ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୨୮.୦୨.୨୦୨୪) ତାମିଲନାଡୁର ଟୁଥୁକୁଡିଠାରେ ୧୭, ୩୦୦ କୋଟିରୁ ଅଧିକ ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିଛନ୍ତି । ପ୍ରଧାନମନ୍ତ୍ରୀ ଭି.ଓ ଚିଦାମ୍ବରନାର ବନ୍ଦର ବାହ୍ୟ ପୋତାଶ୍ରୟ କଂଟେନର ରହଣୀସ୍ଥଳର ଶିଳାନ୍ୟାସ କରିଛନ୍ତି । ପ୍ରଧାନମନ୍ତ୍ରୀ ମଧ୍ୟ ଭାରତର ପ୍ରଥମ ସ୍ବଦେଶୀ ସବୁଜ ଉଦ୍ଯାନ ଇନ୍ଧନସେଲ ଇନ୍ଲ୍ୟାଣ୍ଡ ଜଳପଥ ପୋତ ଚାଳନାର ଶୁଭାରମ୍ଭ ହରିତ ନୌକା ପଦକ୍ଷେପ ଯୋଜନା ଅଧୀନରେ କରିଛନ୍ତି । ସେ ମଧ୍ୟ ୧୦ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୭୫ଟି ବତୀଘର ପର୍ଯ୍ୟଟକ ସୁବିଧା ସୁଯୋଗ ସ୍ଥଳୀର ଉଦ୍ଘାଟନ କରିଛନ୍ତି । ସେ ମଧ୍ୟ ଭାଞ୍ଚି ମାନୀୟାଛି-ନାଗର କୋଏଲ, ରେଳପଥର ଦୋହରୀକରଣ ଉଦ୍ଘାଟନ କରିଛନ୍ତି । ଏଥିରେ ଭାଞ୍ଚି -ମାନିୟାଛି-ତିରୁନେଲଭାଲୀ ସେକ୍ସନ ଓ ମାଲାପାଲାୟମ-ଆରାଲଭୟାମୋଳି ସେକ୍ସନ ଅନ୍ତର୍ଭୁକ୍ତ । ପ୍ରଧାନମନ୍ତ୍ରୀ ୪୫୮୬ କୋଟି ଟଙ୍କାରେ ନିର୍ମିତ ତାମିଲନାଡୁର ଚାରିଟି ସଡକ ପ୍ରକଳ୍ପକୁ ମଧ୍ୟ ଜାତି ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି ।
ସମବେତ ଜନତାଙ୍କୁ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ କହିଥିଲେ ଟୁଥୁକୁଡିଠାରେ ବିକାଶ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ ସହ ତାମିଲନାଡୁ ପ୍ରଗତିର ଏକ ନୂତନ ଅଧ୍ୟାୟ ଲିପିବଦ୍ଧ କରିଛି । ଏହିପରି ଅନେକ ବିକାଶମୂଳକ ପ୍ରକଳ୍ପ ବିକଶିତ ଭାରତର ରୋଡ ମ୍ୟାପ ଭାବରେ ବିବେଚିତ । ଯେକୌଣସି ବ୍ୟକ୍ତି ଆଜିର ବିକାଶମୂଳକ ପ୍ରକଳ୍ପଗୁଡିକରେ ଏକ ଭାରତ ଶ୍ରେଷ୍ଠ ଭାରତର ଉତ୍ସାହ ଲକ୍ଷ୍ୟ କରିପାରିବେ । ଏହି ପ୍ରକଳ୍ପଗୁଡିକ ଟୁଥୁକୁଡିଠାରେ ଥିଲେ ମଧ୍ୟ ଏହା ଦେଶର ଅନେକ ସ୍ଥାନରେ ବିକାଶକୁ ଗତି ଦେଇପାରିବ ବୋଲି ପ୍ରଧାନମନ୍ତ୍ରୀ ଜୋର ଦେଇ କହିଥିଲେ ।
ପ୍ରଧାନମନ୍ତ୍ରୀ ବିକଶିତ ଭାରତର ତାମିଲନାଡୁର ବିରାଟ ଭୂମିକା ଅଛି ବୋଲି ଦୃଢୋକ୍ତି ପ୍ରକାଶ କରିଥିଲେ । ସେ ତାଙ୍କର ଦୁଇବର୍ଷ ପୂର୍ବର ଗସ୍ତକୁ ସ୍ମୃତିଚାରଣ କରିଥିଲେ । ସେ ଚିଦାମ୍ବରନର ବନ୍ଦର ସାମର୍ଥ୍ୟର ସମ୍ପ୍ରସାରଣ ସଂକ୍ରାନ୍ତ ଅନେକ ପ୍ରକଳ୍ପ ସେତେବେଳେ ଉଦ୍ଘାଟନ କରି ଏହା ଜାହାଜ ଚଳାଚଳର ଏକ ବିରାଟ ବନ୍ଦର ହେବ ବୋଲି କହିଥିଲେ । “ସେହି ଗ୍ୟାରେଣ୍ଟି ଆଜି ସଫଳ ହୋଇଛି” ବୋଲି କହିଥିଲେ । ଭି.ଓ ଚିଦାମ୍ବରନର ବାହ୍ୟ ପୋତାଶ୍ରୟ କଂଟେନର ରହଣିସ୍ଥଳ ଶିଳାନ୍ୟାସ କରି ଶ୍ରୀ ମୋଦୀ କହିଥିଲେ ଯେ ଏହି ପ୍ରକଳ୍ପ ବାବଦ ସାତହଜାର କୋଟି ଟଙ୍କା ଖର୍ଚ୍ଚ ହେବ । ଆଜି ୯୦୦ କୋଟି ଟଙ୍କାର ପ୍ରକଳ୍ପ ଉଦ୍ଘାଟିତ ହୋଇଛି ଓ ୨୫୦୦ କୋଟି ଟଙ୍କାର ପ୍ରକଳ୍ପ ୧୩ଟି ବନ୍ଦର ପାଇଁ ଆରମ୍ଭ ହୋଇଛି । ଏହି ପ୍ରକଳ୍ପ ଗୁଡିକ ତାମିଲନାଡୁ ପାଇଁ ସୁବିଧା ହେବା ସହ ଏହା ନିଯୁକ୍ତି ସୁଯୋଗ ମଧ୍ୟ ସୃଷ୍ଟି କରିବ ।
ପ୍ରଧାନମନ୍ତ୍ରୀ ସ୍ମରଣ କରାଇ ଦେଇଥିଲେ ଯେ ଆଜିର ବିକାଶମୂଳକ ପ୍ରକଳ୍ପଗୁଡିକ ଜନସାଧାରଣଙ୍କ ଦାବି ଯୋଗୁଁ ବର୍ତ୍ତମାନର ସରକାର ତ୍ୱରାନ୍ୱିତ କରିଛନ୍ତି । ମାତ୍ର ପୂର୍ବ ସରକାର ଏଥିପ୍ରତି କୌଣସି ଧ୍ୟାନ ଦେଉ ନ ଥିଲେ ।” ମୁଁ ରାଜ୍ୟର ଭାଗ୍ୟ ପରିବର୍ତ୍ତନ ଓ ସେବା ପାଇଁ ତାମିଲନାଡୁ ଆସିଛି’ ବୋଲି କହିଥିଲେ ।
ଦେଶର ପ୍ରଥମ ଉଦ୍ଯାନ ଇନ୍ଧନ ସେଲ ଇନ୍ଲ୍ୟାଣ୍ଡ ଜଳପଥ ପୋତ ନେଇ ପ୍ରଧାନମନ୍ତ୍ରୀ କହିଥିଲେ ଯେ ହରିତ ନୌକା ପଦକ୍ଷେପ ଜରିଆରେ ଏହା ତାମିଲନାଡୁ ଓ କାଶୀବାସୀଙ୍କ ଏକ ଉପହାର । ସେ କାଶୀ ତାମିଲ ସଙ୍ଗମମ୍ରେ ତାମିଲନାଡୁ ଜନସାଧାରଣଙ୍କ ଉତ୍ସାହ ଓ ସ୍ନେହର ଅବଲୋକନ କରିଛନ୍ତି । ଭି.ଓ ଚିଦାମ୍ବରନର ବନ୍ଦରକୁ ଦେଶର ପ୍ରଥମ ସବୁଜ ଉଦ୍ଯାନ ପେଣ୍ଠ ବନ୍ଦର କରିବା ଲକ୍ଷ୍ୟ ନେଇ ପ୍ରଧାନମନ୍ତ୍ରୀ ଅନ୍ୟାନ୍ୟ ପ୍ରକଳ୍ପ ମାନ ଉଦ୍ଘାଟନ କରିଥିଲେ । ଏହି ପ୍ରକଳ୍ପକୁ ମଧ୍ୟରେ ଜଳର ଲବଣାଂଶ ନିଷ୍କାସନ ପ୍ଲାଣ୍ଟ, ଉଦ୍ଯାନ ଉତ୍ପାଦନ ଓ ଏହାର ଭଣ୍ଡାରଣ ବ୍ୟବସ୍ଥା ଅନ୍ତର୍ଭୁକ୍ତ । “ଆଜି ସାରା ବିଶ୍ୱ ଯେଉଁ ଅନୁସନ୍ଧାନରେ ଅଛି, ତାମିଲନାଡୁ ସେହି ବିକଳ୍ପର ଅନ୍ୱେଷଣ କରିବାକୁ ବହୁତ ଆଗେଇବ ବୋଲି ଶ୍ରୀ ମୋଦୀ କହିଥିଲେ ।”
ଆଜିର ରେଳ ଓ ସଡକ ବିକାଶ ପ୍ରକଳ୍ପ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ରେଳପଥ ଦୋହରୀକରଣ ଓ ବିଦ୍ୟୁତୀକରଣ ଦକ୍ଷିଣ ତାମିଲନାଡୁ ଓ କେରଳ ମଧ୍ୟରେ ସଂଯୋଗୀକରଣରେ ଆହୁରି ଉନ୍ନତି ଆଣିବ ଓ ତିରୁନେଲଭେଲୀ ଓ ନଗରକୋଏଲରେ ଗହଳି ହ୍ରାସ କରିବ । ଚାରିହଜାର କୋଟି ଟଙ୍କା ବ୍ୟୟରେ ଆଜି ତାମିଲନାଡୁରେ ସଡକ ଆଧୁନିକୀକରଣ ପ୍ରକଳ୍ପ ଯୋଗାଯୋଗରେ ଉନ୍ନତି ଆଣିବା ସହ, ଯାତ୍ରା ଅବଧି ହ୍ରାସ କରିବ ଓ ବାଣିଜ୍ୟ ଓ ପର୍ଯ୍ୟଟନକୁ ପ୍ରୋତ୍ସାହନ ଦେବ ।
ନବଭାରତର ସରକାରୀ ପଦକ୍ଷେପ ନେଇ ଶ୍ରୀ ମୋଦୀ କହିଥିଲେ ସଡକ ପଥ, ରାଜ୍ୟପଥ ଓ ଜଳପଥ ବିଭାଗ ତାମିଲନାଡୁ ନିମନ୍ତେ ଉନ୍ନତ ସଂଯୋଗୀକରଣ ଓ ସୁଯୋଗ ନେଇ କାର୍ଯ୍ୟ କରୁଛନ୍ତି । ସେଥିପାଇଁ ରେଳ, ସଡକ ଓ ସାମୁଦ୍ରିକ ପ୍ରକଳ୍ପ ଏକା ସମୟରେ ବିକଶିତ ହେଉଛି । ବହୁ ମୁଖୀ ପ୍ରକଳ୍ପ ରାଜ୍ୟରେ ବିକାଶର ଗତିକୁ ତ୍ୱରାନ୍ୱିତ କରିବ ବୋଲି ପ୍ରଧାନମନ୍ତ୍ରୀ କହିଥିଲେ ।
ଦେଶର ପ୍ରମୁଖ ବତୀଘରଗୁଡିକୁ ପର୍ଯ୍ୟଟନସ୍ଥଳୀ କରିବା ନେଇ ମନ କି ବାତରେ ଦିଆଯାଇଥିବା ପ୍ରସ୍ତାବର ସ୍ମୃତିଚାରଣ କରି ଦଶଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ୭୫ଟି ବତୀଘର ଏ ଦିଗରେ ଉତ୍ସର୍ଗ କରିବା ନେଇ ଗର୍ବ ଅନୁଭବ କରିଥିଲେ । “୭୫ଟି ସ୍ଥାନରେ ବିକାଶ ଏକାଥରେ, ତାହା ହିଁ ନୂତନ ଭାରତ’ ବୋଲି ସେ ମନ୍ତବ୍ୟ ଦେଇଥିଲେ । ଏହି ୭୫ଟି ସ୍ଥାନ ଭବିଷ୍ୟତରେ ବିରାଟ ପର୍ଯ୍ୟଟନ କେନ୍ଦ୍ରରେ ପରିଣତ ହେବ ବୋଲି ସେ ଆଶା ପ୍ରକଟ କରିଥିଲେ ।
କେନ୍ଦ୍ର ସରକାରଙ୍କ ପଦକ୍ଷେପ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଗତ ଦଶବର୍ଷ ମଧ୍ୟରେ ତାମିଲନାଡୁରେ ୧୩ଶହ କିଲୋମିଟର ଦୈର୍ଘ୍ୟ ରେଳପ୍ରକଳ୍ପ କାର୍ଯ୍ୟହାତକୁ ନିଆଯାଇଛି । ୨୦୦୦କିଲୋମିଟର ରେଳ ବିଦ୍ୟୁତିକରଣ କାର୍ଯ୍ୟ ଶେଷ ହୋଇଛି । ଉଡନ୍ତା ପୋଲ, ଭୂତଳ ରାସ୍ତା ଓ ଅନେକ ରେଳ ଷ୍ଟେସନର ଉନ୍ନୀତକରଣ କାର୍ଯ୍ୟ ଶେଷ ହୋଇଛି । ବିଶ୍ୱସ୍ତରୀୟ ଅନୁଭବ ନେଇ ପାଞ୍ଚ ବନ୍ଦେ ଭାରତ ଏକ୍ସପ୍ରେସ ରାଜ୍ୟରେ ଚଳାଚଳ କରୁଛି । ତାମିଲନାଡୁର ସଡକ ଭିତ୍ତିଭୂମି ବିକାଶ ନିମନ୍ତେ କେନ୍ଦ୍ର ସରକାର ୧.୫ଲକ୍ଷ କୋଟି ଟଙ୍କା ଖର୍ଚ୍ଚ କରିଛନ୍ତି । କେନ୍ଦ୍ର ସରକାରଙ୍କ ସଂଯୋଗୀକରଣରେ ଉନ୍ନତି ଉଦ୍ୟମ ଜୀବନ ଧାରଣ ପଥକୁ ସୁଗମ କରିଛି’ ବୋଲି ପ୍ରଧାନମନ୍ତ୍ରୀ କହିଥିଲେ ।
ପ୍ରଧାନମନ୍ତ୍ରୀ ଜୋର ଦେଇ କହିଥିଲେ ଯେ ଯୁଗ ଯୁଗ ଧରି ଦେଶର ଜଳପଥ ଓ ସମୁଦ୍ର ପଥ ନେଇ ଅନେକ ଆଶା ଭରସା ରହିଛି । ଏହି କ୍ଷେତ୍ରଗୁଡିକ ଆଜି ବିକଶିତ ଭାରତର ମୂଳଦୁଆ ସାଜିଥିବା ବେଳେ, ତାମିଲନାଡୁ ତାହାର ସବୁଠାରୁ ଅଧିକ ସୁବିଧା ପାଇବ । ପ୍ରଧାନମନ୍ତ୍ରୀ ତାମିଲନାଡୁର ତିନିଟି ବୃହତ ଓ ୧୨ଟି କ୍ଷୁଦ୍ର ବନ୍ଦର ସମଗ୍ର ଦକ୍ଷିଣଭାରତ ରାଜ୍ୟଗୁଡିକ ନିମନ୍ତେ ଅନେକ ସମ୍ଭାବନା ସୃଷ୍ଟି କରିଛି ବୋଲି କହିଥିଲେ ।” ସାମୁଦ୍ରିକ କ୍ଷେତ୍ରରେ ବିକାଶର ଅର୍ଥ ହେଉଛି ତାମିଲନାଡୁର ବିକାଶ ଓ ଭି.ଓ ଚିଦାମ୍ବରନର ବନ୍ଦରରେ ଗତ ଦଶନ୍ଧି ମଧ୍ୟରେ ଶତକଡା ୩୫ଭାଗ ପରିବହନ ବୃଦ୍ଧି ପାଇଛି । ବନ୍ଦର ଗତବର୍ଷ ୩୮ ନିୟୁତ ଟନ ସାମଗ୍ରୀ କାରବାର କରିଥିବାବେଳେ, ବାର୍ଷିକ ଶତକଡା ୧୧ଭାଗ ଅଭିବୃଦ୍ଧି ହାସଲ କରି ରେକର୍ଡ କରିଛି । ସେଭଳି ଅଭିବୃଦ୍ଧି ଦେଶର ଅନ୍ୟାନ୍ୟ ବନ୍ଦରରେ ମଧ୍ୟ ଦେଖିବାକୁ ମିଳିବ ଓ ସାଗରମାଳା ପ୍ରକଳ୍ପ ଯୋଗଁ ତାହା ସମ୍ଭବ ହେବ ବୋଲି ସେ କହିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ଭାରତ ଜଳପଥ ଓ ସାମୁଦ୍ରିକ କ୍ଷେତ୍ରରୋ ନୂତନ ରେକର୍ଡ ସୃଷ୍ଟି କରିଛି । ଲଜିଷ୍ଟିକ୍୍ସ କାର୍ଯ୍ୟକଳାପ ସୂଚୀରେ ଭାରତ ୩୮ତମ ସ୍ଥାନକୁ ଉଠିଥିବାବେଳେ, ଗତ ଦଶନ୍ଧି ମଧ୍ୟରେ ବନ୍ଦର ସାମର୍ଥ୍ୟ ଦ୍ୱିଗୁଣିତ ହୋଇଛି । ଏହି ସମୟ ମଧ୍ୟରେ ଜାତୀୟ ଜଳମାର୍ଗରେ ୮ଗୁଣ ବୃଦ୍ଧି ହୋଇଥିବାବେଳେ ନଦୀରେ ନୌକାଯାତ୍ରା ଚାରିଗୁଣ ବୃଦ୍ଧି ପାଇଛି । ଏହା ନିଶ୍ଚିତଭାବେ ତାମିଲନାଡୁ ଓ ଆମର ଯୁବାଗୋଷ୍ଠୀର ଉପକାରରେ ଆସିବ । “ମୁଁ ନିଶ୍ଚିତ ଯେ ତାମିଲନାଡୁ ନିଶ୍ଚିତ ବିକାଶପଥରେ ଆଗେଇ ଚାଲିବ ଓ ମୁଁ ଗ୍ୟାରେଣ୍ଟି ଦେଉଛି ଯେ ମୁଁ ଆପଣମାନଙ୍କ ବିପୁଳ ଉତ୍ସାହର ସହ ସେବା କରିବି ଯଦି ଦେଶ ମତେ ତୃତୀୟ ଥର ନିମନ୍ତେ ସେବାରେ ସୁଯୋଗ ଦେବେ” ବୋଲି ସେ କହିଥିଲେ ।
ତାମିଲନାଡୁର ବିଭିନ୍ନ ଅଞ୍ଚଳରୁ ପାଇଥିବା ଉତ୍ସାହ ଓ ସ୍ନେହଶ୍ରଦ୍ଧା ନେଇ ସେ କହିଥିଲେ ଯେ ତାଙ୍କର ଏହି ପରିଦର୍ଶନ କାଳରେ ଯଥେଷ୍ଟ ଜନ ଆଶୀର୍ବାଦ ପାଇଛନ୍ତି ଓ ସେ ସବୁ ସ୍ନେହକୁ ରାଜ୍ୟର ବିକାଶ ସହ ଯୋଡିବେ ବୋଲି କହିଥିଲେ ।
ତାମିଲନାଡୁ ଓ ଭାରତ ସରକାର ବିକାଶର ପର୍ବ ଏକାଠି ପାଳନ କରୁଛନ୍ତି ବୋଲି ସେ ସମବେତ ଜନତାଙ୍କୁ ମୋବାଇଲ ଆଲୋକ ଜଳାଇ ଏହା ପାଳନ କରିବାକୁ କହି ତାଙ୍କ ବକ୍ତବ୍ୟ ଶେଷ କରିଥିଲେ ।
ତାମିଲନାଡୁ ରାଜ୍ୟପାଳ ଶ୍ରୀ ଆର.ଏନ ରବି, କେନ୍ଦ୍ର ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରୀ ଶ୍ରୀ ସର୍ବାନନ୍ଦ ସୋନୱାଲ ଓ କେନ୍ଦ୍ର ରାଷ୍ଟ୍ରମନ୍ତ୍ରୀ ଶ୍ରୀ ଏଲ. ମୁରୁଗନ ଏହି ଅବସରରେ ଉପସ୍ଥିତ ଥିଲେ ।
Today, Tamil Nadu is writing a new chapter of progress in Thoothukudi.
— PMO India (@PMOIndia) February 28, 2024
Many projects are being inaugurated or having foundation stones laid: PM @narendramodi pic.twitter.com/Z8NsYdVfBM
Tamil Nadu will play a crucial role in India's journey of becoming a 'Viksit Bharat'. pic.twitter.com/9s9uno0nET
— PMO India (@PMOIndia) February 28, 2024
Today, the country is working with the 'whole of government' approach. pic.twitter.com/QNcRHViFIx
— PMO India (@PMOIndia) February 28, 2024
