প্ৰধানমন্ত্ৰী শ্ৰী নৰেন্দ্ৰ মোদীয়ে কাইলৈ নতুন দিল্লীৰ কাৰিআপ্পা পেৰেড গ্ৰাউণ্ডত ৰাষ্ট্ৰীয় কেডেট কৰ্পছ(এনচিচি)ৰ ৰেলীত অংশগ্ৰহণ কৰিব৷
অনুষ্ঠানত প্ৰধানমন্ত্ৰীয়ে এনচিচিৰ প্ৰতিনিধি দলবোৰৰ অভিবাদন গ্ৰহণ কৰাৰ লগতে মাৰ্চ পাষ্টৰো নিৰীক্ষণ কৰিব৷ সাংস্কৃতিক কাৰ্যসূচীৰ উপৰি এনচিচি কেডেটসকলে প্ৰধানমন্ত্ৰীৰ সন্মুখত দুঃসাহসিক ক্ৰীড়া, সংগীত আৰু অন্যান্য কলা প্ৰদৰ্শনেৰে তেওঁলোকৰ সক্ষমতা দেখুৱাব৷
প্ৰধানমন্ত্ৰীয়ে পাৰদৰ্শী এনচিচি কেডেটসকলক পুৰষ্কাৰ বিতৰণ কৰাৰ পাছত তেওঁলোকক উদ্দেশ্যি ভাষণ আগবঢ়াব৷
প্ৰতিবছৰে গণৰাজ্য দিৱসৰ শিবিৰৰ বাবে শ শ এনচিচি কেডেট নতুন দিল্লীলৈ আহে৷ বিগত বৰ্ষত প্ৰধানমন্ত্ৰীয়ে এনচিচি ৰেলীত আগবঢ়োৱা ভাষণত প্ৰাকৃতিক দুৰ্যোগৰ সময়ৰ সাহায্য আৰু উদ্ধাৰ অভিযানৰ লগতে স্বচ্ছ ভাৰত অভিযানৰ দৰে আঁচনিৰ প্ৰসাৰৰ ক্ষেত্ৰত তেওঁলোকে গ্ৰহণ কৰা প্ৰচেষ্টাৱলীৰ প্ৰশংসা কৰিছিল৷
