ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଆକାଶମାର୍ଗରୁ ଗୁଜରାଟର ବନ୍ୟା ପରିସ୍ଥିତି ଅନୁଧ୍ୟାନ କରିଛନ୍ତି ।
ଏହାପରେ ପ୍ରଧାନମନ୍ତ୍ରୀ ଅହମ୍ମଦାବାଦ ବିମାନ ବନ୍ଦରରେ ଏକ ଉଚ୍ଚ ସ୍ତରୀୟ ବୈଠକରେ ରିଲିଫ ପରିଚାଳନା କାର୍ଯ୍ୟର ସମୀକ୍ଷା କରିଥିଲେ । ବୈଠକରେ ମୁଖ୍ୟମନ୍ତ୍ରୀ ଶ୍ରୀ ବିଜୟ ରୂପାନୀ, ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ରାଜ୍ୟ ସରକାର ଏବଂ ବିପର୍ଯ୍ୟୟ ପରିଚାଳନା ସଂସ୍ଥାମାନଙ୍କର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
ଗୁଜରାଟରେ ବନ୍ୟା ଯୋଗୁଁ ଘଟିଥିବା କ୍ଷୟ କ୍ଷତି ଏବଂ ପ୍ରଭାବିତ ଅଂଚଳରେ ଚାଲିଥିବା ରିଲିଫ କାର୍ଯ୍ୟ ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ଏହି ସମୀକ୍ଷା ବୈଠକରେ ଅବଗତ କରାଯାଇଥିଲା ।
ଭାରତୀୟ ବାୟୁସେନା ସମେତ ରିଲିଫ କାର୍ଯ୍ୟରେ ନିୟୋଜିତ ସବୁ ଏଜେନ୍ସୀକୁ ପ୍ରଧାନମନ୍ତ୍ରୀ ଯୁଦ୍ଧକାଳୀନ ଭିତ୍ତିରେ ରିଲିଫ ଓ ଉଦ୍ଧାର କାର୍ଯ୍ୟ ଚଳାଇବାକୁ ନିର୍ଦ୍ଦେଶ ଦେଇଥିଲେ । ଏହି ପରିପ୍ରେକ୍ଷୀରେ ପ୍ରଭାବିତ ଅଂଚଳରେ ସ୍ୱାସ୍ଥ୍ୟ ସେବା, ପରିମଳ ଓ ସ୍ୱଚ୍ଛତା ରକ୍ଷା ଉପରେ ଗୁରୁତ୍ୱ ଦେଇ ପଦକ୍ଷେପ ନେବାକୁ ସେ ପରାମର୍ଶ ଦେଇଥିଲେ ।
ପ୍ରଭାବିତ ଅଂଚଳରେ ବିଭିନ୍ନ ସମ୍ପତ୍ତିର କ୍ଷୟ କ୍ଷତି ଏବଂ ଫସଲ କ୍ଷତିର ଆକଳନ ତୁରନ୍ତ କରିବା ଲାଗି ସମ୍ପୃକ୍ତ ବିଭାଗ ଏବଂ ବୀମା ସଂସ୍ଥାଗୁଡିକୁ ନିର୍ଦ୍ଦେଶ ଦେବାକୁ ପ୍ରଧାନମନ୍ତ୍ରୀ ରାଜ୍ୟ ପ୍ରଶାସନକୁ ପରାମର୍ଶ ଦେଇଥିଲେ । କ୍ଷୟ କ୍ଷତିର ଆକଳନ ପରେ ପ୍ରଭାବିତ ଲୋକଙ୍କୁ ତୁରନ୍ତ କ୍ଷତି ପୁରଣ ପ୍ରଦାନ ଉପରେ ପ୍ରଧାନମନ୍ତ୍ରୀ ଗୁରୁତ୍ୱ ଆରୋପ କରିଥିଲେ ।
ବନ୍ୟା ପ୍ରଭାବିତ ଅଂଚଳରେ ଜଳ ଯୋଗାଣ, ବିଦ୍ୟୁତ ଯୋଗାଣ ଓ ଟେଲି ଯୋଗାଯୋଗ ବ୍ୟବସ୍ଥାକୁ ସ୍ୱାଭାବିକ କରିବା ଲାଗି ସେ ପ୍ରଶାସନକୁ ନିର୍ଦ୍ଦେଶ ଦେଇଥିଲେ ।
ପ୍ରଭାବିତ ଅଂଚଳରେ କ୍ଷତିଗ୍ରସ୍ତ ହୋଇଥିବା ସଡକ, ଶକ୍ତି, ସ୍ୱାସ୍ଥ୍ୟକେନ୍ଦ୍ର, ସାମାଜିକ ଭିତ୍ତିଭୂମିର ତୁରନ୍ତ ମରାମତି ଲାଗି ସ୍ୱତନ୍ତ୍ର ଦଳ ଗଠନ କରିବାକୁ ସେ ପରାମର୍ଶ ଦେଇଥିଲେ ।
ଅହମ୍ମଦାବାଦ ବିମାନ ବନ୍ଦରରେ ଗଣମାଧ୍ୟମର ପ୍ରତିନିଧିମାନଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ, ଗତ ସପ୍ତାହେ ହେଲା ଗୁଜରାଟରେ ଭୀଷଣ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଆସନ୍ତା କାଲି ଆଉ 10ଟି ହେଲିକେପ୍ଟରକୁ ଉଦ୍ଧାର କାର୍ଯ୍ୟରେ ଲଗାଯିବ । ରିଲିଫ କାର୍ଯ୍ୟକୁ ଅଧିକ ତ୍ୱରାନ୍ୱିତ କରାଯିବ । ବନ୍ୟା ପ୍ରଭାବିତ ଗ୍ରାମାଂଚଳ ଓ ସହରାଂଚଳରେ କ୍ଷୟ କ୍ଷତି ତୁରନ୍ତ ଆକଳନ କରାଯିବ । କ୍ଷତିଗ୍ରସ୍ତ ଅଂଚଳରେ ସ୍ୱାଭାବିକ ଅବସ୍ଥା ଫେରାଇ ଆଣିବା ଲାଗି ସ୍ୱଳ୍ପ ଓ ଦୀର୍ଘମିଆଦୀ ପଦକ୍ଷେପମାନ ନିଆଯିବ । ବନ୍ୟା ପରିସ୍ଥିତିର ମୁକାବିଲା ପାଇଁ ରାଜ୍ୟ ସରକାର ଗ୍ରହଣ କରିଥିବା ପଦକ୍ଷେପକୁ ପ୍ରଧାନମନ୍ତ୍ରୀ ଏହି ଅବସରରେ ବେଶ ପସନ୍ଦ କରିଥିଲେ ।
ପ୍ରଧାନମନ୍ତ୍ରୀ ଏହି ଗସ୍ତ କାଳରେ ବନ୍ୟାରେ ମୃତ ବ୍ୟକ୍ତିଙ୍କ ନିକଟ ସମ୍ପର୍କୀୟଙ୍କ ପାଇଁ 2 ଲକ୍ଷ ଟଙ୍କା ଏବଂ ଗୁରୁତର ଭାବେ ଆହତଙ୍କ ପାଇଁ 50 ହଜାର ଟଙ୍କା ଲେଖାଏଁ ଅନୁକମ୍ପା ରାଶି ଘୋଷଣା କରିଛନ୍ତି । ରାଜ୍ୟ ବିପର୍ଯ୍ୟୟ ରିଲିଫ ପାଣ୍ଠି ବାବଦକୁ ତକ୍ରାଳ 500 କୋଟି ଟଙ୍କାର ଅତିରିକ୍ତ ସହାୟତା ପ୍ରଦାନ କରାଯିବା ବିଷୟ ପ୍ରଧାନମନ୍ତ୍ରୀ ଘୋଷଣା କରିଥିଲେ । ବନ୍ୟା ପରିସ୍ଥିତିର ସଫଳ ମୁକାବିଲା କରିବାରେ ରାଜ୍ୟ ସରକାର ସଫଳ ହେବେ ଏବଂ ଏଭଳି ବିପର୍ଯ୍ୟୟରୁ ରାଜ୍ୟ ଖୁବ ଶୀଘ୍ର ମୁକ୍ତିଲାଭ କରି ଆହୁରି ସୁଦୃଢ଼ ହେବ ବୋଲି ପ୍ରଧାନମନ୍ତ୍ରୀ ଦୃଢ଼ ଆଶା ପୋଷଣ କରିଥିଲେ । ଏହି ଘଡିସନ୍ଧି ମୁହୂର୍ତ୍ତରେ କେନ୍ଦ୍ର ସରକାର ରାଜ୍ୟର ଜନସାଧାରଣଙ୍କ ସହ କାନ୍ଧକୁ କାନ୍ଧ ମିଳାଇ ରହିଛନ୍ତି ବୋଲି ପ୍ରଧାନମନ୍ତ୍ରୀ ଆଶ୍ୱାସନା ଦେଇଥିଲେ ।
I have taken stock of the situation due to floods. Officers from the Government of India will assist in short term & long term measures: PM
— PMO India (@PMOIndia) July 25, 2017
Everything possible will be done to help the farmers, who suffer immensely due to floods: PM @narendramodi in Gujarat pic.twitter.com/djXFV1ILGF
— PMO India (@PMOIndia) July 25, 2017
While reviewing the situation, I could see the Government of Gujarat responded to the flood situation quite swiftly: PM @narendramodi
— PMO India (@PMOIndia) July 25, 2017
Social organisations have also played an active role in rescue and relief operations in the wake of the floods in Gujarat: PM @narendramodi
— PMO India (@PMOIndia) July 25, 2017
The people of Gujarat are blessed with a strong spirit of resilience. These floods will not impact the development journey of Gujarat: PM
— PMO India (@PMOIndia) July 25, 2017
I have faith in the strength of the people of Gujarat: PM @narendramodi
— PMO India (@PMOIndia) July 25, 2017
PM announced an ex-gratia of Rs 2 lakh for next of kin of those killed and Rs 50,000 for those seriously injured due to floods in Gujarat.
— PMO India (@PMOIndia) July 25, 2017
