ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି କର୍ଣ୍ଣାଟକର କଲବୁର୍ଗୀ ଏବଂ ତାମିଲନାଡ଼ୁର କାଞ୍ଚୀପୁରମଠାରେ ଗୁରୁତ୍ୱପୂର୍ଣ୍ଣ ପ୍ରକଳ୍ପଗୁଡ଼ିକର ଲୋକାର୍ପଣ କରିଛନ୍ତି ।
କର୍ଣ୍ଣାଟକର କଲବୁର୍ଗୀଠାରେ ପ୍ରଧାନମନ୍ତ୍ରୀ ଫଳକ ଉନ୍ମୋଚନ ଜରିଆରେ ବେଙ୍ଗାଲୁରୁ, ଇଏସଆଇ ହସପିଟାଲ ଓ ମେଡ଼ିକାଲ କଲେଜକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିଥିଲେ । ସେ ମଧ୍ୟ ବଟମ ଚିପି ହୁବଲୀଠାରେ କେଆଇଏମଏସର ସୁପର ସ୍ପେଶାଲଟି ବ୍ଲକ, ବାଙ୍ଗାଲୋର ଆୟକର ନ୍ୟାୟାଧିକରଣ ଅପିଲ ଟ୍ରିବ୍ୟୁନାଲ କୋଠା ଏବଂ ବାଙ୍ଗାଲୋର ବିଶ୍ୱବିଦ୍ୟାଳୟଠାରେ ଉତ୍ତର ପୂର୍ବାଂଚଳ ଛାତ୍ରୀଙ୍କ ପାଇଁ ଛାତ୍ରୀନିବାସର ଉଦଘାଟନ କରିଥିଲେ । ଫଳକ ଉନ୍ମୋଚନ ମାଧ୍ୟମରେ, ପ୍ରଧାନମନ୍ତ୍ରୀଙ୍କ ଦ୍ୱାରା ରାୟଚୁରଠାରୁ କଲବୁର୍ଗୀ ପର୍ଯ୍ୟନ୍ତ ବିପିସିଏଲ ଡିପୋର ରିସାଇଟମେଣ୍ଟ ପାଇଁ ଶିଳାନ୍ୟାସ କରାଯାଇଥିଲା ।
ପ୍ରଧାନମନ୍ତ୍ରୀ ମଧ୍ୟ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା : ଆୟୁଷ୍ମାନ ଭାରତର ହିତାଧିକାରୀମାନଙ୍କ ସହିତ ମତ ବିନିମୟ କରିଥିଲେ ।
ତାମିଲନାଡ଼ୁର କାଞ୍ଚୀପୁରମଠାରେ ପ୍ରଧାନମନ୍ତ୍ରୀ ବିଭିନ୍ନ ଜାତୀୟ ରାଜପଥ ପ୍ରକଳ୍ପର ଶୁଭାରମ୍ଭ କରିଥିଲେ । ଏଗୁଡ଼ିକ ମଧ୍ୟରେ ରହିଛି ବିକ୍ରୱଣ୍ଡିଠାରୁ ତାଞ୍ଜାଭୁର ପର୍ଯ୍ୟନ୍ତ ଜାତୀୟ ରାଜପଥ-45 ସି ର 4 ଲେନ କରାଯିବା ଏବଂ 4 ନମ୍ବର ଜାତୀୟ ରାଜପଥର କାରାଇପେଟ୍ଟାଇ-ୱଲଜପେଟ ଭାଗର 6 ଲେନ ବିଶିଷ୍ଟ କରାଯିବା ପ୍ରକଳ୍ପ । ସେ 5 ଏମଏମଟିପିଏ କ୍ଷମତା ସମ୍ପନ୍ନ ଏନ୍ନୋର ଏଲଏନଜି ଟର୍ମିନାଲକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିଥିଲେ । ଏହି ଟର୍ମିନାଲ ତାମିଲନାଡ଼ୁ ଏବଂ ପଡ଼ୋଶୀ ରାଜ୍ୟଗୁଡ଼ିକରେ ଏଲଏନଜି ଚାହିଦା ପୂରଣ କରିବ । ସେ ମଧ୍ୟ ଏରୋଡ-କରୁର-ତିରୁଚିରାପଲ୍ଲୀ ଏବଂ ସାଲେମ-କରୁର-ଦିଣ୍ଡିଗୁଲ ରେଳ ପଥର ବିଦ୍ୟୁତକରଣ କାର୍ଯ୍ୟକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିଥିଲେ ।
ପ୍ରଧାନମନ୍ତ୍ରୀ ମଧ୍ୟ ଭିଡିଓ ଲିଙ୍କ ଜରିଆରେ ଚେନ୍ନାଇର ଡ. ଏମଜିଆର ଜାନକୀ କଳା ଓ ବିଜ୍ଞାନ ମହିଳା ମହାବିଦ୍ୟାଳୟଠାରେ ଡ. ଏମଜି ରାମଚନ୍ଦ୍ରନଙ୍କ ପ୍ରତିମୂର୍ତ୍ତିକୁ ଅନାବରଣ କରିଥିଲେ ।
ଆଜି ଶୁଭାରମ୍ଭ ହୋଇଥିବା ଉନ୍ନୟନ ପ୍ରକଳ୍ପଗୁଡ଼ିକ କର୍ଣ୍ଣାଟକ ଏବଂ ତାମିଲନାଡ଼ୁର ଜନସାଧାରଣଙ୍କୁ ବ୍ୟାପକ ଭାବେ ଲାଭାନ୍ୱିତ କରିବ ।
