ମହାମହିମ ପ୍ରଧାନମନ୍ତ୍ରୀ ଆଣ୍ଟୋନିଓ କୋଷ୍ଟା,
ବିଶିଷ୍ଟ ପ୍ରତିନିଧିବୃନ୍ଦ
ଗଣମାଧ୍ୟମର ସଦସ୍ୟ
ବନ୍ଧୁଗଣ, ସମସ୍ତଙ୍କୁ ଶୁଭ ସନ୍ଧ୍ୟା
ମହାମହିମ, ଆପଣ ଓ ଆପଣଙ୍କ ପ୍ରତିନିଧିଦଳକୁ ଭାରତରେ ସ୍ୱାଗତ କରି ମୁଁ ଅତ୍ୟନ୍ତ ଆନନ୍ଦିତ । ଏହା ଅବଶ୍ୟ ଭାରତକୁ ଆପଣଙ୍କ ପ୍ରଥମ ସରକାରୀ ଗସ୍ତ । କିନ୍ତୁ ଆପଣ ଭାରତ ପାଇଁ ଅଜଣା ନୁହଁନ୍ତି କିମ୍ବା ଭାରତ ମଧ୍ୟ ଆପଣଙ୍କ ପ୍ରତି ଅପରିଚିତ ନୁହେଁ । ଏହି ଶୀତୁଆ ସନ୍ଧ୍ୟାରେ ଆପଣଙ୍କୁ ହାର୍ଦ୍ଦିକ ସ୍ୱାଗତ ଜଣାଇବା ଅବସରରେ ଆହୁରି ମଧ୍ୟ କହିବାକୁ ଚାହୁଁଛି କି ‘ପୁନଃ ସ୍ୱାଗତ’ । ବାଙ୍ଗାଲୁରୁରେ ପ୍ରବାସୀ ଭାରତୀୟ ଦିବସ ସମାରୋହରେ ମୁଖ୍ୟ ଅତିଥି ଭାବେ ଯୋଗ ଦେବା ପାଇଁ ଆମର ନିମନ୍ତ୍ରଣ ରକ୍ଷା କରିଥିବାରୁ ଆମେ ଗୌରବାନ୍ୱିତ ଅନୁଭବ କରୁଛୁ । ଜଣେ ପ୍ରତିଷ୍ଠିତ ନେତା ଭାବେ ଆପଣଙ୍କ ଉଲ୍ଲେଖନୀୟ ସଫଳତାକୁ ଆସନ୍ତାକାଲି ଆମେ ପାଳନ କରିବାର ସୁଯୋଗ ପାଇବୁ, ଯାହାଙ୍କ ପରିବାରର ମୂଳଦୂଆ ଭାରତ ସହ ଜଡ଼ିତ । ଆପଣଙ୍କ ପ୍ରଧାନମନ୍ତ୍ରୀତ୍ୱ କାଳରେ ପର୍ତ୍ତୁଗାଲ ଅନେକ ସଫଳତା ହାସଲ କରିଥିବା ଯୋଗୁ ମୁଁ ଅଭିନନ୍ଦନ ଜଣାଉଛି । ଆପଣଙ୍କ ନେତୃତ୍ୱରେ ପର୍ତ୍ତୁଗୀଜ ଅର୍ଥ ବ୍ୟବସ୍ଥା ସ୍ଥିର ଓ ସଠିକ୍ ଦିଗରେ ଗତି କରୁଛି ।
ବନ୍ଧୁଗଣ,
ଭାରତ ଓ ପର୍ତ୍ତୁଗାଲ ନିଜର ଐତିହାସିକ ମୂଳଦୁଆ କାରଣରୁ ଏକ ଆଧୁନିକ ଦ୍ୱିପାକ୍ଷିକ ସହଯୋଗୀ ହୋଇପାରିଛନ୍ତି । ଜାତିସଂଘ ସମେତ ଆନ୍ତର୍ଜାତିକ ପ୍ରସଙ୍ଗରେ ଦୃଢ଼ ଏକାଭିମୁଖିତା ଯୋଗୁ ଆମର ଭାଗିଦାରୀ ସୁଦୃଢ଼ ହୋଇଛି । ପ୍ରଧାନମନ୍ତ୍ରୀ କୋଷ୍ଟାଙ୍କ ସହ ଆଜି ମୋର ବିସ୍ତୃତ ଆଲୋଚନା ବେଳେ ଭାରତ-ପର୍ତ୍ତୁଗୀଜ ସମ୍ପର୍କର ଆମେ ବିଭିନ୍ନ କ୍ଷେତ୍ରର ସମୀକ୍ଷା କରିଥିଲୁ । ଆମର ଭାଗିଦାରୀରେ ଅର୍ଥବ୍ୟବସ୍ଥାର ସମ୍ଭାବନାର ସୁଯୋଗକୁ ଖୋଜିବା ପାଇଁ ଦୁଇ ଦେଶ ନିଶ୍ଚିତ ଭାବେ ଫଳାଫଳକେନ୍ଦ୍ରିତ ଆଭିମୁଖ୍ୟ ଉପରେ ଧ୍ୟାନ ଦେବାକୁ ସହମତ ହୋଇଛନ୍ତି । ଆମ ଭାଗିଦାରୀର ସଂକଳ୍ପକୁ ଦର୍ଶାଇବାକୁ ଆଜି ସ୍ୱାକ୍ଷର ହୋଇଥିବା ବୁଝାମଣା କେବଳ ଏହାର ଗୋଟିଏ ସଙ୍କେତ ।
ବନ୍ଧୁଗଣ
ଆମ ଦୁଇ ଦେଶ ମଧ୍ୟରେ ବାଣିଜ୍ୟ, ନିବେଶ ଓ କାରବାରର ଭାଗିଦାରୀକୁ ବ୍ୟାପକ ତଥା ନିବିଡ଼ କରିବା ପାଇଁ ପ୍ରାଥମିକତା ଦେବାକୁ ଦୁଇ ଦେଶ ସହମତ ହୋଇଛନ୍ତି । ଭିତ୍ତିଭୂମି, ଆବର୍ଜନା ଓ ଜଳ ପରିଚାଳନା, ସୌର ଓ ପବନ ଶକ୍ତି, ଉଦ୍ଭାବନ କ୍ଷେତ୍ରରେ ଦୁଇ ଅର୍ଥ ବ୍ୟବସ୍ଥା ମଧ୍ୟରେ ସୁଦୃଢ଼ ବାଣିଜ୍ୟିକ ସମ୍ପର୍କ ସ୍ଥାପନ ପାଇଁ ପୂର୍ଣ୍ଣ ସୁଯୋଗ ରହିଛି । ଆମ ସାମ୍ପ୍ରତିକ ଅର୍ଥ ବ୍ୟବସ୍ଥା ପାଇଁ ଷ୍ଟାର୍ଟ-ଅପ୍ ଗଠନ କରିବାର ଅନୁଭବ ଆମ ଦ୍ୱିପାକ୍ଷିକ କାର୍ଯ୍ୟକ୍ରମର ସବୁଠୁ ରୋମାଞ୍ଚକର କ୍ଷେତ୍ର । ଏହା ଆମର ଯୁବ ଉଦ୍ୟୋଗୀଙ୍କ ମଧ୍ୟରେ ଭାଗିଦାରୀ ଗଠନ ପାଇଁ ଅପୂର୍ବ ସୁଯୋଗ ପ୍ରଦାନ କରୁଛି ଯାହା ଆମ ଉଭୟ ସମାଜ ପାଇଁ ମୂଲ୍ୟବୋଧ ଓ ସମ୍ବଳ ସୃଷ୍ଟି କରିବ । ମୁଁ ନିଶ୍ଚିତ ଯେ ଷ୍ଟାର୍ଟ-ଅପ୍ ପର୍ତ୍ତୁଗୀଜ ଓ ଷ୍ଟାର୍ଟ-ଅପ୍ ଇଣ୍ଡିଆ ମଧ୍ୟରେ ଆରମ୍ଭ ହୋଇଥିବା ଭାଗିଦାରୀ ମାଧ୍ୟମରେ ଉଦ୍ଭାବନ ଓ ପ୍ରଗତି ପାଇଁ ଆମର ପାରସ୍ପରିକ ଅନ୍ୱେଷଣ ସହାୟକ ହେବ । ପ୍ରଧାନମନ୍ତ୍ରୀ କୋଷ୍ଟା ଓ ମୁଁ ମଧ୍ୟ ନିରାପତ୍ତା ଓ ରକ୍ଷା କ୍ଷେତ୍ରରେ ଭାଗିଦାରୀକୁ ସୁଦୃଢ଼ କରିବା ପାଇଁ ସହମତ ହୋଇଛୁ । ରକ୍ଷା ସହଯୋଗ ପାଇଁ ଆଜି ସ୍ୱାକ୍ଷରିତ ହୋଇଥିବା ବୁଝାମଣା ଦ୍ୱାରା ଏ କ୍ଷେତ୍ରରେ ଆମର ପାରସ୍ପରିକ ହିତକୁ ସୁଦୃଢ଼ ଓ ସମୃଦ୍ଧ କରିବ । କ୍ରୀଡ଼ା ହେଉଛି ଅନ୍ୟ ଏକ କ୍ଷେତ୍ର ଯାହା ଆମର ଦ୍ୱିପାକ୍ଷିକ ସମ୍ପର୍କରେ ଆଉ ଏକ ପ୍ରତିଶ୍ରୁତି । ଆମେ ଜାଣିଛୁ, ମହାମହିମ ଆପଣ ହେଉଛନ୍ତି ଜଣେ ଦୃଢ଼ ଫୁଟବଲ ପ୍ରଶଂସକ । ଫୁଟବଲ ଖେଳରେ ପର୍ତ୍ତୁଗାଲର ସାମର୍ଥ୍ୟ ଓ ଭାରତରେ ଏହି କ୍ରୀଡ଼ାର ଦ୍ରୁତ ବିକାଶ ଯୋଗୁ ଏହା କ୍ରୀଡ଼ା କ୍ଷେତ୍ରରେ ସମ୍ଭାବନାମୟ ଭାଗିଦାରୀ ଗଠନ କରିପାରିବ ।
ବନ୍ଧୁଗଣ
ଭାରତ ଓ ପର୍ତ୍ତୁଗାଲ ଅନେକ ଆନ୍ତର୍ଜାତିକ ପ୍ରସଙ୍ଗରେ ସମାନ ମତ ଉପସ୍ଥାପନ କରିଛନ୍ତି । ଜାତିସଂଘ ସୁରକ୍ଷା ପରିଷଦରେ ଭାରତର ସ୍ଥାୟୀ ସଦସ୍ୟତା ପାଇଁ ନିରନ୍ତର ସମର୍ଥନ ଦେଉଥିବାରୁ ପ୍ରଧାନମନ୍ତ୍ରୀ କୋଷ୍ଟାଙ୍କୁ ଧନ୍ୟବାଦ ଦେଉଛି । ମିସାଇଲ୍ ଟେକ୍ନୋଲୋଜି କଂଟ୍ରୋଲ ରେଜିମ୍ ରେ ଭାରତର ସଦସ୍ୟତା ଓ ନ୍ୟୁକ୍ଲିୟର ସପ୍ଲାଏର୍ସ ଗ୍ରୁପ୍ ରେ ଭାରତର ସଦସ୍ୟତା ନିମନ୍ତେ ପର୍ତ୍ତୁଗାଲ ଦେଇଥିବା ସମର୍ଥନ ପାଇଁ ଆମେ କୃତଜ୍ଞ । ଦ୍ରୁତ ଗତିରେ ଓ ବ୍ୟାପକ ଭାବେ ବୃଦ୍ଧି ପାଉଥିବା ହିଂସା ଓ ଆତଙ୍କର ବିପଦ ବିରୋଧରେ ବିଶ୍ୱ ସମୁଦାୟ ଦ୍ୱାରା ଦୃଢ଼ ଓ ତ୍ୱରିତ୍ କାର୍ଯ୍ୟାନୁଷ୍ଠାନର ଆବଶ୍ୟକତା ପ୍ରସଙ୍ଗରେ ଆମେ ଆଲୋଚନା କରିଛୁ ।
ମହାମହିମ,
ଭାରତ ଓ ପର୍ତ୍ତୁଗାଲରେ ଏକ ସମାନ ସାଂସ୍କୃତିକ କାନଭାସ୍ ରହିଛି । ଗୋଆ ଓ ଭାରତ-ପର୍ତ୍ତୁଗୀଜ ସାହିତ୍ୟକୁ ସମୃଦ୍ଧ କରିବା ପାଇଁ ଆପଣଙ୍କ ପିତା ଓର୍ଲାଁ କୋଷ୍ଟାଙ୍କ ଅବଦାନକୁ ଆମେ ଗଭୀର ଭାବେ ପ୍ରଶଂସା କରୁଛୁ । ଆଜି ଆମେ ଦୁଇଟି ନୃତ୍ୟକୁ ସ୍ମାରକ ଡାକଟିକେଟ୍ ମାଧ୍ୟମରେ ଉନ୍ମୋଚନ କରିଛୁ । ଏହି ଦୁଇ ନୃତ୍ୟରେ ଗୋଟିଏ ପର୍ତ୍ତୁଗୀଜ ଓ ଅନ୍ୟଟି ଭାରତୀୟ । ଯାହା ଆମର ସାଂସ୍କୃତିକ ସମାନତାର ଅଦ୍ଭୂତ ଉଦାହରଣ ।
ମହାମହିମ
ଆଗାମୀ କିଛିଦିନ ପାଇଁ ଭାରତରେ ଆପଣଙ୍କ ଗସ୍ତ ଓ କାର୍ଯ୍ୟକ୍ରମର ଆକର୍ଷଣୀୟ ଏଜେଣ୍ଡା ରହିଛି । ମୁଁ ଆଶା କରୁଛି ଆପଣ ଓ ଆପଣଙ୍କ ପ୍ରତିନିଧି ଦଳର ବାଙ୍ଗାଲୁରୁ, ଗୁଜରାଟ ଓ ଗୋଆରେ ରହଣୀ ଅନୁଭୂତି ଅତ୍ୟନ୍ତ ଭଲ ରହିବ । ବିଶେଷକରି ଗୋଆକୁ ସ୍ମରଣୀୟ ଗସ୍ତ ଦ୍ୱାରା ନିଜର ପୂର୍ବଜଙ୍କ ସହ ପୁଣି ଯୋଡ଼ି ହୋଇପାରିବେ ବୋଲି ଆଶା କରୁଛି ।
ଧନ୍ୟବାଦ,
ବହୁତ ବହୁତ ଧନ୍ୟବାଦ
It gives me immense pleasure to welcome you and your delegation to India: PM @narendramodi to PM @antoniocostapm https://t.co/Iy8hu3Nre5
— PMO India (@PMOIndia) January 7, 2017
India and Portugal have built a modern bilateral partnership on the foundation of a shared historical connect: PM @narendramodi
— PMO India (@PMOIndia) January 7, 2017
Our partnership is also strengthened by a strong convergence on global issues, including at the United Nations: PM @narendramodi
— PMO India (@PMOIndia) January 7, 2017
Expansion and deepening of trade, investment and business partnerships between our two countries is our shared priority: PM @narendramodi
— PMO India (@PMOIndia) January 7, 2017
Partnership being forged between Start-up Portugal and Start-up India will help us in our mutual quest to innovate and progress: PM
— PMO India (@PMOIndia) January 7, 2017
I thanked PM @antoniocostapm for Portugal’s consistent support for India’s permanent membership of the UN Security Council: PM
— PMO India (@PMOIndia) January 7, 2017
