ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଅହମ୍ମଦାବାଦ ମେଟ୍ରୋ ରେଳ ପ୍ରକଳ୍ପର ପର୍ଯ୍ୟାୟ ୨ (ଏ)କୁ ମଞ୍ଜୁରୀ ଦେଇଛନ୍ତି । ଏହାର ଦୈର୍ଘ୍ୟ ୬.୦୩୨ କିଲୋମିଟର ରହିବ ଏବଂ ଏଥିରେ ୫ ଟି ଷ୍ଟେସନ (୪ ଟି ଉଚ୍ଚ ଏବଂ ଗୋଟିଏ ଭୂତଳ ଷ୍ଟେସନ) ଅନ୍ତର୍ଭୁକ୍ତ ହେବ। ପର୍ଯ୍ୟାୟ ୨ (ଏ) ପ୍ରକଳ୍ପ କାର୍ଯ୍ୟକ୍ଷମ ହେବା ପରେ, ଅହମ୍ମଦାବାଦ – ଗାନ୍ଧୀନଗର ମଧ୍ୟରେ ୭୭.୬୩ କିଲୋମିଟର ସକ୍ରିୟ ମେଟ୍ରୋ ରେଳ ନେଟୱାର୍କ ରହିବ । ପର୍ଯ୍ୟାୟ ୨ (ଏ) କରିଡରରେ ଯେଉଁ ଷ୍ଟେସନଗୁଡ଼ିକ ଅନ୍ତର୍ଭୁକ୍ତ, ସେଗୁଡିକ ହେଉଛି – ଆଶ୍ରମ ରୋଡ୍, କୋଟେଶ୍ୱର ପ୍ରାଚୀନ ମନ୍ଦିର, ସାବରମତି ନଦୀ, ସର୍ଦ୍ଦାର ନାଗର ଏବଂ ବିମାନବନ୍ଦର |
ପ୍ରକଳ୍ପର ଆଇଡିସି (ନିର୍ମାଣ ସମୟରେ ସୁଧ) ସହିତ ମୋଟ ସମାପ୍ତି ଖର୍ଚ୍ଚ ୨,୧୬୯.୦୪ କୋଟି ଟଙ୍କା ହେବ।
ଲାଭ ଏବଂ ବିକାଶକୁ ପ୍ରୋତ୍ସାହିତ କରିବ :
ଅହମ୍ମଦାବାଦ ମେଟ୍ରୋ ରେଳ ପ୍ରକଳ୍ପର ପର୍ଯ୍ୟାୟ ୨ (ଏ) ସହରର ଭିତ୍ତିଭୂମି ବିକାଶରେ ଏକ ଗୁରୁତ୍ୱପୂର୍ଣ୍ଣ ଅଗ୍ରଗତିକୁ ପ୍ରତିନିଧିତ୍ୱ କରେ। ପର୍ଯ୍ୟାୟ ୨ (ଏ) ସହରରେ ମେଟ୍ରୋ ରେଳ ନେଟୱାର୍କର ଏକ ପ୍ରମୁଖ ସମ୍ପ୍ରସାରଣ ଭାବରେ କାର୍ଯ୍ୟ କରିବ।
ଉନ୍ନତ ସଂଯୋଗ :
ଅହମ୍ମଦାବାଦ ମେଟ୍ରୋ ପ୍ରକଳ୍ପର ପର୍ଯ୍ୟାୟ ୨ (ଏ) ପ୍ରାୟ ୬.୦୩୨ କିଲୋମିଟର ନୂତନ ମେଟ୍ରୋ କରିଡରର ବିକାଶ ପାଇଁ କଳ୍ପନା କରାଯାଇଛି। ଏହାର ଲକ୍ଷ୍ୟ ହେଉଛି ବିମାନବନ୍ଦରକୁ ସୁଗମ ସଂଯୋଗୀକରଣ ପ୍ରଦାନ କରିବା। ଉନ୍ନତ ପରିବହନ ସୁବିଧାର ଅଭାବ ଥିବା ପ୍ରମୁଖ ଆବାସିକ ଏବଂ ବାଣିଜ୍ୟିକ କ୍ଷେତ୍ରଗୁଡ଼ିକୁ ସଂଯୋଗ କରି ସାଧାରଣ ପରିବହନକୁ ଯଥେଷ୍ଟ ବୃଦ୍ଧି କରିବା।
ଏହି ପର୍ଯ୍ୟାୟର ଲକ୍ଷ୍ୟ ହେଉଛି ପ୍ରମୁଖ କ୍ଷେତ୍ରଗୁଡ଼ିକୁ, ଯେପରିକି ଆବାସିକ ଏବଂ ବାଣିଜ୍ୟିକ ହବ୍ଗୁଡ଼ିକୁ ପୂର୍ବରୁ ରହିଥିବା ଅହମ୍ମଦାବାଦ – ଗାନ୍ଧୀନଗର କରିଡର ସହିତ ସୁଗମ ଭାବରେ ସଂଯୁକ୍ତ କରିବା। ଏହା ବ୍ୟତୀତ, ବିଶ୍ୱ ପୋଲିସ କ୍ରୀଡା ୨୦୨୯ ଏବଂ ରାଜ୍ୟଗୋଷ୍ଠୀ କ୍ରୀଡା ୨୦୩୦ ପାଇଁ ଆଖପାଖରେ କ୍ରୀଡା ସୁବିଧା ବିକଶିତ ହେବାର ସମ୍ଭାବନା ମଧ୍ୟ ରହିଛି।
ଏହି ଗୁରୁତ୍ୱପୂର୍ଣ୍ଣ ଅଞ୍ଚଳଗୁଡ଼ିକୁ ମେଟ୍ରୋ ନେଟୱାର୍କ ସହିତ ଯୋଡି ପର୍ଯ୍ୟାୟ ୨ (ଏ) ସଂଯୋଗୀକରଣକୁ ବୃଦ୍ଧି କରିବ। ଏହା ସହିତ ଆର୍ଥିକ କାର୍ଯ୍ୟକଳାପ, ପର୍ଯ୍ୟଟନକୁ ପ୍ରୋତ୍ସାହିତ କରିବ ଏବଂ ଏହି ଅଞ୍ଚଳର ବାସିନ୍ଦା ଏବଂ ପରିଦର୍ଶକ ଉଭୟଙ୍କ ପାଇଁ ସହରାଞ୍ଚଳ ଗତିଶୀଳତାକୁ ସହଜ କରିବ।
ଟ୍ରାଫିକ ଭିଡ଼ ହ୍ରାସ : ମେଟ୍ରୋ ରେଳ ଏକ ଦକ୍ଷ ବିକଳ୍ପ ସଡ଼କ ପରିବହନ ଭାବରେ ଏବଂ ଫେଜ୍ ୨ (ଏ) ମେଟ୍ରୋ ରେଳ ନେଟୱାର୍କକୁ ବିମାନବନ୍ଦର ପର୍ଯ୍ୟନ୍ତ ସମ୍ପ୍ରସାରଣ ଭାବରେ, ଅହମ୍ମଦାବାଦ ଭିତରେ ବିଶେଷ ପ୍ରଭାବଶାଳୀ ହେବ। ସଡ଼କ ପଥରେ ଟ୍ରାଫିକ ହ୍ରାସ ପାଇଲେ ଏହା ଯାନବାହାନ ଚଳାଚଳକୁ ସୁଗମ କରିପାରିବ, ଯାତ୍ରା ସମୟ ହ୍ରାସ କରିପାରିବ ଏବଂ ସଡ଼କ ସୁରକ୍ଷାକୁ ଉନ୍ନତ କରିପାରିବ।
ପରିବେଶଗତ ଲାଭ : ଅହମ୍ମଦାବାଦ ମେଟ୍ରୋ ରେଳ ପ୍ରକଳ୍ପର ପର୍ଯ୍ୟାୟ ୨ (ଏ) କାର୍ଯ୍ୟକ୍ଷମ ହେବା ଏବଂ ଅହମ୍ମଦାବାଦ ଏବଂ ଗାନ୍ଧୀନଗର ସହରରେ ସାମଗ୍ରିକ ମେଟ୍ରୋ ରେଳ ନେଟୱାର୍କ ବୃଦ୍ଧି ପାଇବା ଦ୍ଵାରା ପାରମ୍ପରିକ ଜୀବାଶ୍ମ ଇନ୍ଧନ – ଆଧାରିତ ପରିବହନ ତୁଳନାରେ କାର୍ବନ ନିର୍ଗମନ ଯଥେଷ୍ଟ ହ୍ରାସ ପାଇବ।
ଆର୍ଥିକ ଅଭିବୃଦ୍ଧି : ଯାତ୍ରା ସମୟ ହ୍ରାସ ଏବଂ ସହରର ବିଭିନ୍ନ ଅଂଶ ଯେପରିକି ବିମାନବନ୍ଦର, ରେଳ ଷ୍ଟେସନ ଏବଂ ବସ୍ ଡିପୋକୁ ଉନ୍ନତ ପହଞ୍ଚ ଲୋକମାନଙ୍କ ପାଇଁ ସେମାନଙ୍କର କର୍ମକ୍ଷେତ୍ର ଏବଂ ଗନ୍ତବ୍ୟସ୍ଥଳରେ ପହଞ୍ଚିବାରେ ସାହାଯ୍ୟ କରିବ। ଏହା ଅଧିକ ଦକ୍ଷତାର ସହିତ ଉତ୍ପାଦକତା ବୃଦ୍ଧି କରିପାରିବ। ଏହା ସହିତ, ବର୍ଦ୍ଧିତ ସଂଯୋଗୀକରଣ ସ୍ଥାନୀୟ ବ୍ୟବସାୟକୁ, ବିଶେଷ କରି ନୂତନ ମେଟ୍ରୋ ଷ୍ଟେସନ ନିକଟବର୍ତ୍ତୀ ଅଞ୍ଚଳରେ ପ୍ରୋତ୍ସାହିତ କରିପାରିବ। ଏହା ପୂର୍ବରୁ କମ୍ ସୁଗମ୍ୟ ଅଞ୍ଚଳ ଗୁଢିକରେ ନିବେଶ ଏବଂ ବିକାଶକୁ ମଧ୍ୟ ଆକର୍ଷିତ କରିପାରିବ।
ସାମାଜିକ ପ୍ରଭାବ: ଅହମ୍ମଦାବାଦ ମେଟ୍ରୋ ରେଳ ନେଟୱାର୍କ ପର୍ଯ୍ୟାୟ ୨ (ଏ) ର ସମ୍ପ୍ରସାରଣ ଦ୍ୱାରା ସାଧାରଣ ପରିବହନ ପାଇଁ ସମାନ ସୁବିଧା ବୃଦ୍ଧି ପାଇବ। ଏହା ବିଭିନ୍ନ ସାମାଜିକ- ଅର୍ଥନୈତିକ ଗୋଷ୍ଠୀକୁ ଲାଭ ଦେବ ଏବଂ ପରିବହନ ସମ୍ବନ୍ଧୀୟ ଅସମାନତା ହ୍ରାସ କରିବ। ଏହା ବ୍ୟତୀତ, ଯାତାୟାତ ସମୟ ହ୍ରାସ ପାଇବ ଏବଂ ଅତ୍ୟାବଶ୍ୟକ ସେବାଗୁଡ଼ିକର ଉନ୍ନତ ସୁବିଧା ଲୋକଙ୍କ ଜୀବନର ଗୁଣବତ୍ତା ବୃଦ୍ଧି କରିବ।
ଅହମ୍ମଦାବାଦ ମେଟ୍ରୋ ରେଳ ପ୍ରକଳ୍ପର ପର୍ଯ୍ୟାୟ ୨ (ଏ) ପ୍ରକଳ୍ପ ସହର ପାଇଁ ଏକ ପରିବର୍ତ୍ତନକାରୀ ବିକାଶ ହେବାକୁ ଯାଉଛି। ଏହା ଉନ୍ନତ ସଂଯୋଗୀକରଣ, ଟ୍ରାଫିକ ଭିଡ଼ ହ୍ରାସ, ପରିବେଶଗତ ଲାଭ, ଆର୍ଥିକ ଅଭିବୃଦ୍ଧି ଏବଂ ଜୀବନର ଗୁଣବତ୍ତା ଉନ୍ନତ କରିବାର ପ୍ରତିଶ୍ରୁତି ଦେଉଛି। ପ୍ରମୁଖ ସହରାଞ୍ଚଳ ଆହ୍ଵାନଗୁଡ଼ିକୁ ସମାଧାନ କରି ଏବଂ ଭବିଷ୍ୟତର ସମ୍ପ୍ରସାରଣ ପାଇଁ ଏକ ଭିତ୍ତିଭୂମି ପ୍ରଦାନ କରି, ପର୍ଯ୍ୟାୟ ୨ (ଏ) ସହରର ବିକାଶ ପଥ ଏବଂ ସ୍ଥାୟୀତ୍ୱକୁ ଆକାର ଦେବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।
ଅହମ୍ମଦାବାଦ ମେଟ୍ରୋ ପର୍ଯ୍ୟାୟ ୨ଏ ନିର୍ମାଣ କାର୍ଯ୍ୟ ସର୍ବାଧିକ ସମୟ ମଧ୍ୟରେ ପ୍ରାୟ ୨୦୦୦ ଲୋକଙ୍କ ପାଇଁ ନିଯୁକ୍ତି ସୃଷ୍ଟି କରିବ ଏବଂ ସିଷ୍ଟମର ପରିଚାଳନା ଏବଂ ରକ୍ଷଣାବେକ୍ଷଣ ସମୟରେ ୫୦୦ ଜଣ ଲୋକ କାମ କରିବାର ସମ୍ଭାବନା ରହିଛି।
