-
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଏପର୍ଯ୍ୟନ୍ତ ନିଜ କାର୍ଯ୍ୟକାଳ ମଧ୍ୟରେ ମିଳିଥିବା ସ୍ମାରକୀଉପହାରଗୁଡିକର 15 ଦିନିଆ ନିଲାମୀ ପ୍ରକ୍ରିୟା ଶନିବାର ସଂଧ୍ୟାରେ ଶେଷ ହୋଇଛି ।
ନିଲାମୀ ପ୍ରକ୍ରିୟାକୁ ନେଇ ଭାରତର ଜନସାଧାରଣଙ୍କ ମଧ୍ୟରେ ଜବରଦସ୍ତ ଆଗ୍ରହ ପ୍ରକାଶ ପାଇଥିଲା । ଏହି ପ୍ରକ୍ରିୟା ଦୁଇ ଭାଗରେ ବିଭକ୍ତ ଥିଲା-ଜାତୀୟ ଆଧୁନିକ କଳା ଗ୍ୟାଲେରୀରେ ଆୟୋଜିତ ଦୁଇଦିନିଆ ପ୍ରତ୍ୟକ୍ଷ ନିଲାମୀ ଏବଂ pmmementos.gov.in ୱେବସାଇଟ ଦ୍ୱାରା ଆୟୋଜିତ ଇ-ଅକ୍ସନ ।
ଏହି ସମୟ ମଧ୍ୟରେ 1800ରୁ ଅଧିକ ସ୍ମାରକୀକୁ ସଫଳତାର ସହିତ ଉଚ୍ଚତର ବିଡରମାନଙ୍କୁ ନିଲାମୀ ପ୍ରଦାନ କରାଯାଇଥିଲା ।
ଏହି ନିଲାମୀରୁ ମିଳିଥିବା ଅର୍ଥକୁ ନମାମୀ ଗଙ୍ଗେର ମହାନ କାର୍ଯ୍ୟକୁ ସମର୍ଥନ କରିବାରେ ବିନିଯୋଗ କରାଯିବ ।
ନିଲାମୀର ବିଶେଷତ୍ୱ
ଏନଜିଏମରେ ଆୟୋଜିତ ନିଲାମୀ ସମୟରେ ସ୍ୱତନ୍ତ୍ର ଭାବେ ହସ୍ତକଳା ଦ୍ୱାରା ପ୍ରସ୍ତୁତ ଏକ କାଠ ନିର୍ମିତ ବାଇକକୁ 5 ଲକ୍ଷ ଟଙ୍କାରେ ସଫଳତାର ସହ ନିଲାମୀ କରାଯାଇଥିଲା । ଏକ ଅଦ୍ୱିତୀୟ ଚିତ୍ରକଳା ପାଇଁ ମଧ୍ୟ ସମାନ ରାଶିରେ ନିଲାମୀ ହୋଇଥିଲା ଯାହାକି ପ୍ରଧାନମନ୍ତ୍ରୀଙ୍କୁ ରେଳ ପ୍ଲାଟଫର୍ମରେ ଯାଉଥିବାର ପ୍ରଦର୍ଶିତ କରୁଛି-ଏହା ହେଉଛି ରେଳ ସହିତ ନରେନ୍ଦ୍ର ମୋଦୀଙ୍କ ସ୍ୱତନ୍ତ୍ର ସମ୍ବନ୍ଧର ଏକ ଅଦ୍ୱିତୀୟ ଚିତ୍ରକଳାର ପ୍ରଦର୍ଶନ ।
ଇ-ଅକ୍ସନ ମାଧ୍ୟମରେ ମଧ୍ୟ କେତେକେ ଆଖିଦୃଶିଆ ନିଲାମୀ ଗ୍ରହଣ କରାଯାଇଥିଲା:
ମୂଳ ଦର 5,000 ଟଙ୍କା ଥିବା ଏକ ଶିବ ମୂର୍ତ୍ତିକୁ 10 ଲକ୍ଷ ଟଙ୍କାରେ ନିଲାମୀ ହୋଇଥିଲା ଯାହାକି ମୁଳ ଦରଠାରୁ 200 ଗୁଣ ଅଧିକ ।
4,000 ଟଙ୍କା ମୂଳ ଦର ଥିବା ଅଶୋକ ସ୍ତମ୍ଭର ଏକ କାଠ ନିର୍ମିତ ପ୍ରତିକୃତିକୁ 13 ଲକ୍ଷ ଟଙ୍କାରେ ନିଲାମ କରାଯାଇଥିଲା ।
2,000 ଟଙ୍କା ମୂଳ ଦର ଥିବା ଆସାମର ମାଜୁଲିରୁ ମିଳିଥିବା ଏକ ପାରମ୍ପରିକ ‘ହୋରାଇ’ (ଆସାମ ରାଜ୍ୟର ଏକ ପାରମ୍ପରିକ ପ୍ରତୀକ-ଏକ ଷ୍ଟାଣ୍ଡ ସହିତ ପ୍ରଦାନକାରୀ ଟ୍ରେ)କୁ 12 ଲକ୍ଷ ଟଙ୍କାରେ ନିଲାମ କରାଯାଇଥିଲା ।
10,000 ଟଙ୍କା ମୂଳ ଦର ଥିବା ଅମୃତସରର ଏସଜିପିସିରୁ ମିଳିଥିବା ‘ଡିଭାଇନିଟି’ ନାମକ ଏକ ସ୍ମାରକୀକୁ 10.1 ଲକ୍ଷ ଟଙ୍କାରେ ନିଲାମ କରାଯାଇଥିଲା ।
4,000 ଟଙ୍କା ମୂଳ ଦର ଥିବା ଗୌତମ ବୁଦ୍ଧଙ୍କ ପ୍ରତିମୂର୍ତ୍ତିକୁ 7 ଲକ୍ଷ ଟଙ୍କାରେ ନିଲାମୀ କରାଯାଇଥିଲା ।
ନେପାଳର ପୂର୍ବତନ ପ୍ରଧାନମନ୍ତ୍ରୀ ଶ୍ରୀ ସୁଶୀଲ କୋଇରାଲାଙ୍କଠାରୁ ମିଳିଥିବା ଏକ ପାରମ୍ପରିକ କାଂସ୍ୟସିଂହ ପ୍ରତିମୂର୍ତ୍ତିକୁ 5.20 ଲକ୍ଷ ଟଙ୍କାରେ ନିଲାମୀ କରାଯାଇଥିଲା ।
10,000 ଟଙ୍କା ମୂଳ ଦର ଥିବା ଏକ ଆଳଙ୍କାରିକ ରୌପ୍ୟ କଳସକୁ 6 ଲକ୍ଷ ଟଙ୍କାରେ ନିଲାମ କରାଯାଇଥିଲା ।
ଆହୁରି ଅନେକ ସ୍ମାରକୀର ନିଲାମୀ ମୂଲ୍ୟ ଏହାର ମୂଳ ଦରଠାରୁ ବହୁଗୁଣ ଅଧିକ ଥିଲା ।
ପ୍ରଧାନମନ୍ତ୍ରୀ ମୋଦୀ ଏପରିକି ଗୁଜରାଟର ମୁଖ୍ୟମନ୍ତ୍ରୀ ଥିବା ସମୟରେ ମଧ୍ୟ ସେ ପାଇଥିବା ସ୍ମାରକୀଗୁଡ଼ିକର ନିଲାମୀ କରୁଥିଲେ, ଯାହାଫଳରେ କି ଏହି ରାଶି ଝିଅମାନଙ୍କର ଶିକ୍ଷାରେ ଖର୍ଚ୍ଚ ହୋଇପାରିବ । ସେହି ଅଭ୍ୟାସ ଜାରି ରଖି ସେ ଏବେ ଅନୁଦାନ ରାଶି ସଂଗ୍ରହ କରିପାରିଛନ୍ତି ଯାହାକି ପବିତ୍ର ଗଙ୍ଗା ନଦୀର ସଫେଇ କାର୍ଯ୍ୟରେ ସହାୟକ ହେବ ।
