ଆଗାମୀ ଏପ୍ରିଲ 1, 2017 ତାରିଖରୁ ବସ୍ତୁ ଓ ସେବା କର ବ୍ୟବସ୍ଥାର କାର୍ଯ୍ୟକାରୀତାକୁ ସୁନିଶ୍ଚିତ କରିବା ପାଇଁ ସଂପୃକ୍ତ ବୈଠକ ହୋଇଥିଲା । ମଡେଲ ବସ୍ତୁ ଓ ସେବା କର ଆଇନ ପ୍ରସ୍ତୁତ କିରବା ଦିଗରେ ବିଭିନ୍ନ ପଦକ୍ଷେପଗୁଡିକର ଅଗ୍ରଗତି ସଂପର୍କରେ ପ୍ରଧାନମନ୍ତ୍ରୀ ସମୀକ୍ଷା କରିଥିଲେ । କେନ୍ଦ୍ର ଏବଂ ରାଜ୍ୟରେ ଆଇଟି ଭିତ୍ତିଭୂମିର ପ୍ରତିଷ୍ଠା, କେନ୍ଦ୍ର ଏବଂ ରାଜ୍ୟ ସରକାରୀ ଅଧିକାରୀମାନଙ୍କ ପାଇଁ ପ୍ରଶିକ୍ଷଣ ସହିତ ବ୍ୟାପାର ଏବଂ ଉଦ୍ୟୋଗଗୁଡିକୁ ଏ ସମ୍ପର୍କରେ ସଚେତନ କରାଇବା ପାଇଁ ଉଦ୍ଦିଷ୍ଟ କାର୍ଯ୍ୟକ୍ରମଗୁଡିକର ସମୀକ୍ଷା କରାଯାଇଥିଲା । ଏପ୍ରିଲ 1, 2017 ଅବ୍ୟବହିତ ପୂର୍ବରୁ ସମସ୍ତ କାର୍ଯ୍ୟ ସଂପୂର୍ଣ୍ଣ କରିବା ପାଇଁ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ, ଅନୁଚ୍ଛେଦ 279A ଅଧିନରେ ବସ୍ତୁ ଓ ସେବା କର ପରିଷଦର ବିଭିନ୍ନ ସମୟରେ ବାରମ୍ବାର ବୈଠକ ବସି ସରକାରଙ୍କୁ ନିହାତି ଆବଶ୍ୟକ ହେଉଥିବା ସୁପାରିଶମାନ କରିବେ । ମଡେଲ ବସ୍ତୁ ଓ ସେବା କର ଆଇନ, ଜିଏସଟି ଦର ନିର୍ଦ୍ଧାରଣ, କୌଣସି ଜିନିଷ ଉପରେ ଜିଏସଟି ଲାଗୁ ହେବ କି ନହେବ ସେହି ସବୁ ବିଷୟ ଉପରେ ବସ୍ତୁ ଓ ସେବା କର ପରିଷଦ ମତାମତ ପ୍ରଦାନ କରିବେ ।
