ఉమ్మడి ప్రయోజనాలున్న అనేక అంశాలపై ప్రధానమంత్రి శ్రీ నరేంద్ర మోదీ ఈరోజు శ్రీ ఎలాన్ మస్క్తో నిర్మాణాత్మకంగా చర్చించారు. ఈ ఏడాది మొదట్లో వాషింగ్టన్ డీసీలో జరిగిన సమావేశంలో చర్చించిన అంశాలను ఈ సందర్భంగా మళ్లీ పరిశీలించారు. సాంకేతిక పురోగతి దిశగా ఉమ్మడి లక్ష్యాలపై ప్రధానంగా దృష్టి సారించారు.
సాంకేతికత, ఆవిష్కరణ రంగాల్లో భారత్, అమెరికా మధ్య సహకారానికి అపారమైన అవకాశాలున్నాయని ప్రధానమంత్రి ప్రముఖంగా ప్రస్తావించారు. ఈ రంగాలలో భాగస్వామ్యాన్ని బలోపేతం చేయడనికి భారత్ కట్టుబడి ఉందని శ్రీ మోదీ పునరుద్ఘాటించారు.
సామాజిక మాధ్యమం ‘ఎక్స్’లో ఆయన ఇలా పేర్కొన్నారు:
“@elonmusk తో మాట్లాడాను. ఈ ఏడాది ప్రారంభంలో వాషింగ్టన్ డీసీలో జరిగిన మా సమావేశంలో చర్చించిన అంశాలు సహా వివిధ అంశాలు మా మధ్య చర్చకు వచ్చాయి. సాంకేతికత, ఆవిష్కరణల రంగాలలో సహకారం కోసం ఉన్న అపారమైన అవకాశాలపై మేం చర్చించాం. ఈ రంగాలలో అమెరికాతో భాగస్వామ్యాలను బలోపేతం చేసేందుకు భారత్ కట్టుబడి ఉంది.”
Spoke to @elonmusk and talked about various issues, including the topics we covered during our meeting in Washington DC earlier this year. We discussed the immense potential for collaboration in the areas of technology and innovation. India remains committed to advancing our…
— Narendra Modi (@narendramodi) April 18, 2025
