ୟୁରୋପୀୟ ନିବେଶ ବ୍ୟାଙ୍କର ସଭାପତି ଡଃ ୱାର୍ନର ହୋୟର ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି । ପ୍ରଧାନମନ୍ତ୍ରୀଙ୍କ ସହ ଆଲୋଚନା କାଳରେ ୟୁରୋପୀୟ ନିବେଶ ବ୍ୟାଙ୍କର ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ ।
ରଧାନମନ୍ତ୍ରୀ ବର୍ଷକ ପୂର୍ବେ ତାଙ୍କର ୟୁରୋପୀୟ ଯୁନିଅନ – ଭାରତ ଶିଖର ବୈଠକରେ ୟୁରୋପୀୟ ନିବେଶ ବ୍ୟାଙ୍କର ଏକ ଉଚ୍ଚସ୍ତରୀୟ ପ୍ରତିନିଧି ଦଳକୁ ଭେଟିଥିଲେ ଏବଂ ଦିଲ୍ଲୀରେ ବ୍ୟାଙ୍କର ଏକ ଆଞ୍ଚଳିକ କାର୍ଯ୍ୟ।ଳୟ ଖୋଲିବା ଲାଗି ପ୍ରତିଶ୍ରୁତି ଦେଇଥିଲେ । ଆଜି ଦିଲ୍ଲୀରେ ଏହି ବ୍ୟାଙ୍କର କାର୍ଯ୍ୟ।ଳୟ ଉଦ୍ଘାଟିତ ହୋଇଛି ।
ଆଲୋଚନା କାଳରେ ପ୍ରଧାନମନ୍ତ୍ରୀ ଜଳବାୟୁ ପରିବର୍ତ୍ତନ ଏବଂ ଦୀର୍ଘସ୍ଥାୟୀ ପରିବେଶ ସୁରକ୍ଷା ସମ୍ପର୍କରେ ଭାରତର ନୀତିଗତ ଦିଗଗୁଡିକ ବର୍ଣ୍ଣନା କରିଥିଲେ । ଇତିମଧ୍ୟରେ ୟୁରୋପୀୟ ନିବେଶ ବ୍ୟାଙ୍କ ଲକ୍ଷ୍ନୌ ମେଟ୍ରୋ ସମେତ ଭାରତର ଅନେକ ପରିବେଶଧର୍ମୀ ପ୍ରକଳ୍ପ ପାଇଁ 100 କୋଟି ୟୁରୋରୁ ଅଧିକ ମୂଲ୍ୟର ଋଣ ସହାୟତା ପ୍ରଦାନ କରିଛି ।
ଡଃ ହୋୟର କଥାବାର୍ତ୍ତା ବେଳେ ଜଳବାୟୁ ପରିବର୍ତ୍ତନ ସମସ୍ୟାର ମୁକାବିଲା ଦିଗରେ ଭାରତର ଦୃଢ, ସକ୍ରିୟ ଓ ସକାରାତ୍ମକ ପଦକ୍ଷେପଗୁଡିକୁ ବେଶ ପସନ୍ଦ କରିବା ସହ ଭବିଷ୍ୟତରେ ଏ ଦିଗରେ ୟୁରୋପୀୟ ନିବେଶ ବ୍ୟାଙ୍କର ସହାୟତା ଜାରି ରହିବ ବୋଲି ସୂଚନା ଦେଇଥିଲେ ।
