥ କ୍ଷେତ୍ରରେ ସହଯୋଗ ବୃଦ୍ଧି କରିବାର ଆବଶ୍ୟକତା ଉପରେ ଗୁରୁତ୍ୱାରୋପ।
ଗୁଜରାଟର ଲୋଥାଲରେ ପୂର୍ବ ଏସିଆ ଶିଖର ସମ୍ମିଳନୀ-ସାମୁଦ୍ରିକ ଐତିହ୍ୟ ମହୋତ୍ସବ ଏବଂ ସାମୁଦ୍ରିକ ସୁରକ୍ଷା ସହଯୋଗ ଉପରେ ଏକ ସମ୍ମିଳନୀ ଆୟୋଜନ।
ମାନ୍ୟବର ପ୍ରଧାନମନ୍ତ୍ରୀ ୨୨ତମ ଆସିଆନ-ଭାରତ ଶିଖର ସମ୍ମିଳନୀକୁ ଭର୍ଚୁଆଲ୍ ଭାବରେ ଆୟୋଜନ କରିବାରେ ସମ୍ମତ ହେବା ଏବଂ ଏହା ପାଇଁ ଉତ୍କୃଷ୍ଟ ବ୍ୟବସ୍ଥା କରିବା ନିମନ୍ତେ ପ୍ରଧାନମନ୍ତ୍ରୀ ଦାତୋ' ସେରି ଅନୱର ଇବ୍ରାହିମଙ୍କ ପ୍ରତି କୃତଜ୍ଞତା ପ୍ରକାଶ କରିଥିଲେ। ପ୍ରଧାନମନ୍ତ୍ରୀ ଫିଲିପାଇନ୍ସର ରାଷ୍ଟ୍ରପତି ମାର୍କୋସ ଜୁନିଅରଙ୍କୁ ତାଙ୍କର ପ୍ରଭାବଶାଳୀ ଦେଶ-ଦେଶ ସମନ୍ୱୟ ପାଇଁ ଧନ୍ୟବାଦ ମଧ୍ୟ ଜଣାଇଥିଲେ। ଆସିଆନ ପ୍ରତି ଭାରତର ଦୀର୍ଘକାଳୀନ ସମର୍ଥନ ଏବଂ ଏହାର ଆକ୍ଟ-ଇଷ୍ଟ ନୀତି ମାଧ୍ୟମରେ ଏହି କ୍ଷେତ୍ର ସହିତ ସମ୍ପର୍କକୁ ଆହୁରି ଗଭୀର କରିବା ପାଇଁ ନିରନ୍ତର ପ୍ରତିବଦ୍ଧତାକୁ ମଧ୍ୟ ଆସିଆନ ନେତାମାନେ ପ୍ରଶଂସା କରିଥିଲେ।
ସମ୍ପୂର୍ଣ୍ଣ ଅଭିଭାଷଣ ପଢିବା ପାଇଁ ଏଠାରେ କ୍ଲିକ କରନ୍ତୁ
भारत और आसियान मिलकर विश्व की लगभग एक चौथाई जनसंख्या को represent करते है।
— PMO India (@PMOIndia) October 26, 2025
हम सिर्फ geography ही share नहीं करते, हम गहरे ऐतिहासिक संबंधों और साझे मूल्यों की डोर से भी जुड़े हुए हैं।
हम Global South के सहयात्री हैं: PM @narendramodi
अनिश्चितताओं के इस दौर में भी, भारत–आसियान Comprehensive Strategic Partnership में सतत प्रगति हुई है।
— PMO India (@PMOIndia) October 26, 2025
और हमारी ये मजबूत साझेदारी वैश्विक स्थिरता और विकास का सशक्त आधार बनकर उभर रही है: PM @narendramodi
भारत हर आपदा में अपने आसियान मित्रों के साथ मज़बूती से खड़ा रहा है।
— PMO India (@PMOIndia) October 26, 2025
HADR, समुद्री सुरक्षा और blue economy में हमारा सहयोग तेज़ी से बढ़ रहा है।
इसको देखते हुए, हम 2026 को “आसियान-इंडिया year of maritime cooperation” घोषित कर रहे हैं: PM @narendramodi
21वीं सदी हमारी सदी है, भारत और आसीयान की सदी है: PM @narendramodi
— PMO India (@PMOIndia) October 26, 2025
