ସେୟାର
 
Comments
"ପ୍ରଧାନମନ୍ତ୍ରୀ ମୋଦୀ ମହାରାଷ୍ଟ୍ରର ସୋଲାପୁରରେ ସଡ଼କ ଯୋଗାଯୋଗ, ଗରିବଙ୍କୁ ବାସଗୃହ, ଜଳଯୋଗାଣ ଓ ସ୍ୱେରେଜ ବ୍ୟବସ୍ଥା ଶୁଭାରମ୍ଭ କରିବେ "
ହାଉସିଂ ପାଇଁ ବଡ଼ ପ୍ରୋତ୍ସାହନ : ମହାରାଷ୍ଟ୍ରରେ ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ 30,000 ବାସଗୃହର ଶିଳାନ୍ୟାସ କରିବେ ପ୍ରଧାନମନ୍ତ୍ରୀ ମୋଦୀ

ଆସନ୍ତାକାଲି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମହାରାଷ୍ଟ୍ରର ସୋଲାପୁର ଗସ୍ତ କରିବେ  । ସେ ବିଭିନ୍ନ ବିକାଶମୂଳକ ପ୍ରକଳ୍ପର ଶୁଭାରମ୍ଭ କରିବା ସହିତ ବିଭିନ୍ନ ପ୍ରକଳ୍ପର ଆଧାରଶିଳା ରଖିବେ ।

ସଡ଼କ ପରିବହନ ଏବଂ ଯୋଗାଯୋଗର ଉନ୍ନତି ନିମନ୍ତେ ପଦକ୍ଷେପ ସ୍ୱରୂପ ପ୍ରଧାନମନ୍ତ୍ରୀ 4 ଲେନ ବିଶିଷ୍ଟ 211 ନଂ ଜାତୀୟ ରାଜପଥ (ନୂତନ 52 ନଂ ଜାତୀୟ ରାଜପଥ)ର ସୋଲାପୁର-ତୁଲଜାପୁର-ଓସମାନାବାଦ ଭାଗକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିବେ । ସୋଲାପୁର-ଓସମାନାବାଦ ରାଜପଥକୁ 4 ଲେନ ବିଶିଷ୍ଟ କରିବା ଦ୍ୱାରା ମହାରାଷ୍ଟ୍ରର ଗୁରୁତ୍ୱପୂର୍ଣ୍ଣ ମରାଠାୱାଡ଼ା କ୍ଷେତ୍ରରେ ଯୋଗାଯୋଗରେ ଉନ୍ନତି ହୋଇପାରିବ  ।

Route Layout of Four Laning of Solapur-Tuljapur-Osmanabad section

ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ 30,000 ବାସଗୃହ ନିର୍ମାଣ ଲାଗି ପ୍ରଧାନମନ୍ତ୍ରୀ ଶିଳାନ୍ୟାସ କରିବେ । ଏହାଦ୍ୱାରା ଜରି ଗୋଟାଳି, ରିକ୍ସା ଚାଳକ, କପଡ଼ା ଶ୍ରମିକ, ବିଡି ଶ୍ରମିକ ଆଦିଙ୍କ ଭଳି ଗରିବ ବାସହୀନ ଲୋକମାନେ ସର୍ବାଧିକ ଉପକୃତ ହୋଇପାରିବେ । ଏହି ପ୍ରକଳ୍ପ ଲାଗି ମୋଟ 1811.33 କୋଟି ଟଙ୍କା ଖର୍ଚ୍ଚ କରାଯିବ, ଏଥିମଧ୍ୟରୁ 750 କୋଟି ଟଙ୍କା କେନ୍ଦ୍ର ଏବଂ ରାଜ୍ୟ ସରକାରଙ୍କ ଦ୍ୱାରା ସହାୟତା ଆକାରରେ ଦିଆଯିବ ।

ସ୍ୱଚ୍ଛ ଭାରତ ଲକ୍ଷ୍ୟକୁ ଦୃଷ୍ଟିରେ ରଖି, ସୋଲାପୁରଠାରେ ପ୍ରଧାନମନ୍ତ୍ରୀ ରାଷ୍ଟ୍ର ଉଦ୍ଦେଶ୍ୟରେ ଭୂତଳ ସ୍ୱେରେଜ ବ୍ୟବସ୍ଥା ଏବଂ ତିନୋଟି ସିୱେଜ ପରିଚାଳନା ପ୍ଳାଣ୍ଟକୁ ସମର୍ପିତ କରିବେ । ଏହା ସହରରେ ବର୍ଜ୍ୟ ଜଳ ନିଷ୍କାସନ ପ୍ରସାର ବୃଦ୍ଧି କରିବା ସହିତ ସହରରେ ପରିମଳ ବ୍ୟବସ୍ଥାରେ ଉନ୍ନତି ଆଣିପାରିବ । ଏହା ବର୍ତ୍ତମାନର ବ୍ୟବସ୍ଥା ସ୍ଥାନରେ କାର୍ଯ୍ୟକାରୀ ହେବ ଏବଂ ଅମୃତ ଯୋଜନା ଅଧୀନରେ କାର୍ଯ୍ୟକାରୀ କରାଯାଉଥିବା ଟ୍ରଙ୍କ ସିୱରଗୁଡ଼ିକ ସହିତ ଯୋଡ଼ି ହେବ ।

ପ୍ରଧାନମନ୍ତ୍ରୀ ସୋଲାପୁର ସ୍ମାର୍ଟ ସିଟି କ୍ଷେତ୍ର ଆଧାରିତ ବିକାଶର ଅଂଶବିଶେଷ ସ୍ୱରୂପ ଜଳ ଯୋଗାଣ ଏବଂ ସ୍ୱେରେଜ ପ୍ରଣାଳୀର ମିଳିତ ସୁଧାର ପ୍ରକଳ୍ପ, ଉଜାନୀ ନଦୀବନ୍ଧରୁ ସୋଲାପୁର ସହରକୁ ପାନୀୟ ଜଳ ଯୋଗାଣ ବ୍ୟବସ୍ଥାକୁ ସୁଦୃଢ଼ କରିବା ଏବଂ ଅମୃତ ମିଶନ ଅନ୍ତର୍ଗତ ଭୂତଳ ସ୍ୱେରେଜ ପ୍ରଣାଳୀର ଆଧାରଶିଳା ରଖିବେ । ସ୍ମାର୍ଟ ସିଟି ମିଶନ ଅନ୍ତର୍ଗତ ପ୍ରକଳ୍ପର ମଞ୍ଜୁରିପ୍ରାପ୍ତ ବ୍ୟୟ 244 କୋଟି ଟଙ୍କା ରହିଛି । ଏହି ପ୍ରକଳ୍ପ ଦ୍ୱାରା ସେବା ଯୋଗାଣରେ ଗୁରୁତ୍ୱପୂର୍ଣ୍ଣ ସୁଧାର ହେବ ଏବଂ ପ୍ରଯୁକ୍ତି ଆଧାରିତ ଜନସ୍ୱାସ୍ଥ୍ୟରେ ସୁଧାର ଆସିବ ।

ପ୍ରଧାନମନ୍ତ୍ରୀ ସହରରେ ଏକ ଜନସଭାକୁ ସମ୍ବୋଧିତ କରିବେ । ପ୍ରଧାନମନ୍ତ୍ରୀଙ୍କର ସୋଲାପୁରକୁ ଏହା ଦ୍ୱିତୀୟ ଗସ୍ତ ହେବ । ଏଥିପୂର୍ବରୁ 16 ଅଗଷ୍ଟ, 2014ରେ ସେ ସୋଲାପୁର ଗସ୍ତ କରି ସେ 4 ଳେନ ବିଶିଷ୍ଟ ଜାତୀୟ ରାଜପଥ-9ର ସୋଲାପୁର-ମହାରାଷ୍ଟ୍ର/କର୍ଣ୍ଣାଟକ ସୀମା ଭାଗର ଶିଳାନ୍ୟାସ କରିଥିଲେ ଏବଂ 765 କିଲୋୱାଟ କ୍ଷମତାସମ୍ପନ୍ନ ସୋଲାପୁର-ରାୟପୁର ବିଦ୍ୟୁତ ସଂଚାରଣ ଲାଇନକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିଥିଲେ ।

ପ୍ରଧାନମନ୍ତ୍ରୀ ମୋଦୀଙ୍କ 'ମନ କି ବାତ' ପାଇଁ ଆପଣଙ୍କ ବିଚାର ଏବଂ ଅନ୍ତର୍ଦୃଷ୍ଟି ପଠାନ୍ତୁ !
21 Exclusive Photos of PM Modi from 2021
Explore More
ଉତରପ୍ରଦେଶର ବାରଣାସୀରେ କାଶୀ ବିଶ୍ୱନାଥ ଧାମର ଉଦଘାଟନ ଅବସରରେ ପ୍ରଧାନମନ୍ତ୍ରୀଙ୍କ ସମ୍ବୋଧନ

ଲୋକପ୍ରିୟ ଅଭିଭାଷଣ

ଉତରପ୍ରଦେଶର ବାରଣାସୀରେ କାଶୀ ବିଶ୍ୱନାଥ ଧାମର ଉଦଘାଟନ ଅବସରରେ ପ୍ରଧାନମନ୍ତ୍ରୀଙ୍କ ସମ୍ବୋଧନ
 Indian CEOs believe economic growth will improve over next 12 months: Survey

Media Coverage

Indian CEOs believe economic growth will improve over next 12 months: Survey
...

Nm on the go

Always be the first to hear from the PM. Get the App Now!
...
PM condoles demise of noted cartoonist Shri Narayan Debnath Ji
January 18, 2022
ସେୟାର
 
Comments

The Prime Minister, Shri Narendra Modi has expressed deep grief over the demise of noted cartoonist Shri Narayan Debnath Ji.

In a tweet, the Prime Minister said;

"Shri Narayan Debnath Ji brightened several lives through his works, cartoons and illustrations. His works reflected his intellectual prowess. The characters he created will remain eternally popular. Pained by his demise. Condolences to his family and admirers. Om Shanti."