Mera Saansad
Search Search
Odia language

ସ୍ମାର୍ଟ ଇଣ୍ଡିଆ ହାକାଥନ- 2018ର ଉଦ୍ଯାପନୀ ସମାରୋହରେ ପ୍ରଧାନମନ୍ତ୍ରୀଙ୍କ ଉଦ୍ବୋଧନ; ଭିଡିଓ କନଫେରେନ୍ସିଂ ମାଧ୍ୟମରେ ବିଭିନ୍ନ କେନ୍ଦ୍ରର ଅଂଶଗ୍ରହଣକାରୀଙ୍କ ସହ କଲେ ମତବିନିମୟ; ପ୍ରଧାନମନ୍ତ୍ରୀଙ୍କ ଦ୍ୱାରା ଆଇପିପିପି-ଉଦ୍ଭାବନ, ପେଟେଣ୍ଟ, ଉତ୍ପାଦନ ଏବଂ ସମୃଦ୍ଧି’ ର ମନ୍ତ୍ର ପ୍ରଦାନ

Published By : Admin | March 30, 2018 | 21:20 IST
Governments alone cannot bring about changes. What brings about change is participative governance: PM Modi
The biggest assets of any nation are Shram Shakti and Ichcha Shakti. Once the people decide to bring about change, everything is possible: PM
Essential to know the root of every problem and think about 'out of the box' ways to solve them, says PM Modi
What will drive innovation is IPPP- Innovate, Patent, Produce, and Prosper: PM Narendra Modi
We want to give more autonomy to our higher education sector. Work is being done to create institutions of eminence: PM
Innovation has the power to overcome the challenges our world faces: PM Modi

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫେରେନ୍ସିଂ ଜରିଆରେ ସ୍ମାର୍ଟ ଇଣ୍ଡିଆ ହାକାଥନ ଚୁଡାନ୍ତ ଉଦ୍ଯାପନୀ ସମାରୋହରେ ଉଦ୍ବୋଧନ ଦେଇଛନ୍ତି ।

ତାଙ୍କ ଉଦ୍ବୋଧନରେ, ପ୍ରଧାନମନ୍ତ୍ରୀ ସ୍ମାର୍ଟ ଇଣ୍ଡିଆ ହାକାଥନ-2018ର ଅଂଶଗ୍ରହଣକାରୀମାନଙ୍କ ସମ୍ମୁଖରେ ଭାଗିଦାରୀଭିତ୍ତିକ ପ୍ରଶାସନର ଗୁରୁତ୍ୱ ଉପରେ ରେଖାପାତ କରିଥିଲେ ।

ସେ ଯୁବପିଢ଼ିଙ୍କ ଉପରେ ବିଶେଷ ଆଶା ପ୍ରକଟ କରିଥିଲେ ଏବଂ ସେମାନଙ୍କୁ ନୂତନ ଭାରତର ସଂକଳ୍ପ ପୂରଣ କରିବା ଦିଗରେ ଯୋଗଦାନ କରିବା ନିମନ୍ତେ ଆହ୍ୱାନ କରିଥିଲେ । “ମୁଁ କେବେ ହେଲେ ଯୁବ ପେସାଦାର, ଯୁବ ସିଇଓ, ଯୁବ ବୈଜ୍ଞାନିକ ଏବଂ ଯୁବ ପ୍ରଶାସକଙ୍କ ସହ ଆଲୋଚନା କରିବାର ସୁଯୋଗ ହାତଛଡ଼ା କରିନଥାଏ” ବୋଲି ସେ କହିଥିଲେ । ସେ ଆହୁରି ଉଲ୍ଲେଖ କରିଥିଲେ, “ଯୁବପିଢ଼ି ଦେଶକୁ ଆଗେଇ ନେବାର ମାର୍ଗ ସନ୍ଧାନ କରୁଥିବା ଦେଖି ମୁଁ ଆନନ୍ଦିତ । ସ୍ମାର୍ଟ ଭାରତର ସ୍ମାର୍ଟ ଉଦ୍ଭାବକମାନଙ୍କ ଗହଣରେ ରହି ମୁଁ ଉତ୍ସାହିତ” ।
ପ୍ରଧାନମନ୍ତ୍ରୀ କହିଥିଲେ ଯେ ଯେକୌଣସି ରାଷ୍ଟ୍ରର ସବୁଠୁ ବଡ଼ ସମ୍ପତ୍ତି ହେଉଛି ଶ୍ରମଶକ୍ତି ଏବଂ ଇଚ୍ଛାଶକ୍ତି । “ପରିବର୍ତ୍ତନ ଆଣିବା ଲାଗି ଜନସାଧାରଣ ଥରେ ନିଷ୍ପତ୍ତି ନେଲେ, ସବୁକିଛି ସମ୍ଭବ ହୋଇଥାଏ । କିନ୍ତୁ ସରକାର ଏକାକୀ ପରିବର୍ତ୍ତନ ଆଣିପାରିବେ ବୋଲି ଭାବି ମସ୍ତବଡ଼ ଭୁଲ କରିଥା’ନ୍ତି ।”

ଗତଥରର ହାକାଥନ ତୁଳନାରେ ଚଳିତ ହାକାଥନରେ ଅଂଶଗ୍ରହଣକାରୀଙ୍କ ସଂଖ୍ୟା ବୃଦ୍ଧି ପାଉଥିବା ଦେଖି ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଥିଲେ । “ମୁଁ ଜାଣିବାକୁ ପାଇଛି ଯେ ଗତଥରର ହାକାଥନରେ ଆରମ୍ଭ କରାଯାଇଥିବା ଅଧିକାଂଶ ପ୍ରକଳ୍ପ ଶେଷ ହୋଇସାରିଛି” ବୋଲି ସେ ଉଲ୍ଲେଖ କରିଥିଲେ ।

ପ୍ରଧାନମନ୍ତ୍ରୀ ନବପ୍ରବର୍ତ୍ତନ ଉପରେ ଗୁରୁତ୍ୱାରୋପ କରିବା ସହିତ ଆଇପିପିପି – ଉଦ୍ଭାବନ, ସ୍ୱତ୍ୱ ହାସଲ/ପେଟେଣ୍ଟିଂ, ଉତ୍ପାଦନ ଏବଂ ସମୃଦ୍ଧି’ର ମନ୍ତ୍ର ପ୍ରଦାନ କରିଥିଲେ । “ଏହି ଚାରିଟି ପଦକ୍ଷେପ ଆମ ଦେଶକୁ ଦ୍ରୁତ ବିକାଶ ଦିଗରେ ନେଇଯିବ । ଏଥିପାଇଁ ଆମକୁ ଉଦ୍ଭାବନ କରିବାକୁ ହେବ, ସେହି ଉଦ୍ଭାବନର ସ୍ୱତ୍ତ୍ଵାଧିକାର ହାସଲ କରିବାକୁ ହେବ ଏବଂ ଉତ୍ପାଦନ/ବିନିର୍ମାଣ/ପ୍ରସ୍ତୁତିକୁ ସହଜ କରିବାକୁ ହେବ ଏବଂ ଉତ୍ପାଦକୁ ଦ୍ରୁତଗତିରେ ଲୋକମାନଙ୍କ ନିକଟକୁ ନେଇ ସେମାନଙ୍କୁ ସମୃଦ୍ଧ କରିବାକୁ ହେବ”, ସେ କହିଥିଲେ । ସେ ଉଲ୍ଲେଖ କରିଥିଲେ, “ଆମ ବିଶ୍ୱ ସମ୍ମୁଖୀନ ହେଉଥିବା ଆହ୍ୱାନଗୁଡ଼ିକର ମୁକାବିଲା କରିବାର ଶକ୍ତି ଉଦ୍ଭାବନରେ ରହିଛି । ଆମର ଉଦ୍ଭାବନ କିପରି ଆମ ନାଗରିକମାନଙ୍କ ଜୀବନରେ ପରିବର୍ତ୍ତନ ଆଣିପାରିବ ସେ ବିଷୟରେ ଆମେ ଚିନ୍ତା କରିବା ଆବଶ୍ୟକ ।”

ଗବେଷଣା ଏବଂ ଉଦ୍ଭାବନକୁ ପ୍ରୋତ୍ସାହନ ଦେବା ଲାଗି ସରକାର ନେଇଥିବା ବିଭିନ୍ନ ନିଷ୍ପତ୍ତି ସମ୍ପର୍କରେ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ।
• ଅଟଳ ଟିଙ୍କରିଂ ଲେବଗୁଡ଼ିକ ଜରିଆରେ ଅତ୍ୟାଧୁନିକ ଜ୍ଞାନକୌଶଳ ଆଧାରିତ ଶୈକ୍ଷିକ ଏବଂ ଶିକ୍ଷା ପଦ୍ଧତି ଆରମ୍ଭ କରାଯାଇଛି । ଏହାଦ୍ୱାରା ଷଷ୍ଠରୁ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀ ଉପକୃତ ହୋଇପାରିବେ ।

• ଆଇଆଇଟି, ଆଇଆଇଏସସି ଏବଂ ନିଟ ଭଳି ଶିକ୍ଷାନୁଷ୍ଠାନରେ ପ୍ରତିବର୍ଷ ବିଟେକ, ଏମଟେକ ଏବଂ ଏମଏସସି ପାଠ୍ୟକ୍ରମ ଲାଗି ଏକ ହଜାର ଶ୍ରେଷ୍ଠ ଛାତ୍ରଛାତ୍ରୀଙ୍କୁ ପ୍ରଧାନମନ୍ତ୍ରୀ ଗବେଷଣା ଛାତ୍ରବୃତ୍ତି ପ୍ରଦାନ । 5ବର୍ଷର ଅବଧି ଲାଗି ଏହି ଛାତ୍ରଛାତ୍ରୀଙ୍କୁ ମାସିକ 70-80ହଜାର ଟଙ୍କାର ଆର୍ଥିକ ସହାୟତା ଯୋଗାଇ ଦିଆଯିବ ।

• ଉଚ୍ଚ ଶିକ୍ଷାନୁଷ୍ଠାନଗୁଡ଼ିକୁ ଅଧିକ ସ୍ୱାୟତ୍ତତା ପ୍ରଦାନ କରାଯିବା ଉପରେ ଗୁରୁତ୍ୱ ।

• 20ଟି ବିଶ୍ୱସ୍ତରୀୟ ଉତ୍କର୍ଷ ଅନୁଷ୍ଠାନ ନିର୍ମାଣ କରିବା ଦିଗରେ ପଦକ୍ଷେପ ।

ତାଙ୍କର ଉଦ୍ବୋଧନରେ, ମେକ ଇନ ଇଣ୍ଡିଆ କିପରି ଏକ ବ୍ରାଣ୍ଡରେ ପରିଣତ ହୋଇଛି ଏବଂ ଏହା ସାରା ବିଶ୍ୱରେ କିଭଳି ଲୋକପ୍ରିୟତା ଅର୍ଜନ କରିଛି ସେ ସମ୍ପର୍କରେ ପ୍ରଧାନମନ୍ତ୍ରୀ ଉଦାହରଣ ସହ ଉଲ୍ଲେଖ କରିଥିଲେ । ସେ କହିଥିଲେ 4 ବର୍ଷ ପୂର୍ବେ ଭାରତରେ 2ଟି ମୋବାଇଲ ତିଆରି ୟୁନିଟ ଥିଲା ଏବେ ଦେଶରେ ପାଖାପାଖି 120ଟି କାରଖାନା କାର୍ଯ୍ୟକ୍ଷମ ରହିଛି । ସେ ଆହୁରି ମଧ୍ୟ ସୂଚନା ଦେଇଥିଲେ ଯେ 2013-14 ପଞ୍ଜିକରଣ ତଥ୍ୟ ତୁଳନାରେ ସ୍ୱତ୍ତ୍ଵାଧିକାର ପଞ୍ଜିକରଣ ଏବଂ ଟ୍ରେଡମାର୍କ ପଞ୍ଜିକରଣରେ ତ୍ରିସ୍ତରୀୟ ବୃଦ୍ଧି ଦେଖାଦେଇଛି ।

ସ୍ୱାସ୍ଥ୍ୟ-ହାକାଥନ, ଆଇନ-ହାକାଥନ, ସ୍ଥାପତ୍ୟ-ହାକାଥନ, କୃଷି-ହାକାଥନ ଏବଂ ଗ୍ରାମୀଣ-ହାକାଥନ ଆଦି ଏକାଧିକ କ୍ଷେତ୍ରର ଏଭଳି ପ୍ରକଳ୍ପ ସମ୍ଭାବନା ଉଜାଗର କରିବା ଲାଗି ପ୍ରଧାନମନ୍ତ୍ରୀ ଅଂଶଗ୍ରହଣକାରୀମାନଙ୍କୁ ଅନୁରୋଧ କରିଥିଲେ । ସେ ଗୁରୁତ୍ୱରୋପ କରି କହିଥିଲେ, “ଏସବୁ ହାକାଥନ ଲାଗି ଆମର ନବପ୍ରବର୍ତ୍ତନକାରୀ କୃଷକ, ଯନ୍ତ୍ରୀ, ସ୍ଥପତି, ଡାକ୍ତର, ଆଇନଜୀବୀ, ପ୍ରବନ୍ଧକମାନଙ୍କର ଆବଶ୍ୟକତା ରହିଛି । ଏପରି ହାକାଥନ ଉଦୀୟମାନ ପ୍ରତିଭାମାନଙ୍କୁ ମଞ୍ଚ ପ୍ରଦାନ କରିବ” । ପ୍ରଗତି ବୈଠକ ଜରିଆରେ ବିକାଶମୂଳକ ପ୍ରକଳ୍ପଗୁଡ଼ିକର ପ୍ରକୃତ ସମୟରେ ଅନୁଧ୍ୟାନ କରିବାରେ ନିଜର ଅଭିଜ୍ଞତା ସମ୍ପର୍କରେ ସେ ଦର୍ଶକମାନଙ୍କୁ କହିଥିଲେ ।

ଏହି ଗ୍ରାଣ୍ଡ ଫିନାଲେ କାର୍ଯ୍ୟକ୍ରମ ଅବସରରେ ପ୍ରଧାନମନ୍ତ୍ରୀ ସ୍ମାର୍ଟ ଇଣ୍ଡିଆ ହାକାଥନରେ ଅଂଶଗ୍ରହଣ କରିଥିବା ବିଭିନ୍ନ କେନ୍ଦ୍ରର ଅଂଶଗ୍ରହଣକାରୀଙ୍କ ସହ ମତବିନିମୟ କରିଥିଲେ ।

Click here to read full text speech

Login or Register to add your comment
Explore More
ଶ୍ରୀରାମ ଜନ୍ମଭୂମି ମନ୍ଦିର ଧ୍ଵଜାରୋହଣ ସମାରୋହରେ ପ୍ରଧାନମନ୍ତ୍ରୀଙ୍କ ଅଭିଭାଷଣ

ଲୋକପ୍ରିୟ ଅଭିଭାଷଣ

ଶ୍ରୀରାମ ଜନ୍ମଭୂମି ମନ୍ଦିର ଧ୍ଵଜାରୋହଣ ସମାରୋହରେ ପ୍ରଧାନମନ୍ତ୍ରୀଙ୍କ ଅଭିଭାଷଣ
View All
Parliament passes Jan Vishwas Bill 2026, decriminalising 717 offences, fines up to Rs 1 crore

Media Coverage

Parliament passes Jan Vishwas Bill 2026, decriminalising 717 offences, fines up to Rs 1 crore
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister highlights values of harmony and compassion on Good Friday
April 03, 2026

The Prime Minister, Shri Narendra Modi, said that Good Friday reminds us of the sacrifice of Jesus Christ.

Shri Modi expressed hope that the day deepens the values of harmony, compassion and forgiveness.

He said that brotherhood and hope should guide everyone.

In a X post, Shri Modi said;

“Good Friday reminds us of Jesus Christ’s sacrifice. May this day further deepen the values of harmony, compassion and forgiveness. May brotherhood and hope guide us all.”