ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ମାର୍ଟ ଇଣ୍ଡିଆ ହକାଥନ-୨୦୨୩ର ଭବ୍ୟ ସମାରୋହରେ ଯୋଗଦେଇ ଏଥିରେ ଅଂଶଗ୍ରହଣକାରୀଙ୍କ ସହିତ ଆଭାସୀ ମାଧ୍ୟମରେ କଥାବାର୍ତ୍ତା କରି ସେମାନଙ୍କୁ (୧୯-୧୨-୨୦୨୩) ଦିନ ସମ୍ବୋଧିତ କରିଛନ୍ତି ।
ପ୍ରଧାନମନ୍ତ୍ରୀ କର୍ଣ୍ଣାଟକର ମହୀଶୂରୁସ୍ଥିତ ଜାତୀୟ ଯାନ୍ତ୍ରିକ ପ୍ରତିଷ୍ଠାନର ଶ୍ରୀ ସୈକେତ ଦାସ ଓ ପ୍ରତୀକ ଶାହାଙ୍କ ସହ ବାର୍ତ୍ତାଳାପ କରିଥିଲେ । ସେମାନେ ପରିବହନ ରଣନୀତିକ ବ୍ୟବସ୍ଥା ବିଷୟ ଉପରେ କାର୍ଯ୍ୟ କରୁଛନ୍ତି । ସେମାନେ କୋଇଲା ମନ୍ତ୍ରଣାଳୟ ପକ୍ଷରୁ ରେଳବାଇ ପ୍ରଗତି ଉପରେ ଏକ ଆଇଓଟି ପଦ୍ଧତି ତିଆରି କରୁଛନ୍ତି । ପ୍ରଧାନମନ୍ତ୍ରୀ ସେମାନଙ୍କୁ କହିଥିଲେ ଯେ ହକାଥନ ମଧ୍ୟ ତାଙ୍କ ନିମନ୍ତେ ଶିଖିବାର ସୁଯୋଗ ଓ ସେ ଏହାକୁ ଉତ୍ସୁକତାର ସହ ଅନାଇ ବସିବା ସହ ଏହାର ଅଂଶଗ୍ରହଣକାରୀ ମାନଙ୍କ ସହ କଥାବାର୍ତ୍ତା କରିବା ପାଇଁ ବ୍ୟଗ୍ର । ଅଂଶଗ୍ରହଣକାରୀ ମାନଙ୍କ ମୁହଁର ସକାରାତ୍ମକତା ଓ ଦୁର୍ବଳତା ଦେଖି ପ୍ରଧାନମନ୍ତ୍ରୀ ସେମାନଙ୍କ ଉତ୍ସାହ, ଇଚ୍ଛାଶକ୍ତି ଓ ଦେଶ ଗଠନ ପାଇଁ ଆଶା ଆକାଂକ୍ଷା ଭାରତୀୟ ଯୁବାଶକ୍ତିର ପରିଚୟ ପାଲଟିଛି ବୋଲି କହିଥିଲେ । ଦଳରେ ବଂଲାଦେଶର ଅଂଶଗ୍ରହଣକାରୀ ମଧ୍ୟ ଅଛନ୍ତି । ସେମାନେ ପ୍ରଧାନମନ୍ତ୍ରୀଙ୍କୁ ଅବଗତ କରାଇଥିଲେ ଯେ ସେମାନେ ରେଳବାଇ ୱାଗନରେ କୋଇଲାର ସ୍ୱଳ୍ପ ଓ ଅଧିକ ବୋଝେଇ ସମସ୍ୟାର ଅନୁଧ୍ୟାନ କରୁଛନ୍ତି । ଯେଉଁଥିପାଇଁ କ୍ଷତି ସହ ଜରିମାନା ମଧ୍ୟ ପଡୁଛି । ସେମାନେ ସେଥିପାଇଁ ଆଇଓଟି ଓ କୃତ୍ରିମ ମେଧାଯୁକ୍ତ ବୈଷୟିକ ଜ୍ଞାନର ଉପଯୋଗ କରୁଛନ୍ତି । ଏହି ଦଳରେ ବାଂଲାଦେଶ ଓ ଭାରତରୁ ତିନିଜଣ ଲେଖାଏଁ ସଦସ୍ୟ ରହିଛନ୍ତି । ଅବସ୍ଥାନ୍ତର ପର୍ଯ୍ୟାୟ ଦେଇ ଗତି କରୁଥିବା ଭାରତୀୟ ରେଳବାଇ ସେମାନଙ୍କ ଉଦ୍ୟମ ଯୋଗୁ ଉପକୃତ ହେବେ ବୋଲି ପ୍ରଧାନମନ୍ତ୍ରୀ କହିଥିଲେ । ରଣନୀତି ହିଁ ମୁଖ୍ୟ ଓ ଅନେକ ବାଂଲାଦେଶୀ ବିଦ୍ୟାର୍ଥୀ ଭବିଷ୍ୟତରେ ଭାରତ ଆସି ଏହି କାର୍ଯ୍ୟରେ ସାମିଲ ହେଲେ ଏଭଳି ପିଲାମାନଙ୍କ ପାଇଁ କାର୍ଯ୍ୟକ୍ରମ ଅନେକ ସୁଯୋଗ ଆଣିଦେବ ବୋଲି ପ୍ରଧାନମନ୍ତ୍ରୀ କହିଥିଲେ ।
ସୁଶ୍ରୀ ହର୍ଷିତା ତିୱାରୀ ଏସ ଓ ଜେଠୱା ଜୟ ପି ଗୁଜରାଟ ବୈଷୟିକ ବିଶ୍ୱବିଦ୍ୟାଳୟ, ଅହମ୍ମଦାବାଦ ପକ୍ଷରୁ ଇସ୍ରୋର ଚନ୍ଦ୍ରଯାନ ଉପରେ ଥିବା ପ୍ରକଳ୍ପକୁ ନେଇ କାର୍ଯ୍ୟ କରୁଛନ୍ତି । ସେମାନେ ଇସ୍ରୋ ଚନ୍ଦ୍ରଯାନ ମଧ୍ୟମ ନିର୍ଦ୍ଧାରିତ ଚିତ୍ରଗୁଡ଼ିକୁ ଅତିବୃହତ ଛବିରେ ରୂପାନ୍ତରିତ କରିବା ନେଇ କୃତ୍ରିମ ବୁଦ୍ଧିମତା ବଳରେ ଏହାର ପୂର୍ଣ୍ଣାଙ୍ଗ ମାନଚିତ୍ର ତିଆରି କରିବେ । ଫଳରେ ଭବିଷ୍ୟତର ଅଭିଯାନ କାଳରେ ଏହି ପ୍ରକଳ୍ପ ଯୋଗୁ ଚନ୍ଦ୍ରରେ ନିରାପଦ ଅବତରଣ ଓ ଯାତ୍ରାଗତ ସୁବିଧା ହୋଇପାରିବ । ଚନ୍ଦ୍ରଯାନ-୩ର ସଫଳତା ପରେ ବିଦେଶୀ ରାଷ୍ଟ୍ରଗୁଡ଼ିକର ଭାରତ ପ୍ରତି ମନୋଭାବରେ ପରିବର୍ତ୍ତନ ହେବା ସହ ଆଶାର ଆଲୋକ ସୃଷ୍ଟି ହୋଇଛି । ବର୍ତ୍ତମାନ ହେଉଛି ମହାକାଶ କ୍ଷେତ୍ରରେ ଭାରତୀୟ ଯୁବାଗୋଷ୍ଠୀର ଅବଦାନ ପାଇଁ ପ୍ରକୃଷ୍ଟ ସମୟ । କାରଣ ମହାକାଶ କ୍ଷେତ୍ର ମଧ୍ୟ ଆମ ଦେଶରେ ବର୍ତ୍ତମାନ ଘରୋଇ କ୍ଷେତ୍ର ନିମନ୍ତେ ମଧ୍ୟ ଖୋଲାଯାଇଛି । ଇସ୍ରୋ ମଧ୍ୟ ନୂତନ ଷ୍ଟାର୍ଟଅପ ପାଇଁ ସୁବିଧାମାନ ସୃଷ୍ଟି କରୁଥିବାରୁ ପ୍ରଧାନମନ୍ତ୍ରୀ ଅହମ୍ମଦାବାଦ ସ୍ଥିତ ଆଇଏନ-ସ୍ପେସ୍ ମୁଖ୍ୟାଳୟ ସହିତ ସମ୍ପର୍କ ସ୍ଥାପନ କରିବାକୁ ପ୍ରସ୍ତାବ ଦେଇଥିଲେ ।
ଓଡ଼ିଶାର ସମ୍ବଲପୁରସ୍ଥିତ ବୀର ସୁରେନ୍ଦ୍ରସାଏ ବୈଷୟିକ ବିଶ୍ୱବିଦ୍ୟାଳୟର ଅଙ୍କିତ କୁମାର ଓ ସୟଦ୍ ସିଦ୍ଦିକୀ ହୁସେନ ଶିଶୁମାନଙ୍କ ମାନସିକ ସ୍ୱାସ୍ଥ୍ୟ ସମ୍ପର୍କରେ ମୁକ୍ତ ନୋବନ୍ମେଷ ଉପରେ କାର୍ଯ୍ୟ କରୁଛନ୍ତି । ସେମାନେ ବାହାର କରୁଥିବା ରେଟିଂ ଦ୍ୱାରା ପିତାମାତା ଓ ମେଡିକାଲ ବୃତ୍ତିଧାରୀମାନେ ଆଗରୁ ସତର୍କ କରାଇପାରିବେ । ପ୍ରଧାନମନ୍ତ୍ରୀଙ୍କ ଜିଜ୍ଞାସା ଯୋଗୁ ଦଳର ଜଣେ ମହିଳା ସଦସ୍ୟ ପ୍ରଧାନମନ୍ତ୍ରୀଙ୍କୁ ପ୍ରକଳ୍ପ ସମ୍ପର୍କରେ ଜଣାଇଥିଲେ । ଏଭଳି ଗୁରୁତ୍ୱପୂର୍ଣ୍ଣ ବିଷୟ ଉପରେ କାର୍ଯ୍ୟ କରୁଥିବାରୁ ଦଳକୁ ଅଭିନନ୍ଦନ ଜଶାଇ ପ୍ରଧାନମନ୍ତ୍ରୀ ଯୁବା ଜନସଂଖ୍ୟା ଉପରେ ମାନସିକ ସ୍ୱାସ୍ଥ୍ୟ ସମସ୍ୟାର କଥା କହିବା ସହ ଏ ଦିଗରେ ଶିକ୍ଷା ବିଭାଗର ଗୁରୁତ୍ୱପୂର୍ଣ୍ଣ ଭୂମିକାର ଅବତାରଣା କରିଥିଲେ । ସେ ସେମାନଙ୍କୁ ମାଇଁ ଇଣ୍ଡିଆ ପୋର୍ଟାଲ ସମ୍ପର୍କରେ ମଧ୍ୟ କହିଥିଲେ । ଶିକ୍ଷାନୁଷ୍ଠାନଗୁଡ଼ିକ ପ୍ରକଳ୍ପର ନିର୍ଯାସକୁ ଅନୁଷ୍ଠାନରେ ପ୍ରୟୋଗ କରି ସମସ୍ୟା ସମାଧାନର ପନ୍ଥା ବାହାର କରିବା ଉପରେ ଗୁରୁତ୍ୱାରୋପ କରିଥିଲେ । “ବିକଶିତ ଭାରତ ପାଇଁ ମାନସିକ ସ୍ୱାସ୍ଥ୍ୟ ଗୁରୁତ୍ୱପୂର୍ଣ୍ଣ” ବୋଲି କହିବା ସହ ସେମାନଙ୍କୁ ମାଇଁ ଇଣ୍ଡିଆ ସମ୍ପର୍କରେ ମଧ୍ୟ କହିଥିଲେ ।
ଆସାମ ଗୌହାଟୀର ରୟାଲ ଗ୍ଲୋବାଲ ବିଶ୍ୱବିଦ୍ୟାଳୟର ସୁଶ୍ରୀ ରେଶମା ମାସ୍ତୁଥା କୃତ୍ରିମ ମେଧା ମାଧ୍ୟମ ଭାଷିନୀ ଦେଇ ପ୍ରଧାନମନ୍ତ୍ରୀଙ୍କ ସହ ବାର୍ତ୍ତା ବିନିମୟ କରିଥିଲେ । ଭାଷିନୀ ଆପ୍ ମାଧ୍ୟମ ପ୍ରକୃତ ଅନୁବାଦ ଯାହା କାର୍ଯ୍ୟକ୍ରମ କାଳରେ ହିଁ ହୋଇଥାଏ । ଦକ୍ଷିଣ ଭାରତ ସୁଶ୍ରୀ ରେଶମା ଓ ତାଙ୍କ ଦଳ ପ୍ରକୃତପକ୍ଷେ ଏକ ଭାରତ ଶ୍ରେଷ୍ଠ ଭାରତର ପ୍ରତିନିଧି ବୋଲି ପ୍ରଧାନମନ୍ତ୍ରୀ କହିଥିଲେ । ତାଙ୍କ ଦଳ କୃତ୍ରିମ ମେଧା ପରିପାଟୀ ଜଳଶକ୍ତି ପ୍ଲାଣ୍ଟ ୱେବ ପ୍ରୟୋଗ ଦ୍ୱାରା କରିଛନ୍ତି । ଫଳତଃ ଦେଶ ଜୀବାଶ୍ମ ଇନ୍ଧନ ଉପରେ ନିର୍ଭରଶୀଳ ନ ହୋଇ ଦେଶକୁ ଶକ୍ତି କ୍ଷେତ୍ରରେ ଆତ୍ମନିର୍ଭରଶୀଳ କରିପାରିବ । କୃତ୍ରିମ ମେଧାକୁ ଶକ୍ତିକ୍ଷେତ୍ର ସହ ସଂଯୋଗ କରିବା ଉଭୟ ବିକଶିତ ଭାରତ ନିମନ୍ତେ ଖୁବ୍ ଗୁରୁତ୍ୱପୂର୍ଣ୍ଣ ବୋଲି ପ୍ରଧାନମନ୍ତ୍ରୀ କହିଥିଲେ । ଶକ୍ତି ଉତ୍ପାଦନ ଖୁବ୍ ଗୁରୁତ୍ୱପୂର୍ଣ୍ଣ ବୋଲି ପ୍ରଧାନମନ୍ତ୍ରୀ କହିଥିଲେ ଶକ୍ତି ଉତ୍ପାଦନ ଓ ସରବରାହ କ୍ଷେତ୍ରରେ କୃତ୍ରିମ ମେଧାର ପ୍ରୟୋଗ ଓ ଶକ୍ତି ଖର୍ଚ୍ଚର ନିରୀକ୍ଷଣ ସାମର୍ଥ୍ୟ ବିକାଶ ନିମନ୍ତେ ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ । ଗତ ଦିନରେ ଦେଶର ସବୁ ଗ୍ରାମକୁ ବିଜୁଳି ଯୋଗାଣ ନେଇ ସରକାରଙ୍କ ସଫଳତା ଉପରେ ଆଲୋକପାତ କରି ସରକାର କୃଷି କ୍ଷେତ୍ରରେ ଛୋଟକାଟିଆ ସୌର ଶକ୍ତି ପ୍ଲାଣ୍ଟ ଓ ଛାତ ଉପରେ ସହରରେ ସୌରଶକ୍ତି ପ୍ଲାଣ୍ଟ ସ୍ଥାପନ ଦିଗରେ କୃତ୍ରିମ ମେଧାର ଉପଯୋଗ ନିମନ୍ତେ ପ୍ରସ୍ତାବ ସେବା ସହ ଉତ୍ତର ପୂର୍ବାଞ୍ଚଳ ବୁଲିବା ପାଇଁ ମଧ୍ୟ ସେମାନଙ୍କୁ ଅନୁରୋଧ କରିଥିଲେ ।
ଉତ୍ତର ପ୍ରଦେଶର ନୋଏଡ଼ାସ୍ଥିତ ଯାନ୍ତ୍ରିକ ଓ ବୈଷୟିକ ପ୍ରତିଷ୍ଠାନର ଶ୍ରୀ ଋଷଭ ଏସ. ବିଶ୍ୱାମିତ୍ର ଏନଟିଆରଓ ପକ୍ଷରୁ ବ୍ଲକଚେନ ଓ ସାଇବର ସୁରକ୍ଷା କାର୍ଯ୍ୟ କରୁଛନ୍ତି । ଆର୍ଥିକ ଗୁପ୍ତ ତଥ୍ୟ ତସ୍କରୀ କରୁଥିବା ବ୍ୟକ୍ତିଙ୍କ କବଳରୁ ସୁରକ୍ଷା କୃତ୍ରିମ ମେଧା ଜରିଆରେ ସମାଧାନ ପନ୍ଥା ନିର୍ଦ୍ଧାରଣ ପାଇଁ ସେ କାର୍ଯ୍ୟ କରୁଛନ୍ତି । ନୂତନ ବୈଷୟିକଜ୍ଞାନ ଉଦଭବ କାଳରେ ସାଇବର ଅପରାଧ ପ୍ରତି ସତର୍କ ରହିବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱଆରୋପ କରିଥିଲେ । ଯେକୌଣସି କମ୍ପୁ୍ୟଟର ଫଟୋ ଓ ଭିଡିଓ ନେଇ ସତର୍କ ରହିବାକୁ ସେ ପରାମର୍ଶ ଦେଇଥିଲେ ।
ସମବେତ ଅଂଶଗ୍ରହଣକାରୀଙ୍କୁ ଉଦବୋଧନ ଦେଇ ପ୍ରଧାନମନ୍ତ୍ରୀ ଦେଶର ସମସ୍ୟା ସମାଧାନ କ୍ଷେତ୍ରରେ ଯୁବାଗୋଷ୍ଠୀର ଉତ୍ସର୍ଗୀକୃତ ମନୋଭାବ ନେଇ ସନ୍ତୋଷ ବ୍ୟକ୍ତ କରିଥିଲେ । ପୂର୍ବ ହକାଥନର ସଫଳତାକୁ ସେ ଦୋହରାଇଲେ । ପୂର୍ବ ହକାଥନରେ ଷ୍ଟାର୍ଟଅପ ଓ ସମାଧାନ ଯାହା ବାହାରିଥିଲା ତାହା ଉଭୟ ସରକାର ଓ ସମାଜକୁ ସାହାଯ୍ୟ କରୁଛି ବୋଲି କହିଥିଲେ ।
ଏକବିଂଶ ଶତାବ୍ଦୀର ମନ୍ତ୍ର ଜୟ ଯବାନ, ଜୟ କିଶାନ, ଜୟ ବିଜ୍ଞାନ ଓ ଜୟ ଅନୁସନ୍ଧାନର ସ୍ମୃତିଚାରଣ କରି ଶ୍ରୀ ମୋଦୀ ପ୍ରତ୍ୟେକ ଭାରତୀୟ ଜଡ଼ତାର ସ୍ଥିତାବସ୍ଥାକୁ ଦୋହଲାଇ ଦେଇଛନ୍ତି ବୋଲି କହିଥିଲେ । ଭାରତର ବୈଶ୍ୱିକ ଅର୍ଥ ବ୍ୟବସ୍ଥା ତୃତୀୟ ସ୍ଥାନକୁ ଉନ୍ନୀତ ହେବା ନେଇ ଶ୍ରୀ ମୋଦୀ ଭାରତର ୟୁପିଆଇ, ବୈଶ୍ୱିକ ମହାମାରୀ କାଳରେ ଟୀକାର ସଫଳତା ବିଷୟରେ ପ୍ରକାଶ କରିଥିଲେ ।
ଯୁବ ନବୋନେଷ୍ମକାରୀ ଓ ଡୋମେନ ବିଶାରଦମାନଙ୍କୁ ଉଦବୋଧନ ଦେଇ ଶ୍ରୀ ମୋଦୀ କହିଥିଲେ ଯେ ବର୍ତ୍ତମାନର ଗୁରୁତ୍ୱ ଏଇଥିପାଇଁ ରହିଛି ଯେ ଏହା ଆଗାମୀ ହଜାରେ ବର୍ଷର ଗତିକୁ ସ୍ଥିର କରିବ । ପ୍ରଧାନମନ୍ତ୍ରୀ ସେମାନଙ୍କୁ ବର୍ତ୍ତମାନ ସମୟର ଅନନ୍ୟତାକୁ ବୁଝିବାକୁ ପରାମର୍ଶ ଦେଇଥିଲେ । ଯେତେବେଳେ ଅନେକ ବିଷୟ ଏକାଠି ହୁଏ ଯେପରିକି ଭାରତ ବିଶ୍ୱରେ ଏକ ତରୁଣ ଦେଶ, ଏହାର ମେଧାଶକ୍ତି, ସ୍ଥିର ଓ ମଜଭୁତ ସରକାର, ପ୍ରାଚୁର୍ଯ୍ୟପୂର୍ଣ୍ଣ ଅର୍ଥନୀତି ଓ ବିଜ୍ଞାନ ଏବଂ ବୈଷୟିକ ଜ୍ଞାନ ଉପରେ ଗୁରୁତ୍ୱ ଏହାର କାରଣ ବୋଲି କହିଥିଲେ ।
“ବୈଷୟିକ ଜ୍ଞାନ ଆଜି ଆମ ଜୀବନର ବିରାଟ ଅଂଶ ପାଲଟିଛି” ବୋଲି ପ୍ରଧାନମନ୍ତ୍ରୀ କହିଥିଲେ । ଯେତେବେଳେ କେହି ନୂତନ ଜ୍ଞାନ ଉପଯୋଗ କରିବ ସେତେବେଳେ ଏହାର ନବୋନ୍ମେଷ ଘଟିବ ଓ ଏ ଦିଗରେ ଯୁବ ନବୋନ୍ମେଷକାରୀଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିବ ବୋଲି ସେ କହିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ଭାରତ ଅମୃତ କାଳରେ ଆଗାମୀ ୨୫ ବର୍ଷ ଯୁବ ନବୋନ୍ମେଷକାରୀଙ୍କର ହେବ । ଏଥିପାଇଁ ସମସ୍ତଙ୍କ ଲକ୍ଷ୍ୟ ଆତ୍ମନିର୍ଭର ଭାରତ ଓ କାହା ଉପରେ ନିର୍ଭର ନ କରି ଓ ଆମଦାନୀ ନ କରିବାର ଲକ୍ଷ୍ୟ ହେବା ଦରକାର ।
ପ୍ରତିରକ୍ଷା କ୍ଷେତ୍ରର ଉଦାହରଣ ଦେଇ ସେ କହିଥିଲେ ଯେ ଭାରତ ବାଧ୍ୟ ହୋଇ କେତେକ ପ୍ରତିରକ୍ଷା ପ୍ରଯୁକ୍ତି ଆମଦାନୀ କରୁଛି । ପ୍ରତିରକ୍ଷା କ୍ଷେତ୍ର ସହ ସେମି କଣ୍ଡକ୍ଟର ଓ ଚିପ୍ ପ୍ରଯୁକ୍ତିରେ ମଧ୍ୟ ଆତ୍ମନିର୍ଭରଶୀଳତାର ଆବଶ୍ୟକତା ରହିଛି ବୋଲି ସେ କହିଥିଲେ । ପ୍ରଧାନମନ୍ତ୍ରୀ ମଧ୍ୟ କ୍ୱାଣ୍ଟମ ପ୍ରଯୁକ୍ତି ଓ ଉଦଯାନ ଶକ୍ତି କ୍ଷେତ୍ରରେ ଭାରତର ଉଚ୍ଚାକାଂକ୍ଷା ଉପରେ କହିଥିଲେ । ଏକବିଂଶ ଶତାବ୍ଦୀ ନିମନ୍ତେ ଏକ ଆଧୁନିକ ସକାରାତ୍ମକ ବାତାବରଣ ସୃଷ୍ଟି ଉପରେ ସରକାର ଗୁରୁତ୍ୱ ଦେଉଛନ୍ତି ଓ ଏହାର ସଫଳତା ଯୁବାଗୋଷ୍ଠୀ ଉପରେ ନିର୍ଭର କରୁଛି ବୋଲି ଶ୍ରୀ ମୋଦୀ କହିଥିଲେ ।
ପ୍ରଧାନମନ୍ତ୍ରୀ ଯୁବ ନବୋନ୍ମେଷକାରୀ ମାନଙ୍କୁ କହିଥିଲେ ଯେ “ବିଶ୍ୱର ବିଶ୍ୱାସ ରହିଛି ଯେ ସେମାନେ ବୈଶ୍ୱିକ ଆହ୍ୱାନର ସମାଧାନ ନିମନ୍ତେ ଭାରତର ସ୍ୱଳ୍ପମୂଲ୍ୟ, ଗୁଣାତ୍ମକ, ସ୍ଥାୟୀ ଓ ନିରନ୍ତର ସମାଧାନର ସୂତ୍ର ପାଇପାରିବେ” । ଆମର ଚନ୍ଦ୍ରଯାନ ଅଭିଯାନ ବିଶ୍ୱର ବିଶ୍ୱାସକୁ ବହୁଗୁଣିତ କରିଛି । ସେ ଦୃଷ୍ଟିରୁ ସେମାନେ ନବୋନ୍ମେଷ ପ୍ରତି ଯତ୍ନବାନ ହେବା ଆବଶ୍ୟକ । ସ୍ମାର୍ଟ ଇଣ୍ଡିଆ ହକାଥନର ଲକ୍ଷ୍ୟ ନେଇ ପ୍ରଧାନମନ୍ତ୍ରୀ କହିଥିଲେ ଯେ “ସ୍ମାର୍ଟ ଇଣ୍ଡିଆ ହକାଥନର ଲକ୍ଷ୍ୟ ହେଉଛି ଦେଶର ସମସ୍ୟାର ସମାଧାନ ଓ ସମାଧାନ ଜରିଆରେ ଦେଶର ଯୁବାଶକ୍ତି ଏକ ବିକଶିତ ଭାରତ ନିମନ୍ତେ ସମାଧାନର ଅମୃତ ଆହରଣ କରୁଛନ୍ତି ।” ଦେଶର ଯୁବାଶକ୍ତି ଉପରେ ଆସ୍ଥା ପ୍ରକଟ କରି ପ୍ରଧାନମନ୍ତ୍ରୀ ବିକଶିତ ଭାରତର ସଂକଳ୍ପକୁ ମନରେ ରଖି ସମସ୍ୟାର ସମାଧାନ ନିମନ୍ତେ କହିଥିଲେ । “ଆପଣମାନେ ଯାହା କରିବେ, ତାହା ସର୍ବଶ୍ରେଷ୍ଠ ହେଉ । ଆପଣମାନେ ଏପରି କାର୍ଯ୍ୟ କରିବେ ଯାହା ଫଳରେ ବିଶ୍ୱ ଆପଣମାନଙ୍କୁ ଅନୁସରଣ କରିବ” କହି ଶ୍ରୀ ମୋଦୀ ତାଙ୍କର ବକ୍ତବ୍ୟ ଶେଷ କରିଥିଲେ ।
କେନ୍ଦ୍ର ଶିକ୍ଷା ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଆଭାସୀ ମାଧ୍ୟମରେ ଏଥିରେ ଉପସ୍ଥିତ ଥିଲେ ।
ପୃଷ୍ଠଭୂମି-
ପ୍ରଧାନମନ୍ତ୍ରୀଙ୍କ ଯୁବ ନେତୃତ୍ୱ ଦୂରଦୃଷ୍ଟି ଜନିତ ବିକାଶକୁ ଆଖି ଆଗରେ ରଖି ସ୍ମାର୍ଟ ଇଣ୍ଡିଆ ହକାଥନ (ଏସଆଇଏଚ) ଏକ ଦେଶବ୍ୟାପୀ ପଦକ୍ଷେପ ନିଆଯାଇଛି । ଏଥିରେ ଛାତ୍ରଛାତ୍ରୀମାନେ ସରକାର, ଶିଳ୍ପାନୁଷ୍ଠାନ ଓ ଅନ୍ୟାନ୍ୟ ସଂଗଠନଗୁଡ଼ିକର ସମସ୍ୟାର ସମାଧାନ ସୂତ୍ର ବାହାର କରିବା ପାଇଁ ଏକ ମଞ୍ଚ ପାଇଥାନ୍ତି । ୨୦୧୭ ମସିହାରେ ଆରମ୍ଭ ହୋଇଥିବା ସ୍ମାର୍ଟ ଇଣ୍ଡିଆ ହକାଥନ ଯୁବ ନବୋନ୍ମେଷକାରୀଙ୍କ ମଧ୍ୟରେ ପ୍ରବଳ ଲୋକପ୍ରିୟତା ହାସଲ କରିଛି। ଶେଷ ପାଞ୍ଚଟି ସଂସ୍କରଣରେ ନବୋନ୍ମେଷ ଜନିତ ସମାଧାନ ବିଭିନ୍ନ ଡୋମେନ ଜରିଆରେ ହୋଇ ପ୍ରତିଷ୍ଠିତ ଷ୍ଟାର୍ଟଅପ୍ ରୂପ ନେଇଛି ।
ଚଳିତବର୍ଷ ଭବ୍ୟ ଏସଆଇଏଚ ସମାରୋହ ଡିସେମ୍ବର ୧୯ରୁ ୨୩ ମଧ୍ୟରେ ଅନୁଷ୍ଠିତ ହେଉଛି । ଏସଆଇଏଚ-୨୦୨୩ରେ ୪୪,୦୦୦ ଦଳ ଠାରୁ ୫୦ ହଜାର ବିଷୟ ଗ୍ରହଣ କରାଯାଇଥିଲା ଯାହା ଏହା ପ୍ରଥମ ସଂସ୍କରଣ ତୁଳନାରେ ସାତଗୁଣ ଅଧିକ । ୧୨ ହଜାର ଅଂଶଗ୍ରହଣକାରୀ ଓ ୨୫୦୦ ପୃଷ୍ଠପୋଷକ ଏଥିରେ ଯୋଗ ଦେଇଥିବା ବେଳେ ୪୮ଟି ନୋଡାଲ କେନ୍ଦ୍ରରେ ଦେଶବ୍ୟାପୀ ଏହା ଆୟୋଜିତ ହେଉଛି । ୧୨୮୨ଟି ଦଳକୁ ଏଥର ବଛାଯାଇଥିବା ବେଳେ ମହାକାଶ ପ୍ରଯୁକ୍ତି, ସ୍ମାର୍ଟ ଶିକ୍ଷା, ବିପର୍ଯ୍ୟୟ ପରିଚାଳନା, ରୋବୋଟିକ୍ସ ଓ ଡ୍ରୋନ୍, ଐତିହ୍ୟ ଓ ସଂସ୍କୃତି ଇତ୍ୟାଦି ବିଷୟ ଏଥିରେ ରଖିଛି ।
୧୭୬ ସଫ୍ଟୱେର ଓ ୫୫ ହାର୍ଡୱେର ସମେତ ଅଂଶଗ୍ରହଣକାରୀ ଦଳମାନେ ୨୩୧ ସମସ୍ୟାର ସମାଧାନ କରିବେ । ଏହା ସେମାନଙ୍କୁ ୫୧ଟି ବିଭାଗ ଓ ୨୫ଟି ମନ୍ତ୍ରଣାଳୟ ଓ ରାଜ୍ୟ ସରକାରଙ୍କ ପକ୍ଷରୁ ଦିଆଯାଇଛି । ସ୍ମାର୍ଟ ଇଣ୍ଡିଆ ହକାଥନ-୨୦୨୩ର ପୁରସ୍କାର ରାଶି ଦୁଇ କୋଟିରୁ ଅଧିକ ଥିବାବେଳେ, ପ୍ରତ୍ୟେକ ବିଜେତା ଏକ ଲକ୍ଷ ଟଙ୍କା ଗୋଟିଏ ସମସ୍ୟାର ସମାଧାନ ନିମନ୍ତେ ପାଇବେ ।
India of 21st century is moving forward with the mantra of 'Jai Jawan, Jai Kisan, Jai Vigyan and Jai Anusandhan.' pic.twitter.com/ncxp1WAQRs
— PMO India (@PMOIndia) December 19, 2023
Today we are at a turning point in time, where every effort of ours will strengthen the foundation of the India of the next thousand years. pic.twitter.com/ToRmk0NGLJ
— PMO India (@PMOIndia) December 19, 2023
India's time has come. pic.twitter.com/Et0QfkpO4v
— PMO India (@PMOIndia) December 19, 2023
To make India developed, we all have to work together.
— PMO India (@PMOIndia) December 19, 2023
Our goal must be – Aatmanirbhar Bharat. pic.twitter.com/NJlMi7d43R
The world is confident that India can provide low-cost, quality, sustainable and scalable solutions to global challenges. pic.twitter.com/jtqufQ8PF3
— PMO India (@PMOIndia) December 19, 2023
