ନେପାଳ ଗସ୍ତ ପୂର୍ବରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ବକ୍ତବ୍ୟ ନିମ୍ନରେ ପ୍ରଦତ୍ତ କରାଗଲା –
“ନେପାଳ ପ୍ରଧାନମନ୍ତ୍ରୀ ମାହାମାନ୍ୟ କେ.ପି.ଶର୍ମା ଓଲିଙ୍କ ନିମନ୍ତ୍ରଣରେ ମୁଁ ମେ’ 11-12, 2018 ଦୁଇ ଦିନ ପାଇଁ ନେପାଳ ଗସ୍ତରେ ଯାଉଛି ।
ପ୍ରଧାନମନ୍ତ୍ରୀ ଭାବରେ ଏହା ମୋର ତୃତୀୟ ନେପାଳ ଗସ୍ତ । ଏହା ପ୍ରତିଫଳିତ କରୁଛି ଯେ, ଭାରତ ଏବଂ ବିଶେଷକରି ମୁଁ ବ୍ୟକ୍ତିଗତ ଭାବେ ନେପାଳ ସହ ରହିଆସିଥିବା ଯୁଗ ଯୁଗର ସମ୍ବନ୍ଧ ଓ ମୈତ୍ରୀପୂର୍ଣ୍ଣ ସମ୍ପର୍କକୁ ଦୃଢ଼ୀଭୂତ କରିବାରେ ଆମେ କେତେ ଗୁରୁତ୍ୱ ଦେଉଛୁ ।
ଗତ ମାସରେ ପ୍ରଧାନମନ୍ତ୍ରୀ ଓଲିଙ୍କ ଭାରତ ଗସ୍ତ ପରେ ମୁଁ ଏହି ଗସ୍ତରେ ଯାଉଛି । ନିୟମିତ ଭାବେ ଏଭଳି ଉଚ୍ଚସ୍ତରୀୟ ଗସ୍ତ ଓ ଆଲୋଚନା ଆମ ସରକାରଙ୍କ “ପଡୋଶୀ ପ୍ରଥମ” ନୀତି ପ୍ରତି ପ୍ରତିବଦ୍ଧତାକୁ ପ୍ରଦର୍ଶୀତ କରୁଛି, ଯାହାକି “ସବ୍କା ସାଥ୍ ସବ୍କା ବିକାଶ”ର ଅନୁରୂପ ।
ମିଳିତ ଭାବେ ଆମର ଦୁଇ ଦେଶ ଗତ କିଛି ବର୍ଷ ମଧ୍ୟରେ ଅନେକ ବିକାଶମୂଳକ ଓ ଦ୍ୱିପାକ୍ଷିକ ସଂଯୋଗୀକରଣ ପ୍ରକଳ୍ପକୁ ସମ୍ପୂର୍ଣ୍ଣ କରିବାରେ ସମର୍ଥ ହୋଇଛୁ । ଦୁଇ ଦେଶର ଲୋକମାନଙ୍କର କଲ୍ୟାଣ ପାଇଁ ଏଭଳି ଅନେକ ରୂପାନ୍ତରଣ କାର୍ଯ୍ୟକ୍ରମ ହାତକୁ ନେଇଛୁ ।
ପାରସ୍ପରିକ ସ୍ୱାର୍ଥ ଜଡିତ ପ୍ରସଙ୍ଗ ଓ ସେ ସମ୍ପର୍କରେ ସମ୍ପ୍ରତି ନୂଆଦିଲ୍ଲୀରେ ହୋଇଥିବା ବିସ୍ତାରିତ ବିଚାର ଆଲୋଚନାକୁ ଆହୁରି ଆଗେଇ ନେବା ତଥା ବିବିଧ କ୍ଷେତ୍ରରେ ଦୁଇ ଦେଶର ସହଯୋଗମୂଳକ ଭାଗୀଦାରିତାକୁ ତ୍ୱରାନ୍ୱିତ କରିବା ଦିଗରେ ପ୍ରଧାନମନ୍ତ୍ରୀ ଓଲି ଏବଂ ମୁଁ ବିଶେଷ ଭାବେ ଆଲୋଚନା କରିବୁ ।
କାଠମାଣ୍ଡୁ ବ୍ୟତିତ ମୁଁ ଜନକପୁର ଓ ମୁକ୍ତିନାଥ ପରିଦର୍ଶନ କରିବା ଲାଗି ଉତ୍କଣ୍ଠିତ । ପ୍ରତିବର୍ଷ ଏହି ଦୁଇ ସ୍ଥାନକୁ ଅନେକ ତୀର୍ଥଯାତ୍ରୀ ଯାଇଥାନ୍ତି । ସେମାନେ ହିଁ ପ୍ରକୃତରେ ଭାରତ-ନେପାଳ ଦୃଢ଼ ସାଂସ୍କୃତିକ ଓ ଧାର୍ମିକ ସମ୍ବନ୍ଧର ଜ୍ୱଳନ୍ତ ନିଦର୍ଶନ ।
ନେପାଳ ଲୋକତନ୍ତ୍ରକୁ ସମୃଦ୍ଧ କରିବାର ଲାଭ ଓ ଦେଶର ଦୃତ ଆର୍ଥକ ପ୍ରଗତିର ପୃଷ୍ଠଭୂମିରେ ଭାରତ କ୍ରମାଗତ ଭାବେ ନେପାଳ ସରକାରଙ୍କ “ସମୃଦ୍ଧ ନେପାଳ, ସୁଖି ନେପାଳ” ଦର୍ଶନକୁ ରୂପାୟିତ କରିବାରେ କାନ୍ଧକୁ କାନ୍ଧ ମିଳାଇ ଛିଡା ହୋଇଥିବ ।
ଏହି ଗସ୍ତ କାଳରେ ନେପାଳର ରାଜନୈତିକ ନେତୃବୃନ୍ଦ ଏବଂ ମୋର ମିତ୍ରମାନଙ୍କୁ ଭେଟିବା ଲାଗି ମୁଁ ଖୁବ୍ ଆଗ୍ରହାନ୍ୱିତ । ମୋର ଦୃଢ଼ ବିଶ୍ୱାସ ଯେ, ଏହି ଗସ୍ତ ଭାରତ-ନେପାଳ ସମ୍ବନ୍ଧ ବିଶେଷକରି ଜନ-ଜନ ସମ୍ପର୍କକୁ ଦୃଢ଼ିଭୂତ କରିବା ଏବଂ ପାରସ୍ପରିକ ବୁଝାମଣା ଓ ସ୍ୱାର୍ଥ ଆଧାରିତ ବନ୍ଧୁତାକୁ ସଶକ୍ତ କରିବାରେ ବିଶେଷ ଭୂମିକା ଗ୍ରହଣ କରିବ ।
I will be visiting Nepal on 11th and 12th May at the invitation of PM Mr. KP Sharma Oli. This visit reflects the high priority India attaches to friendly relations with Nepal. I will be holding extensive talks with PM Oli on ways to further deepen bilateral cooperation.
— Narendra Modi (@narendramodi) May 10, 2018
Apart from Kathmandu, there would be visits to Janakpur and Muktinath during this Nepal visit. These are vibrant centres of pilgrimage and tourism. They are also testimony to the strong cultural ties that bind our nations.
— Narendra Modi (@narendramodi) May 10, 2018
As Nepal enters a new era of consolidating the gains of a democracy and achieving economic growth, India remains a steadfast parter of the Nepal Government to implement their vision of ‘Samriddha Nepal, Sukhi Nepali.' https://t.co/EJvRwsmRBw
— Narendra Modi (@narendramodi) May 10, 2018
