ମହାମହିମ,
ମୋତେ ଓ ମୋ ପ୍ରତିନିଧିମଣ୍ଡଳୀଙ୍କୁ ଦିଆଯାଇଥିବା ସ୍ୱାଗତ ସମ୍ବର୍ଦ୍ଧନା ପାଇଁ ମୁଁ ଆପଣଙ୍କୁ ଆନ୍ତରିକ ଭାବରେ ଧନ୍ୟବାଦ ଜଣାଉଛି । ପ୍ରାୟ ଏକ ଦଶନ୍ଧି ପରେ ନେଦରଲାଣ୍ଡ ଗସ୍ତ କରି ମୁଁ ଆନନ୍ଦିତ । ଗତ ଦଶବର୍ଷ ମଧ୍ୟରେ, ଭାରତ-ନେଦରଲାଣ୍ଡ ସହଭାଗୀତା ଉଲ୍ଲେଖନୀୟ ପ୍ରଗତି କରିଛି ।
ମହାମହିମ,
ଆମେ ନେଦରଲାଣ୍ଡକୁ ଭାରତର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶୀଦାରଙ୍କ ମଧ୍ୟରେ ବିବେଚନା କରୁ । ନେଦରଲାଣ୍ଡ ଭାରତର ଶ୍ରେଷ୍ଠ ପାଞ୍ଚ ନିବେଶକଙ୍କ ମଧ୍ୟରୁ ଗୋଟିଏ । ଆମର ଐତିହାସିକ ସାଂସ୍ମୃତିକ ଏବଂ ଜନସାଧାରଣଙ୍କ ମଧ୍ୟରେ ପାରସ୍ପରିକ ସମ୍ପର୍କ ମଧ୍ୟ ବହୁତ ଗଭୀର । ଗଣତାନ୍ତ୍ରିକ ମୂଲ୍ୟବୋଧ, ବଜାର ଅର୍ଥନୀତି ଏବଂ ଦାୟିତ୍ୱପୂର୍ଣ୍ଣ ଆଚରଣ ଆମର ସମାନ ଦୃଷ୍ଟିକୋଣର ଅଂଶ । ଜଳ, ସ୍ୱାସ୍ଥ୍ୟ ଏବଂ ଶିକ୍ଷା ଭଳି କ୍ଷେତ୍ରରେ ଆମର ସହଯୋଗ ଆମ ଲୋକଙ୍କ ଜୀବନକୁ ଉନ୍ନତ କରୁଛି । ଏହି ବର୍ଦ୍ଧିତ ସହଯୋଗକୁ ଦୃଷ୍ଟିରେ ରଖି ୨୦୨୩ରେ ଭାରତର ଜି-୨୦ ଅଧ୍ୟକ୍ଷତା ସମୟରେ ଆମେ ନେଦରଲାଣ୍ଡକୁ ଏକ ଅତିଥି ଦେଶ ଭାବେ ଆମନ୍ତ୍ରିତ କରିଥିଲୁ । ଆମେ ଏଥିପାଇଁ ମଧ୍ୟ ବହୁତ ଖୁସି ଯେ, ଫେବ୍ରୁଆରୀ ମାସରେ ନେଦରଲାଣ୍ଡର ପୂର୍ବତନ ପ୍ରଧାନମନ୍ତ୍ରୀ ଭାରତରେ ଅନୁଷ୍ଠିତ ଏଆଇ ଇମ୍ପାକ୍ଟ ସମ୍ମିଳନୀରେ ଅଂଶ ଗ୍ରହଣ କରିଥିଲେ ।
ମହାମହିମ,
ଭାରତ ବିଶ୍ୱର ସବୁଠାରୁ ଯୁବଦେଶ ଏବଂ ଦ୍ରୁତତମ ଅଭିବୃଦ୍ଧିଶୀଳ ପ୍ରମୁଖ ଅର୍ଥନୀତିି । ଆପଣ ନେଦରଲାଣ୍ଡ ଏବଂ ୟୁରୋପରେ ନୂତନ ପିଢ଼ିର ନେତୃତ୍ୱର ପ୍ରତିନିଧିତ୍ୱ କରୁଛନ୍ତି । ଆମକୁ ନେଦରଲାଣ୍ଡର ବିଶେଷଜ୍ଞତାକୁ ସମସ୍ତ କ୍ଷେତ୍ରରେ ଭାରତର ଗତି ଏବଂ ପରିମାଣ ସହିତ ମିଶ୍ରଣ କରିବାକୁ ପଡ଼ିବ । ନବସୃଜନ, ନିବେଶ, ସ୍ଥିରତା ଏବଂ ପ୍ରତିରକ୍ଷା କ୍ଷେତ୍ରରେ ସହଯୋଗକୁ ନୂତନ ଉଚ୍ଚତାକୁ ନିଆଯିବା ଆବଶ୍ୟକ । ଏହି ସମାନ ଦୃଷ୍ଟିକୋଣ ସହିତ, ଆଜି ଭାରତ-ନେଦରଲାଣ୍ଡ ସମ୍ପର୍କକୁ ଏକ ରଣନୈତିକ ସହଭାଗୀତା ସ୍ତରକୁ ଉନ୍ନୀତ କରୁଛୁ । ପୁଣିଥରେ ଆପଣଙ୍କ ସଦୟ ସ୍ୱାଗତ ପାଇଁ ମୁଁ ହୃଦୟର ସହିତ ଧନ୍ୟବାଦ ଜଣାଉଛି ।
