মহামহিম ৰাষ্ট্ৰপতি অনুৰা কুমাৰ দিছানায়ক, দুয়োখন দেশৰ প্ৰতিনিধি, সংবাদ মাধ্যমৰ বন্ধুসকল, আটাইতকে শুভেচ্ছা জনাইছো!
ৰাষ্ট্ৰপতি দিছানায়কক ভাৰতলৈ উষ্ম আদৰণি জনাইছো। মই আনন্দিত যে ৰাষ্ট্ৰপতি হিচাপে আপুনি আপোনাৰ প্ৰথম বিদেশ ভ্ৰমণৰ বাবে ভাৰতক বাছি লৈছিল। ৰাষ্ট্ৰপতি দিছানায়কৰ এই ভ্ৰমণে আমাৰ সম্পৰ্কত নতুন গতিশীলতা আৰু শক্তিৰ সৃষ্টি কৰিছে। আমি আমাৰ অংশীদাৰিত্বৰ বাবে ভৱিষ্যতৰ দৃষ্টিভংগী গ্ৰহণ কৰিছো। আমি আমাৰ অৰ্থনৈতিক অংশীদাৰিত্বত বিনিয়োগৰ নেতৃত্বত বৃদ্ধি আৰু সংযোগৰ ওপৰত গুৰুত্ব আৰোপ কৰিছো। আৰু সিদ্ধান্ত লৈছো যে ভৌতিক, ডিজিটেল আৰু শক্তি সংযোগ আমাৰ অংশীদাৰিত্বৰ মূল স্তম্ভ হ’ব। আমি দুয়োখন ৰাষ্ট্ৰৰ মাজত বিদ্যুৎ-গ্ৰিড সংযোগ আৰু বহু-উৎপাদন পেট্ৰলিয়াম পাইপলাইন স্থাপনৰ দিশত কাম কৰিম। সম্পুৰ সৌৰশক্তি প্ৰকল্প ত্বৰান্বিত কৰা হ’ব। ইয়াৰ উপৰিও শ্ৰীলংকাৰ বিদ্যুৎ কেন্দ্ৰসমূহৰ বাবে এল এন জি যোগান ধৰা হ’ব। দুয়োপক্ষই দ্বিপাক্ষিক বাণিজ্যক প্ৰসাৰিত কৰিবলৈ অতি সোনকালে ইটিচিএ সম্পন্ন কৰাৰ চেষ্টা কৰিব।
বন্ধুসকল, আজিলৈকে ভাৰতে শ্ৰীলংকালৈ ৫ বিলিয়ন মাৰ্কিন ডলাৰৰ অনুদান আৰু লাইন অৱ ক্ৰেডিট বৃদ্ধি কৰিছে। আমি শ্ৰীলংকাৰ ২৫খন জিলাৰ আটাইকেইখনকে সহায় আগবঢ়াই আহিছো। আমাৰ প্ৰকল্পসমূহ সদায় আমাৰ অংশীদাৰ দেশসমূহৰ উন্নয়নমূলক অগ্ৰাধিকাৰৰ ভিত্তিত নিৰ্বাচিত কৰা হৈছে। এই উন্নয়নমূলক সহায় আগবঢ়াই আমি অনুৰাধাপুৰা ৰেল খণ্ড আৰু কাংকেসন্থুৰাই বন্দৰলৈ মাহোৰ সংকেত ব্যৱস্থাৰ সজীৱতাৰ দিশত অনুদান সহায় আগবঢ়োৱাৰ সিদ্ধান্ত লৈছো। আমাৰ শৈক্ষিক সহযোগিতাৰ অংশ হিচাপে আমি শ্ৰীলংকাৰ পূব অঞ্চলৰ জাফনা আৰু বিশ্ববিদ্যালয়সমূহৰ ২০০ গৰাকী ছাত্ৰ-ছাত্ৰীক মাহেকীয়া বৃত্তি প্ৰদান কৰিম। অহা পাঁচ বছৰত ভাৰতত ১৫০০ শ্ৰীলংকাৰ চৰকাৰী কৰ্মচাৰীক প্ৰশিক্ষণ দিয়া হ’ব। গৃহ নিৰ্মাণ, নবীকৰণযোগ্য শক্তি আৰু আন্তঃগাঁথনিৰ সমান্তৰালকৈ ভাৰতে শ্ৰীলংকাক কৃষি, দুগ্ধ আৰু মীন পালনৰ ক্ষেত্ৰতো সহায় আগবঢ়াব। শ্ৰীলংকাত ইউনিক ডিজিটেল আইডেন্টিটি প্ৰকল্পৰ বাবে ভাৰতে অংশীদাৰ হ’ব।
বন্ধুসকল, ৰাষ্ট্ৰপতি দিছানায়ক আৰু মই সম্পূৰ্ণ একমত যে আমাৰ নিৰাপত্তা স্বাৰ্থ আন্তঃসংযোগী। আমি নিৰাপত্তা সহযোগিতা চুক্তিখন ক্ষিপ্ৰতাৰে চূড়ান্ত কৰাৰ সিদ্ধান্ত লৈছো। আমি হাইড্ৰ’গ্ৰাফীতো সহযোগিতা আগবঢ়াবলৈ সন্মত হৈছো। আমি বিশ্বাস কৰোঁ যে কলম্বো নিৰাপত্তা সন্মিলন আঞ্চলিক শান্তি, নিৰাপত্তা আৰু উন্নয়নৰ বাবে এক গুৰুত্বপূৰ্ণ মঞ্চ।ইয়াৰ অধীনত সামুদ্ৰিক সুৰক্ষা, সন্ত্ৰাসবাদ বিৰোধী, চাইবাৰ নিৰাপত্তা, চোৰাংচোৱাগিৰি আৰু সংগঠিত অপৰাধৰ বিৰুদ্ধে যুঁজ দিয়া, মানৱীয় সাহায্য আৰু দুৰ্যোগ সাহায্যৰ বিষয়সমূহত সমৰ্থন বৃদ্ধি কৰা হ’ব।
বন্ধুসকল, ভাৰত আৰু শ্ৰীলংকাৰ মাজত জনসাধাৰণৰ সম্পৰ্ক আমাৰ সভ্যতাৰ শিপাই আছে। যেতিয়া ভাৰতে পালি ভাষাক ধ্ৰুপদী ভাষা হিচাপে ঘোষণা কৰিছিল, তেতিয়া শ্ৰীলংকাই আমাৰ এই উদযাপনত যোগ দিছিল। ফেৰী সেৱা আৰু চেন্নাই-জাফনা বিমান সংযোগে পৰ্যটনক বৃদ্ধি কৰাই নহয়, সাংস্কৃতিক সম্পৰ্কও শক্তিশালী কৰিছে। আমি যৌথভাৱে সিদ্ধান্ত লৈছো যে, নগাপট্টিনাম - কংকেসন্থুৰাই ফেৰী সেৱাৰ সফল আৰম্ভণিৰ পিছত আমি ৰামেশ্বৰম আৰু তালাইমন্নাৰৰ মাজত ফেৰী সেৱাও আৰম্ভ কৰিম। বৌদ্ধ ধৰ্ম চাৰ্কিট আৰু শ্ৰীলংকাৰ ৰামায়ণ ট্ৰেইলৰ জৰিয়তেও পৰ্যটনৰ অপৰিসীম সম্ভাৱনাক বাস্তৱায়িত কৰাৰ কাম আৰম্ভ কৰা হ’ব।
বন্ধুসকল, আমাৰ মাছমৰীয়াসকলৰ জীৱিকাৰ লগত জড়িত বিষয়সমূহৰ বিষয়েও আমি দীঘলীয়াকৈ কথা পাতিলোঁ৷ আমি দুয়ো এই বিষয়ত মানৱীয় দৃষ্টিভংগী গ্ৰহণ কৰিব লাগিব বুলি একমত হৈছিলো। আমি শ্ৰীলংকাত পুনৰ্গঠন আৰু মিলনৰ বিষয়েও কথা পাতিলোঁ। ৰাষ্ট্ৰপতি দিছানায়কে তেওঁৰ সৰ্বাংগীন দৃষ্টিভংগীৰ বিষয়ে মোক অৱগত কৰিলে। আমি আশা কৰোঁ যে শ্ৰীলংকা চৰকাৰে তামিল জনসাধাৰণৰ আকাংক্ষা পূৰণ কৰিব। তেওঁলোকে শ্ৰীলংকাৰ সংবিধান সম্পূৰ্ণৰূপে কাৰ্যকৰী কৰাৰ লগতে প্ৰাদেশিক পৰিষদৰ নিৰ্বাচন অনুষ্ঠিত কৰাৰ দিশত নিজৰ প্ৰতিশ্ৰুতি পূৰণ কৰিব।
বন্ধুসকল, ৰাষ্ট্ৰপতি দিছানায়কক মই আশ্বাস দিছো যে ভাৰতে ৰাষ্ট্ৰ নিৰ্মাণৰ দিশত তেওঁৰ প্ৰচেষ্টাত বিশ্বাসযোগ্য আৰু নিৰ্ভৰযোগ্য অংশীদাৰ হিচাপে থিয় দিব। আকৌ এবাৰ ৰাষ্ট্ৰপতি দিছানায়ক আৰু তেওঁৰ ভাৰতলৈ অহা প্ৰতিনিধি দললৈ উষ্ম আদৰণি জনাইছো। তেওঁৰ বোধগয়া ভ্ৰমণৰ বাবে শুভকামনা জনাইছো, আৰু আশা কৰিছো ই আধ্যাত্মিক শক্তি আৰু প্ৰেৰণাৰে ভৰপূৰ হ’ব।
বহুত বহুত ধন্যবাদ।
मैं राष्ट्रपति दिसानायक का भारत में हार्दिक स्वागत करता हूँ।
— PMO India (@PMOIndia) December 16, 2024
हमें ख़ुशी है कि राष्ट्रपति के रूप में अपनी पहली विदेश यात्रा के लिए आपने भारत को चुना है।
आज की इस यात्रा से हमारे संबंधों में नई गति और ऊर्जा का सृजन हो रहा है: PM @narendramodi
भारत ने अब तक श्रीलंका को 5 बिलियन डॉलर की Lines of Credit और grant सहायता प्रदान की है।
— PMO India (@PMOIndia) December 16, 2024
श्रीलंका के सभी 25 जिलों में हमारा सहयोग है।
और हमारे प्रोजेक्ट्स का चयन सदैव पार्टनर देशों की विकास प्राथमिकताओं पर आधारित होता है: PM @narendramodi
भारत और श्रीलंका के people to people संबंध हमारी सभ्यताओं से जुड़े हैं।
— PMO India (@PMOIndia) December 16, 2024
जब भारत में पाली भाषा को “Classical भाषा” का दर्जा दिया गया, तो श्रीलंका में भी उसकी खुशी मनाई गई: PM @narendramodi
हमने मछुआरों की आजीविका से जुड़े मुद्दों पर भी चर्चा की।
— PMO India (@PMOIndia) December 16, 2024
हम सहमत हैं, कि हमें इस मामले में एक मानवीय approach के साथ आगे बढ़ना चाहिए: PM @narendramodi
