PM Modi attends book release function at Rashtrapati Bhavan
PM Modi releases a book named “Rashtrapati Bhavan: From Raj to Swaraj”ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ରାଷ୍ଟ୍ରପତି ଭବନରେ ଅନୁଷ୍ଠିତ ପୁସ୍ତକ ଉନ୍ମୋଚନ ଉତ୍ସବରେ ଯୋଗଦାନ କରିଥିଲେ । ଏହି ଅବସରରେ ସେ “ରାଷ୍ଟ୍ରପତି ଭବନ : ରାଜ ରୁ ସ୍ଵରାଜ” ଶୀର୍ଷକ ଏକ ପୁସ୍ତକର ଉନ୍ମୋଚନ କରି ଏହାର ପ୍ରଥମ ସଂସ୍କରଣ ରାଷ୍ଟ୍ରପତିଙ୍କୁ ପ୍ରଦାନ କରିଥିଲେ ।
ପ୍ରଧାନମନ୍ତ୍ରୀ ଏହି ଅବସରରେ ଉଦ୍ବୋଧନ ଦେଇ ରାଷ୍ଟ୍ରପତି ଶ୍ରୀ ପ୍ରଣବ ମୁଖାର୍ଜୀଙ୍କୁ ତାଙ୍କ ଜନ୍ମ ଦିନର ଶୁଭକାମନା ଜଣାଇଥିଲେ ।
ପ୍ରଧାନମନ୍ତ୍ରୀ ଦାୟିତ୍ଵଭାର ଗ୍ରହଣ କରିବାର ପ୍ରାରମ୍ଭିକ ଦିବସମାନଙ୍କରେ ରାଷ୍ଟ୍ରପତିଙ୍କ ପରାମର୍ଶ ଓ ମାର୍ଗ ଦର୍ଶନକୁ ସେ ବିଶେଷ ଭାବେ ସ୍ମରଣ କରିଥିଲେ ଏବଂ ଆଶା ପ୍ରକାଶ କରିଥିଲେ ଯେ, ଆଗାମୀ ଦିନରେ ମଧ୍ୟ ଆମ ଦେଶ ରାଷ୍ଟ୍ରପତି ମୁଖାର୍ଜୀଙ୍କ ବିଶାଳ ଅନୁଭୂତିରୁ ଅନେକ କିଛି ଲାଭ ପାଇବ । ଏହା ତାଙ୍କର ସୌଭାଗ୍ୟ ଯେ, ସେ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସହିତ କାମ କରିବା ଏବଂ ଅନେକ କିଛି ଶିଖିବାର ସ୍ଵର୍ଣ୍ଣିମ ସୁଯୋଗ ପାଇଛନ୍ତି ।
ପ୍ରଧାନମନ୍ତ୍ରୀ କହିଥିଲେ ଯେ, ଆଜି ଉନ୍ମୋଚିତ ହୋଇଥିବା ତିନୋଟି ପୁସ୍ତକ ରାଷ୍ଟ୍ରପତି ଭବନ, ଏହାର ଇତିହାସ ତଥା ରାଷ୍ଟ୍ରପତି ଭବନରେ ରହୁଥିବା ଅନ୍ତେବାସୀମାନଙ୍କର ଜୀବନୀ ଓ କାର୍ଯ୍ୟ।ବଳି ସମ୍ପର୍କରେ ବିଶେଷ ଭାବେ ଆଲୋକପାତ କରୁଛି ।
ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ଶ୍ରୀ ଅଜୟ ମିତ୍ତଲ “ରାଜ ରୁ ସ୍ଵରାଜ” ପୁସ୍ତକର ଉନ୍ମୋଚନ ପାଇଁ କାର୍ଯ୍ୟ କରିଥିବା ବେଳେ ମନ୍ତ୍ରଣାଳୟର ପ୍ରକାଶନ ବିଭାଗ ପକ୍ଷରୁ ତିନୋଟିଯାକ ପୁସ୍ତକକୁ ପ୍ରକାଶ କରାଯାଇଛି ।
