ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତକାଲି ଯୁବ ଉଦ୍ଭାବକ ଏବଂ ଷ୍ଟାର୍ଟ-ଅପ ଉଦ୍ୟୋଗୀଙ୍କ ସହିତ ଏକ ଆଲୋଚନାଚକ୍ରରେ ଯୋଗଦେବେ ।
ପ୍ରଧାନମନ୍ତ୍ରୀ କହିଛନ୍ତି, “ଆସନ୍ତାକାଲି ପୂର୍ବାହ୍ଣ 9ଟା 30 ସମୟରେ, ଷ୍ଟାର୍ଟ-ଅପ ଏବଂ ଉଦ୍ଭାବନ ଦୁନିଆର ଯୁବତାରକାଙ୍କ ସହିତ ଏକ ଉତ୍ସାହୀ ଆଲୋଚନାରେ ଭାଗ ନେବି । ଷ୍ଟାର୍ଟ ଅପ୍ ଉଦ୍ୟୋଗୀ ଭାବେ ଉତ୍କର୍ଷ ହାସଲ କରିଥିବା ଯୁବ ଉଦ୍ଭାବକଙ୍କ କଥା ସିଧାସଳଖ ଶୁଣିବା ଲାଗି ଏହି ଆଲୋଚନାଚକ୍ର ଚମତ୍କାର ସୁଯୋଗ ପ୍ରଦାନ କରିବ ।
ଭାରତ ଷ୍ଟାର୍ଟ ଅପ୍ ଏବଂ ଉଦ୍ଭାବନ କେନ୍ଦ୍ରସ୍ଥଳ ଭାବେ ଉଭା ହୋଇଛି । ଭବିଷ୍ୟଦର୍ଶୀ ଏବଂ ଚିରାଚରିତ ଚିନ୍ତାଧାରାଠାରୁ ଉର୍ଦ୍ଧ୍ଵରେ ବିଚାର କରୁଥିବା ଯୋଗୁ ଭାରତୀୟ ଯୁବକତାରକାମାନେ ଉତ୍କର୍ଷ ହାସଲ କରିଛନ୍ତି । ଆସନ୍ତାକାଲିର ଆଲୋଚନାଚକ୍ରରେ ଅଗ୍ରଣୀ ଉଦ୍ଭାବନ କେନ୍ଦ୍ର ଏବଂ ଟିଙ୍କରିଂ ପ୍ରୟୋଗଶାଳାର ଯୁବତାରକାମାନେ ମଧ୍ୟ ଭାଗ ନେବେ ।
ମୁଁ ମୋର ଯୁବବନ୍ଧୁମାନଙ୍କୁ ଆସନ୍ତାକାଲିର ଆଲୋଚନାଚକ୍ରରେ ଭାଗ ନେବା ଲାଗି ଅନୁରୋଧ କରୁଛି । ଏହା ଶିଖିବା, ଆଗକୁ ବଢ଼ିବା ଏବଂ ପ୍ରେରିତ ହେବାର ଚମତ୍କାର ମାର୍ଗ । ଆପଣମାନେ ଏହି ଆଲୋଚନାଚକ୍ରରେ ‘ନରେନ୍ଦ୍ର ମୋଦୀ ମୋବାଇଲ ଆପ୍’ କିମ୍ବା @DDNewsLive ଜରିଆରେ ଯୋଡ଼ି ହୋଇପାରିବେ । ଯଦି ଆପଣଙ୍କ ନିକଟରେ କୌଣସି ବିଚାର କିମ୍ବା ପରାମର୍ଶ ରହିଛି, ଏହାକୁ ସୋସିଆଲ ମିଡିଆରେ ଶେୟାର କରନ୍ତୁ ।
