ମହାମାନ୍ୟବର୍ଗ,
ନୂତନ ବିକାଶ ବ୍ୟାଙ୍କର ସଭାପତି,
ବ୍ରିକ୍ସ ବ୍ୟାପାର ପରିଷଦର ସଦସ୍ୟବୃନ୍ଦ,
ବ୍ରିକ୍ସ ବ୍ୟାପାର ପରିଷଦ ସହିତ ଅନୁଷ୍ଠିତ ବୈଠକରେ ଯୋଗଦେଇ ମୁଁ ଖୁବ ଆନନ୍ଦିତ । ଆପଣମାନେ ବ୍ୟାପାର ପରିଷଦରେ ଯେଉଁ କାର୍ଯ୍ୟ କରିଛନ୍ତି ତାହା ବ୍ରିକ୍ସ ଭାଗିଦାରୀତା ସଂକ୍ରାନ୍ତ ଭବିଷ୍ୟ ଦୃଷ୍ଟିକୁ ଏକ ବାସ୍ତବ ରୂପ ଦେବାରେ ପ୍ରମୁଖ ଭୂମିକା ଗ୍ରହଣ କରୁଛି । ଆପଣମାନେ ଯେଉଁ ଭାଗିଦାରୀତା ଗଢିଛନ୍ତି ଏବଂ ଯେଉଁ ନେଟୱାର୍କ ସୃଷ୍ଟି କରିଛନ୍ତି ତାହା ବ୍ରିକ୍ସ ରାଷ୍ଟ୍ରମାନଙ୍କରେ ଆର୍ଥିକ ଅଭିବୃଦ୍ଧିକୁ ଉର୍ଜା ପ୍ରଦାନ କରୁଛି । ଗୋଆଠାରେ ଗତବର୍ଷ ଅନୁଷ୍ଠିତ ଶିଖର ବୈଠକରେ ବ୍ରିକ୍ସ ବ୍ୟାପାର ପରିଷଦ ଏବଂ ନୂତନ ବିକାଶ ବ୍ୟାଙ୍କ ମଧ୍ୟରେ ନିବିଡ ସହଯୋଗ ପାଇଁ ପ୍ରସ୍ତାବ ଓ ପରାମର୍ଶ ଆସିଥିଲା । ମୁଁ ଖୁସି ଯେ, ବ୍ରିକ୍ସ ବ୍ୟାପାର ପରିଷଦ ଏଥର ନୂତନ ବିକାଶ ବ୍ୟାଙ୍କ ସହ ଏକ ବୁଝାମଣାରେ ପ୍ରବେଶ କରିଛି ।
ମହାମାନ୍ୟ ଏବଂ ବନ୍ଧୁଗଣ,
ବିଶ୍ଵର ସର୍ବାଧିକ ମୁକ୍ତ ଅର୍ଥ ବ୍ୟବସ୍ଥାମାନଙ୍କ ମଧ୍ୟରେ ଅନ୍ୟତମ ଭାରତ ଏବେ ଦ୍ରୁତ ପରିବର୍ତ୍ତନ ଦେଇ ଗତି କରୁଛି । ପ୍ରତ୍ୟକ୍ଷ ବିଦେଶୀ ପୁଞ୍ଜି ନିବେଶ ପ୍ରବାହ ପରିମାଣ ସର୍ବୋଚ୍ଚ ସ୍ତରରେ ପହଞ୍ଚିଛି, ଯେଉଁଥିରେ କି 40 ପ୍ରତିଶତ ବୃଦ୍ଧି ଘଟିଛି । ସରଳ ବ୍ୟବସାୟ କାରବାର ସଂକ୍ରାନ୍ତ ବିଶ୍ଵ ବ୍ୟାଙ୍କ ସୂଚକାଙ୍କରେ ଭାରତ ଏବେ ବହୁତ ଉପରକୁ ଉଠିଛି । ଅନୁରୂପ ଭାବେ ଆମେ ବିଶ୍ଵ ପ୍ରତିଯୋଗିତାମୂଳକ ସୂଚକାଙ୍କରେ ଗତ ଦୁଇବର୍ଷ ମଧ୍ୟରେ 32ଟି ସ୍ଥାନ ଉପରକୁ ଉଠିଛୁ । ଚଳିତ ବର୍ଷ ଜୁଲାଇରେ ବସ୍ତୁ ଓ ସେବା କର ଭଳି ଟିକସ ବ୍ୟବସ୍ଥା ପ୍ରଚାଳନ କରାଯାଇଛି, ଯାହାକି ଭାରତର ଆର୍ଥିକ ଇତିହାସରେ ଏକ ସର୍ବବୃହତ୍ତ ସଂସ୍କାର । ଗୋଟିଏ ନିଷ୍ପତ୍ତିରେ, 130 କୋଟି ଜନତାଙ୍କୁ ନେଇ ଦେଶରେ ଏକ ବୃହତ ଏକୀକୃତ ବଜାର ସୃଷ୍ଟି କରାଯାଇଛି । ଡିଜିଟାଲ ଇଣ୍ଡିଆ, ଷ୍ଟାର୍ଟ ଅପ ଇଣ୍ଡିଆ, ମେକ ଇନ ଇଣ୍ଡିଆ ଭଳି କାର୍ଯ୍ୟକ୍ରମ ଭାରତର ଆର୍ଥିକ ପରିଦୃଶ୍ୟରେ ପରିବର୍ତ୍ତନ ଆଣିଛି । ଏହିସବୁ କାର୍ଯ୍ୟକ୍ରମ ଭାରତକୁ ଜ୍ଞାନଭିତ୍ତିକ, କୌଶଳ ସମର୍ଥିତ ଏବଂ ଟେକ୍ନୋଲଜି ପରିଚାଳିତ ସମାଜରେ ପରିଣତ କରିବା ଦିଗରେ ସହାୟତା କରୁଛି ।
ମହାମାନ୍ୟ ଏବଂ ବନ୍ଧୁଗଣ,
ମୁଁ ଏହାଜାଣି ଖୁସି ଯେ, ବ୍ରିକ୍ସ ବ୍ୟାପାର ପରିଷଦର ଅଗ୍ରାଧିକାର ତାଲିକା ମଧ୍ୟରେ ବ୍ୟବସାୟ ଓ ପୁଞ୍ଜି ନିବେଶ ସୁଗମତା, କୌଶଳ ବିକାଶ କାର୍ଯ୍ୟକ୍ରମକୁ ପ୍ରୋତ୍ସାହନ, ସଂରଚନା କ୍ଷେତ୍ରର ବିକାଶ, ସୂକ୍ଷ୍ମ ଏବଂ ମାଧ୍ୟମ ଉଦ୍ୟୋଗର ବିକାଶ, ଇ-ବାଣିଜ୍ୟ ଓ ଡିଜିଟାଲ ଅର୍ଥ ବ୍ୟବସ୍ଥାକୁ ସ୍ଥାନିତ ହୋଇଛି । ବ୍ୟାପାର ପରିଷଦର ବିଚାର ମନ୍ଥନ ମଧ୍ୟରୁ ଅନେକ ଫଳପ୍ରଦ ସୁପାରିଶମାନ ବାହାରିଛି । ବ୍ରିକ୍ସ ରେଟିଂ ଏଜେନ୍ସୀ ପ୍ରତିଷ୍ଠା, ଶକ୍ତି କ୍ଷେତ୍ରରେ ସହଯୋଗ, ସବୁଜ ଅର୍ଥ ବ୍ୟବସ୍ଥା ପାଇଁ ଋଣ ସହାୟତା ଏବଂ ଡିଜିଟାଲ ଅର୍ଥ ବ୍ୟବସ୍ଥା ପ୍ରତିଷ୍ଠା ଦିଗରେ ବ୍ୟାପାର ପରିଷଦର କାର୍ଯ୍ୟ ଅତ୍ୟନ୍ତ ଉଲ୍ଲେଖନୀୟ । ମୋର ବକ୍ତବ୍ୟ ଶେଷ କରିବା ପୂର୍ବରୁ ଏତିକି କହିବି ଯେ, ବ୍ରିକ୍ସ ରାଷ୍ଟ୍ରମାନେ ବ୍ୟାପାର ପରିଷଦର ପ୍ରୟାସକୁ ପୂର୍ଣ୍ଣ ସମର୍ଥନ ପ୍ରଦାନ କରିବେ । ବ୍ୟବସାୟ ଏବଂ ପୁଞ୍ଜି ନିବେଶ କ୍ଷେତ୍ରରେ ସହଯୋଗକୁ ଆହୁରି ବିକଶିତ କରିବା ଉଦ୍ଦେଶ୍ୟ ନେଇ ଆମର ଯେଉଁ ସାଧାରଣ ଓ ସମାନ ଲକ୍ଷ୍ୟ ରହିଛି ତାହା ହାସଲ ଦିଗରେ ବ୍ରିକ୍ସ ବ୍ୟାପାର ପରିଷଦର ଉଦ୍ୟମକୁ ଉଚିତ ବିବେଚନା କରୁଛୁ ।
ବହୁତ ବହୁତ ଧନ୍ୟବାଦ ।
PM @narendramodi : I am happy to note that BRICS Business Council is entering into an MOU with the New Development Bank.
— Raveesh Kumar (@MEAIndia) September 4, 2017
PM @narendramodi : I am happy to note that BRICS Business Council is entering into an MOU with the New Development Bank.
— Raveesh Kumar (@MEAIndia) September 4, 2017
PM: India is changing fast into one of the most open economies in the world today; FDI inflows are at an all-time high, rising by 40 %.
— Raveesh Kumar (@MEAIndia) September 4, 2017
PM speaks on GST: It is India’s biggest economic reform measure ever; in one stroke, a unified market of 1.3 billion people has been created
— Raveesh Kumar (@MEAIndia) September 4, 2017
PM: Digital India, Start Up India and Make in India are assisting India turn into a knowledge based, skill supported & tech driven society
— Raveesh Kumar (@MEAIndia) September 4, 2017
PM compliments BRICS Business Council work towards establishment of BRICS Rating Agency, energy cooperation, green finance & digital economy
— Raveesh Kumar (@MEAIndia) September 4, 2017
PM concludes: We count on the BRICS Business Council to take us closer to our common objective of improving business &investment cooperation
— Raveesh Kumar (@MEAIndia) September 4, 2017
