Mera Saansad
Search Search
Assamese language

প্ৰধানমন্ত্ৰী নৰেন্দ্ৰ মোদীৰ দেশৰ জনতাক বৈচিত্ৰতাৰ মাজত ঐক্যতা উদযাপনৰ আহ্বান

Published By : Admin | October 31, 2019 | 10:38 IST
Unity in diversity is our pride, our identity: Prime Minister Modi
Today on the birth anniversary of Sardar Patel, I dedicate the decision to abrogate Article 370 from Jammu and Kashmir, to him: PM Modi
Now there will be a political stability in Jammu and Kashmir: PM Modi

প্ৰধানমন্ত্ৰী নৰেন্দ্ৰ মোদীয়ে আজি ভাৰতৰ সমৃদ্ধ বৈচিত্ৰতা তথা সহস্ৰ বছৰ ধৰি বৰ্তি থকা ৰাষ্ট্ৰীয় ঐক্যতাক প্ৰশংসা কৰে৷
আজি চৰ্দাৰ বল্লভভাই পেটেলৰ জন্মজয়ন্তীত ৰাষ্ট্ৰীয় একতা দিৱস উপলক্ষে তেওঁ ভাষণ প্ৰদান কৰে৷

‘‘বৈচিত্ৰতাৰ মাজত ঐক্যতাক লৈ আমি গৌৰৱ অনুভৱ কৰো৷ আমি আমাৰ সন্মান তথা পৰিচয় স্থাপিত কৰিছো’’, তেওঁ কয়৷

‘‘আমি বৈচিত্ৰতাৰ মাজত ঐক্যতাক উদযাপন কৰো৷ আমি আমাৰ বৈচিত্ৰতাৰ মাজত কোনো বাধা বিচাৰি নাপাও, বৰঞ্চ ইয়ে আমাৰ ঐক্যতা দৃঢ়হে কৰে’’

‘‘বৈচিত্ৰতাৰ উদযাপন, বৈচিত্ৰতাৰ উৎসৱে দৰাচলতে আমাৰ হৃদয়ৰ ঐক্যতাৰ সূতাডালহে স্পৰ্শ কৰে’’, তেওঁ এইদৰে কয়৷

‘‘যেতিয়া আমি ভিন্ন জীৱন আৰু পৰম্পৰাক সন্মান কৰো আৰু ভাতৃত্ববোধ অনুভৱ কৰো তেতিয়াই প্ৰতি মুহূৰ্ততে আমি আমাৰ বৈচিত্ৰতা উদযাপন কৰিব লাগে আৰু এনেদৰেই ৰাষ্ট্ৰ নিৰ্মাণ হয়’’

তেওঁ কয়, ‘‘ভাৰতৰ বৈচিত্ৰতা বিশ্বৰ আন কোনো দেশতে দেখিবলৈ পোৱা নাযায়৷ দক্ষিণৰ পৰা অহা শংকৰে উত্তৰত মন্দিৰ স্থাপন কৰিছিল আৰু বেংগলৰ স্বামী বিবেকানন্দই দক্ষিণৰ কন্যাকুমাৰীত জ্ঞানৰ পোহৰ বিলাইছিল৷’’

‘‘পাটনাত জন্ম হোৱা গুৰু গোৱিন্দ সিঙে পাঞ্জাৱত খালচা পন্থ স্থাপন কৰিছিল আৰু ৰামেশ্বৰমত জন্ম হোৱা এ পি জে আব্দুল কালামে দিল্লীত উচ্চতম পদত আৰোহণ কৰিছিল৷’’

ভাৰতীয় সংবিধানৰ আদিতে থকা ‘‘আমি ভাৰতৰ জনগণ’’ বাক্যশাৰী উল্লেখ কৰি তেওঁ কয়, ‘‘এয়া কেৱল এক সাধাৰণ বাক্য নহয়, ই ভাৰতৰ সহস্ৰ বৰ্ষৰ জীৱনধাৰাক প্ৰতিনিধিত্ব কৰিছে৷’’
‘‘যেতিয়া চৰ্দাৰ পেটেলে ৫০০ত কৈও অধিক ৰাজশাসনক ভাৰতৰ সৈতে সংবদ্ধ কৰিবলৈ প্ৰয়াস কৰিছিল তেতিয়া চুম্বকীয় শক্তিৰ দৰেই সেই ৰাজশাসনসমূহ ভাৰতৰ সৈতে চামিল হৈছিল৷’’

তেওঁ কয় যে ভাৰতৰ সদিচ্ছা আৰু প্ৰভাৱেই হ’ল দেশৰ উত্থানৰ কাৰণ আৰু এয়া দেশৰ ঐক্যতাৰ ফলতহে সম্ভৱ হৈছে৷
‘‘আজি সমগ্ৰ বিশ্বই ভাৰতৰ ঐক্যতাৰ বাবে গুৰুত্ব সহকাৰে লৈছে৷ যদি ভাৰত বিশ্বৰ অন্যতম বৃহৎ অৰ্থনীতিৰ দেশ হৈ পৰে তেন্তে এয়া আমাৰ ৰাষ্ট্ৰীয় ঐক্যতাৰ ফলতহে সম্ভৱ হ’ব’’, তেওঁ এইদৰে কয়৷

প্ৰধানমন্ত্ৰীয়ে কয়, ‘‘যিসকলে আমাৰ সৈতে যুদ্ধত জয় লাভ কৰিব নোৱাৰে তেওঁলোকে আমাৰ ঐক্যতাক প্ৰত্যাহ্বান জনাইছে৷ কিন্তু তেওঁলোকে পাহৰি গৈছে যে বৰ্ষ অতিক্ৰম কৰিও কোনেও আমাৰ ঐক্যতা ভংগ কৰিবলৈ সক্ষম হোৱা নাই৷’’

তেওঁ কয়, ‘‘চৰ্দাৰ পেটেলৰ আশীৰ্বাদৰ সৈতে দেশখনে কেইসপ্তাহমান পূৰ্বে বিচ্ছিন্নতাবাদী শক্তিক উফৰাবলৈ এক বৃহৎ সিদ্ধান্ত গ্ৰহণ কৰিছিল আৰু সেয়া হ’ল অনুচ্ছেদ ৩৭০ৰ বিলোপন৷’’

প্ৰধানমন্ত্ৰী নৰেন্দ্ৰ মোদীয়ে কয় যে ভাৰতীয় সংবিধানৰ অনুচ্ছেদ ৩৭০য়ে জম্মু-কাশ্মীৰত কেৱল বিচ্ছিন্নতাবাদী আৰু সন্ত্ৰাসবাদৰ জন্ম দিছিল৷

তেওঁ কয় যে দশকজুৰি প্ৰৱৰ্তিত হৈ অহা এই অনুচ্ছেদটোৱে দেশৰ জনতাৰ মাজত এক কৃত্ৰিম দেৱালৰ সৃষ্টি কৰিছিল৷
প্ৰধানমন্ত্ৰীয়ে আজি কেৱাড়িয়াত চৰ্দাৰ পেটেলৰ জন্মবাৰ্ষিকী উদযাপনৰ বাবে ৰাষ্ট্ৰীয় একতা দিৱসত ভাষণ প্ৰদান কৰে৷
তেওঁ কয় যে অনুচ্ছেদ ৩৭০য়ে বিচ্ছিন্নতাবাদী মনোভাৱ আৰু সন্ত্ৰাসবাদৰ বাদে একো দিয়া নাছিল আৰু তাৰে ভাই-ভনীসকলৰ সৈতে আমাৰ মাজত এখন কৃত্ৰিম দেৱালৰ সৃষ্টি হৈছিল৷

প্ৰধানমন্ত্ৰীয়ে কয় যে এই দেৱালখন এতিয়া ধ্বংস কৰি পেলোৱা হৈছে৷

‘‘সমগ্ৰ দেশৰ ভিতৰত কেৱল জম্মু আৰু কাশ্মীৰতেই অনুচ্ছেদ ৩৭০ বাহাল আছিল’’, তেওঁ এইদৰে কয়৷

তেওঁ কয়, ‘‘যোৱা তিনিটা দশকত ৪০,০০০ত কৈও অধিক লোকে সন্ত্ৰাসবাদীৰ আক্ৰমণত প্ৰাণ হেৰুৱাইছে, বহু মাতৃয়ে তেওঁলোকৰ সন্তান হেৰুৱাইছে, বহু ভগ্নীয়ে তেওঁলোকৰ ভাতৃ হেৰুৱাইছে আৰু বহু শিশুৱে তেওঁলোকৰ পিতৃ হেৰুৱাইছে৷’’
প্ৰধানমন্ত্ৰীয়ে কয়, ‘‘চৰ্দাৰ পেটেলে এবাৰ কৈছিল যে যদি জম্মু-কাশ্মীৰৰ সমস্যা তেওঁক সমাধান কৰিবলৈ দিলেহেঁতেনে তেন্তে ইয়াক সমাধান কৰাৰ বাবে ইমান সময়ৰ প্ৰয়োজন নহ’লহেঁতেন৷’’

তেওঁ কয়, ‘‘মই চৰ্দাৰ বল্লভভাই পেটেলৰ জন্মজয়ন্তী উপলক্ষে অনুচ্ছেদ ৩৭০ৰ বিলোপনৰ সিদ্ধান্ত তেওঁলৈ উচৰ্গা কৰিছো৷’’

‘‘মই সুখী যে আমাৰ এই সিদ্ধান্তৰ ফলত জম্মু-কাশ্মীৰ আৰু লাডাখে এতিয়া উজ্বল আৰু উন্নত ভৱিষ্যতৰ দিশলৈ ধাৱমান হ’ব পাৰিব৷’’

জম্মু-কাশ্মীৰত শেহতীয়াকৈ অনুষ্ঠিত হোৱা ব্লক উন্নয়ন পৰিষদৰ নিৰ্বাচনৰ কথা উল্লেখ কৰি প্ৰধানমন্ত্ৰীয়ে কয়, ‘‘৯৮%ত কৈও অধিক ভোটাৰে এই নিৰ্বাচনত অংশগ্ৰহণ কৰিছে৷ বৃহৎ সংখ্যাত পঞ্চায়ত পৰ্যায়ৰ সদস্যসকলে ভোটাদান কৰি এই বৃহৎ বাৰ্তা প্ৰেৰণ কৰিছে৷’’

প্ৰধানমন্ত্ৰীয়ে কয়, ‘‘এতিয়া জম্মু-কাশ্মীৰত সুস্থিৰ ৰাজনৈতিক পৰিবেশৰ সময় সূচনা হৈছে৷ ব্যক্তিগত স্বাৰ্থৰ বাবে চৰকাৰ গঠনৰ প্ৰক্ৰিয়া এতিয়া সমাপ্ত হৈছে আৰু আঞ্চলিক বৈষম্যতাৰো দিন উকলিছে৷’’

‘‘অঞ্চলটোত প্ৰকৃত গণতান্ত্ৰিক সহযোগিতাৰ যুগ আৰম্ভ হৈছে৷ নতুন ৰাষ্ট্ৰীয় ঘাইপথ, নতুন ৰে’লৱে লাইন, নতুন বিদ্যালয়, নতুন মহাবিদ্যালয়, নতুন চিকিৎসালয়ে জম্মু-কাশ্মীৰক উন্নতিৰ নতুন দিশলৈ আগুৱাই লৈ যাব৷’’

উত্তৰ-পূৰ্বাঞ্চলত হোৱা উন্নতিৰ কথা আলোকপাত কৰি প্ৰধানমন্ত্ৰীয়ে কয়, ‘‘আজি উত্তৰ পূৰ্বাঞ্চলৰ পৰা বিচ্ছিন্নতাবাদ নোহোৱা হৈছে৷ দশক পুৰণি সমস্যাৰ সমাধান বাহিৰ হৈছে৷ সমগ্ৰ উত্তৰ পূৰ্বাঞ্চলে আজি দশক পুৰণি হিংসাৰ পৰা নিজকে মুক্ত কৰিছে৷’’

তেওঁ কয়, ‘‘চৰ্দাৰ পেটেলৰ কামৰ দ্বাৰা অনুপ্ৰাণিত হৈ আমি দেশৰ সম্পূৰ্ণ আবেগিক, অৰ্থনৈতিক আৰু সাংবিধানিক সংবদ্ধতাৰ অংগীকাৰ কৰিছো৷ এয়া এনে এক প্ৰয়াস যাৰ অবিহনে একবিংশ শতিকাত শক্তিশালী ভাৰতৰ স্বৰূপ কল্পনা কৰিব নোৱাৰি৷’’

চৰ্দাৰ পেটেলৰ আদৰ্শৰ কথা উল্লেখ কৰি প্ৰধানমন্ত্ৰীয়ে কয়, ‘‘উদ্দেশ্যৰ ঐক্যতা, প্ৰয়াসৰ ঐক্যতা আৰু লক্ষ্যৰ ঐক্যতা দেশৰ সুস্থিৰ পৰিবেশৰ বাবে আৱশ্যক আৰু এয়াই আছিল চৰ্দাৰ পেটেলৰ আদৰ্শ৷’’

প্ৰধানমন্ত্ৰীয়ে কয় যে আমি ৰাষ্ট্ৰীয় ঐক্যতাৰ দিশত আগবাঢ়িলেহে ‘‘এক ভাৰত শ্ৰেষ্ঠ ভাৰত’’ৰ লক্ষ্যত উপনীত হ’ব পাৰিম৷

PM: अब से कुछ देर पहले ही राष्ट्रीय एकता का संदेश दोहराने के लिए राष्ट्रीय एकता दौड़ संपन्न हुई है।देश के अलग-अलग शहरों में, गावों में, अलग-अलग क्षेत्रों में लोगों ने इसमें हिस्सा लिया है। pic.twitter.com/J1qMwsSItX

— PMO India (@PMOIndia) October 31, 2019

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Click here to read full text speech

Login or Register to add your comment
Explore More
শ্ৰী ৰাম জনমভূমি মন্দিৰৰ ধ্বজাৰোহণ উৎসৱত প্ৰধানমন্ত্ৰীৰ সম্বোধনৰ অসমীয়া অনুবাদ

Popular Speeches

শ্ৰী ৰাম জনমভূমি মন্দিৰৰ ধ্বজাৰোহণ উৎসৱত প্ৰধানমন্ত্ৰীৰ সম্বোধনৰ অসমীয়া অনুবাদ
View All
New farm-sector scheme gives thrust to 100 laggard districts

Media Coverage

New farm-sector scheme gives thrust to 100 laggard districts
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister shares Sanskrit Subhashitam highlighting the power of enthusiasm
March 05, 2026

The Prime Minister, Shri Narendra Modi has shared a Sanskrit Subhashitam highlighting the importance of enthusiasm and determination in achieving success.

The Prime Minister shared the following verse-

“उत्साहो बलवानार्य नास्त्युत्साहात् परं बलम्। सोत्साहस्यास्ति लोकेऽस्मिन् न किञ्चिदपि दुर्लभम्॥”

The Subhashitam conveys that enthusiasm is the greatest strength. For an enthusiastic person, indeed nothing is unattainable.

The Prime Minister wrote on X;

“उत्साहो बलवानार्य नास्त्युत्साहात् परं बलम्।

सोत्साहस्यास्ति लोकेऽस्मिन् न किञ्चिदपि दुर्लभम्॥”