ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ ପର୍ତ୍ତୁଗାଲ ପ୍ରଧାନମନ୍ତ୍ରୀ ଆଣ୍ଟୋନିଓ କୋଷ୍ଟା ଲିସବନସ୍ଥିତ ଚମ୍ପାଲିମାଉଦ ନ୍ୟାସ ପରିଦର୍ଶନ କରିଛନ୍ତି । ଚମ୍ପାଲିମାଉଦ ନ୍ୟାସ ଏକ ଘରୋଇ ବାୟୋମେଡିକାଲ ଗବେଷଣା ପ୍ରତିଷ୍ଠାନ । ଏଠାରେ ଅତ୍ୟାଧୁନିକ କ୍ୟାନସର ଗବେଷଣା କରାଯାଉଛି ଏବଂ ଏ ସଂକ୍ରାନ୍ତ ଗବେଷଣାଲବଧ ଜ୍ଞାନକୌଶଳ ସମ୍ପର୍କୀତ ତଥ୍ୟାବଳୀ ଯୋଗାଇ ଦିଆଯାଉଛି । ମେଡିକାଲ କେୟାର କ୍ଷେତ୍ରରେ ପୂର୍ଣ୍ଣାଙ୍ଗ ଗବେଷଣାର ସୁଯୋଗ ରହିଛି । ରୋଗୀମାନଙ୍କ ଦୈନନ୍ଦିନ ଚିକିତ୍ସା ସହ ଏକ ସବୁଜ ବାତାବରଣ ମଧ୍ୟରେ ଯାହାକି ପ୍ରକୃତି ସଙ୍ଗେ ଅଙ୍ଗାଙ୍ଗୀ ଭାବେ ଜଡିତ, ସେହିଭଳି ପରିବେଶରେ ସେଠାରେ ଗବେଷଣା ଓ ଅଭିନବ କୌଶଳ/ ନବସୃଜନ ଜନିତ ଅଧ୍ୟୟନ କରାଯାଇଥାଏ ।
ଏହି କେନ୍ଦ୍ରର ଗଠନ ଢ଼ାଂଚା ଏକ ଗ୍ରୀଷ୍ମମଣ୍ଡଳୀୟ ଉଦ୍ୟାନ ସଦୃଶ ଯେଉଁଠାରେ ଅନ୍ତେଃବାସୀମାନେ ନଦୀ ଓ ସମୁଦ୍ରର ଶୋଭା ଉପଭୋଗ କରିପାରିବେ, ପ୍ରଚୁର ସୂର୍ଯ୍ୟକିରଣ ପାଇପାରିବେ । ସର୍ବୋପରି ଏହି କେନ୍ଦ୍ରର ନିର୍ମାତା ହେଲେ ସୁପ୍ରସିଦ୍ଧ ଭାରତୀୟ ସ୍ଥପତି ଚାର୍ଲସ କୋରିଆ । ଭାରତ ଓ ପର୍ତ୍ତୁଗାଲ ମଧ୍ୟରେ ଅନେକ ସାଦୃଶ୍ୟ ଓ ସମ୍ମିଶ୍ରଣର ଉଦାହରଣ ହେଲା ଏହି ନ୍ୟାସ କେନ୍ଦ୍ର ।
କର୍କଟରୋଗ ଚିକିତ୍ସା ଓ ଗବେଷଣା ନିମନ୍ତେ ଏହି ନ୍ୟାସ ସମର୍ପିତ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମ୍ପୂର୍ଣ୍ଣ ସ୍ୱାସ୍ଥ୍ୟ ଉପରେ ଯେଉଁ ଗୁରୁତ୍ୱ ଆରୋପ କରିଥାନ୍ତି, ତାହାର ଏହା ଏକ ସୁନ୍ଦର ଉଦାହରଣ । ଏଠାରେ କର୍କଟରୋଗରେ ପୀଡିତ ବ୍ୟକ୍ତିମାନଙ୍କୁ ଏକ ସୁନ୍ଦର ଉଦାହରଣ ଉପାୟରେ ଚିକିତ୍ସା କରାଯାଇଥାଏ । ରୋଗୀମାନେ ପ୍ରକୃତି ସହ ଓତଃପ୍ରୋତ ଭାବେ ଜଡିତ ହୋଇପଡିଥାନ୍ତି । ସେହିଭଳି ପରିବେଶରେ ସେମାନଙ୍କୁ କେମୋଥେରାପି ଠାରୁ ଆରମ୍ଭ କରି ଅନ୍ୟାନ୍ୟ ଅତ୍ୟାଧୁନିକ ଉପାୟରେ ମେଡିକାଲ ଚିକିତ୍ସା କରାଯାଇଥାଏ ।
2007 ମସିହାରେ ଏହି ନ୍ୟାସ ପକ୍ଷରୁ ଆଣ୍ଟୋନିଓ ଚମ୍ପାଲିମାଉଦ ଭିଜନ ପୁରସ୍କାର ପ୍ରଦାନ କରାଯାଇଛି ଯାହା ଚକ୍ଷୁ ଚିକିତ୍ସା ଓ ଦୃଷ୍ଟିଶକ୍ତି କ୍ଷେତ୍ରରେ ଉଚ୍ଚତର ଗବେଷଣା ଓ ଅବଦାନ ପାଇଁ ଉଦ୍ଦିଷ୍ଟ । ପ୍ରଥମ ବର୍ଷ ଏହି ପୁରସ୍କାର, ଭାରତର ବିଶିଷ୍ଟ ଚକ୍ଷୁ ଚିକିତ୍ସା ପ୍ରତିଷ୍ଠାନ, ଅରବିନ୍ଦ ଆଇକେୟାର ସିଷ୍ଟମକୁ ପ୍ରଦାନ କରାଯାଇଥିଲା । ଏହି ନ୍ୟାସରେ ବିଶ୍ୱର 42 ଟି ରାଷ୍ଟ୍ରର ପ୍ରାୟ 300 ରୁ ଊର୍ଦ୍ଧ୍ଵ ଗବେଷକ କାର୍ଯ୍ୟରତ । ସେମାନଙ୍କ ମଧ୍ୟରୁ ତିନିଜଣ ହେଲେ ଭାରତୀୟ । ହାଇଦ୍ରାବାଦର ପ୍ରସାଦ ଇନଷ୍ଟିଚ୍ୟୁଟ ସହ ଚମ୍ପାଲିମାଉଦ ନ୍ୟାସର ଆନୁଷ୍ଠାନିକ ସହବନ୍ଧନ ରହିଛି । ଚମ୍ପାଲିମାଉଦ ପ୍ରତିଷ୍ଠାନରେ ଚିକିତ୍ସିତ ହେଉଥିବା ଦରିଆପାରି କ୍ୟାନସର ରୋଗୀଙ୍କ ମଧ୍ୟରୁ ସର୍ବାଧିକ ହେଲେ ଭାରତୀୟ ନାଗରିକ । ପ୍ରଧାନମନ୍ତ୍ରୀ ଶ୍ରୀ ମୋଦୀ ଏହି ପ୍ରତିଷ୍ଠାନ ପରିଦର୍ଶନ କରିବା ଅବସରରେ ସେଠାରେ ଗବେଷଣାରତ ଭାରତୀୟ ଗବେଷକଙ୍କ ସହ ଭାବ ବିନିମୟ କରିଥିଲେ ।
Visited the Champalimaud Foundation with Mr. @antoniocostapm. pic.twitter.com/rYOt9fnUel
— Narendra Modi (@narendramodi) June 24, 2017
