ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏପ୍ରିଲ 2, 2017ରେ 9 କିଲୋମିଟର ଦୀର୍ଘର “ଚେନାନୀ-ନଶ୍ରୀ ସୁଡଙ୍ଗ” କୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିବେ । ଏହା ଦେଶର ସବୁଠାରୁ ସୁଦୀର୍ଘ ସୁଡଙ୍ଗ ରାସ୍ତା ।
ଜାତୀୟ ରାଜପଥ – 44 ସହିତ ସଂଲଗ୍ନ ଏହି ସୁଡଙ୍ଗ ରାସ୍ତା ଜାମ୍ମୁରୁ ଶ୍ରୀନଗରକୁ ସଂଯୁକ୍ତ କରୁଛି । ଏହି ରାସ୍ତା ଖୋଲିଲେ ଜାମ୍ମୁ-ଶ୍ରୀନଗର ମଧ୍ୟରେ ଯାତାୟାତ ସମୟରେ ଦୁଇ ଘଣ୍ଟା ହ୍ରାସ ପାଇବ । ବରଫାବୃତ୍ତ ପାର୍ବତ୍ୟ ରାସ୍ତାକୁ ଏଡାଇବା ସହ 31 କିଲୋମିଟର ଦୂରତାକୁ ହ୍ରାସ କରିବ ଏହି 9 କିଲୋମିଟର ଦୀର୍ଘର ସୁଡଙ୍ଗ ରାସ୍ତା । ଅଧିକନ୍ତୁ, ଏହାଦ୍ଵାରା ଦୈନିକ ପ୍ରାୟ 27 ଲକ୍ଷ ଟଙ୍କାର ମୋଟର ଇନ୍ଧନ ସଞ୍ଚୟ ହୋଇପାରିବ ।
ସୁଡଙ୍ଗ ରାସ୍ତା ନିର୍ମାଣ ଦ୍ଵାରା ଜଙ୍ଗଲ ତଥା ଗଛ କଟାକୁ ରୋକା ଯାଇପାରିଛି । ଏଥିସହ ଜାମ୍ମୁ ରୁ ଉଦ୍ଧାମପୁର, ଜାମ୍ମୁ ରୁ ରାମବାନ ଓ ବନିହାଲ, ଜାମ୍ମୁ ରୁ ଶ୍ରୀନଗର ମଧ୍ୟରେ ଯାତ୍ରୀ ଓ ମାଲ ପରିବହନ ସବୁଦିନିଆ ଓ ସୁରକ୍ଷିତ ହୋଇପାରିବ । ବିଶ୍ଵସ୍ତରୀୟ ଟେକ୍ନୋଲଜି ଏବଂ ସୁରକ୍ଷା ବୈଶିଷ୍ଟ୍ୟ ଥିବା ଏହି ସୁଡଙ୍ଗ ରାସ୍ତା କାର୍ଯ୍ୟକ୍ଷମ ହେବା ଦ୍ଵାରା ଜାମ୍ମୁ-କାଶ୍ମୀରରେ ପର୍ଯ୍ୟଟନ କ୍ଷେତ୍ରକୁ ବୃହତ ବଳ ମିଳିବ ଏବଂ ରାଜ୍ୟର ଆର୍ଥିକ ବିକାଶରେ ସହାୟକ ହେବ ।
ଏହି ସଡକ ସୁଡଙ୍ଗର କେତେକ ବୈଶିଷ୍ଟ୍ୟ ହେଲା –
• 9 କିଲୋମିଟର ଦୀର୍ଘର ଏହି ସଡକ ସୁଡଙ୍ଗଟି ଦୁଇ ଥାକିଆ ଓ ବିପରୀତ ମୂଖୀ ଏବଂ ଏହାର ଓସାର 9.35 ମିଟର ଥିବା ବେଳେ ଭର୍ଟିକାଲ କ୍ଲିୟରାନ୍ସ 5 ମିଟର ।
• ସଡକ ସୁଡଙ୍ଗର ପ୍ରତି 300 ମିଟର ବ୍ୟବଧାନରେ ଗୋଟିଏ କରି ପ୍ରସ୍ଥାନ ସୁଡଙ୍ଗ ରହିଛି, ଯେଉଁଥିରେକି ଅନେକ କ୍ରସ ପାସେଜ ରହିଛି ।
• ସଡକ ସୁଡଙ୍ଗରେ ସମନ୍ଵିତ ଟ୍ରାଫିକ ନିୟନ୍ତ୍ରଣ ବ୍ୟବସ୍ଥା, ସୁରକ୍ଷା ନିରୀକ୍ଷଣ, ଶ୍ଵାସ ପ୍ରଶ୍ଵାସ ଗ୍ରହଣ ବ୍ୟବସ୍ଥା, ଯୋଗାଯୋଗ ବ୍ୟବସ୍ଥା, ଅଗ୍ନିଶମ ସୁରକ୍ଷା ବ୍ୟବସ୍ଥା ଏବଂ ପ୍ରତି 150 ମିଟରରେ ଏସଓଏସ କଲ-ବକ୍ସର ସୁବିଧା ରଖାଯାଇଛି ।
• ସଡକ ସୁଡଙ୍ଗ ପ୍ରକଳ୍ପ ନିର୍ମାଣରେ 2500 କୋଟି ଟଙ୍କାରୁ ଅଧିକ ଖର୍ଚ୍ଚ ହୋଇଛି ।
PM Modi to dedicate India's longest road tunnel in Jammu and Kashmir
India's longest road tunnel connecting Jammu and Srinagar to reduce travel time by upto two hours
