ଆଜି ହେଗରେ ଡଚ୍ ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ (କ୍ୟାଟସୁଇସ୍) ଠାରେ ନେଦରଲ୍ୟାଣ୍ଡର ପ୍ରଧାନମନ୍ତ୍ରୀ ମହାମହିମ ଶ୍ରୀଯୁକ୍ତ ରବ ଜେଟେନଙ୍କ ସହ ଆନୁଷ୍ଠାନିକ ଆଲୋଚନା କରିଛନ୍ତି।
ଦୁଇ ପ୍ରଧାନମନ୍ତ୍ରୀ ଭାରତ-ନେଦରଲ୍ୟାଣ୍ଡ ସମ୍ପର୍କକୁ ସୁଦୃଢ଼ କରିବା ପାଇଁ ବ୍ୟାପକ ଆଲୋଚନା କରିଛନ୍ତି। ସହଭାଗୀ ମୂଲ୍ୟବୋଧ ଏବଂ ବିଶ୍ୱାସକୁ ପ୍ରତିଫଳିତ କରିବା ସହିତ ଦୁଇ ଦେଶ ମଧ୍ୟରେ ଅଭିବୃଦ୍ଧି ଏବଂ ସହଯୋଗ ବୃଦ୍ଧି କରି, ନେତାମାନେ ଦ୍ୱିପାକ୍ଷିକ ସମ୍ପର୍କକୁ ଏକ "ରଣନୈତିକ ସହଭାଗୀତା"କୁ ଉନ୍ନୀତ କରିବାକୁ ନିଷ୍ପତ୍ତି ନେଇଛନ୍ତି। ବାଣିଜ୍ୟ ଓ ନିବେଶ, ପ୍ରତିରକ୍ଷା ଓ ସୁରକ୍ଷା, ଉଦୀୟମାନ ଏବଂ ଗୁରୁତ୍ୱପୂର୍ଣ୍ଣ ପ୍ରଯୁକ୍ତି, ସାମୁଦ୍ରିକ କ୍ଷେତ୍ର, ନବୀକରଣଯୋଗ୍ୟ ଶକ୍ତି ଏବଂ ଶିକ୍ଷା କ୍ଷେତ୍ରରେ ସହଯୋଗକୁ ଆହୁରି ଗଭୀର କରିବା ପାଇଁ ଏକ ମହତ୍ୱାକାଂକ୍ଷୀ “ରଣନୈତିକ ସହଭାଗୀତା ରୋଡମ୍ୟାପ୍” ଗ୍ରହଣ କରିବାକୁ ମଧ୍ୟ ସେମାନେ ସହମତ ହୋଇଥିଲେ। ବ୍ୟବସାୟ, ନିବେଶ, ପ୍ରଯୁକ୍ତିବିଦ୍ୟା ଏବଂ ନବସୃଜନ ସହଭାଗୀତା ବିସ୍ତାର କରିବା ଉପରେ ଧ୍ୟାନ ଦେଇ, ନେତାମାନେ ଉଲ୍ଲେଖ କରିଛନ୍ତି ଯେ ଭାରତୀୟ ଅଭିବୃଦ୍ଧି କାହାଣୀ ଦ୍ୱାରା ଉପସ୍ଥାପିତ ସୁଯୋଗ ଡଚ୍ କମ୍ପାନୀଗୁଡ଼ିକୁ ପ୍ରତିଶ୍ରୁତିପୂର୍ଣ୍ଣ ବ୍ୟବସାୟିକ ସମ୍ଭାବନା ପ୍ରଦାନ କରେ।
ନିରନ୍ତର ଉଚ୍ଚସ୍ତରୀୟ ଆଦାନ-ପ୍ରଦାନ ଦ୍ୱାରା ପ୍ରେରିତ ଦ୍ୱିପାକ୍ଷିକ ସହଯୋଗର ଅଗ୍ରଗତି ନେଇ ଉଭୟ ନେତା ସନ୍ତୋଷ ପ୍ରକାଶ କରିଥିଲେ। ଜଳ, କୃଷି ଓ ସ୍ୱାସ୍ଥ୍ୟ (WAH) କ୍ଷେତ୍ରରେ ସହଯୋଗର ଗୁରୁତ୍ୱକୁ ଉଲ୍ଲେଖ କରି ସେମାନେ ବୃହତ୍ ପରିସରର ଜଳ ପ୍ରକଳ୍ପଗୁଡ଼ିକରେ ସହଯୋଗ ମାଧ୍ୟମରେ ଜଳ କ୍ଷେତ୍ରରେ ରଣନୀତିକ ଭାଗୀଦାରିକୁ ଆହୁରି ସୁଦୃଢ କରିବାକୁ ସମ୍ମତି ପ୍ରକାଶ କରିଥିଲେ। ସ୍ୱାସ୍ଥ୍ୟ ଗବେଷଣା, ଡିଜିଟାଲ ସ୍ୱାସ୍ଥ୍ୟ, କୃଷି ଏବଂ ଖାଦ୍ୟ ସୁରକ୍ଷା ସମେତ ମୁଖ୍ୟ କ୍ଷେତ୍ରଗୁଡ଼ିକରେ ବିସ୍ତାର ପାଉଥିବା ସହଯୋଗକୁ ମଧ୍ୟ ଦୁଇ ପ୍ରଧାନମନ୍ତ୍ରୀ ସ୍ୱାଗତ କରିଥିଲେ।
ଆଲୋଚନା ସମୟରେ, ନେତାମାନେ ଦୁଇ ଦେଶ ମଧ୍ୟରେ ବାଣିଜ୍ୟ ଏବଂ ନିବେଶ ସମ୍ପର୍କକୁ ବିସ୍ତାର କରିବାକୁ ଗୁରୁତ୍ୱ ଦେଇଥିଲେ। ଭାରତ-ୟୁରୋପୀୟ ସଂଘ ମୁକ୍ତ ବାଣିଜ୍ୟ ଚୁକ୍ତିନାମାର ପରିବର୍ତ୍ତନକାରୀ ସମ୍ଭାବନାକୁ ସ୍ୱୀକାର କରି, ସେମାନେ ଏହାର ଶୀଘ୍ର ସ୍ୱାକ୍ଷର ଏବଂ କାର୍ଯ୍ୟାନ୍ୱୟନ ପାଇଁ ଆହ୍ୱାନ କରିଥିଲେ। ସେମାନେ ଏହା ମଧ୍ୟ ଦୃଢ଼ କରିଥିଲେ ଯେ ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥରେ ଭାରତ-ନେଦରଲ୍ୟାଣ୍ଡ ସହଯୋଗ ସ୍ଥିର ଯୋଗାଣ ଶୃଙ୍ଖଳକୁ ସମର୍ଥନ କରିବ।
ଦୁଇ ନେତା ଏଆଇ ଏବଂ-ସେମିକଣ୍ଡକ୍ଟର ସମେତ ଉଦୀୟମାନ ପ୍ରଯୁକ୍ତିବିଦ୍ୟାରେ ଅଧିକ ସହଯୋଗ ପାଇଁ ମଧ୍ୟ ଆହ୍ୱାନ କରିଥିଲେ। ସେମାନେ ଦୁଇ ଦେଶର ଯୁବକମାନଙ୍କୁ ସାମିଲ କରି ହାକାଥନ୍ ଆୟୋଜନକୁ ମଧ୍ୟ ଉତ୍ସାହିତ କରିଥିଲେ। ନବୀକରଣ ଶକ୍ତିରେ ସହଯୋଗକୁ ସୁଦୃଢ଼ କରିବା ପାଇଁ ପ୍ରତିଶ୍ରୁତିବଦ୍ଧ, ସେମାନେ ଏକ ସ୍ଥାୟୀ ଭବିଷ୍ୟତ ସୁନିଶ୍ଚିତ କରିବା ପାଇଁ ସବୁଜ ହାଇଡ୍ରୋଜେନ୍, ଜୈବ ଇନ୍ଧନ, ସବୁଜ ପରିବହନ ଏବଂ ସାମୁଦ୍ରିକ ଲଜିଷ୍ଟିକ୍ସରେ ସହଯୋଗର ଗୁରୁତ୍ୱ ଉପରେ ଆଲୋକପାତ କରିଥିଲେ। ଉଭୟ ପ୍ରଧାନମନ୍ତ୍ରୀ ଉଚ୍ଚଶିକ୍ଷାରେ ଗତିଶୀଳତା-ଭାଗୀତା ଏବଂ ସହଯୋଗକୁ ସୁଦୃଢ଼ କରିବା ପାଇଁ ନିଆଯାଇଥିବା ନୂତନ ପଦକ୍ଷେପଗୁଡ଼ିକୁ ସମର୍ଥନ ଜଣାଇଥିଲେ। ଏହି ପରିପ୍ରେକ୍ଷୀରେ, ସେମାନେ ନାଳନ୍ଦା ବିଶ୍ୱବିଦ୍ୟାଳୟ ଏବଂ ଗ୍ରୋନିଙ୍ଗେନ ବିଶ୍ୱବିଦ୍ୟାଳୟ ମଧ୍ୟରେ ହୋଇଥିବା ଚୁକ୍ତିନାମାକୁ ବିଶେଷ ଧ୍ୟାନ ଦେଇଥିଲେ।
ଦୁଇ ଦେଶ ମଧ୍ୟରେ ଦୃଢ଼ ସାଂସ୍କୃତିକ ସମ୍ପର୍କକୁ ଉଲ୍ଲେଖ କରି ପ୍ରଧାନମନ୍ତ୍ରୀ ମୋଦୀ ୧୧ଶ ଶତାବ୍ଦୀର ଚୋଳ ତାମ୍ରଫଳକଗୁଡ଼ିକୁ ଫେରାଇ ଆଣିବାରେ ସାହାଯ୍ୟ କରିବା ପାଇଁ ଡଚ୍ ସରକାରଙ୍କୁ ଧନ୍ୟବାଦ ଜଣାଇଥିଲେ। ଏହି ପରିପ୍ରେକ୍ଷୀରେ, ଦୁଇ ନେତା ଲିଡେନ୍ ବିଶ୍ୱବିଦ୍ୟାଳୟ ପାଠାଗାର ଏବଂ ଭାରତର ପ୍ରତ୍ନତାତ୍ତ୍ୱିକ ସର୍ବେକ୍ଷଣ ମଧ୍ୟରେ ସହଯୋଗକୁ ସ୍ୱାଗତ କରିଥିଲେ, ଯାହା ଏହି ଐତିହାସିକ କଳାକୃତିର ଜ୍ଞାନକୁ ଆଗକୁ ବଢ଼ାଇବାରେ ସାହାଯ୍ୟ କରିବ।
ଆନୁଷ୍ଠାନିକ ଆଲୋଚନା ପରେ, ପ୍ରଯୁକ୍ତିବିଦ୍ୟା, ସବୁଜ ଶକ୍ତି, ବାଣିଜ୍ୟ, ଗତିଶୀଳତା, ଡବ୍ଲୁଏଏଚ, ଶିକ୍ଷା ଏବଂ ସଂସ୍କୃତି କ୍ଷେତ୍ରରେ ୧୪ଟି ଚୁକ୍ତି ଏବଂ ବୁଝାମଣାପତ୍ର ସ୍ୱାକ୍ଷରିତ ହୋଇଥିଲା । ଗସ୍ତ ଅବସରରେ ଏକ ମିଳିତ ବିବୃତ୍ତି ଏବଂ ରଣନୈତିକ ସହଭାଗୀତା ଉପରେ ରୋଡମ୍ୟାପ୍ ଗୃହୀତ ହୋଇଥିଲା।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଜେଟେନଙ୍କୁ ଭାରତ ଗସ୍ତ ପାଇଁ ନିମନ୍ତ୍ରଣ କରିଥିଲେ, ଯାହାକୁ ସେ ଗ୍ରହଣ କରିଥିଲେ।
ଭାରତ ଏବଂ ନେଦରଲ୍ୟାଣ୍ଡ ମଧ୍ୟରେ ସମାନ ଗଣତାନ୍ତ୍ରିକ ମୂଲ୍ୟବୋଧ ଏବଂ ବିଭିନ୍ନ କ୍ଷେତ୍ରରେ ବହୁମୁଖୀ ସହଯୋଗ ଉପରେ ଆଧାରିତ ଦୃଢ଼ ଦ୍ୱିପାକ୍ଷିକ ସମ୍ପର୍କ ରହିଛି। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେଦରଲ୍ୟାଣ୍ଡ ଗସ୍ତ ଏହି ସହଭାଗୀତାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ।
My talks with Prime Minister Rob Jetten were extensive, covering a wide range of topics. One such area is defence and security-related. I spoke about the possibility of defence industrial roadmap at the earliest. We can also work together in sectors such as space, marine systems… pic.twitter.com/sMgKLOdmL8
— Narendra Modi (@narendramodi) May 16, 2026
Economic cooperation is a key pillar of the India-Netherlands friendship. The India-EU FTA offers infinite possibilities. There is immense scope to work together in fintech, critical minerals, semiconductors, green hydrogen and AI. We also discussed ways to enhance cultural… pic.twitter.com/AEskHlVIgz
— Narendra Modi (@narendramodi) May 16, 2026
Mijn gesprekken met premier Rob Jetten waren uitgebreid en bestreken een breed scala aan onderwerpen. Een daarvan was defensie en veiligheid. Ik sprak over de mogelijkheid om zo snel mogelijk een stappenplan voor de defensie-industrie op te stellen. We kunnen ook samenwerken in… pic.twitter.com/hwgrBZzCsC
— Narendra Modi (@narendramodi) May 16, 2026
Economische samenwerking is een belangrijke pijler van de vriendschap tussen India en Nederland. De vrijhandelsovereenkomst tussen India en de EU biedt oneindige mogelijkheden. Er is enorm veel ruimte voor samenwerking op het gebied van fintech, kritieke mineralen, halfgeleiders,… pic.twitter.com/IQxBFrdClL
— Narendra Modi (@narendramodi) May 16, 2026
