ಭಾರತ ಮತ್ತು ನ್ಯೂಜಿಲೆಂಡ್ ಪ್ರಧಾನಮಂತ್ರಿಗಳು 2026ರ ಜುಲೈ 11 ರಂದು ನ್ಯೂಜಿಲೆಂಡ್ನ ಆಕ್ಲೆಂಡ್ನಲ್ಲಿ ಪರಸ್ಪರ ಭೇಟಿ ಮಾಡಿ ಮಾತುಕತೆ ನಡೆಸಿದರು ಮತ್ತು ಭಾರತ-ನ್ಯೂಜಿಲೆಂಡ್ ಕಾರ್ಯತಾಂತ್ರಿಕ ಪಾಲುದಾರಿಕೆಯನ್ನು ರೂಪಿಸುವುದಾಗಿ ಘೋಷಿಸಿದರು. ಮುಂದಿನ ನಾಲ್ಕು ವರ್ಷಗಳಲ್ಲಿ ಜಂಟಿ ಕ್ರಮಕ್ಕೆ ಮಾರ್ಗದರ್ಶನ ನೀಡಲು ಮತ್ತು ಭಾರತ-ನ್ಯೂಜಿಲೆಂಡ್ ಕಾರ್ಯತಂತ್ರ ಪಾಲುದಾರಿಕೆಯನ್ನು ಮತ್ತಷ್ಟು ಬಲಪಡಿಸಲು ಹಂಚಿಕೆಯ ಚೌಕಟ್ಟಾಗಿ 2030 ರ ಈ ನೀಲನಕ್ಷೆಯನ್ನು ಇಬ್ಬರೂ ಪ್ರಧಾನ ಮಂತ್ರಿಗಳು ಅನುಮೋದಿಸಿದರು. ಕಾರ್ಯತಂತ್ರದ ಪಾಲುದಾರಿಕೆಯು ಈ ಮಾರ್ಗಸೂಚಿಯ ಕೆಳಗಿನ ಸ್ತಂಭ(ಆಧಾರ)ಗಳಲ್ಲಿ ನಿಗದಿಪಡಿಸಲಾದ ಕ್ಷೇತ್ರಗಳು ಮತ್ತು ಉಪಕ್ರಮಗಳನ್ನು ಒಳಗೊಂಡವೆ, ಆದರೆ ಅವುಗಳಿಗೆ ಮಾತ್ರ ಸೀಮಿತವಾಗಿಲ್ಲ.
ಸ್ತಂಭ I: ರಾಜಕೀಯ ಮತ್ತು ರಾಜತಾಂತ್ರಿಕ ಒಳಗೊಳ್ಳುವಿಕೆ
ಪ್ರಾದೇಶಿಕ ಮತ್ತು ಬಹುಪಕ್ಷೀಯ ಕಾರ್ಯಕ್ರಮಗಳ ನೇಪಥ್ಯದಲ್ಲಿ ಇಬ್ಬರೂ ಪ್ರಧಾನ ಮಂತ್ರಿಗಳು ಮತ್ತು ಸಂಪುಟದ ಸಚಿವರ ನಡುವೆ ನಿಗದಿಯತವಾಗಿ ಸಭೆಗಳು ಮತ್ತು ಪರಸ್ಪರ ಭೇಟಿಗಳನ್ನು ನಿಗದಿಪಡಿಸಲು ಪ್ರಯತ್ನಿಸುವುದು.
ನಿಗದಿತ ವಿದೇಶಾಂಗ ಮಂತ್ರಿಗಳ ಸಂವಾದದ ಮೂಲಕ ಪರಿಣಾಮಕಾರಿ ಉನ್ನತ ಮಟ್ಟದ ಸಹಕಾರವನ್ನು ಖಚಿತಪಡಿಸಿಕೊಳ್ಳುವುದು.
ಸಾಮಾನ್ಯ ಆಸಕ್ತಿಯ ಎಲ್ಲಾ ಕ್ಷೇತ್ರಗಳಲ್ಲಿ ಸಹಕಾರವನ್ನು ವೃದ್ಧಿಸಲು ಸಂಬಂಧಿತ ಸಚಿವಾಲಯಗಳು ಮತ್ತು ಸರ್ಕಾರಿ ಇಲಾಖೆಗಳ ನಡುವೆ ಸಭೆಗಳು ಮತ್ತು ಸಂವಹನಗಳನ್ನು ತೀವ್ರಗೊಳಿಸುವುದು.
ಭಾರತ ಮತ್ತು ನ್ಯೂಜಿಲೆಂಡ್ ನಡುವೆ ನಿಗದಿತ ಸಂಸದೀಯ ವಿನಿಮಯ ಮತ್ತು ಅಧಿಕೃತ ಭೇಟಿಗಳನ್ನು ಉತ್ತೇಜಿಸುವುದು.
2030ರ ಕಾರ್ಯತಂತ್ರದ ಪಾಲುದಾರಿಕೆ ಮತ್ತು ನೀಲನಕ್ಷೆಯ ಅನುಷ್ಠಾನವನ್ನು ಮುನ್ನಡೆಸಲು ಮತ್ತು ಸಂಘಟಿಸಲು ಒಂದು ಕಾರ್ಯವಿಧಾನವನ್ನು ಒದಗಿಸಲು, ಭಾರತದ ವಿದೇಶಾಂಗ ಸಚಿವಾಲಯದ ಕಾರ್ಯದರ್ಶಿ ಮಟ್ಟದಲ್ಲಿ ಮತ್ತು ನ್ಯೂಜಿಲೆಂಡ್ನ ವಿದೇಶಾಂಗ ವ್ಯವಹಾರ ಮತ್ತು ವಾಣಿಜ್ಯ ಸಚಿವಾಲಯದ ಉಪ ಕಾರ್ಯದರ್ಶಿ (ಅಮೆರಿಕ ಮತ್ತು ಏಷ್ಯಾ) ಮಟ್ಟದಲ್ಲಿ ವಾರ್ಷಿಕ ಸಭೆಗಳ ಅಭ್ಯಾಸವನ್ನು ಕ್ರೋಢೀಕರಿಸುವುದು.
ಸ್ತಂಭ II: ರಕ್ಷಣಾ ಮತ್ತು ಭದ್ರತಾ ಸಹಕಾರ
ನಿರಂತರ ಅಭ್ಯಾಸ ಕಾರ್ಯಕ್ರಮಗಳು, ಘಟಕಗಳ ಭೇಟಿಗಳು (ಸಾಗರ, ವಾಯು, ಭೂಮಿ), ಅಲ್ಪಾವಧಿಯ ಸಿಬ್ಬಂದಿ ವಿನಿಮಯಗಳು, ಕ್ರೀಡಾ ಭೇಟಿಗಳು, ರಕ್ಷಣಾ ಸಿಬ್ಬಂದಿ ಕಾಲೇಜು ವಿನಿಮಯಗಳು ಮತ್ತು ಉನ್ನತ ಮಟ್ಟದ ರಕ್ಷಣಾ ಸಂವಾದಗಳ ಮೂಲಕ ಮಿಲಿಟರಿ ಸಂವಹನವನ್ನು ಮುಂದುವರಿಸುವುದು.
ಸಚಿವರ ಮಟ್ಟದಲ್ಲಿ ಸೇರಿದಂತೆ ರಕ್ಷಣಾ ಸಂಬಂಧಿತ ವಿಷಯಗಳ ಕುರಿತು ಸಂವಾದವನ್ನು ಹೆಚ್ಚಿಸುವುದನ್ನು ಮುಂದುವರಿಸುವುದು.
ರಕ್ಷಣಾ ಸಹಕಾರದ ಕುರಿತು 2025 ರ ಭಾರತ-ನ್ಯೂಜಿಲೆಂಡ್ ತಿಳಿವಳಿಕೆ ಒಪ್ಪಂದವನ್ನು ಕಾರ್ಯಗತಗೊಳಿಸುವುದನ್ನು ಮುಂದುವರಿಸಿ ಮತ್ತು ರಕ್ಷಣಾ ಸಚಿವಾಲಯ ಮತ್ತು ಸೇವಾ ಮಟ್ಟದಲ್ಲಿ ನಿಯಮಿತ, ರಚನಾತ್ಮಕ ರಕ್ಷಣಾ ಒಳಗೊಳ್ಳುವಿಕೆಯನ್ನು ನಿರ್ವಹಿಸುವುದು.
ಇತ್ತೀಚೆಗೆ ಒಪ್ಪಿಕೊಂಡ ಸಾಗರ ಸಹಕಾರ ಒಪ್ಪಂದ, ಹೈಡ್ರೋಗ್ರಫಿ ಮತ್ತು ನಾಟಿಕಲ್ ಕಾರ್ಟೋಗ್ರಫಿ ವಿಷಯಗಳಲ್ಲಿ ಸಹಕಾರದ ಕುರಿತು ವ್ಯವಸ್ಥೆಯನ್ನು ಜಾರಿಗೊಳಿಸುವುದು ಮತ್ತು ಸಾಗರ ಕ್ಷೇತ್ರದ ಮೇಲೆ ಕೇಂದ್ರೀಕರಿಸಿದ ಪರಸ್ಪರ ಲಾಜಿಸ್ಟಿಕ್ಸ್ ಬೆಂಬಲ ವ್ಯವಸ್ಥೆಯನ್ನು ಜಾರಿಗೊಳಿಸುವುದು. 10. ಸಾಗರ ಸಹಕಾರ ಒಪ್ಪಂದದ ಭಾಗವಾಗಿ ದ್ವಿಪಕ್ಷೀಯ ನೌಕಾ ಅಭ್ಯಾಸಗಳು ಸೇರಿದಂತೆ ನೌಕಾ ಚಟುವಟಿಕೆಗಳನ್ನು ನಡೆಸುವುದು.
ಇಂಡೋ-ಪೆಸಿಫಿಕ್ ಸಾಗರಗಳ ಉಪಕ್ರಮದ ಸಾಗರ ಭದ್ರತಾ ಸ್ತಂಭದ ಅಡಿಯಲ್ಲಿ ಸಾಗರ ವಿಷಯಗಳ ಕುರಿತು ಸಹಕಾರವನ್ನು ಮುಂದುವರಿಸುವುದು.
ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಮತ್ತು ನ್ಯೂಜಿಲೆಂಡ್ನ ವಿದೇಶಾಂಗ ವ್ಯವಹಾರ ಮತ್ತು ವಾಣಿಜ್ಯ ಸಚಿವಾಲಯದ ನೇತೃತ್ವದಲ್ಲಿ ವಾರ್ಷಿಕ ಸಾಗರ ಭದ್ರತಾ ಸಂವಾದವನ್ನು ಆರಂಭಿಸುವುದು.
ಭಾರತದ ವಿದೇಶಾಂಗ ಸಚಿವಾಲಯ ಮತ್ತು ನ್ಯೂಜಿಲೆಂಡ್ನ ವಿದೇಶಾಂಗ ವ್ಯವಹಾರ ಮತ್ತು ವಾಣಿಜ್ಯ ಸಚಿವಾಲಯದ ನೇತೃತ್ವದಲ್ಲಿ ಭಯೋತ್ಪಾದನಾ ನಿಗ್ರಹದ ಕುರಿತು ಜಂಟಿ ಕಾರ್ಯನಿರತ ಗುಂಪು (JWG) ಸ್ಥಾಪಿಸುವ ಒಪ್ಪಂದದ ಜ್ಞಾಪನಾ ಪತ್ರವನ್ನು ಜಾರಿಗೊಳಿಸುವುದು ಮತ್ತು ಪರಸ್ಪರ ಒಪ್ಪಿಗೆಯಾದ ಸಮಯದಲ್ಲಿ ಸಿಟಿ ಕುರಿತು JWG ಯ ಮೊದಲ ಸಭೆಯನ್ನು ಕರೆಯುವುದು.
ಭಾರತ-ನ್ಯೂಜಿಲೆಂಡ್ ಸೈಬರ್ ಸಂವಾದದ ಮೂಲಕ ಹಂಚಿಕೆಯ ಸೈಬರ್ ಭದ್ರತಾ ಆದ್ಯತೆಗಳ ಕುರಿತು ತೊಡಗಿಸಿಕೊಳ್ಳುವುದು.
ಮಾದಕ ದ್ರವ್ಯಗಳು, ಸೈಕೋಟ್ರೋಪಿಕ್ ವಸ್ತುಗಳು, ಪೂರ್ವಗಾಮಿ ರಾಸಾಯನಿಕಗಳು ಮತ್ತು ಸಂಬಂಧಿತ ವಿಷಯಗಳ ಕಳ್ಳಸಾಗಣೆಯನ್ನು ಎದುರಿಸುವಲ್ಲಿ ಸಹಕಾರದ ಕುರಿತು ಭಾರತ-ನ್ಯೂಜಿಲೆಂಡ್ ಒಪ್ಪಂದದ ಸಾಂಸ್ಥೀಕರಣ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುವುದು.
ಕಾನೂನು ಜಾರಿ ಸಹಕಾರದ ಕುರಿತು ಭಾರತದ ರಾಷ್ಟ್ರೀಯ ತನಿಖಾ ಸಂಸ್ಥೆ ಮತ್ತು ನ್ಯೂಜಿಲೆಂಡ್ ಪೊಲೀಸರ ನಡುವೆ ಒಪ್ಪಂದದ ಜ್ಞಾಪಕ ಪತ್ರದ ಸಾಂಸ್ಥೀಕರಣ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುವುದು.
ಮೂಲಸೌಕರ್ಯ ವ್ಯವಸ್ಥೆಗಳ ಸ್ಥಿತಿಸ್ಥಾಪಕತ್ವವನ್ನು ಸುಧಾರಿಸಲು ವಿಪತ್ತು ಸ್ಥಿತಿಸ್ಥಾಪಕ ಮೂಲಸೌಕರ್ಯಕ್ಕಾಗಿ ಒಕ್ಕೂಟದ ಮೂಲಕ ಸಹಯೋಗವನ್ನು ಬಲಪಡಿಸುವುದು.
ಸ್ತಂಭ III: ವ್ಯಾಪಾರ ಮತ್ತು ಆರ್ಥಿಕ ಸಹಕಾರ
ದ್ವಿಪಕ್ಷೀಯ ವ್ಯಾಪಾರ
2030 ರ ವೇಳೆಗೆ ಸರಕು ಮತ್ತು ಸೇವೆಗಳಲ್ಲಿ ದ್ವಿಪಕ್ಷೀಯ ದ್ವಿಮುಖ ವ್ಯಾಪಾರವನ್ನು NZ$7 ಶತಕೋಟಿ (₹35,000 ಕೋಟಿ) ಗೆ ದ್ವಿಪಕ್ಷೀಯ ಗುರಿ ಸಾಧನೆಯತ್ತ ಕಾರ್ಯನಿರ್ವಹಿಸುವುದು,
ಭಾರತ-ನ್ಯೂಜಿಲೆಂಡ್ ಮುಕ್ತ ವ್ಯಾಪಾರ ಒಪ್ಪಂದವು ಜಾರಿಗೆ ಬರುವ ಆರಂಭಿಕ ಹಂತ ಮತ್ತು ಪರಿಣಾಮಕಾರಿ ಅನುಷ್ಠಾನವನ್ನು ಖಾತ್ರಿಪಡಿಸಿಕೊಳ್ಳಲು ಮುಂದಿನ ಹಂತಗಳ ಕುರಿತು ಒಟ್ಟಾಗಿ ಕೆಲಸ ಮಾಡುವುದು.
ಕಸ್ಟಮ್ಸ್ ಪ್ರಕ್ರಿಯೆಗಳನ್ನು ಸರಳೀಕರಿಸಲು ಮತ್ತು ವಿಶ್ವಾಸಾರ್ಹ ವ್ಯಾಪಾರವನ್ನು ಸುಗಮಗೊಳಿಸಲು 2024 ರ ಕಸ್ಟಮ್ಸ್ ಸಹಕಾರ ಒಪ್ಪಂದದ (ಸಿಸಿಎ) ಆಶ್ರಯದಲ್ಲಿ 2025ರ ಅಧಿಕೃತ ಆರ್ಥಿಕ ನಿರ್ವಾಹಕರ ಪರಸ್ಪರ ಗುರುತಿಸುವಿಕೆ ಒಪ್ಪಂದ (AEO-MRA) ಅನ್ನು ಕಾರ್ಯಗತಗೊಳಿಸುವುದು.
ಪ್ರಾಥಮಿಕ ಕೈಗಾರಿಕೆಗಳು
ಜಂಟಿ ಸಂಶೋಧನೆ, ಜ್ಞಾನ ವಿನಿಮಯ, ಸುಗ್ಗಿಯ ನಂತರದ ನಾವೀನ್ಯತೆ ಮತ್ತು ಮಾರುಕಟ್ಟೆ ಅಭಿವೃದ್ಧಿ ಉಪಕ್ರಮಗಳನ್ನು ಮುನ್ನಡೆಸಲು ತೋಟಗಾರಿಕೆಯ ಮೇಲಿನ ಸಹಕಾರ 2025 ರ ಜ್ಞಾಪಕ ಪತ್ರವನ್ನು ಕಾರ್ಯಗತಗೊಳಿಸುವುದು.
ನಿರಂತರ ನೀತಿ ಸಂವಾದ, ತಾಂತ್ರಿಕ ವಿನಿಮಯ ಮತ್ತು ಉತ್ತಮ ಅಭ್ಯಾಸ ಹಂಚಿಕೆಯ ಮೂಲಕ ಅರಣ್ಯ ಸಹಕಾರದ ಮೇಲಿನ 2025 ರ ಉದ್ದೇಶ ಪತ್ರವನ್ನು ಕಾರ್ಯಗತಗೊಳಿಸಿ. 23. ತಾಂತ್ರಿಕ ಮತ್ತು ನೀತಿ ಸಹಯೋಗವನ್ನು ಮುನ್ನಡೆಸಲು ಪಶುಸಂಗೋಪನೆ ಮತ್ತು ಹೈನುಗಾರಿಕೆಯ ಮೇಲಿನ ಸಹಕಾರ ಜ್ಞಾಪಕ ಪತ್ರವನ್ನು ಜಾರಿಗೊಳಿಸುವುದು.
ಪ್ರವಾಸೋದ್ಯಮ
ಪ್ರವಾಸೋದ್ಯಮ ವಲಯದಲ್ಲಿ ದ್ವಿಮುಖ ಸಂದರ್ಶಕರ ಹರಿವು ಮತ್ತು ಕೈಗಾರಿಕಾ ಸಹಕಾರವನ್ನು ಉತ್ತೇಜಿಸಲು ಪ್ರವಾಸೋದ್ಯಮದ ಒಪ್ಪಂದದ ಜ್ಞಾಪಕ ಪತ್ರವನ್ನು ಜಾರಿಗೊಳಿಸುವುದು.
ನವೀಕರಿಸಿದ ವಾಯು ಸೇವೆಗಳ ಒಪ್ಪಂದದ ಅಡಿಯಲ್ಲಿ ನೇರ (ನಿಲುಗಡೆಯಿಲ್ಲದ) ವಿಮಾನಗಳನ್ನು ಆರಂಭಿಸಲು ವಿಮಾನಯಾನ ಸಂಸ್ಥೆಗಳನ್ನು ಪ್ರೋತ್ಸಾಹಿಸುವ ಮೂಲಕ ಪ್ರವಾಸೋದ್ಯಮ ಬೆಳವಣಿಗೆಯನ್ನು ಉತ್ತೇಜಿಸುವುದು.
ಸ್ತಂಭ IV: ಜನರು, ಸಂಸ್ಕೃತಿ ಮತ್ತು ಕ್ರೀಡೆ
ದ್ವಿಪಕ್ಷೀಯ ಜನರ-ಜನರ ಸಂಪರ್ಕಗಳನ್ನು ಬಲಪಡಿಸುವಲ್ಲಿ ಪಾಲುದಾರರಾಗಿ ಅನಿವಾಸಿ ಭಾರತೀಯ ಸಮುದಾಯಗಳನ್ನು ತೊಡಗಿಸಿಕೊಳ್ಳುವುದು.
ಕ್ರೀಡೆಯ ಕುರಿತು 2025 ರ ಸಹಕಾರದ ಜ್ಞಾಪಕ ಪತ್ರವನ್ನು ಜಾರಿಗೊಳಿಸುವುದನ್ನು ಮುಂದುವರಿಸುವುದು,
ಭಾರತದ ಯುವ ವ್ಯವಹಾರಗಳು ಮತ್ತು ಕ್ರೀಡಾ ಸಚಿವಾಲಯ ಮತ್ತು ನ್ಯೂಜಿಲೆಂಡ್ ಕ್ರೀಡಾ ಸಚಿವಾಲಯದ ನಡುವೆ ಕ್ರೀಡೆಯ ಕುರಿತು ಭಾರತ-ನ್ಯೂಜಿಲೆಂಡ್ ಜಂಟಿ ಕ್ರಿಯಾ ಯೋಜನೆಯನ್ನು ಕಾರ್ಯಗತಗೊಳಿಸುವುದು.
ಸಾಂಪ್ರದಾಯಿಕ ಔಷಧದ ಕುರಿತು ತಜ್ಞರ ಮಟ್ಟದ ವಿನಿಮಯವನ್ನು ಬೆಂಬಲಿಸುವುದು.
ನಮ್ಮ ಸಂಬಂಧಿತ ಸಾಗರ ಕೈಗಾರಿಕೆಗಳನ್ನು ಬೆಂಬಲಿಸಲು ಸಮುದ್ರಯಾನ ಸಾಮರ್ಥ್ಯ ಪ್ರಮಾಣಪತ್ರಗಳ ಮಾನ್ಯತೆಯನ್ನು ಬಲಪಡಿಸುವ ಅವಕಾಶಗಳ ಕುರಿತು ಹಡಗು ನಿರ್ದೇಶನಾಲಯ, ಭಾರತದ ಬಂದರುಗಳು, ಹಡಗು ಮತ್ತು ಜಲಮಾರ್ಗಗಳ ಸಚಿವಾಲಯ ಮತ್ತು ನ್ಯೂಜಿಲೆಂಡ್ ಸಮುದ್ರ ಮಾರ್ಗಗಳ ನಡುವೆ ಸಾಗರ ಸಂವಾದವನ್ನು ಮುಂದುವರಿಸುವುದು.
ಭಾರತದ ಲೋಥಾಲ್ನಲ್ಲಿರುವ ರಾಷ್ಟ್ರೀಯ ಕಡಲ ಪರಂಪರೆ ಸಂಕೀರ್ಣ ಮತ್ತು ನ್ಯೂಜಿಲೆಂಡ್ ಕಡಲ ವಸ್ತುಸಂಗ್ರಹಾಲಯದ ನಡುವಿನ ಒಪ್ಪಂದದ ಜ್ಞಾಪಕ ಪತ್ರದ ಅಡಿಯಲ್ಲಿ ಸಹಕಾರವನ್ನು ಪ್ರೋತ್ಸಾಹಿಸುವುದು.
ನಮ್ಮ ಆಯಾ ಸಂಸ್ಕೃತಿಗಳ ಉತ್ತಮ ತಿಳಿವಳಿಕೆಯನ್ನು ಬೆಳೆಸಲು ಸಾಂಸ್ಕೃತಿಕ ಸಹಕಾರ ಒಪ್ಪಂದವನ್ನು ಜಾರಿಗೆ ತರುವುದು.
ಸ್ಥಳೀಯ ಸರ್ಕಾರಗಳ ನಡುವೆ ಸಹಕಾರವನ್ನು ಪ್ರೋತ್ಸಾಹಿಸುವುದು.
ಸ್ತಂಭ V: ಶಿಕ್ಷಣ, ಸಂಶೋಧನೆ, ವಿಜ್ಞಾನ ಮತ್ತು ತಂತ್ರಜ್ಞಾನ ಮತ್ತು ವಿಪತ್ತು ನಿರ್ವಹಣೆ
ಭಾರತ ಮತ್ತು ನ್ಯೂಜಿಲೆಂಡ್ನ ಆಯಾ ಶಿಕ್ಷಣ ವ್ಯವಸ್ಥೆಗಳ ಕುರಿತು ಮಾಹಿತಿಯ ನಿರಂತರ ವಿನಿಮಯವನ್ನು ಸುಗಮಗೊಳಿಸಲು ಎರಡು ಶಿಕ್ಷಣ ಸಚಿವಾಲಯಗಳ ನಡುವೆ 2025 ರ ಶಿಕ್ಷಣ ಸಹಕಾರ ಒಪ್ಪಂದವನ್ನು ಜಾರಿಗೆ ತರುವುದು.
ಶಿಕ್ಷಣ ಸಹಕಾರ ಒಪ್ಪಂದದ ಉದ್ದೇಶಗಳಿಗೆ ಹೊಂದಿಕೆಯಾಗುವ ಸರ್ಕಾರಿ ಮತ್ತು ಸಾಂಸ್ಥಿಕ ಪಾಲುದಾರಿಕೆಗಳು ಮತ್ತು ಒಳಗೊಳ್ಳುವಿಕೆಗಳ ಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸಲು ಪ್ರಯತ್ನಿಸುವುದು.
ಸೌರ ನಿಯೋಜನೆ, ಹಣಕಾಸು ಮತ್ತು ಸಾಮರ್ಥ್ಯ ವೃದ್ಧಿಯ ಮೇಲೆ ಕೇಂದ್ರೀಕರಿಸಿದ ಅಂತಾರಾಷ್ಟ್ರೀಯ ಸೌರ ಒಕ್ಕೂಟದೊಂದಿಗೆ ಸಕ್ರಿಯವಾಗಿ ತೊಡಗಿಸಿಕೊಳ್ಳುವ ಮೂಲಕ ಹವಾಮಾನ ಕ್ರಿಯೆ ಮತ್ತು ಇಂಗಾಲ ಹೊರಸೂಸುವಿಕೆ ತಗ್ಗಿದುವ ಪರಿವರ್ತನೆಗಳ ಕುರಿತು ಸಹಕಾರವನ್ನು ಹೆಚ್ಚಿಸುವುದು.
ಸುಸ್ಥಿರ ಇಂಧನ ಪರಿವರ್ತನೆಗಳನ್ನು ಬೆಂಬಲಿಸಲು ಜಾಗತಿಕ ಜೈವಿಕ ಇಂಧನ ಒಕ್ಕೂಟದೊಂದಿಗೆ ತೊಡಗಿಸಿಕೊಳ್ಳುವುದು.
ಕೃಷಿ, ಹವಾಮಾನ, ಡಿಜಿಟಲ್ ಪರಿವರ್ತನೆ ಮತ್ತು ಹೊಸ ಮತ್ತು ಉದಯೋನ್ಮುಖ ತಂತ್ರಜ್ಞಾನಗಳ ಮೇಲೆ ಕೇಂದ್ರೀಕರಿಸಿ ಸಂಶೋಧನೆ, ವಿಜ್ಞಾನ, ತಂತ್ರಜ್ಞಾನ ಮತ್ತು ನಾವೀನ್ಯತೆಗಳಲ್ಲಿ ದ್ವಿಪಕ್ಷೀಯ ಪಾಲುದಾರಿಕೆಗಳನ್ನು ವಿಸ್ತರಿಸಲು ಮತ್ತು ನಿರ್ಮಿಸಲು ಸರ್ಕಾರಿ ಅಧಿಕಾರಿಗಳು, ಸಂಸ್ಥೆಗಳು ಮತ್ತು ಉದ್ಯಮವನ್ನು ಪ್ರೋತ್ಸಾಹಿಸುವುದು.
ಭಾರತದ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ ಮತ್ತು ನ್ಯೂಜಿಲೆಂಡ್ನ ರಾಷ್ಟ್ರೀಯ ತುರ್ತುಸ್ಥಿತಿ ನಿರ್ವಹಣಾ ಸಂಸ್ಥೆ ನಡುವೆ ಸಿದ್ಧತೆ, ತುರ್ತು ಪ್ರತಿಕ್ರಿಯೆ ಮತ್ತು ಸಾಮರ್ಥ್ಯ ವೃದ್ಧಿಯನ್ನು ಒಳಗೊಂಡ ಸಹಕಾರ ಜ್ಞಾಪಕ ಪತ್ರವನ್ನು ಜಾರಿಗೊಳಿಸುವುದು.
ಸ್ತಂಭ VI: ಪ್ರಾದೇಶಿಕ ಮತ್ತು ಬಹುಪಕ್ಷೀಯ ಸಹಕಾರ
ನಿಯಮಗಳ ಆಧಾರಿತ ಇಂಡೋ ಪೆಸಿಫಿಕ್ ಅನ್ನು ಎತ್ತಿಹಿಡಿಯಲು ಆಸಿಯಾನ್ ನೇತೃತ್ವದ ಮತ್ತು ಇತರ ಪ್ರಾದೇಶಿಕ ವೇದಿಕೆಗಳ ಕುರಿತು ಅಭಿಪ್ರಾಯಗಳನ್ನು ವಿನಿಮಯ ಮಾಡಿಕೊಳ್ಳುವುದು.
ಇಂಡೋ-ಪೆಸಿಫಿಕ್ ಸಾಗರಗಳ ಉಪಕ್ರಮದ ಕಡಲ ಭದ್ರತಾ ಸ್ತಂಭದ ಅಡಿಯಲ್ಲಿ ಕಾಂಕ್ರೀಟ್ ಸಹಕಾರವನ್ನು ಅನ್ವೇಷಿಸಿ ಮತ್ತು ಅಂತಾರಾಷ್ಟ್ರೀಯ ಕಾನೂನಿನ ಪ್ರಕಾರ, ವಿಶೇಷವಾಗಿ UNCLOS ಗೆ ಅನುಗುಣವಾಗಿ ವಿವಾದಗಳ ಶಾಂತಿಯುತ ಪರಿಹಾರವನ್ನು ಬೆಂಬಲಿಸುವುದು.
ವಿಶ್ವಸಂಸ್ಥೆಯಲ್ಲಿ ಸಹಕಾರವನ್ನು ಬಲಪಡಿಸಿ ಮತ್ತು ಸುಧಾರಿತ ಭದ್ರತಾ ಮಂಡಳಿಯ ಶಾಶ್ವತ ಸದಸ್ಯತ್ವಕ್ಕಾಗಿ ಭಾರತದ ಉಮೇದುವಾರಿಕೆ ಸೇರಿದಂತೆ ಯುಎನ್ ಸುಧಾರಣೆಯನ್ನು ಬೆಂಬಲಿಸುವುದು.
ಬಹುಪಕ್ಷೀಯ ಮತ್ತು ಅಂತಾರಾಷ್ಟ್ರೀಯ ಸಂಸ್ಥೆಗಳಲ್ಲಿ ಅಭ್ಯರ್ಥಿಗಳಿಗೆ ಸಾಧ್ಯವಾದಲ್ಲೆಲ್ಲಾ ಪರಸ್ಪರ ಬೆಂಬಲವನ್ನು ವಿನಿಮಯ ಮಾಡಿಕೊಳ್ಳುವುದು.
ಭಾರತ-ನ್ಯೂಜಿಲೆಂಡ್ ಕಾರ್ಯತಂತ್ರದ ಪಾಲುದಾರಿಕೆ: 2030 ರ ನೀಲನಕ್ಷೆಯು ಯಾವುದೇ ಹಣಕಾಸಿನ ಬದ್ಧತೆಗಳಿಗೆ ಕಾರಣವಾಗುವುದಿಲ್ಲ ಮತ್ತು ದೇಶೀಯ ಅಥವಾ ಅಂತಾರಾಷ್ಟ್ರೀಯ ಕಾನೂನಿನ ಅಡಿಯಲ್ಲಿ ಯಾವುದೇ ಕಾನೂನುಬದ್ಧವಾಗಿ ಬಂಧಿಸುವ ಹಕ್ಕುಗಳು ಅಥವಾ ಬಾಧ್ಯತೆಗಳನ್ನು ಸೃಷ್ಟಿಸುವುದಿಲ್ಲ ಎಂಬುದನ್ನು ಗಮನಿಸಬೇಕಾಗುತ್ತದೆ.
