ସେୟାର
 
Comments
PM Modi thanks Australian PM Scott Morrison for returning 29 ancient artefacts to India
PM Modi, Australian PM review progress made under the Comprehensive Strategic Partnership

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ମାନନୀୟ ସ୍କଟ୍‌ ମୋରିସନଙ୍କ ଉପସ୍ଥିତିରେ ଆଜି ଭାରତ-ଅଷ୍ଟ୍ରେଲିଆ ଦ୍ଵିତୀୟ ଭର୍ଚୁଆଲ ଶିଖର ସମ୍ମିଳନୀ ଆୟୋଜିତ ହୋଇଯାଇଛି । ଏହି ଶିଖର ସମ୍ମିଳନୀ ସମୟରେ ସେମାନେ ଦୁଇ ଦେଶ ମଧ୍ୟରେ ରହିଥିବା ବହୁପକ୍ଷୀୟ ସମ୍ପର୍କର ସମୀକ୍ଷା କରିଥିଲେ ଏବଂ କ୍ଷେତ୍ରୀୟ ତଥା ବିଶ୍ୱସ୍ତରୀୟ ଘଟଣାବଳୀ ସମ୍ପର୍କରେ ବିଚାର ଆଦାନପ୍ରଦାନ କରିଥିଲେ ।

ଶିଖର ସମ୍ମିଳନୀ ପ୍ରାରମ୍ଭରେ, ପ୍ରଧାନମନ୍ତ୍ରୀ ଶ୍ରୀ ମୋଦୀ ନ୍ୟୁ ସାଉଥ ୱେଲ୍ସ ଏବଂ କୁଇନ୍ସଲ୍ୟାଣ୍ଡରେ ଭୀଷଣ ବନ୍ୟା କାରଣରୁ ହୋଇଥିବା କ୍ଷୟକ୍ଷତି ଏବଂ ଏହାର ପରିଣାମସ୍ୱରୂପ ହୋଇଥିବା ଧନଜୀବନ ହାନିକୁ ନେଇ ଗଭୀର ଦୁଃଖ ପ୍ରକଟ କରିଥିଲେ ।

ଦୁଇ ନେତା ଜୁନ ୨୦୨୦ରେ ପ୍ରଥମ ଭର୍ଚୁଆଲ ଶିଖର ସମ୍ମିଳନୀ କାଳରେ ପ୍ରତିଷ୍ଠା କରାଯାଇଥିବା ବ୍ୟାପକ ରଣନୈତିକ ଭାଗୀଦାରୀ ଅଧୀନରେ ହୋଇଥିବା ପ୍ରଗତି ଉପରେ ସନ୍ତୋଷ ବ୍ୟକ୍ତ କରିଥିଲେ । ପ୍ରଧାନମନ୍ତ୍ରୀ ଶ୍ରୀ ମୋଦୀ ପାରସ୍ପରିକ ସମ୍ପର୍କର ପରିଧିକୁ ବୃଦ୍ଧି ପାଇବାକୁ ନେଇ ସନ୍ତୋଷ ବ୍ୟକ୍ତ କରିଥିଲେ । ଦୁଇ ଦେଶର ବର୍ଦ୍ଧିତ ସମ୍ପର୍କ ପରିଧି ମଧ୍ୟରେ ଏବେ ବ୍ୟବସାୟ ଏବଂ ନିବେଶ, ପ୍ରତିରକ୍ଷା ଏବଂ ସୁରକ୍ଷା, ଶିକ୍ଷା ଏବଂ ନବସୃଜନ, ବିଜ୍ଞାନ ଓ ପ୍ରଯୁକ୍ତି, ଗୁରୁତ୍ୱପୂର୍ଣ୍ଣ ଖଣିଜ, ଜଳ ପରିଚାଳନା, ନୂତନ ଏବଂ ଅକ୍ଷୟ ଶକ୍ତି ପ୍ରଯୁକ୍ତି, କୋଭିଡ-୧୯ ମୁକାବିଲା ସହ ଜଡ଼ିତ ଗବେଷଣା ଆଦି ବିବିଧ କ୍ଷେତରକୁ ସାମିଲ କରାଯାଇଛି ।

ପ୍ରଧାନମନ୍ତ୍ରୀ ମୋଦୀ ମାନନୀୟ ସ୍କଟ୍‌ ମୋରିସନଙ୍କୁ ୨୯ଟି ପ୍ରାଚୀନ କଳାକୃତିକୁ ଭାରତ ଫେରାଇବା ଲାଗି କରାଯାଇଥିବା ବିଶେଷ ପ୍ରୟାସ ପାଇଁ ଧନ୍ୟବାଦ ଜଣାଇଥିଲେ । ଏହି କଳାକୃତିଗୁଡ଼ିକ ମଧ୍ୟରେ ଶହ ଶହ ବର୍ଷ ପୁରୁଣା ମୂର୍ତ୍ତି, ଚିତ୍ରକଳା ଏବଂ ଫଟୋଚିତ୍ର ସାମିଲ ରହିଛି, ଯେଉଁଥିରେ ନବମ ଏବଂ ଦଶମ ଶତାବ୍ଦୀର କେତେକ କଳାକୃତି ରହିଛି ଏବଂ ଭାରତର ବିଭିନ୍ନ ଅଞ୍ଚଳ ସହ ଏଗୁଡ଼ିକର ସମ୍ପର୍କ ରହିଛି । ଏସବୁ କଳାକୃତି ମଧ୍ୟରେ ଦ୍ଵାଦଶ ଶତାବ୍ଦୀର ଚୋଳ କାଂସ୍ୟ, ରାଜସ୍ଥାନର ଏକାଦଶ ଏବଂ ଦ୍ଵାଦଶ ଶତାବ୍ଦୀର ଜୈନ ମୂର୍ତ୍ତି, ଗୁଜରାଟର ଦ୍ଵାଦଶ-ତ୍ରୟୋଦଶ ଶତାବ୍ଦୀର ବଲୁଆ ପଥର ନିର୍ମିତ ଦେବୀ ମହିଷାସୁରମର୍ଦ୍ଦିନୀ, ଅଷ୍ଟାଦଶ-ଉନବିଂଶ ଶତାବ୍ଦୀର ଚିତ୍ରକଳା ଏବଂ ପୂର୍ବ କାଳର ଜିଲେଟିନ୍‌ ରୌପ୍ୟ ଫଟୋଚିତ୍ର ସାମିଲ ରହିଛି ।

ପ୍ରଧାନମନ୍ତ୍ରୀ ଶ୍ରୀ ମୋଦୀ କୋଭିଡ-୧୯ ମହାମାରୀ ସମୟରେ ଅଷ୍ଟ୍ରେଲିଆରେ ଥିବା ଭାରତୀୟ ସମୁଦାୟ, ବିଶେଷ କରି ପାଠ ପଢ଼ୁଥିବା ଭାରତୀୟ ଛାତ୍ରଛାତ୍ରୀଙ୍କ ପ୍ରତି ଧ୍ୟାନ ଦେଇଥିବାରୁ ପ୍ରଧାନମନ୍ତ୍ରୀ ମୋରିସନଙ୍କୁ ଧନ୍ୟବାଦ ଜଣାଇଥିଲେ । 

ଦୁଇ ନେତାମାନେ ସହଭାଗୀ ମୂଲ୍ୟବୋଧ ଏବଂ ସମାନ ହିତ ଆଧାରିତ ସହଯୋଗୀ ଗଣତନ୍ତ୍ର ଭାବେ ଦୁଇ ଦେଶ ମଧ୍ୟରେ ବୃଦ୍ଧି ପାଉଥିବା ରଣନୈତିକ ସମ୍ପର୍କକୁ ପ୍ରଶଂସା କରିଥିଲେ, ଯେଉଁଥିରେ ଏକ ସ୍ୱାଧୀନ, ମୁକ୍ତ, ସମାବେଶୀ ଏବଂ ସମୃଦ୍ଧ ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ର ସାମିଲ ରହିଛି ।

ଏହି ଅବସରରେ ଗଭୀର ବ୍ୟାପକ ରଣନୈତିକ ଭାଗୀଦାରୀର ବିଭିନ୍ନ ଦିଗକୁ ସାମିଲ କରି ଏକ ମିଳିତ ବକ୍ତବ୍ୟ ଜାରି କରାଯାଇଥିଲା। ଦୁଇ ପକ୍ଷ ବ୍ୟାପକ ରଣନୈତିକ ଭାଗୀଦାରୀ ଅଧୀନରେ ଉଭୟ ପ୍ରଧାନମନ୍ତ୍ରୀଙ୍କ ମଧ୍ୟରେ ବାର୍ଷିକ ଶିଖର ବୈଠକ ଆୟୋଜନ କରିବା ଲାଗି ମଧ୍ୟ ସହମତ ହୋଇଥିଲେ ଏବଂ ଏହାସହିତ ଦ୍ଵିପାକ୍ଷିକ ସମ୍ପର୍କରେ ଏକ ସ୍ୱତନ୍ତ୍ର ଅଧ୍ୟାୟ ଯୋଡ଼ି ହୋଇଥିଲା ।

 

 

 

Share beneficiary interaction videos of India's evolving story..
Explore More
ପ୍ରଧାନମନ୍ତ୍ରୀଙ୍କ ‘ପରୀକ୍ଷା ପେ ଚର୍ଚ୍ଚା’ ପିଏମ୍ ମୋଦୀଙ୍କ ସହ

ଲୋକପ୍ରିୟ ଅଭିଭାଷଣ

ପ୍ରଧାନମନ୍ତ୍ରୀଙ୍କ ‘ପରୀକ୍ଷା ପେ ଚର୍ଚ୍ଚା’ ପିଏମ୍ ମୋଦୀଙ୍କ ସହ
Smriti Irani writes: On women’s rights, West takes a backward step, and India shows the way

Media Coverage

Smriti Irani writes: On women’s rights, West takes a backward step, and India shows the way
...

Nm on the go

Always be the first to hear from the PM. Get the App Now!
...
ଜି -୭ ଶିଖର ସମ୍ମିଳନୀ ଅବସରରେ ଆର୍ଜେଣ୍ଟିନାର ରାଷ୍ଟ୍ରପତିଙ୍କ ସହ ପ୍ରଧାନମନ୍ତ୍ରୀଙ୍କ ବୈଠକ
June 27, 2022
ସେୟାର
 
Comments

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୨୬ ଜୁନ୍‍ ୨୦୨୨ରେ ମୁନିଚ ଠାରେ ଜି-୭ ଶିଖର ସମ୍ମିଳନୀ ଅବସରରେ ଆର୍ଜେଣ୍ଟିନାର ରାଷ୍ଟ୍ରପତି ମାନ୍ୟବର ଶ୍ରୀ ଆଲବର୍ଟୋ ଫର୍ଣ୍ଣାଡେଜ୍‍ଙ୍କୁ ଭେଟିଛନ୍ତି ।

ଦୁଇ ନେତାଙ୍କ ମଧ୍ୟରେ ଏହା ପ୍ରଥମ ଦ୍ୱିପାକ୍ଷିକ ବୈଠକ ଥିଲା । ସେମାନେ ୨୦୧୯ ରେ ପ୍ରତିଷ୍ଠିତ ଦ୍ୱିପାକ୍ଷିକ ରଣନୀତିକ ଭାଗିଦାରୀର କାର୍ଯ୍ୟ ଅଗ୍ରଗତିର ସମୀକ୍ଷା କରିଥିଲେ । ବାଣିଜ୍ୟ ଏବଂ ପୁଞ୍ଜି ବିନିଯୋଗ ସହିତ ବିଭିନ୍ନ ପ୍ରସଙ୍ଗ ବିଶେଷ କରି ଔଷଧ, ଦକ୍ଷିଣ-ଦକ୍ଷିଣ ସହଯୋଗ, ଜଳବାୟୁ କାର୍ଯ୍ୟଯୋଜନା, ଅକ୍ଷୟ ଶକ୍ତି, ଆଣବିକ ଔଷଧ, ବୈଦ୍ୟୁତିକ ଗତିଶୀଳତା, ପ୍ରତିରକ୍ଷା ସହଯୋଗ, କୃଷି ଏବଂ ଖାଦ୍ୟ ସୁରକ୍ଷା, ପାରମ୍ପାରିକ ଔଷଧ, ସାଂସ୍କୃତିକ ସହଯୋଗ ତଥା ଆନ୍ତର୍ଜାତୀୟ ସଂସ୍ଥାଗୁଡ଼ିକରେ ସମନ୍ୱୟ ଉପରେ ଆଲୋଚନା ହୋଇଥିଲା । ଏହି କ୍ଷେତ୍ରଗୁଡିକରେ ସେମାନଙ୍କର ଦ୍ୱିପାକ୍ଷିକ ଯୋଗଦାନକୁ ବୃଦ୍ଧି କରିବାକୁ ଉଭୟ ପକ୍ଷ ସହମତ ହୋଇଥିଲେ ।