ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ୯ଟି ସମ୍ପୃକ୍ତ ମନ୍ତ୍ରଣାଳୟ ମାଧ୍ୟମରେ ୧୧ ଗୁରୁତ୍ୱପୂର୍ଣ୍ଣ କାର୍ଯ୍ୟ ଉପରେ ଧ୍ୟାନ ଦେବା ପାଇଁ ମୋଟ ୨୪,୧୦୪ କୋଟି ଟଙ୍କା (କେନ୍ଦ୍ରୀୟ ଅଂଶ: ୧୫,୩୩୬ କୋଟି ଟଙ୍କା ଏବଂ ରାଜ୍ୟ ଅଂଶ: ୮,୭୬୮ କୋଟି ଟଙ୍କା) ବ୍ୟୟ ବରାଦ ସହିତ ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହା ଅଭିଯାନ (ପିଏମ୍ ଜନମନ)କୁ ଅନୁମୋଦନ ମିଳିଛି ।
ବଜେଟ୍ ଅଭିଭାଷଣ ୨୦୨୩-୨୪ରେ କରାଯାଇଥିବା ଘୋଷଣା ଅନୁଯାୟୀ, "ବିଶେଷ ଭାବେ ସମ୍ବେଦନଶୀଳ ଜନଜାତି ଗୋଷ୍ଠୀ (ପିଭିଟିଜି) ଙ୍କର ସାମାଜିକ-ଅର୍ଥନୈତିକ ସ୍ଥିତିରେ ଉନ୍ନତି ଆଣିବା ପାଇଁ ପ୍ରଧାନମନ୍ତ୍ରୀ ପିଭିଟିଜି ବିକାଶ ମିଶନର ଶୁଭାରମ୍ଭ ହୋଇଥିଲା । ତଦନୁଯାୟୀ ଏହି ଯୋଜନା ପିଜିଟିଭି ପରିବାର ଏବଂ ବସ୍ତିଗୁଡ଼ିକୁ ସୁରକ୍ଷିତ ବାସଗୃହ, ବିଶୁଦ୍ଧ ପାନୀୟ ଜଳ ଏବଂ ପରିମଳ, ଶିକ୍ଷା, ସ୍ୱାସ୍ଥ୍ୟ ଓ ପୋଷଣ, ସଡ଼କ ଏବଂ ଟେଲିକମ୍ ଯୋଗାଯୋଗର ଉନ୍ନତ ଉପଲବ୍ଧତା ଭଳି ମୌଳିକ ସୁବିଧା ପ୍ରଦାନ କରିବ। ସ୍ଥାୟୀ ଜୀବିକା ସୁଯୋଗ ଯୋଗାଇବା ଆଦି ମଧ୍ୟ ଏଥିରେ ଅର୍ନ୍ତଭୁକ୍ତ । ଅନୁସୂଚିତ ଜନଜାତିଙ୍କ ପାଇଁ ବିକାଶ କାର୍ଯ୍ୟ ଯୋଜନା (ଡିଏପିଏସଟି) ଅଧୀନରେ ଆଗାମୀ ତିନି ବର୍ଷ ମଧ୍ୟରେ ଏହି ମିଶନ କାର୍ଯ୍ୟକାରୀ କରିବା ପାଇଁ ୧୫,୦୦୦ କୋଟି ଟଙ୍କା ଉପଲବ୍ଧ କରାଯିବ ।
୨୦୧୧ ଜନଗଣନା ଅନୁଯାୟୀ ଭାରତର ଅନୁସୂଚିତ ଜନଜାତି ଜନସଂଖ୍ୟା ୧୦.୪୫ କୋଟି, ସେଥିମଧ୍ୟରୁ ୧୮ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜରେ ଅବସ୍ଥିତ ୭୫ଟି ସମ୍ପ୍ରଦାୟକୁ ବିଶେଷ ଭାବେ ସମ୍ବେଦନଶୀଳ ଜନଜାତି ଗୋଷ୍ଠୀ (ପିଭିଟିଜି ) ଭାବରେ ବର୍ଗୀକୃତ କରାଯାଇଛି | ଏହି ପିଭିଟିଜିଗୁଡ଼ିକ ସାମାଜିକ, ଅର୍ଥନୈତିକ ଏବଂ ଶିକ୍ଷାଗତ କ୍ଷେତ୍ରରେ ସମ୍ବେଦନଶୀଳତାର ସମ୍ମୁଖୀନ ହେଉଛନ୍ତି ।
ଜନଜାତି ବ୍ୟାପାର ମନ୍ତ୍ରଣାଳୟ ସମେତ ୯ଟି ମନ୍ତ୍ରଣାଳୟ ମାଧ୍ୟମରେ ୧୧ଟି ଗୁରୁତ୍ୱପୂର୍ଣ୍ଣ ହସ୍ତକ୍ଷେପ ଉପରେ ଧ୍ୟାନ ଦେବା ପାଇଁ ପିଏମ-ଜନମନ (କେନ୍ଦ୍ରୀୟ କ୍ଷେତ୍ର ଏବଂ କେନ୍ଦ୍ରୀୟ ପ୍ରାୟୋଜିତ ଯୋଜନାଗୁଡ଼ିକୁ ନେଇ) ନିମ୍ନଲିଖିତ ଅଟେ:
|
କ୍ରମିକ ନଂ |
କାର୍ଯ୍ୟକଳାପ |
ହିତାଧିକାରୀ / ଲକ୍ଷ୍ୟ ନଂ |
ମୂଲ୍ୟ ନିୟମ |
|
୧ |
ପକ୍କା ଘରର ବ୍ୟବସ୍ଥା |
୪.୯୦ ଲକ୍ଷ |
୨.୩୯ ଲକ୍ଷ ଟଙ୍କା/ଘର |
|
୨ |
ସଂଯୋଗ କରୁଥିବା ରାସ୍ତା |
୮୦୦୦ କିମି |
୧.୦୦ କୋଟି ଟଙ୍କା/କିଲୋମିଟର |
|
୩କ |
ପାଇପ୍ ଜଳ ଯୋଗାଣ/ |
ମିଶନ ଅଧୀନରେ ୪.୯୦ ଲକ୍ଷ ଏଚ୍ ଏଚ୍ ଏଚ୍ ସମେତ ସମସ୍ତ ପିଭିଟିଜି ବସ୍ତି ନିର୍ମାଣ କରାଯିବ |
ଯୋଜନାବଦ୍ଧ ମାନଦଣ୍ଡ ଅନୁଯାୟୀ |
|
୩ଖ |
ଗୋଷ୍ଠୀ ଜଳ ଯୋଗାଣ |
୨୦ ପରିବାରରୁ କମ୍ ଜନସଂଖ୍ୟା ବିଶିଷ୍ଟ ୨୫୦୦ ଗ୍ରାମ/ ବସ୍ତି |
ପ୍ରକୃତ ଖର୍ଚ୍ଚ ଅନୁଯାୟୀ |
|
୪ |
ଔଷଧ ଖର୍ଚ୍ଚ ସହ ଭ୍ରାମ୍ୟମାଣ ମେଡିକାଲ ୟୁନିଟ୍ |
୧୦୦୦ (୧୦/ଜିଲ୍ଲା) |
୩୩.୮୮.୦୦ ଲକ୍ଷ ଟଙ୍କା/ଏମଏମୟୁ |
|
୫କ |
ହଷ୍ଟେଲ ନିର୍ମାଣ |
୫୦୦ |
୨.୭୫ କୋଟି/ହଷ୍ଟେଲ |
|
୫ଖ |
ଧନ୍ଦାମୂଳକ ଶିକ୍ଷା ଓ ଦକ୍ଷତା |
୬୦ଟି ଆକାଂକ୍ଷୀ ପିଭିଟିଜି ବ୍ଲକ |
୫୦ ଲକ୍ଷ/ବ୍ଲକ |
|
୬ |
ଅଙ୍ଗନବାଡି କେନ୍ଦ୍ର ନିର୍ମାଣ |
୨୫୦୦ |
୧୨ ଲକ୍ଷ/ଏଡବ୍ଲୁସି |
|
୭ |
ବହୁମୁଖୀ କେନ୍ଦ୍ର (ଏମପିସି) ନିର୍ମାଣ |
୧୦୦୦ |
ପ୍ରତି ଏମପିସିରେ ଏଏନଏମ ଓ ଅଙ୍ଗନୱାଡି କର୍ମୀଙ୍କ ପାଇଁ ୬୦ ଲକ୍ଷ/ଏମପିସି ବ୍ୟବସ୍ଥା |
|
୮କ |
ଏଚଏଚ ଗୁଡିକର ଶକ୍ତିକରଣ (ଶେଷ ମାଇଲ୍ ସଂଯୋଗ) |
୫୭୦୦ ଏଚଏଚଏସ୍ |
୨୨,୫୦୦/ଏଚଏଚ |
|
୮ଖ |
୦.୩ କିଲୋୱାଟ୍ ସୌର ଅଫ୍ ଗ୍ରିଡ୍ ବ୍ୟବସ୍ଥା |
୧୦୦୦୦୦ ଏଚଏଚଏସ୍ |
ଏଚ୍ଏଚ୍ ପିଛା ୫୦,୦୦୦ ଟଙ୍କା କିମ୍ବା ବାସ୍ତବ ଖର୍ଚ୍ଚ ଅନୁଯାୟୀ |
|
୯ |
ରାସ୍ତା ଘାଟ ଓ ଏମପିସିରେ ସୌର ଆଲୋକ |
୧୫୦୦ ୟୁନିଟ୍ |
ୟୁନିଟ୍ ପିଛା ୧,୦୦,୦୦୦ ଟଙ୍କା |
|
୧୦ |
ଭିଡିଭିକେ ପ୍ରତିଷ୍ଠା |
୫୦୦ |
୧୫ ଲକ୍ଷ ଟଙ୍କା/ଭିଡିଭିକେ |
|
୧୧ |
ମୋବାଇଲ ଟାୱାର ଲଗାଇବା |
୩୦୦୦ ଗାଁ |
ଯୋଜନାବଦ୍ଧ ମାନଦଣ୍ଡ ଅନୁଯାୟୀ ଖର୍ଚ୍ଚ |
ଉପରୋକ୍ତ କାର୍ଯ୍ୟ ବ୍ୟତୀତ, ଅନ୍ୟ ମନ୍ତ୍ରଣାଳୟଗୁଡ଼ିକର ନିମ୍ନଲିଖିତ କାର୍ଯ୍ୟ ମିଶନର ଏକ ଅଂଶ ହେବ:
୧. ଆୟୁଷ ମନ୍ତ୍ରଣାଳୟ ପ୍ରଚଳିତ ନିୟମ ଅନୁଯାୟୀ ଆୟୁଷ କଲ୍ୟାଣ କେନ୍ଦ୍ର ସ୍ଥାପନ କରିବା ଏବଂ ଭ୍ରାମ୍ୟମାଣ ମେଡିକାଲ ୟୁନିଟ୍ ମାଧ୍ୟମରେ ପିଭିଟିଜି ବସ୍ତିରେ ଆୟୁଷ ସୁବିଧା ପ୍ରଦାନ କରାଯିବ ।
୨. ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରଣାଳୟ ଏହି ସମ୍ପ୍ରଦାୟର ଉପଯୁକ୍ତ ଦକ୍ଷତା ଅନୁଯାୟୀ ପିଭିଟିଜି ବସ୍ତି, ବହୁମୁଖୀ କେନ୍ଦ୍ର ଏବଂ ହଷ୍ଟେଲରେ ଦକ୍ଷତା ଏବଂ ଧନ୍ଦାମୂଳକ ତାଲିମ ପ୍ରଦାନ କରିବ ।
