ଯେଉଁ ଭୂମିରେ ଆମେ ସାକ୍ଷାତ କରୁ , ସେହି ପାରମ୍ପରିକ ମାଲିକମାନଙ୍କୁ ସମ୍ମାନ ଜଣାଇ ମୁଁ ଆରମ୍ଭ କରିବାକୁ ଚାହୁଁଛି ଏବଂ ମୁଁ ସେମାନଙ୍କ ପୂର୍ବ, ଅତୀତ, ବର୍ତ୍ତମାନ ଏବଂ ବରିଷ୍ଠ ବ୍ୟକ୍ତିବିଶେଷଙ୍କୁ ମଧ୍ୟ ମୁଁ ସମ୍ମାନ ଜଣାଉଛି।
ଓ୍ବଳକମ୍ ମେଲବୋର୍ଣ୍ଣ
ନମସ୍କାର ବନ୍ଧୁଗଣ!
ଆପଣମାନେ କିପରି ଅଛନ୍ତି?
କିପରି ଅଛନ୍ତି?
ଏହି ଶୋ’ଟି ହାଉସଫୁଲ୍, ଏହା ଏକ ବ୍ଲକ-ବଷ୍ଟର।
ମୁଁ ମୋର ଭାଷଣ ଆରମ୍ଭ କରିବା ପୂର୍ବରୁ, ମୁଁ ଆପଣମାନଙ୍କୁ ଅନୁରୋଧ କରୁଛି ଯେ ଆପଣମାନେ ଆପଣଙ୍କ ମୋବାଇଲ୍ ଫୋନ୍ ଫ୍ଲାସ୍ଲାଇଟ୍ ଚାଲୁ କରନ୍ତୁ ଏବଂ ଭିକ୍ଟୋରିଆର ପ୍ରିମିୟର ଏବଂ ମୋର ବନ୍ଧୁ ପ୍ରଧାନମନ୍ତ୍ରୀଙ୍କୁ ସମ୍ମାନିତ କରିବାରେ ମୋ ସହିତ ଯୋଗ ଦିଅନ୍ତୁ।
ବନ୍ଧୁଗଣ,
ଏହା ପୂର୍ବରୁ ମୁଁ ସିଡନୀରେ ଆପଣଙ୍କୁ ଦୁଇଥର ଭେଟିଛି। ମୁଁ ମେଲବୋର୍ଣ୍ଣିଆନମାନଙ୍କୁ ଭେଟିବାକୁ ମଧ୍ୟ ଅପେକ୍ଷା କରିଥିଲି, ତେଣୁ ମୁଁ ଭାବିଲି ମୁଁ ଏଥର ମେଲବୋର୍ଣ୍ଣର ଲୋକଙ୍କ ସହିତ ଗୋଟିଏ ଫ୍ଲେଟ୍ ଧଳା କଫି ପିଇବି।
ବନ୍ଧୁଗଣ,
ଯେଉଁ ଉତ୍ସାହର ସହିତ ଆପଣ ଆମର ଅଷ୍ଟ୍ରେଲୀୟ ବନ୍ଧୁମାନେ ଆମକୁ ସ୍ୱାଗତ କରିଛନ୍ତି ତାହା ମଧ୍ୟ ଆହୁରି ଆଶ୍ଚର୍ଯ୍ୟଜନକ। ମେଲବୋର୍ଣ୍ଣ ଏକ ପ୍ରକାରରେ, ତାର ସ୍ଥାନ ଅଧିକାର କରିପାରିଛି ।
ବନ୍ଧୁଗଣ,
ମୁଁ ମୋର ବନ୍ଧୁ, ଭାରତର ବନ୍ଧୁ, ପ୍ରଧାନମନ୍ତ୍ରୀ ଆଣ୍ଟୋନି ଆଲବାନେସିଙ୍କ ପ୍ରତି ମଧ୍ୟ କୃତଜ୍ଞ। ଆପଣ ସିଡନୀରେ ମଧ୍ୟ ମୋ ସହିତ ଥିଲେ, ଏବଂ ଆଜି ଆପଣ ଏଠାରେ ମେଲବୋର୍ଣ୍ଣରେ ମଧ୍ୟ ଅଛନ୍ତି , ଭାରତୀୟ ସମ୍ପ୍ରଦାୟ ମଧ୍ୟରେ ଅଛନ୍ତି। ଏହା ଏକ ପ୍ରକାରରେ ପୂର୍ଣ୍ଣାଙ୍ଗ ହୋଇପାରିଛି ।
ଅହମ୍ମଦାବାଦରେ,ଯେଉଁଠାରେ ବିଶ୍ୱର ସର୍ବବୃହତ କ୍ରିକେଟ୍ ପଡ଼ିଆ ଅଛି, ଏବଂ ମେଲବୋର୍ଣ୍ଣ, ଯେଉଁଠାରେ ଆଇକୋନିକ୍ ଷ୍ଟାଡିୟମ ରହିଛି ଆମେ ଦୁହେଁ ସେଠାରେ ଏକାଠି ରହିଥିଲେ।
ଏବଂ ସାଥିମାନେ, ଆମେ ସମସ୍ତେ ଦେଖିଛୁ ଯେ ଯେତେବେଳେ ପ୍ରଧାନମନ୍ତ୍ରୀ ଆଲବାନେସି କଥା କୁହନ୍ତି, ସେତେବେଳେ ଭାରତୀୟଙ୍କ ହୃଦୟ ଏବଂ ମନକୁ କିଣିନିଅନ୍ତି । ଆପଣ ସିଡନୀରେ ମଧ୍ୟ ଏମିତି କଲେ ଯେ,ସେଠାରେ ମଧ୍ୟ ଆପଣ ଛାଇଗଲେ।
ମୁଁ ଭିକ୍ଟୋରିଆର ପ୍ରିମିୟରଙ୍କୁ ମଧ୍ୟ ତାଙ୍କର ଶକ୍ତିଭରା ଶବ୍ଦ ପାଇଁ ,ଏବଂ ଭାରତ ପ୍ରତି ତାଙ୍କର ଏତେ ସ୍ନେହଭରା କଥା ଯାହା କହିଲେ ସେଥିପାଇଁ ତାଙ୍କୁ ମଧ୍ୟ କୃତଜ୍ଞତା ଜଣାଉଛି।
ବନ୍ଧୁଗଣ,
ଯେତେବେଳେ ମୁଁ ୨୦୧୪ରେ ଅଷ୍ଟ୍ରେଲିଆ ଆସିଥିଲି , ତେବେ ୨୮ବର୍ଷ ପରେ , କେହି ଜଣେ ଭାରତୀୟ ପ୍ରଧାନମନ୍ତ୍ରୀ ଏଠାକୁ ଆସିଥିଲେ। ଏବଂ ଆପଣ ମନେପକାନ୍ତୁ, ସେତେବେଳେ ମୁଁ କହିଥିଲି ଯେ ଏବେ ଆପଣଙ୍କୁ ଆଉ ୨୮ ବର୍ଷ ଅପେକ୍ଷା କରିବାକୁ ପଡ଼ିବ ନାହିଁ।
ଗତ ୧୨ ବର୍ଷ ମଧ୍ୟରେ ଏହା ମୋର ତୃତୀୟ ଗସ୍ତ, ଯାହା ହ୍ୟାଟ୍ରିକ୍। ଏହା ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଥିବା ସମ୍ପର୍କକୁ କେଉଁ ଶିଖରରେ ପହଞ୍ଚିଛି ତାହା ଦର୍ଶାଉଛି। ଏବଂ ଆପଣ କଣ ଜାଣିଛନ୍ତି ଏଥିରେ ସବୁଠାରୁ ବଡ଼ ଭୂମିକା କାହାର ଅଛି ? ମୋଦିର ନୁହେଁ,ଏଥିରେ ଆପଣ ସମସ୍ତ ସାଥିମାନଙ୍କର ଭୂମିକା ରହିଛି , ଭାରତୀୟ ପ୍ରବାସୀମାନଙ୍କର ରହିଛି ।
ବନ୍ଧୁଗଣ,
କୁହଯାଏ ଯେ ମେଲବୋର୍ଣ୍ଣ ସହର ଗୋଟିଏ ଦିନରେ ଚାରୋଟି ଋତୁର ଅନୁଭବ କରାଇଥାଏ । କିନ୍ତୁ ଭାରତୀୟ ସମ୍ପ୍ରଦାୟ ଏହାର ସାଂସ୍କୃତିକ ପ୍ରଭାବ ସହିତ ଏହାକୁ ଆହୁରି ଜୀବନ୍ତ କରିଛି।
ମେଲବୋର୍ଣ୍ଣ ଏବଂ ଏହାର ଆଖପାଖରେ ଏପରି ଅନେକ ସ୍ଥାନ ଏବଂ ବଜାର ଅଛି ଯାହା ଭାରତୀୟତାର ରଙ୍ଗରେ ପରିପୂର୍ଣ୍ଣ। କେଯି ତାକୁ ଲିଟିଲ୍ ଭାରତ ବୋଲି କୁହନ୍ତି, ପୁଣି କେହି ମିନି ଭାରତ ବୋଲି କୁହନ୍ତି, ନାମ ଯାହା ହେଉନା କାହିଁକି, ରଙ୍ଗଗୁଡ଼ିକ କିନ୍ତୁ ଭାରତୀୟତାରେ ପରିପୂର୍ଣ୍ଣ।
କେହି ଜଣେ ମୋତେ ଏପରି ଏକ ବଜାରର ଭିଡିଓ ଦେଖାଇଲେ। ଭିଡିଓଟିରେ କହୁଥିଲା ଯେ, ସେଠାରେ ବହୁ ପରିମାଣରେ ବିକ୍ରୟ ଚାଲିଛି। ଲୋକମାନେ ଏହି ବିକ୍ରୟ କୁ ନେଇ ଦ୍ୱନ୍ଦ୍ୱରେ ପଡ଼ିଯାଆନ୍ତି। ଯଦିଓ ସେମାନଙ୍କର କିଣାକିଣି କରିବାକୁ ଇଚ୍ଛା ନଥାଏ, ତଥାପି ମଧ୍ୟ ସେମାନଙ୍କୁ କିଣିବାକୁ ପଡ଼ିଥାଏ। ମୁଁ ଠିକ୍ କହୁଛି ନା?
ବନ୍ଧୁଗଣ,
ଆପଣମାନଙ୍କ ମଧ୍ୟରୁ କେହି ସାଥି , ପ୍ରଥମ ଥର ପାଇଁ ଅଷ୍ଟ୍ରେଲିଆ ଆସିଛନ୍ତି, ଏବଂ ଅନେକ ଏଠାରେ ଜନ୍ମ ହୋଇଛନ୍ତି। ପିଢ଼ି ପରେ ପିଢ଼ି ବଦଳି ଯାଇଛି, କିନ୍ତୁ ଭିତରର ଭାରତୀୟତା ସର୍ବଦା ବଞ୍ଚି ରହିଛି। ଏଠାରେ ନିଶ୍ଚୟ ଅନେକ ବନ୍ଧୁ ଅଛନ୍ତି ଯେଉଁମାନଙ୍କର ଘର ଅତି କମରେ ଦୁଇଟି ସମୟ ଜୋନ୍ କାର୍ଯ୍ୟ କରେ?ଏଠାରେ ପିଲାମାନେ ଅଷ୍ଟ୍ରେଲିଆ ସମୟ ଅନୁସାରେ ସ୍କୁଲରୁ ଘରକୁ ଫେରୁଛନ୍ତି, କିନ୍ତୁ ଭାରତରେ, ଜେଜେବାପା -ଜେଜେମାଆ , ଅଜା-ଆଇ ଭିଡିଓ କଲରେ ଅପେକ୍ଷା କରିଥାନ୍ତି। ଏଠାରେ ସପ୍ତାହାନ୍ତରେ, ଭାରତରେ ଏକ ବିବାହର ଲାଇଭ୍ ଷ୍ଟ୍ରିମ୍ ଚାଲିଛି। ଅର୍ଥାତ୍ ଦୂରତା ହଜାର ହଜାର କିଲୋମିଟର, କିନ୍ତୁ ଆପଣଙ୍କର ଦୈନନ୍ଦିନ କାର୍ଯ୍ୟ ଏବେ ବି ଭାରତ ସହିତ ଜଡିତ। ଆପଣମାନେ ସମସ୍ତେ ଅଷ୍ଟ୍ରେଲିଆର ବିକାଶରେ ସମ୍ପୂର୍ଣ୍ଣ ଭାବରେ ନିୟୋଜିତ। ମୁଁ ଆପଣ ସମସ୍ତଙ୍କ ପାଇଁ ଗର୍ବିତ।
ବନ୍ଧୁଗଣ,
ଆମେ ଭାରତୀୟମାନେ ଏହିପରି ଅଟୁ, ଯେପରି କ୍ଷୀରରେ ଚିନି ମିଶିଯାଇ ତାହାକୁ ଅଧିକ ମିଠା କରିଦେଇଥାଏ , ସେହିପରି ଆମେ ଭାରତୀୟମାନେ ଆମର ପ୍ରେମର ରଙ୍ଗରେ ସାରା ବିଶ୍ୱକୁ ବାନ୍ଧି ରଖିଛୁ ।
ଘରେ କ୍ଷୀର, ଅଷ୍ଟ୍ରେଲିୟାରୁ ଥାଏ କିନ୍ତୁ ଚା ଭାରତରେ ତିଆରି ହୋଇଥାଏ । ଡାଲି ଏବଂ ପନିପରିବା ଅଷ୍ଟ୍ରେଲିୟାର, କିନ୍ତୁ ସେଗୁଡ଼ିକ ଭାରତୀୟ ମସଲାରେ ପ୍ରସ୍ତୁତ ହୋଇଥାଏ ।
ବନ୍ଧୁଗଣ,
ଆପଣମାନେ ଶୁଣିଥିବେ ଯେ ଆଜିକାଲି ଭାରତରେ ଭଜନ ବ୍ଲଗିଂ କରିବାର ଏକ ନୂତନ ଧାରା ଆରମ୍ଭ ହୋଇଛି। ଏହାକୁ ଆମର ଜେନ୍-ଜୀ ପରିଚାଳନା କରୁଛନ୍ତି । ଏଠାରେ ଅଷ୍ଟ୍ରେଲିଆରେ ମୁଁ ଶୁଣିଛି ଯେ, ଏଠାରେ ଆପଣଙ୍କର ସପ୍ତାହ ଶେଷରେ ବିଶ୍ୱାସ ଏବଂ ଆଧ୍ୟାତ୍ମିକତାରେ ପରିପୂର୍ଣ୍ଣ କାର୍ଯ୍ୟକ୍ରମ ହୋଇଥାଏ।
କେଉଁଠି କାହା ଘରେ ଭଗବାନ ସତ୍ୟନାରାୟଣଙ୍କ କଥା ହୋଇଥାଏ , କେଉଁଠି ଗୁରୁଦ୍ୱାରରେ ଆରଦାସ ହେଉଛି, କେଉଁଠି ପିଲାମାନଦ୍ବାରା ଭାଙ୍ଗଡ଼ା କିମ୍ବା ଭାରତ ନାଟ୍ୟମର ପ୍ରସ୍ତୁତି, ପୁଣି କେଉଁଠି କ୍ରିକେଟ୍ ଟୁର୍ଣ୍ଣାମେଣ୍ଟ ହେଉଛି।
ଏବଂ ଏବେ, ଭାରତୀୟ ଚଳଚ୍ଚିତ୍ର ମହୋତ୍ସବ ମଧ୍ୟ ଏଠାରେ ହେବାକୁ ଆସିଯାଇଛି । କିଛିଦିନ ମଧ୍ୟରେ ମେଲବୋର୍ଣ୍ଣରେ ଭାରତୀୟ ଚଳଚ୍ଚିତ୍ର ମହୋତ୍ସବ ଆରମ୍ଭ ହେବାକୁ ଯାଉଛି। ଏହାର ସଫଳ ଆୟୋଜନ ପାଇଁ ମୁଁ ଏବେଠାରୁ ଆପଣଙ୍କୁ ଶୁଭକାମନା ଜଣାଉଛି।
ବନ୍ଧୁଗଣ,
ଆପଣମାନେ ସମସ୍ତେ , ନିଜ କଠିନ ପରିଶ୍ରମ ବଳରେ ଅଷ୍ଟ୍ରେଲିଆର ଅଭିବୃଦ୍ଧିକୁ ପୋଷଣ ଦେଉଛନ୍ତି । କିନ୍ତୁ ମୁଁ ଜାଣେ ଯେ ଆପଣଙ୍କର ଦୃଷ୍ଟି ଭାରତ ଉପରେ ନିରନ୍ତର ରହିଛି । ଭାରତ କ’ଣ କରୁଛି, ଭାରତର ପ୍ରଗତି, ଭାରତର ଗତି , ତା ଉପରେ ଆପଣ ସବୁବେଳେ ଦୃଷ୍ଟି ରଖିଛନ୍ତି ।
ବନ୍ଧୁଗଣ,
ଏକବିଂଶ ଶତାବ୍ଦୀର ଭାରତ ଆଜି ବିକାଶର ଲକ୍ଷ୍ୟ ଦିଗରେ କାର୍ଯ୍ୟ କରୁଛି। ଯେତେବେଳେ ଗୋଟିଏ ସ୍ୱପ୍ନ ପୂରଣ ହୋଇଥାଏ, ସେତେବେଳେ ଏକ ନୂତନ ସ୍ୱପ୍ନ ଜନ୍ମ ହୋଇଥାଏ।
ପୂର୍ବରୁ, କୁହାଯାଉଥିଲା, "ଗୋଟିଏ ଦୀପରୁ ଆଉ ଗୋଟିଏ ଦୀପ ଜଳିଥାଏ, ତାପରେ ହଜାର ହଜାର ଦୀପ ଜଳେ।" ଆଜି, ମୁଁ କହୁଛି, "ଗୋଟିଏ ସ୍ୱପ୍ନ ଆଉ ଗୋଟିଏ ସ୍ବପ୍ନ ଜନ୍ମ ଦିଏ, ଏବଂ ପରେ ହଜାର ହଜାର ସ୍ୱପ୍ନ ଜନ୍ମ ନିଏ।" ଯେତେବେଳେ ଗୋଟିଏ ଲକ୍ଷ୍ୟ ହାସଲ ହୁଏ, ସେତେବେଳେ ତା’ଠାରୁ ଆହୁରି ବଡ଼ ସଂକଳ୍ପ ଉଭା ହୋଇଥାଏ।
ଏହା ହେଉଛି ସେହି ଭାରତ, ଯାହା କହିଥାଏ, "ଅଧିକ ବିକାଶ କରନ୍ତୁ, ସଫଳତା ହାସଲ କରନ୍ତୁ "।
୧୪୦ କୋଟି ଲୋକଙ୍କ ଆକାଂକ୍ଷାରେ ପରିପୂର୍ଣ୍ଣ ଏହାଏକ ଦେଶ । ଆମେ ଅଧୈର୍ଯ୍ୟ ଏବଂ ଉତ୍ସାହୀ ଅଛୁ, ଆମେ ବିଶ୍ୱର ସବୁଠାରୁ ଦ୍ରୁତ ଗତିରେ ବୃଦ୍ଧି ପାଉଥିବା ଅର୍ଥନୀତି, କିନ୍ତୁ ଆମେ ଯଥାଶୀଘ୍ର ଶ୍ରେଷ୍ଠ ତିନୋଟି ଅର୍ଥନୀତି ମଧ୍ୟରୁ ଗୋଟିଏ ହେବାକୁ ଚାହୁଁଛୁ। କାରଣ ଆମର ପ୍ରେରଣା ହେଉଛି - "ଅଧିକ ବିକାଶ କରନ୍ତୁ, ସଫଳତା ହାସଲ କରନ୍ତୁ "।
ବନ୍ଧୁଗଣ,
ଆପଣମାନେ ଏହା ମଧ୍ୟ ଦେଖିଛନ୍ତି ଯେ , ଭାରତ ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ ଅବତରଣ କରିଥିଲା। ବିଶ୍ୱର ଅନ୍ୟ କୌଣସି ଦେଶ ଏହା ହାସଲ କରିନାହିଁ। କିନ୍ତୁ ଭାରତ ଏଥିରେ ସନ୍ତୁଷ୍ଟ ନୁହେଁ କାରଣ ଭାରତ କହୁଛି, "ଅଧିକ ବିକାଶ କରନ୍ତୁ, ସଫଳତା ହାସଲ କରନ୍ତୁ "।
ତେଣୁ ସାଥିମାନେ, ଭାରତ ଏବେ ମହାକାଶକୁ ତାର ଗଗନଯାନ ପଠାଇବାକୁ ପ୍ରସ୍ତୁତ ହେଉଛି। ଭାରତ ଏବେ ନିଜର ମହାକାଶ ଷ୍ଟେସନ ନିର୍ମାଣ ଲକ୍ଷ୍ୟ ହାସଲ କରିବା ଦିଗରେ ଚାଲୁଛି।
ବନ୍ଧୁଗଣ,
କିଛି ବର୍ଷ ପୂର୍ବ ପର୍ଯ୍ୟନ୍ତ, ୫ଜି ପ୍ରଯୁକ୍ତିବିଦ୍ୟାକୁ ନେଇ ଦେଶ ସମ୍ମୁଖରେ ବହୁତ ବଡ଼ ପ୍ରଶ୍ନ ଥିଲା ? ଏହା କେବେ ଲଞ୍ଚ ହେବ, ଏହା କିପରି ଆରମ୍ଭ ହେବ, ଏଥିରେ କେତେ ସମୟ ଲାଗିବ? ଆମେ ୨୦୨୨ ଶେଷରେ ୫ଜି କରିବା ଆରମ୍ଭ କରିଥିଲୁ, ଏବଂ ଆଜି, ଭାରତର ୯୯ ପ୍ରତିଶତ ଜିଲ୍ଲା ଏଥିରେ ଅନ୍ତର୍ଭୁକ୍ତ ହୋଇପାରିଛି । ଏବଂ ସାଥିମାନେ, ଆପଣ ଖୁସି ହେବେ ଯେ ଭାରତ ସବୁଠାରୁ ଦ୍ରୁତ ୫ଜି ପ୍ରଚଳନ କରୁଥିବା ଦେଶଗୁଡ଼ିକ ମଧ୍ୟରୁ ଗୋଟିଏ।
ଆଜି ଭାରତ , ବିଶ୍ୱର ଦ୍ୱିତୀୟ ବୃହତ ୫ଜି ବଜାର ପାଲଟିଛି। ଏବଂ କେବଳ ସେତିକି ନୁହେଁ, ଭାରତ ମଧ୍ୟ ମେଡ୍ ଇନ୍ ଇଣ୍ଡିଆ ୬ଜି ପ୍ରଯୁକ୍ତିବିଦ୍ୟା ଉପରେ ଦ୍ରୁତ ଗତିରେ କାମ କରୁଛି। କାରଣ ଭାରତୀୟମାନେ କୁହନ୍ତି, "ଅଧିକ ବିକାଶ କରନ୍ତୁ, ସଫଳତା ହାସଲ କରନ୍ତୁ "।
ଗତ ୧୨ ବର୍ଷ ମଧ୍ୟରେ, ମେଟ୍ରୋ ରେଳ ନେଟୱାର୍କ ସମଗ୍ର ଭାରତରେ ଦୁଇ ଡର୍ଜନରୁ ଅଧିକ ସହରକୁ ବିସ୍ତାରିତ ହୋଇଛି। ଆଜି ଭାରତରେ ପ୍ରତିଦିନ ୧୨.୫ ନିୟୁତରୁ ଅଧିକ ଲୋକ ମେଟ୍ରୋରେ ଯାତ୍ରା କରନ୍ତି। ଭାରତ ଏବେ ବିଶ୍ୱର ତୃତୀୟ ବୃହତ ମେଟ୍ରୋ ରେଳ ନେଟୱାର୍କ ଅଛି। କିନ୍ତୁ ଆମେ ଭାରତୀୟମାନେ ଏଥିରେ ମଧ୍ୟ ସନ୍ତୁଷ୍ଟ ନୁହଁନ୍ତି। ଆମେ କହୁ: "ଅଧିକ ବିକାଶ କରନ୍ତୁ, ସଫଳତା ହାସଲ କରନ୍ତୁ "।
ସେଥିପାଇଁ ଆମେ ସାରା ଦେଶରେ ନମୋ ଭାରତ ରାପିଡ୍ ରେଳ ଭଳି ହାଇ-ସ୍ପିଡ୍ ଟ୍ରାନ୍ଜିଟ୍ ସିଷ୍ଟମ୍ ଏବଂ ବନ୍ଦେ ଭାରତ ଭଳି ସେମି-ହାଇ-ସ୍ପିଡ୍ ଟ୍ରେନ୍ ଦ୍ରୁତ ଗତିରେ ବିସ୍ତାର କରୁଛୁ।
ଆଉ ଏକ ଉଦାହରଣ ହେଉଛି ମେକ୍ ଇନ୍ ଇଣ୍ଡିଆର ସଫଳତା। ଗତ ୧୨ ବର୍ଷ ମଧ୍ୟରେ, ମେକ୍ ଇନ୍ ଇଣ୍ଡିଆ ଏକ ବିଶ୍ୱସ୍ତରୀୟ ବ୍ରାଣ୍ଡରେ ପରିଣତ ହୋଇଛି। ଭାରତରେ ନିର୍ମିତ ମୋବାଇଲ୍ ଫୋନ୍ ଏବଂ ଇଲେକ୍ଟ୍ରୋନିକ୍ସ ସାରା ବିଶ୍ୱ ବଜାରରେ ପହଞ୍ଚିଛି। ଆମର ଅଟୋମୋବାଇଲ୍ ଏବଂ ଔଷଧ ଉତ୍ପାଦଗୁଡ଼ିକ ସେମାନଙ୍କର ବିଶ୍ୱବ୍ୟାପୀ ଉପସ୍ଥିତିକୁ ବିସ୍ତାର କରିଛି। ଏବଂ ଆଜି, ବିଶ୍ୱ ଭାରତର ପ୍ରତିରକ୍ଷା ପ୍ଲାଟଫର୍ମଗୁଡ଼ିକର କ୍ଷମତା ଏବଂ ବିଶ୍ୱସନୀୟତାକୁ ଦେଖୁଛି।
ଆପଣ ମଧ୍ୟ ସିନ୍ଦୁର ଅପରେସନ୍ ସମୟରେ ଏହାର ଏକ ପ୍ରଦର୍ଶନ ଦେଖିଛନ୍ତି। ବିସ୍ଫୋରଣ ଆତଙ୍କବାଦୀ ଆଡ୍ଡାରେ ହୋଇଥିଲା, କିନ୍ତୁ ସେମାନଙ୍କର ପ୍ରଭାବ ସାରା ବିଶ୍ୱରେ ପ୍ରତିଧ୍ୱନିତ ହୋଇଥିଲା। ସେହି ଆତଙ୍କୀ ଶିବିରଗୁଡ଼ିକ ଉପରେ ନିର୍ଣ୍ଣାୟକ ଆକ୍ରମଣ ଆପଣଙ୍କୁ ଗର୍ବିତ କରିଥିଲା କି ନାହିଁ ?
ବନ୍ଧୁଗଣ,
ଭାରତ ସେଠାରେ ଅଟକିବାକୁ ଚାହୁଁନାହିଁ; ଭାରତ କହୁଛି, "ଅଧିକ ବଢ଼ନ୍ତୁ, ଅଧିକ ହାସଲ କରନ୍ତୁ।" ତେଣୁ, ଆଜି, ଚିପ୍ସରୁ ଜାହାଜ ପର୍ଯ୍ୟନ୍ତ ଭାରତରେ ଏକ ନୂତନ ଉତ୍ପାଦନ ଇକୋସିଷ୍ଟମ୍ ବିକଶିତ ହେଉଛି।
ବନ୍ଧୁଗଣ,
ଭାରତର ବଡ଼ ସ୍ୱପ୍ନ ଏବଂ ସାହସିକ ଆକାଂକ୍ଷା ହେଉଛି ତାହାର ମୂଳଦୁଆ । ଭାରତର ନାଗରିକମାନେ ଯେଉଁମାନେ ଏହି ସ୍ୱପ୍ନଗୁଡ଼ିକୁ ସେମାନଙ୍କର ଶକ୍ତି ଦିଅନ୍ତି। ପ୍ରଥମେ ଲୋକ , ଅର୍ଥାତ ନାଗରିକ ଦେବୋ ଭବର ମନ୍ତ୍ର। ଏହା ଆଜି ଭାରତରେ ଶାସନର ମାର୍ଗଦର୍ଶକ ନୀତି ପାଲଟିଛି।
ମୁଁ ଆପଣଙ୍କୁ ଏକ ଉଦାହରଣ ଦେଉଛି। କିଛି ବର୍ଷ ପୂର୍ବେ, ଡକ୍ୟୁମେଣ୍ଟ ପ୍ରମାଣୀକରଣ ଏକ ସାଧାରଣ ଆବଶ୍ୟକତା ଥିଲା। ଆପଣ କିଛି ପାଇଁ ଆବେଦନ କରିବାକୁ ଚାହୁଁଥିଲେ କିମ୍ବା କୌଣସି ସରକାରୀ ଡକ୍ୟୁମେଣ୍ଟ ଦାଖଲ କରିବାକୁ ଚାହୁଁଥିଲେ, ପ୍ରଥମେ ଆପଣଙ୍କୁ ଜଣେ ସରକାରୀ ଅଧିକାରୀଙ୍କ ଦ୍ୱାରା ପ୍ରମାଣିତ କରାଇବାକୁ ପଡୁଥିଲା।
ଲୋକମାନେ ସକାଳୁ ସକାଳୁ ଲମ୍ବା ଧାଡ଼ିରେ ଠିଆ ହେଉଥିଲେ, କେବଳ ନିଜକୁ ପ୍ରମାଣ କରିବା ପାଇଁ । କିନ୍ତୁ ଆମ ପାଇଁ, ନାଗରିକ ଦେବୋ ଭବ । ଏବେଆଉ ଏପରି ସ୍ଥିତି ନାହିଁ। ଆଜି, ଅଧିକାଂଶ କାମ ଆତ୍ମ-ପ୍ରମାଣୀକରଣରେ ହୋଇପାରୁଛି ।
ବିଶ୍ୱାସର ସେହି ଯାତ୍ରା ଏବେ ଡିଜିଲକରରେ ବିକଶିତ ହୋଇଛି, ଏକ ଡିଜିଟାଲ୍ ପ୍ଲାଟଫର୍ମ ଯେଉଁଠାରେ ଭାରତୀୟମାନେ ସୁରକ୍ଷିତ ଭାବରେ ସେମାନଙ୍କର ଡକ୍ୟୁମେଣ୍ଟଗୁଡ଼ିକୁ ଡିଜିଟାଲ୍ ରୂପରେ ସଂରକ୍ଷଣ କରିପାରିବେ। କେବଳ ଗୋଟିଏ କ୍ଲିକ୍ରେ, ଡକ୍ୟୁମେଣ୍ଟଗୁଡ଼ିକୁ ସେୟାର, ଯାଞ୍ଚ ଏବଂ ଗ୍ରହଣ କରାଯାଇପାରିବ।
ବନ୍ଧୁଗଣ,
ଏକ ବ୍ୟବସ୍ଥା ତିଆରି କରିବା ଗୋଟିଏ ଜିନିଷ। ସୁରକ୍ଷା ଏବଂ ନିର୍ଭରଯୋଗ୍ୟତା ସହିତ ଏହାକୁ ସ୍କେଲରେ ନିର୍ମାଣ କରିବା ଏକ ବହୁତ ବଡ଼ ସଫଳତା। ଆପଣ କ’ଣ ଜାଣନ୍ତି ଯେ ଆଜି ଭାରତରେ କେତେ ଲୋକ ଡିଜିଲକର ବ୍ୟବହାର କରୁଛନ୍ତି ? ମୁଁ ଜାଣେ ଏହାକୁ ମନେ ରଖିବା ବହୁତ କଷ୍ଟ।
ଆଜି ପର୍ଯ୍ୟନ୍ତ, ଡିଜିଲକରର ୭୦ କେଟି ଅର୍ଥାତ ୭୦୦ ନିୟୁତରୁ ଅଧିକ ବ୍ୟବହାରକାରୀ ଅଛନ୍ତି। ଏବଂ ଏକାଠି, ସେମାନେ ପ୍ଲାଟଫର୍ମରେ ୮୫୦ କୋଟିରୁ ଅଧିକ ଡକ୍ୟୁମେଣ୍ଟ ସଂରକ୍ଷଣ କରିଛନ୍ତି। ୮୫୦ କୋଟିରୁ ଅଧିକ ।
ବନ୍ଧୁଗଣ,
ନାଗରିକ ଦେବୋ ଭବ'ର ଆଉ ଏକ ଉଦାହରଣ ହେଉଛି ଭାରତର ସ୍ୱାସ୍ଥ୍ୟସେବା ବ୍ୟବସ୍ଥା। ଆଜି, ଲକ୍ଷ ଲକ୍ଷ ଭାରତୀୟଙ୍କ ପାଖରେ ଏକ ସୁରକ୍ଷିତ ଡିଜିଟାଲ ସ୍ୱାସ୍ଥ୍ୟ ପରିଚୟପତ୍ର ଅଛି, ଯେଉଁଠାରେ ସେମାନଙ୍କର ସମ୍ପୂର୍ଣ୍ଣ ଚିକିତ୍ସାର ଇତିହାସ ଡିଜିଟାଲ ଭାବରେ ସଂରକ୍ଷଣ କରାଯାଇଛି। ଏହା ରୋଗ ନିର୍ଣ୍ଣୟକୁ ଉନ୍ନତ କରିବାରେ ଏବଂ ସାରା ଦେଶରେ ସ୍ୱାସ୍ଥ୍ୟସେବା ବିତରଣକୁ ଅଧିକ ଦକ୍ଷ କରିବାରେ ସାହାଯ୍ୟ କରୁଛି।
ଏବଂ ଏତିକି ନୁହେଁ। ଟେଲିକନସଲଟେସନ୍ ମଧ୍ୟ ଦ୍ରୁତ ଗତିରେ ବୃଦ୍ଧି ପାଉଛି। ସରକାରଙ୍କ ଇ- ସଂଜିବନୀ ପ୍ଲାଟଫର୍ମ ମାଧ୍ୟମରେ, ଏପର୍ଯ୍ୟନ୍ତ ୪୮୦ନିୟୁତରୁ ଅଧିକ ଟେଲିକନସଲଟେସନ୍ କରାଯାଇଛି। ୨.୨୫ଲକ୍ଷରୁ ଅଧିକ ସ୍ୱାସ୍ଥ୍ୟସେବା ପ୍ରଦାନକାରୀ ଏହି ପ୍ଲାଟଫର୍ମ ସହିତ ସଂଯୁକ୍ତ।
ବନ୍ଧୁଗଣ,
ଗୋଟିଏ ସମୟରେ, ଆପଣମାନେ ସମସ୍ତେ ପାସପୋର୍ଟ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେଉଥିଲେ। ମନେ ଅଛି ପାସପୋର୍ଟ ପାଇବା ପାଇଁ କେତେ ସପ୍ତାହ ଲାଗୁଥିଲା? କିନ୍ତୁ ଆଜି, ମାତ୍ର କିଛି ଦିନ ମଧ୍ୟରେ ଏକ ପାସପୋର୍ଟ ପ୍ରଦାନ କରାଯାଉଛି। ଏହା ହେଉଛି ପ୍ରଥମେ ନାଗରିକ ଶାସନ। ଏହା 'ନାଗରିକ ଦେବୋ ଭବ' ମନ୍ତ୍ରର ସଫଳତା।
ବନ୍ଧୁଗଣ,
ମୁଁ ପ୍ରାୟତଃ କହେ ଯେ ଭାରତ ଯେତେ ଶକ୍ତିଶାଳୀ ହେବ, ସମଗ୍ର ମାନବଜାତି ପାଇଁ ସେତେ ଅଧିକ ଲାଭ ହେବ। ଆମର କାଳଜୟୀ ନୀତି ହେଉଛି 'ସମସ୍ତେ ସୁଖୀ ଏବଂ ସମୃଦ୍ଧ ହୁଅନ୍ତୁ।' ଏହି ଶାଶ୍ବତ ମୂଲ୍ୟବୋଧ ଚିନ୍ତାଧାରା ଆଜି ମଧ୍ୟ ଭାରତର ନୀତି ଏବଂ କାର୍ଯ୍ୟକୁ ମାର୍ଗଦର୍ଶନ କରିଆସୁଛି।
ବନ୍ଧୁଗଣ,
ଗତ ମାସରେ, ଭେନେଜୁଏଲା ଏକ ଭୟଙ୍କର ଭୂମିକମ୍ପର ଶିକାର ହୋଇଥିଲା। ଧ୍ୱଂସ ପ୍ରଚଣ୍ଡ ଥିଲା, ଏବଂ ଶହ ଶହ ଲୋକ ପ୍ରାଣ ହରାଇଥିଲେ। ଆମେ ଦୂରତାକୁ ପ୍ରତିବନ୍ଧକ ହେବାକୁ ଦେଇନଥିଲୁ। ଆମେ ଭେନେଜୁଏଲାର ଦୁଃଖକୁ ନିଜର ବୋଲି ମନେ କରିଥିଲୁ। ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ ଭାରତ ଏକ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା।
ଆମେ ଯଥାଶୀଘ୍ର ସହାୟତା ପଠାଇଥିଲୁ, ଆମର ବିଶେଷଜ୍ଞମାନଙ୍କୁ ନିୟୋଜିତ କରିଥିଲୁ, ଏବଂ ଆମର ଡାକ୍ତରୀ ଦଳ ବିଳମ୍ବ ନକରି କାମ ଆରମ୍ଭ କରିଥିଲେ। ମୁଁ ବହୁତ ସନ୍ତୁଷ୍ଟ ଯେ ଏହି ପ୍ରୟାସଗୁଡ଼ିକ ଅନେକଙ୍କ ଜୀବନ ବଞ୍ଚାଇବାରେ ସାହାଯ୍ୟ କରିଥିଲା।
ବନ୍ଧୁଗଣ,
ସେହିପରି, ଯେତେବେଳେ ତୁର୍କୀ ଏବଂ ସିରିଆରେ ଭୟଙ୍କର ଭୂମିକମ୍ପ ହୋଇଥିଲା, ଭାରତ ରିଲିଫ୍ ଏବଂ ଉଦ୍ଧାର ସହାୟତା ପଠାଇ ଶୀଘ୍ର ପ୍ରତିକ୍ରିୟା ଦେଇଥିଲା। ଏପରି ଅନେକ ଉଦାହରଣ ଅଛି। ଗତ ବର୍ଷ, ଆମେ ମିଆଁମାରକୁ ସମର୍ଥନ କରିବା ପାଇଁ ଅପରେସନ୍ ବ୍ରହ୍ମା ଆରମ୍ଭ କରିଥିଲୁ। ଏବଂ ଯେତେବେଳେ ଶ୍ରୀଲଙ୍କା ଏକ ଭୟଙ୍କର ଘୂର୍ଣ୍ଣିଝଡ଼ର ଶିକାର ହୋଇଥିଲା, ଆମେ ରିଲିଫ୍ ଏବଂ ସହାୟତା ପ୍ରଦାନ କରିବା ପାଇଁ ଅପରେସନ୍ ସାଗର ବନ୍ଧୁ କରିଥିଲୁ।
ବନ୍ଧୁଗଣ,
କୋଭିଡ୍-୧୯ ମହାମାରୀ ସ୍ମୃତି ଏବେ ବି ଆମ ମନରେ ସତେଜ ଅଛି। ସେହି କଷ୍ଟ ସମୟରେ, ଭାରତ କେବଳ ନିଜ ନାଗରିକଙ୍କୁ ଘରକୁ ଫେରାଇ ଆଣିନଥିଲା ବରଂ ଅନେକ ଦେଶର ନାଗରିକଙ୍କୁ ସୁରକ୍ଷିତ ଭାବରେ ସେମାନଙ୍କ ଘରକୁ ଫେରାଇବାରେ ମଧ୍ୟ ସାହାଯ୍ୟ କରିଥିଲା। ଆମେ ବଡ଼ ଧରଣର ଉଦ୍ଧାର କାର୍ଯ୍ୟ କରିଥିଲୁ, ଆବଶ୍ୟକ ଲୋକଙ୍କୁ ଔଷଧ ଯୋଗାଇଥିଲୁ ଏବଂ ୧୦୦ରୁ ଅଧିକ ଦେଶକୁ ଟୀକା ଯୋଗାଇଥିଲୁ। ସଂଘର୍ଷ ଅଞ୍ଚଳରେ ମଧ୍ୟ, ଭାରତ ସଙ୍କଟରେ ଫସି ରହିଥିବା ଲୋକମାନଙ୍କୁ ବାହାର କରିବା ପାଇଁ ନିରନ୍ତର ପ୍ରୟାସ କରିଆସିଛି।
ବନ୍ଧୁଗଣ,
ଭାରତ ଯେତେବେଳେ ସାହାଯ୍ୟ ପାଇଁ ହାତ ବଢାଇଥାଏ, ସେତେବେଳେ ଏହା ପାସପୋର୍ଟକୁ ଦେଖେ ନାହିଁ । ଯେତେବେଳେ ଭାରତ ସହାୟତା ପଠାଏ, ସେତେବେଳେ ଏହା ପାସପୋର୍ଟର ରଙ୍ଗ ଦେଖେ ନାହିଁ । ସେଥିପାଇଁ ବିଶ୍ୱ ଭାରତ ଉପରେ ଏତେ ଗଭୀର ଭାବରେ ବିଶ୍ୱାସ ରଖେ ।
ବନ୍ଧୁଗଣ,
ମୁଁ ଜାଣେ ଅଷ୍ଟ୍ରେଲିଆ ମଧ୍ୟ ମାନବିକତାର ସେବା କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ। ଏହି ପ୍ରତିବଦ୍ଧତା ଆମର ଦୁଇ ଦେଶ ମଧ୍ୟରେ ଭାଗିଦାରୀର ଏକ ପ୍ରମୁଖ ସ୍ତମ୍ଭ ଅଟେ ।
ଆଉ ଏକ କ୍ଷେତ୍ର ଅଛି ଯାହା ଆମର ସମ୍ପର୍କକୁ ଆହୁରି ମଜବୁତ କରେ - କ୍ରୀଡା । କ୍ରୀଡା ଜଗତରେ ଅଷ୍ଟ୍ରେଲିଆ ନିଜେ ଏକ ବ୍ରାଣ୍ଡ ଏବଂ ଭାରତରେ ମଧ୍ୟ କ୍ରୀଡା ଇକୋସିଷ୍ଟମ୍ ଏକ ଉଲ୍ଲେଖନୀୟ ରୂପାନ୍ତର କରୁଛି ।
ବନ୍ଧୁଗଣ,
ଆପଣ ହୁଏତ ଖେଲୋ ଇଣ୍ଡିଆ ମିଶନ ବିଷୟରେ ଶୁଣିଥିବେ । ଏହା କେବଳ ଏକ କ୍ରୀଡା ନୀତି ନୁହେଁ , ଏହା ଏକ ଦେଶବ୍ୟାପୀ ଆନ୍ଦୋଳନ ଯାହା ବିଦ୍ୟାଳୟ ସ୍ତରରୁ ଆରମ୍ଭ କରି ଯୁବ ଆଥଲେଟ୍ସ ମାନଙ୍କର ଏକ ଶକ୍ତିଶାଳୀ ପୁଲ୍ ନିର୍ମାଣ କରୁଛି । ଭାରତରେ ବିଦ୍ୟାଳୟ,, ବିଶ୍ୱବିଦ୍ୟାଳୟ ଏବଂ ଜାତୀୟ ସ୍ତରରେ ଖେଲୋ ଇଣ୍ଡିଆ ଗେମ୍ସ ଅନୁଷ୍ଠିତ ହୋଇଥିବାବେଳେ ଏଥିରେ ହଜାର ହଜାର ଆଥଲେଟ୍ ଅଂଶଗ୍ରହଣ କରିଥିଲେ।
ଏହି ମିଶନ ଅଧୀନରେ ଭାରତର ଦୁର୍ଗମ ଅଞ୍ଚଳରେ ମଧ୍ୟ କ୍ରୀଡା ଭିତ୍ତିଭୂମିର ବିକାଶ କରାଯାଉଛି। ବିଶେଷ କରି ଆମର ଝିଅ ଆଥଲେଟ୍ ମାନଙ୍କ ପାଇଁ ଅଧିକ ସୁଯୋଗ ସୃଷ୍ଟି କରୁଛି । ଏବଂ ଏହି ପ୍ରୟାସ କେବଳ ସହରରେ ସୀମିତ ନାହିଁ । ସାଂସଦ ଖେଳ ମହାକୁମ୍ଭ ପରି ପଦକ୍ଷେପ ମାଧ୍ୟମରେ ଦେଶର ବିଭିନ୍ନ ଗ୍ରାମରେ କ୍ରୀଡା ଏବଂ ଫିଟନେସକୁ ପ୍ରୋତ୍ସାହନ ଦିଆଯାଉଛି ଏବଂ ବୃତ୍ତିଗତ ସୁଯୋଗ ସହିତ ଜଡିତ କରାଯାଉଛି ।
ଏହା ଯାହା ବି କିଛି ହେଉଛି , ତାହାର ଫଳାଫଳଗୁଡିକ ପଡ଼ିଆରେ ସ୍ପଷ୍ଟ ଭାବରେ ଦୃଶ୍ୟମାନ ହେଉଛି । ଭାରତର ଆଥଲେଟ୍ସ ଏବଂ କ୍ରୀଡା ଦଳ ଭଲରୁ ଅତିଭଲକୁ ଯାଉଛନ୍ତି ।
ବନ୍ଧୁଗଣ,
ଏହି ଆତ୍ମବିଶ୍ୱାସ ହିଁ ବିଶ୍ୱ କ୍ରୀଡ଼ାରେ ଭାରତକୁ ପରବର୍ତ୍ତୀ ସ୍ତରକୁ ନେଇଯାଉଛି। ଭାରତ ୨୦୩୦ କମନୱେଲଥ ଗେମ୍ସ ଆୟୋଜନ କରିବ ଏବଂ ଆମେ ମଧ୍ୟ ୨୦୩୬ରେ ଅଲିମ୍ପିକ୍ ଗେମ୍ସ ଆୟୋଜନ କରିବାକୁ ଟେଣ୍ଡର କରୁଛୁ । ମୁଁ ନିଶ୍ଚିତ ଯେ କ୍ରୀଡା କ୍ଷେତ୍ରରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ସହଭାଗିତା ଆହୁରି ମଜବୁତ ହେବ।
ବନ୍ଧୁଗଣ,
ଭାରତ ଏବଂ ଅଷ୍ଟ୍ରେଲିଆ ଯାହା ବି କରନ୍ତି ତାହା ଆମ ଦେଶ ପାଇଁ ଲାଭଦାୟକ ଅଟେ। ଏହାର ଏକ ପ୍ରମୁଖ ଉଦାହରଣ ହେଉଛି ଭାରତ-ଅଷ୍ଟ୍ରେଲିଆ ମଧ୍ୟରେ ବାଣିଜ୍ୟ ଚୁକ୍ତି । ଆପଣ ଏହି ଶେର୍ ଶୁଣିଥିବେ , ଆପଣଙ୍କୁ ମନେ ଥିବ:
ମେଁ ଅକେଲା ହି ଚଲାଥା ଜାନିବ-ଏ-ମଂଜିଲ
ଲୋଗ୍ ସାଥ ଆତେ ଗୟେ ଔର କାରଓ୍ବାଁ ବନତା ଗୟା
ସେହିପରି, ଭାରତ-ଅଷ୍ଟ୍ରେଲିଆ ଚୁକ୍ତିନାମା କେବଳ ଆରମ୍ଭ ଥିଲା। ଆଜି, ସେହି କାରଓ୍ବାଁ ବିଶ୍ୱର ପ୍ରାୟ ୪୦ଟି ଦେଶ ସହିତ ବାଣିଜ୍ୟ ଚୁକ୍ତିନାମାରେ ପରିଣତ ହୋଇଛି।
ବନ୍ଧୁଗଣ,
ଆମେ କେବଳ ଏକ ବାଣିଜ୍ୟିକ ରାଷ୍ଟ୍ର ନୁହେଁ। ଆମେ ନବସୃଜନ, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାକୁ ବହୁତ ଗୁରୁତ୍ୱ ଦେଉଛୁ। ଅଷ୍ଟ୍ରେଲିଆର କ୍ରେଡିଟ୍ ପାଇଁ ଅନେକ ଉଲ୍ଲେଖନୀୟ ସଫଳତା ରହିଛି। ଶ୍ରବଣ ପ୍ରତିରୋପଣ, ୱାଇ-ଫାଇ, ଗର୍ଭାଶୟ କର୍କଟ ଟିକା, ଉଡ଼ାଣ କଳା ବାକ୍ସ ଏବଂ ଗୁପ୍ତ ବାଲାଟ୍ ଭୋଟିଂ ବ୍ୟବସ୍ଥା ଭଳି ଉଦ୍ଭାବନ ସବୁ ଅଷ୍ଟ୍ରେଲିଆର ଗୁରୁତ୍ୱପୂର୍ଣ୍ଣ ଅବଦାନ । ଆଜି, ଏହି ଉଦ୍ଭାବନଗୁଡ଼ିକ ବିଶ୍ୱକୁ ଏକ ଉତ୍ତମ ସ୍ଥାନ କରିବାରେ ସାହାଯ୍ୟ କରୁଛି।
ବନ୍ଧୁଗଣ,
ଭାରତ ମଧ୍ୟ ଏହାର ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ପ୍ରଯୁକ୍ତିବିଦ୍ୟା ଇକୋସିଷ୍ଟମକୁ ପରିବର୍ତ୍ତନ କରୁଛି। ଆପଣ ଜାଣି ଖୁସି ହେବେ ଯେ ଆଜି, ସାରା ଭାରତରେ ୧୦ ହଜାରରୁ ଅଧିକ ସ୍କୁଲରେ ଅଟଳ ଟିଙ୍କରିଂ ଲ୍ୟାବ ଅଛି। ଏହି ଲ୍ୟାବଗୁଡ଼ିକ ସ୍କୁଲ ସ୍ତରରୁ ହିଁ ନବସୃଜନର ମାନସିକତାକୁ ପୋଷଣ କରୁଛନ୍ତି।
ଗତ ୧୨ବର୍ଷ ମଧ୍ୟରେ, ଭାରତ ବିଶ୍ୱର ତୃତୀୟ ବୃହତ ଷ୍ଟାର୍ଟ-ଅପ୍ ଇକୋସିଷ୍ଟମ ପାଲଟିଛି। କିନ୍ତୁ ଯଦି ମୁଁ ଆପଣଙ୍କୁ ସଂଖ୍ୟା କହେ, ତେବେ ଆପଣ ମଧ୍ୟ ଆଶ୍ଚର୍ଯ୍ୟ ହେବେ। ଆପଣ କ’ଣ ତଥ୍ୟ ଶୁଣିବାକୁ ଚାହାଁନ୍ତି ?
ଆଜି ଭାରତରେ ୨ ଲକ୍ଷରୁ ଅଧିକ ପଞ୍ଜିକୃତ ଷ୍ଟାର୍ଟ-ଅପ୍ ଅଛି। ପ୍ରତି ମାସରେ, ଦେଶରେ ୪୦୦୦ ରୁ ଅଧିକ ନୂତନ ଷ୍ଟାର୍ଟ-ଅପ୍ ପଞ୍ଜିକୃତ ହେଉଛନ୍ତି। ପ୍ରତିରକ୍ଷା ଏବଂ ମହାକାଶ ଭଳି କ୍ଷେତ୍ରରେ ମଧ୍ୟ ଶହ ଶହ ଷ୍ଟାର୍ଟ-ଅପ୍ କାମ କରୁଛନ୍ତି। ମୁଁ ଏହି ଉଦାହରଣଗୁଡ଼ିକ ସେୟାର କରୁଛି କାରଣ ଭାରତରେ ଏହି ସମସ୍ତ କ୍ଷେତ୍ର ଥରେ ବନ୍ଦ୍ ହୋଇଯାଇଥିଲା। ଗତ କିଛି ବର୍ଷ ମଧ୍ୟରେ ସେଗୁଡ଼ିକୁ ଘରୋଇ ଉଦ୍ୟୋଗ ପାଇଁ ଖୋଲାଯାଇଛି। ଏବଂ ବର୍ତ୍ତମାନ, ଏକ ଭାରତୀୟ ମହାକାଶ ଷ୍ଟାର୍ଟ-ଅପ୍ ପ୍ରଥମ ଥର ପାଇଁ ନିଜସ୍ୱ ରକେଟ୍ ମାଧ୍ୟମରେ ଉପଗ୍ରହ ଉତ୍ କ୍ଷେପଣ କରିବାକୁ ପ୍ରସ୍ତୁତ ହୋଇଛି।
ବନ୍ଧୁଗଣ,
ମୁଁ ଖୁସି ଯେ ଶିକ୍ଷା, ଦକ୍ଷତା ଏବଂ ନବସୃଜନ କ୍ଷେତ୍ରରେ ଭାରତ-ଅଷ୍ଟ୍ରେଲିଆ ସହଭାଗୀତା ଗଭୀର ଏବଂ ମଜବୁତ ହେଉଛି। ଆଜି, ହଜାର ହଜାର ଭାରତୀୟ ଛାତ୍ର ଅଷ୍ଟ୍ରେଲିଆରେ ସେମାନଙ୍କର ଶିକ୍ଷା ଗ୍ରହଣ କରୁଛନ୍ତି। ଏବଂ ବର୍ତ୍ତମାନ, ଅଷ୍ଟ୍ରେଲିଆ ବିଶ୍ୱବିଦ୍ୟାଳୟଗୁଡ଼ିକ ମଧ୍ୟ ଭାରତରେ ସେମାନଙ୍କର କ୍ୟାମ୍ପସ ଖୋଲୁଛନ୍ତି।
ଡିକିନ୍ ବିଶ୍ୱବିଦ୍ୟାଳୟ ଏବଂ ୱୋଲଙ୍ଗଙ୍ଗ ବିଶ୍ୱବିଦ୍ୟାଳୟର କ୍ୟାମ୍ପସ ପୂର୍ବରୁ କାର୍ଯ୍ୟ ଆରମ୍ଭ କରିସାରିଛନ୍ତି। ଅଧିକ ଅଷ୍ଟ୍ରେଲିଆ ବିଶ୍ୱବିଦ୍ୟାଳୟ ସମାନ ଦିଗରେ ଆଗକୁ ବଢ଼ୁଛନ୍ତି। ଏହା କେବଳ ନୂତନ କ୍ୟାମ୍ପସ ଖୋଲିବା ବିଷୟରେ ନୁହେଁ। ଏହା ବିଶ୍ୱ ନେତାମାନଙ୍କୁ ପ୍ରସ୍ତୁତ କରିବା ବିଶ୍ୱ ପାଇଁ ଏକ ଦକ୍ଷ ଏବଂ ନବସୃଜନଶୀଳ ପ୍ରତିଭା ପୁଲ ସୃଷ୍ଟି କରିବା ପାଇଁ ଏକ ମିଶନ।
ବନ୍ଧୁଗଣ,
ମୁଁ ଆପଣମାନଙ୍କ ସହିତ ଭାରତ ବିଷୟରେ ବହୁତ କିଛି କଥା ବାଣ୍ଟିଛି। ଏବେ ମୁଁ ଏକ ଅନୁରୋଧ ମଧ୍ୟ କରିବାକୁ ଚାହୁଁଛି। କିଛି ସମୟ ପୂର୍ବରୁ, ଆମେ ଆମର ଭାରତୀୟ ପ୍ରବାସୀ ପିଲାମାନଙ୍କ ପାଇଁ ଭାରତ କୁ ଜାଣନ୍ତୁ କୁଇଜ୍ ଆରମ୍ଭ କରିଥିଲୁ। ଏହି କୁଇଜ୍ ବିଶ୍ୱକୁ ଭାରତର ବିବିଧତା ସହିତ ପରିଚିତ କରାଉଛି ଏବଂ ସେହି ସମୟରେ, ଭାରତୀୟ ସମ୍ପ୍ରଦାୟର ସଦସ୍ୟ ଏବଂ ସେମାନଙ୍କ ପରିବାରକୁ ସେମାନଙ୍କର ଐତିହ୍ୟ ସହିତ ଯୋଡ଼ିବାରେ ସାହାଯ୍ୟ କରୁଛି। ମୁଁ ଜାଣି ଖୁସି ଯେ ଚଳିତ ବର୍ଷ, ଅଷ୍ଟ୍ରେଲିଆର ଅନେକ ଯୁବ ବନ୍ଧୁ କର୍ଟନ ରେଜର କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ପ୍ରତିଯୋଗିତାର ଷଷ୍ଠ ସଂସ୍କରଣ ଏବେ ଆରମ୍ଭ ହେବାକୁ ଯାଉଛି। ଏଥର, ଏଥିରେ ଅନେକ ପ୍ରତିଯୋଗିତା ସହିତ ଏକ ଖେଳ ଫର୍ମାଟ୍ ପ୍ରଦର୍ଶିତ ହେବ। ମୁଁ ଅଷ୍ଟ୍ରେଲିଆର ସମସ୍ତ ଭାରତୀୟ ସମ୍ପ୍ରଦାୟ ପରିବାରକୁ ଏଥିରେ ଅଂଶଗ୍ରହଣ କରିବାକୁ ଅନୁରୋଧ କରୁଛି। ସେହି ସମୟରେ, ମୁଁ ଆପଣମାନଙ୍କୁ ଏହି ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଆପଣଙ୍କର ଅଷ୍ଟ୍ରେଲୀୟ ବନ୍ଧୁ, ସ୍କୁଲର ବନ୍ଧୁ ଏବଂ କଲେଜର ବନ୍ଧୁମାନଙ୍କୁ ମଧ୍ୟ ନିମନ୍ତ୍ରଣ କରିବାକୁ ଉତ୍ସାହିତ କରୁଛି।
ବନ୍ଧୁଗଣ,
ଭାରତ ମଧ୍ୟ ଏହାର ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ପ୍ରଯୁକ୍ତିବିଦ୍ୟା ଇକୋସିଷ୍ଟମକୁ ପରିବର୍ତ୍ତନ କରୁଛି। ଆପଣ ଜାଣି ଖୁସି ହେବେ ଯେ ଆଜି, ସାରା ଭାରତରେ ୧୦ ହଜାରରୁ ଅଧିକ ସ୍କୁଲରେ ଅଟଳ ଟିଙ୍କରିଂ ଲ୍ୟାବ ଅଛି। ଏହି ଲ୍ୟାବଗୁଡ଼ିକ ସ୍କୁଲ ସ୍ତରରୁ ହିଁ ନବସୃଜନର ମାନସିକତାକୁ ପୋଷଣ କରୁଛନ୍ତି।
ଗତ ୧୨ବର୍ଷ ମଧ୍ୟରେ, ଭାରତ ବିଶ୍ୱର ତୃତୀୟ ବୃହତ ଷ୍ଟାର୍ଟ-ଅପ୍ ଇକୋସିଷ୍ଟମ ପାଲଟିଛି। କିନ୍ତୁ ଯଦି ମୁଁ ଆପଣଙ୍କୁ ସଂଖ୍ୟା କହେ, ତେବେ ଆପଣ ମଧ୍ୟ ଆଶ୍ଚର୍ଯ୍ୟ ହେବେ। ଆପଣ କ’ଣ ତଥ୍ୟ ଶୁଣିବାକୁ ଚାହାଁନ୍ତି ?
ଆଜି ଭାରତରେ ୨ ଲକ୍ଷରୁ ଅଧିକ ପଞ୍ଜିକୃତ ଷ୍ଟାର୍ଟ-ଅପ୍ ଅଛି। ପ୍ରତି ମାସରେ, ଦେଶରେ ୪୦୦୦ ରୁ ଅଧିକ ନୂତନ ଷ୍ଟାର୍ଟ-ଅପ୍ ପଞ୍ଜିକୃତ ହେଉଛନ୍ତି। ପ୍ରତିରକ୍ଷା ଏବଂ ମହାକାଶ ଭଳି କ୍ଷେତ୍ରରେ ମଧ୍ୟ ଶହ ଶହ ଷ୍ଟାର୍ଟ-ଅପ୍ କାମ କରୁଛନ୍ତି। ମୁଁ ଏହି ଉଦାହରଣଗୁଡ଼ିକ ସେୟାର କରୁଛି କାରଣ ଭାରତରେ ଏହି ସମସ୍ତ କ୍ଷେତ୍ର ଥରେ ବନ୍ଦ୍ ହୋଇଯାଇଥିଲା। ଗତ କିଛି ବର୍ଷ ମଧ୍ୟରେ ସେଗୁଡ଼ିକୁ ଘରୋଇ ଉଦ୍ୟୋଗ ପାଇଁ ଖୋଲାଯାଇଛି। ଏବଂ ବର୍ତ୍ତମାନ, ଏକ ଭାରତୀୟ ମହାକାଶ ଷ୍ଟାର୍ଟ-ଅପ୍ ପ୍ରଥମ ଥର ପାଇଁ ନିଜସ୍ୱ ରକେଟ୍ ମାଧ୍ୟମରେ ଉପଗ୍ରହ ଉତ୍ କ୍ଷେପଣ କରିବାକୁ ପ୍ରସ୍ତୁତ ହୋଇଛି।
ବନ୍ଧୁଗଣ,
ମୁଁ ଖୁସି ଯେ ଶିକ୍ଷା, ଦକ୍ଷତା ଏବଂ ନବସୃଜନ କ୍ଷେତ୍ରରେ ଭାରତ-ଅଷ୍ଟ୍ରେଲିଆ ସହଭାଗୀତା ଗଭୀର ଏବଂ ମଜବୁତ ହେଉଛି। ଆଜି, ହଜାର ହଜାର ଭାରତୀୟ ଛାତ୍ର ଅଷ୍ଟ୍ରେଲିଆରେ ସେମାନଙ୍କର ଶିକ୍ଷା ଗ୍ରହଣ କରୁଛନ୍ତି। ଏବଂ ବର୍ତ୍ତମାନ, ଅଷ୍ଟ୍ରେଲିଆ ବିଶ୍ୱବିଦ୍ୟାଳୟଗୁଡ଼ିକ ମଧ୍ୟ ଭାରତରେ ସେମାନଙ୍କର କ୍ୟାମ୍ପସ ଖୋଲୁଛନ୍ତି।
ଡିକିନ୍ ବିଶ୍ୱବିଦ୍ୟାଳୟ ଏବଂ ୱୋଲଙ୍ଗଙ୍ଗ ବିଶ୍ୱବିଦ୍ୟାଳୟର କ୍ୟାମ୍ପସ ପୂର୍ବରୁ କାର୍ଯ୍ୟ ଆରମ୍ଭ କରିସାରିଛନ୍ତି। ଅଧିକ ଅଷ୍ଟ୍ରେଲିଆ ବିଶ୍ୱବିଦ୍ୟାଳୟ ସମାନ ଦିଗରେ ଆଗକୁ ବଢ଼ୁଛନ୍ତି। ଏହା କେବଳ ନୂତନ କ୍ୟାମ୍ପସ ଖୋଲିବା ବିଷୟରେ ନୁହେଁ। ଏହା ବିଶ୍ୱ ନେତାମାନଙ୍କୁ ପ୍ରସ୍ତୁତ କରିବା ବିଶ୍ୱ ପାଇଁ ଏକ ଦକ୍ଷ ଏବଂ ନବସୃଜନଶୀଳ ପ୍ରତିଭା ପୁଲ ସୃଷ୍ଟି କରିବା ପାଇଁ ଏକ ମିଶନ।
ବନ୍ଧୁଗଣ,
ମୁଁ ଆପଣମାନଙ୍କ ସହିତ ଭାରତ ବିଷୟରେ ବହୁତ କିଛି କଥା ବାଣ୍ଟିଛି। ଏବେ ମୁଁ ଏକ ଅନୁରୋଧ ମଧ୍ୟ କରିବାକୁ ଚାହୁଁଛି। କିଛି ସମୟ ପୂର୍ବରୁ, ଆମେ ଆମର ଭାରତୀୟ ପ୍ରବାସୀ ପିଲାମାନଙ୍କ ପାଇଁ ଭାରତ କୁ ଜାଣନ୍ତୁ କୁଇଜ୍ ଆରମ୍ଭ କରିଥିଲୁ। ଏହି କୁଇଜ୍ ବିଶ୍ୱକୁ ଭାରତର ବିବିଧତା ସହିତ ପରିଚିତ କରାଉଛି ଏବଂ ସେହି ସମୟରେ, ଭାରତୀୟ ସମ୍ପ୍ରଦାୟର ସଦସ୍ୟ ଏବଂ ସେମାନଙ୍କ ପରିବାରକୁ ସେମାନଙ୍କର ଐତିହ୍ୟ ସହିତ ଯୋଡ଼ିବାରେ ସାହାଯ୍ୟ କରୁଛି। ମୁଁ ଜାଣି ଖୁସି ଯେ ଚଳିତ ବର୍ଷ, ଅଷ୍ଟ୍ରେଲିଆର ଅନେକ ଯୁବ ବନ୍ଧୁ କର୍ଟନ ରେଜର କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ପ୍ରତିଯୋଗିତାର ଷଷ୍ଠ ସଂସ୍କରଣ ଏବେ ଆରମ୍ଭ ହେବାକୁ ଯାଉଛି। ଏଥର, ଏଥିରେ ଅନେକ ପ୍ରତିଯୋଗିତା ସହିତ ଏକ ଖେଳ ଫର୍ମାଟ୍ ପ୍ରଦର୍ଶିତ ହେବ। ମୁଁ ଅଷ୍ଟ୍ରେଲିଆର ସମସ୍ତ ଭାରତୀୟ ସମ୍ପ୍ରଦାୟ ପରିବାରକୁ ଏଥିରେ ଅଂଶଗ୍ରହଣ କରିବାକୁ ଅନୁରୋଧ କରୁଛି। ସେହି ସମୟରେ, ମୁଁ ଆପଣମାନଙ୍କୁ ଏହି ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଆପଣଙ୍କର ଅଷ୍ଟ୍ରେଲୀୟ ବନ୍ଧୁ, ସ୍କୁଲର ବନ୍ଧୁ ଏବଂ କଲେଜର ବନ୍ଧୁମାନଙ୍କୁ ମଧ୍ୟ ନିମନ୍ତ୍ରଣ କରିବାକୁ ଉତ୍ସାହିତ କରୁଛି।
ବନ୍ଧୁଗଣ,
ଆପଣମାନେ ସମସ୍ତେ କଠିନ ପରିଶ୍ରମ କରି ଭାରତ-ଅଷ୍ଟ୍ରେଲିଆ ସମ୍ପର୍କକୁ ସୁଦୃଢ଼ କରିବାରେ ଗୁରୁତ୍ୱପୂର୍ଣ୍ଣ ଅବଦାନ ଦେଇଛନ୍ତି । କିନ୍ତୁ ଆପଣଙ୍କର ଭୂମିକା ଏଠାରେ ଶେଷ ହୋଇନାହିଁ; ପ୍ରକୃତରେ, ଦାୟିତ୍ୱ ଏବେ ଆହୁରି ବୃଦ୍ଧି ପାଇଛି। ଭା ରତ-ଅଷ୍ଟ୍ରେଲିଆ ସହଭାଗୀତା ଏବେ ଏକ ନୂତନ ପର୍ଯ୍ୟାୟରେ ପ୍ରବେଶ କରୁଛି।
ତେଣୁ, ସମାନ ଉତ୍ସାହର ସହିତ ଭାରତ-ଅଷ୍ଟ୍ରେଲିଆ ସମ୍ପର୍କକୁ ଉତ୍ସାହର ସହିତ ଜାରି ରଖନ୍ତୁ । ଚୌକା - ଛକା ମାରିବା ଜାରି ରଖନ୍ତୁ ,ଆପଣଙ୍କର ସଫଳତା ହିଁ ଭାରତ ଏବଂ ଅଷ୍ଟ୍ରେଲିଆ ଉଭୟର ସଫଳତା।
ବନ୍ଧୁଗଣ,
ମୁଁ ଆଜିର କାର୍ଯ୍ୟକ୍ରମ ପାଇଁ ପ୍ରଧାନମନ୍ତ୍ରୀ ଆଲବାନିସି ଏବଂ ଆପଣ ସମସ୍ତଙ୍କୁ, ମୋର ବନ୍ଧୁମାନଙ୍କୁ, ହୃଦୟର ସହିତ ପୁଣି ଥରେ ବହୁତ-ବହୁତ ଧନ୍ୟବାଦ ଜଣାଉଛି।
ଭାରତ ମା
ତା କି ଜୟ
ବନ୍ଦେ ମାତରମ୍!
