ମୁଁ ପୁଣିଥରେ ଏହି ମହାନ୍ ରାଷ୍ଟ୍ର ଗସ୍ତରେ ଆସି ଆନନ୍ଦିତ । ବାସ୍ତବରେ ଏଠି ଅନେକ ଚିହ୍ନା ମୁହଁ ଦେଖି ଅତ୍ୟନ୍ତ ଖୁସି ଲାଗୁଛି । ଏଭଳି ସୁଯୋଗ ସୃଷ୍ଟି କରିଥିବା ଯୋଗୁ ସିଆଇଆଇ ଓ କୈଦାନରେନକୁ ଧନ୍ୟବାଦ ଜଣାଉଛି । ଆପଣମାନଙ୍କ ସହ ମୋର କାର୍ଯ୍ୟକ୍ରମକୁ ମୁଁ ସର୍ବଦା ଅତ୍ୟନ୍ତ ଉପଯୋଗୀ ଭାବେ ବିବେଚନା କରେ ।
ବିଗତ କିଛି ବର୍ଷ ଧରି ମୁଁ ଜାପାନକୁ ଅନେକ ଥର ଗସ୍ତରେ ଆସିଛି । ଜାପାନର ନେତା, ସରକାର, ଉଦ୍ୟୋଗ ଓ ଲୋକଙ୍କ ସହ ମୋର ବ୍ୟକ୍ତିଗତ କାର୍ଯ୍ୟକ୍ରମ ପ୍ରାୟ ଏକ ଦଶନ୍ଧି ପୁରୁଣା ।
ବନ୍ଧୁଗଣ,
ଭାରତ ପାଇଁ ଯଥାର୍ଥରେ ‘ଜାପାନ’ ଶବ୍ଦ ହେଉଛି ଗୁଣବତ୍ତାର, ଉତ୍କର୍ଷ, ସଚ୍ଚୋଟ ଓ ନିଷ୍ଠାର ପରିମାପକ ।
ଜାପାନୀ ଲୋକମାନେ ବିଶ୍ୱରେ ସାମଗ୍ରିକ ବିକାଶ କ୍ଷେତ୍ରରେ ନେତୃତ୍ୱ ନେଉଛନ୍ତି । ସେମାନଙ୍କର ସାମାଜିକ ଉତ୍ତରଦାୟିତ୍ୱ ଓ ନୈତିକ ଆଚରଣ ସମ୍ପର୍କରେ ଗଭୀର ଜ୍ଞାନ ରହିଛି ।
ଆମେ ମଧ୍ୟ ବିଶ୍ୱର ଅନ୍ୟ କ୍ଷେତ୍ରରେ ବିଶେଷକରି ଏସିଆ ଓ ଆଫ୍ରିକାର ବିକାଶ ପ୍ରକ୍ରିୟାରେ ଜାପାନର ଉଲ୍ଲେଖନୀୟ ଅବଦାନ ସହ ପରିଚିତ ଅଛୁ ।
ଭାରତର ମୌଳିକ ମୂଲ୍ୟବୋଧ ମଧ୍ୟ ଆମର ସଭ୍ୟତାର ଐତିହ୍ୟ ସହ ଜଡ଼ିତ । ଏହା ଗୌତମ ବୁଦ୍ଧ ଓ ମହାତ୍ମା ଗାନ୍ଧିଙ୍କ ସତ୍ୟତାର ଉପଦେଶ ମାଧ୍ୟମରେ ପ୍ରେରଣାର ସ୍ରୋତ ପାଲଟିଛି ।
ଏହା ଆମର ଗଣତାନ୍ତ୍ରିକ ପରମ୍ପରା, ଉଭୟ ସମ୍ବଳ ଓ ମୂଲ୍ୟବୋଧ ସୃଷ୍ଟି ଉପରେ ଗୁରୁତ୍ୱ, ଅର୍ଥ ବ୍ୟବସ୍ଥାର ଆଧୁନିକୀକରଣ ଓ ସମୃଦ୍ଧି ପାଇଁ ଅନ୍ୱେଷଣ ଏବଂ ଉଦ୍ୟୋଗକୁ ସୁଦଢ଼ କରିବା ଭାବନାକୁ ଆଗେଇ ନେବାରେ ସହାୟକ ହୋଇଛି ।
ଏହି ସବୁ କାରଣରୁ ଭାରତ ଓ ଜାପାନ ଏକାଠି କାମ କରିବାକୁ ସବୁଠୁ ସହଜ ହେଉଛନ୍ତି ।
ବାସ୍ତବରେ ଆମର ଅତୀତ ଆମକୁ ଏକାଠି ଛିଡ଼ା ହେବାକୁ ଅଭିପ୍ରେରିତ କରୁଛି ।
ଏକାଠି କାର୍ଯ୍ୟ କରିବା ପାଇଁ ଆମର ବର୍ତ୍ତମାନ ଆମକୁ ପ୍ରୋତ୍ସାହିତ କରାଉଛି ।
ବନ୍ଧୁଗଣ,
ମୁଁ କହୁଛି ଏହି ଏକବିଂଶ ଶତାବ୍ଦୀ ହେଉଛି ଏସିଆର ଶତାବ୍ଦୀ । ବିଶ୍ୱ ବିକାଶର ଏକ ନୂଆ କେନ୍ଦ୍ର ଭାବେ ଏସିଆ ଉଭା ହୋଇଛି ।
ପ୍ରତିଯୋଗିତାମୂଳକ ନିର୍ମାଣ ଓ ସେବା କ୍ଷେତ୍ରରେ ଏହା ବିଶ୍ୱ ନବସୃଜନର ପେଣ୍ଠସ୍ଥଳୀ ପାଲଟିଛି । ବିଶାଳ ପ୍ରତିଭାଶାଳୀ ମାନବ ସମ୍ବଳ ଓ ବିଶ୍ୱ ଜନସଂଖ୍ୟାର ୬୦ ପ୍ରତିଶତ ଲୋକଙ୍କ ଘର ସହ ସୁବିଧା ମୁତାବକ ସମ୍ପ୍ରସାରିତ ବଜାର ପାଲଟିଛି ।
ଏସିଆର ଉତ୍ଥାନରେ ଭାରତ ଓ ଜାପାନ ପ୍ରମୁଖ ଭୂମିକା ଜାରି ରଖିବେ ।
ସ୍ୱତନ୍ତ୍ର ରଣନୀତିକ ଓ ଆନ୍ତର୍ଜାତିକ ଭାଗିଦାରୀ ଆଧାରରେ ଜାପାନ ଓ ଭାରତ ମଧ୍ୟରେ ବୃଦ୍ଧି ପାଉଥିବା ମତର ଏକାଭିମୁଖିତା ହିଁ ଆଂଚଳିକ ଅର୍ଥବ୍ୟବସ୍ଥା ଓ ବିକାଶ, ବିଶ୍ୱର ଅଭିବୃଦ୍ଧିକୁ ପ୍ରୋତ୍ସାହିତ କରିବାର ସାମର୍ଥ୍ୟ ପାଲଟିଛି ।
ସୁଦୃଢ଼ ଭାରତ- ସୁଦୃଢ଼ ଜାପାନ ନା କେବଳ ଦୁଇ ଦେଶକୁ ସମୃଦ୍ଧ କରିବ ବରଂ ଏସିଆ ଓ ବିଶ୍ୱରେ ସ୍ଥିରତାର କାରକ ହେବ ।
ବନ୍ଧୁଗଣ
ଏବେ ଭାରତ ଅନେକ ପ୍ରମୁଖ ପରିବର୍ଟ୍ଟନ ପଥରେ ଅଗ୍ରସର ହେଉଛି । ଆମେ ନିର୍ଣ୍ଣାୟକ ପଦକ୍ଷେପ ନେଇଛୁ ଓ ପ୍ରଶାସନିକ ବ୍ୟବସ୍ଥା ତିଆରି କରିଛୁ ଯାହା ଭାରତର ସାମର୍ଥ୍ୟକୁ ଅନୁଭୂତ କରାଇବ । ଏହାର ପରିଣାମ ମଧ୍ୟ ଦେଖିବାକୁ ମିଳିଲାଣି ।
ଏପରିକି ଦୁର୍ବଳ ଆନ୍ତର୍ଜାତିକ ଅର୍ଥବ୍ୟବସ୍ଥା ପରିଦୃଶ୍ୟରେ ବି ଭାରତରୁ ସୁଦୃଢ଼ ଅଭିବୃଦ୍ଧି ଓ ବ୍ୟାପକ ସୁଯୋଗର ଖବର ଆସୁଛି । ଏହା ଅବିଶ୍ୱସନୀୟ ସୁଯୋଗ ଓ ଭାରତର ବିଶ୍ୱସନୀୟ ନୀତି ଯୋଗୁ ହେଉଛି ।
୨୦୧୫ ମସିହାରେ ଭାରତର ଆର୍ଥିକ ଅଭିବୃଦ୍ଧି ଅନ୍ୟ ପ୍ରମୁଖ ଅର୍ଥ ବ୍ୟବସ୍ଥାଠାରୁ ଦ୍ରୁତ ରହିଥିଲା । ବିଶ୍ୱବ୍ୟାଙ୍କ ଓ ଆଇଏମ୍ଏଫର ଆକଳନ ଅନୁସାରେ ଏହି ଗତି ଜାରି ରହିବ । କମ୍ ଶ୍ରମିକ ଖର୍ଚ୍ଚ, ବିଶାଳ ଘରୋଇ ବଜାର ଓ ବୃହତ୍ ଆର୍ଥିକ ସ୍ଥିରତା ମିଳିତ ଭାବେ ଭାରତକୁ ଅତ୍ୟନ୍ତ ଆକର୍ଷଣୀୟ ନିବେଶର ସ୍ଥଳୀ କରାଇଛି ।
ଗତ ଦୁଇଟି ଆର୍ଥିକ ବର୍ଷରେ, ଆମେ ନିବେଶ ପାଇଁ ପ୍ରାୟ ୫୫ ବିଲିୟନ ଡଲାରର ପ୍ରତ୍ୟକ୍ଷ ବିଦେଶୀ ପୁଞ୍ଜି ପାଇଛୁ । ଏହା କେବଳ ଅଦ୍ୟାବଧିର ସର୍ବାଧିକ ବିଦେଶୀ ପୁଞ୍ଜିନିବେଶ ନୁହେଁ ବରଂ ଭାରତରେ ବିଦେଶୀ ପୁଞ୍ଜି ନିବେଶର ସର୍ବାଧିକ ଅଭିବୃଦ୍ଧି ।
ଏବେ ପ୍ରତ୍ୟେକ ଆନ୍ତର୍ଜାତିକ କମ୍ପାନୀ ପାଖରେ ଭାରତ ପାଇଁ ଏକ ରଣନୀତି ରହିଛି । ଆଉ ଜାପାନୀ କମ୍ପାନୀଗୁଡ଼ିକ ମଧ୍ୟ ଏଥିରୁ ବାଦ୍ ପଡ଼ିନାହାନ୍ତି । ଏହା ଆଶ୍ଚର୍ଯ୍ୟର କଥା ନୁହେଁ ଯେ ଏବେ ଭାରତରେ ଚତୁର୍ଥ ସର୍ବାଧିକ ବିଦେଶୀ ପୁଞ୍ଜିନିବେଶ ଜାପାନରୁ ହେଉଛି ।
ଜାପାନୀ ନିବେଶ ଏବେ ଉଭୟ ଗ୍ରୀନ୍ ଫିଲ୍ଡ ଓ ବ୍ରାଉନ୍ ଫିଲ୍ଡ ପ୍ରକଳ୍ପକୁ ସମ୍ପ୍ରସାରିତ ହୋଇଛି । ନିର୍ମାଣ ଓ ସେବା, ଭିତ୍ତିଭୂମି ଓ ବୀମା, ଇ-କମର୍ସ ଓ ଇ-କ୍ୱାଲିଟି କ୍ଷେତ୍ରରେ ରହିଛି ।
ଆମ ପକ୍ଷରୁ ନିଶ୍ଚିତ ଭାବେ ଆମେ ଚାହୁଁଛୁ ଅଧିକ ଜାପାନୀ ନିବେଶ ହେଉ । ଏଥିପାଇଁ ଆମେ ସକ୍ରିୟ ଭାବେ ଆପଣଙ୍କ ବ୍ୟାପାରଗତ ସମସ୍ୟାଗୁଡିକୁ ସମାଧାନ କରୁଛୁ ।
ଜାପାନ ଶିଳ୍ପ ନଗରୀ ସମେତ ସ୍ୱତନ୍ତ୍ର ବ୍ୟବସ୍ଥାକୁ ଆମେ ଅଧିକ ସୁଦୃଢ଼ କରିବାକୁ ଯାଉଛୁ ।
ଦଶ ବର୍ଷିଆ ବ୍ୟବସାୟିକ ଭିସା, ଇ-ଟୁରିଷ୍ଟ ଭିସା ଓ ପହଞ୍ଚିବା-କ୍ଷଣି-ଭିସା(Visa on Arrival)ସୁବିଧାକୁ ଅଧିକ ଉପଯୋଗ ପାଇଁ ମୁଁ ପ୍ରୋତ୍ସାହିତ କରୁଛି । ଏସବୁ ଏବେ ଜାପାନୀ ପର୍ଯ୍ୟଟକଙ୍କୁ ଆମେ ପ୍ରଦାନ କରୁଛୁ ।
ଜାପାନ ସହ ହୋଇଥିବା ସାମାଜିକ ସୁରକ୍ଷା ବୁଝାମଣାକୁ କାର୍ଯ୍ୟକାରୀ କରାଯାଉଛି । ଯାହାକି ଉଭୟ ପଟରେ(ଉଭୟ ଦେଶରେ) ପେଷାଦାରଙ୍କ ସଂଖ୍ୟା ବୃଦ୍ଧି କରାଉଛି ।
ବନ୍ଧୁଗଣ
ଭାରତର ବିକାଶ ଆବଶ୍ୟକତା ହେଉଛି ବିଶାଳ ଓ ଅମାପ । ଆମେ ବିକାଶର ପ୍ରାଥମିକତାର ଦ୍ରୁତ ଉପଲବ୍ଧି ଚାହୁଁଛୁ । କିନ୍ତୁ ତାହା ପରିବେଶ ଅନୁକୂଳ ହେଉ ।
– ଆମେ ଦ୍ରୁତ ଗତିରେ ସଡ଼କ ଓ ରେଳମାର୍ଗ ନିର୍ମାଣ କରିବାକୁ ଚାହୁଁ
– ଆମେ ସବୁଜିମା ମାର୍ଗରେ ଖଣିଜ ଓ ହାଇଡ୍ରୋ କାର୍ବନର ଅନ୍ୱେଷଣ ଚାହୁଁ
– ଆମେ କୁଶଳ ମାର୍ଗରେ ଘର ଓ ନାଗରିକ ସୁବିଧା ସ୍ଥାପନ କରିବାକୁ ଚାହୁଁ ଓ
– ଆମେ ସ୍ୱଚ୍ଛ ମାର୍ଗରେ ଶକ୍ତି ଉତ୍ପାଦନ କରିବାକୁ ଚାହୁଁ ।
ଏସବୁ ବ୍ୟତୀତ ଦ୍ୱିତୀୟ ପୀଢ଼ି ପାଇଁ ଭବିଷ୍ୟତର ଭିତ୍ତିଭୂମି ପରିଯୋଜନା ରହିଛି ।
ଏଥିରେ ସମର୍ପିତ ପରିବହନ କରିଡ଼ର, ଶିଳ୍ପାଂଚଳ କରିଡ଼ର, ଦ୍ରୁତ ଗତିର ରେଳବାଇ, ସ୍ମାର୍ଟ ସିଟି, ଉପକୂଳ ଜୋନ୍ ଓ ମେଟ୍ରୋ ରେଳ ପ୍ରକଳ୍ପ ରହିଛି ।
ଏସବୁ ଜାପାନୀ ଉଦ୍ୟୋଗ ପାଇଁ ଅଦ୍ଭୂତପୂର୍ବ ସୁଯୋଗ ପ୍ରଦାନ କରୁଛି । ଭାରତରେ ତିଆରି ଓ ଜାପାନୀଙ୍କ ଦ୍ୱାରା ତିଆରିର ମେଳ ଏବେ କାମ କରିବା ଆରମ୍ଭ କରିସାରିଛି ତଥା ଚମତ୍କାର ଭାବେ ସଫଳ ହେଉଛି ।
ଜାପାନୀ କାର ଭାରତରେ ନିର୍ମାଣ ହୋଇ ଜାପାନରେ ବିକ୍ରି ହେଉଛି । ମୁଁ ଆପଣମାନଙ୍କୁ ଧନ୍ୟବାଦ ଜଣାଇବାକୁ ଚାହୁଁଛି ଯେଉଁମାନେ ଆପଣମାନଙ୍କ ମଧ୍ୟରୁ ଏବେ ଭାରତରେ ବ୍ୟବସାୟ କରୁଛନ୍ତି ।
ଆଉ ଯେଉଁମାନେ ଏବେ ଅନ୍ୱେଷଣ କରୁଛନ୍ତି, ମୁଁ ପ୍ରତିଶ୍ରୁତି ଦେବାକୁ ଦେବାକୁ ଚାହୁଁଛି ଯେ ମେକ୍ ଇନ୍ ଇଣ୍ଡିଆକୁ ଆଗେଇ ନେବା ପାଇଁ ଆମେ ଆମର ନୀତିକୁ ଅଧିକ ସ୍ଵଚ୍ଛ ଓ ସହଜ କରିବାକୁ ପ୍ରତିବଦ୍ଧ ।
ବନ୍ଧୁଗଣ
ବ୍ୟବସାୟ ପାଇଁ ଉଚିତ ପରିବେଶ ଓ ନିବେଶକୁ ଆକୃଷ୍ଟ କରିବା ମୋର ଶୀର୍ଷ ପ୍ରାଥମିକତା ରହିଛି । ସ୍ଥାୟୀ, ପୂର୍ବ ଅନୁମାନିତ ଓ ପାରଦର୍ଶୀ ନିୟମ ଭାରତରେ କାରବାରର ପ୍ରକୃତିକୁ ପୁନଃ ପରିଭାଷିତ କରାଇଛି ।
ଇ-ଗଭର୍ଣ୍ଣାନ୍ସ ଏବେ କେବଳ ସୌଖୀନ ମନ୍ତ୍ର ହୋଇ ରହି ନାହିଁ, ଏକ ମୌଳିକ ସୁବିଧା ପାଲଟିଛି । ଆମେ ବସ୍ତୁ ଓ ସେବା କର (GST) ଭଳି ନୂଆ ଅଧିନିୟମକୁ ସଫଳତାର ସହ କାର୍ଯ୍ୟକାରୀ କରିଛୁ ।
ପରିଶୋଧ ପାଇଁ ଅକ୍ଷମ ଓ ଦେବାଳିଆ କୋଡ୍ ନିକଟରେ ଗୃହୀତ ହୋଇଛି । ଯାହା ନିବେଶକଙ୍କୁ ସହଜ ପ୍ରତ୍ୟାବର୍ତ୍ତନର ସୁବିଧା ଦେବ । ଆମେ ବ୍ୟବସାୟିକ କୋର୍ଟ ଓ ବ୍ୟବସାୟିକ ଡିଭିଜନ ସ୍ଥାପନ କରିଛୁ ଯାହା ବାଣିଜ୍ୟିକ ମାମଲାର ତ୍ୱରିତ୍ ସମାଧାନ ସୁନିଶ୍ଚିତ କରାଇବ ।
ମଧ୍ୟସ୍ଥତା ଆଇନରେ ସଂଶୋଧନ ହୋଇଛି ଯାହା ମଧ୍ୟସ୍ଥତା ପ୍ରକ୍ରିୟାକୁ ତ୍ୱରାନ୍ୱିତ କରାଇବ । ଚଳିତବର୍ଷ ଜୁନ୍ ମାସରେ ଆମେ ପୁନର୍ବାର ବିଦେଶୀ ପୁଞ୍ଜି ନିବେଶ ପ୍ରକ୍ରିୟାକୁ ଆହୁରି ସରଳ କରାଇଛୁ । ଆମେ ମଧ୍ୟ ନୂଆ ବୌଦ୍ଧିକ ସମ୍ପତ୍ତି ଅଧିକାର ନୀତି ଘୋଷଣା କରିଛୁ ।
ଏସବୁ କାରଣ ଆର୍ଥିକ ସଂସ୍କାରକୁ ନୂଆ ଦିଗ ଦେଇଛି, ଯାହା ଭାରତ ଗ୍ରହଣ କରିଛି । ମୋର ସଂକଳ୍ପ ହେଉଛି ଭାରତକୁ ବିଶ୍ୱର ସବୁଠୁ ଉନ୍ମୁକ୍ତ ଅର୍ଥ ବ୍ୟବସ୍ଥା କରାଇବା । ଆମର ପ୍ରୟାସର ପ୍ରଭାବ ଅନୁଭୂତ ହେଉଛି ଓ ବିଶ୍ୱରେ ଗ୍ରହଣୀୟ ହୋଇଛି ।
-FDI ଅଂଶଧନ ପ୍ରବାହ ଗତ ଦୁଇବର୍ଷରେ ୫୨%କୁ ବୃଦ୍ଧି ପାଇଛି ।
– ବିଶ୍ୱବ୍ୟାଙ୍କ ଦ୍ୱାରା ବିଶ୍ୱ ଲଜିଷ୍ଟିକ ପ୍ରଦର୍ଶନ ଇଣ୍ଡେକ୍ସ-୨୦୧୬ ତାଲିକା ଅନୁସାରେ ଭାରତ ବିଶ୍ୱର ୧୯ତମ ସ୍ଥାନ ଉପରକୁ ଆସିଛି ।
– ଇଜ୍ ଅଫ୍ ଡୁଇଙ୍ଗ ବିଜିନେସ (ସହଜ ବ୍ୟବସାୟ ପଦ୍ଧତି)ରେ ଆମେ ପର୍ଯ୍ୟାପ୍ତ ସଂସ୍କାର କରିଛୁ । ଆମର Ranking ରେ ମଧ୍ୟ ସୁଧାର ହେଉଛି ।
– ଗତ ଦୁଇ ବର୍ଷ ମଧ୍ୟରେ ବିଶ୍ୱ ଅର୍ଥନୈତିକ ଫୋରମର ଆନ୍ତର୍ଜାତିକ ପ୍ରତିଯୋଗିତାମୂଳକ ଇଣ୍ଡେକ୍ସର ୩୨ତମ ସ୍ଥାନକୁ ଭାରତ ଉନ୍ନୀତ ହୋଇଛି । ବିଶ୍ୱ ପୁଞ୍ଜିନିବେଶ ରିପୋର୍ଟ-୨୦୧୫ ଅନୁସାରେ ଭାରତ ବିଶ୍ୱର ଶୀର୍ଷ ୧୦ଟି ବିଦେଶୀ ପ୍ରତ୍ୟକ୍ଷ ପୁଞ୍ଜିନିବେଶର ସ୍ଥଳୀ ପାଲଟିଛି ।
ବନ୍ଧୁଗଣ
ସ୍କେଲ, ସ୍ପିଡ୍ ଓ ସ୍କିଲକୁ ଭାରତ ଏବେ ଆବଶ୍ୟକ କରୁଛି, ଆଉ ଏହି ୩ଟିରେ ଜାପାନର ପ୍ରମୁଖ ଭୂମିକା ରହିଛି ।
ଆମର ମେଗା ପ୍ରକଳ୍ପ ଯଥା ସମର୍ପିତ ପରିବହନ କରିଡର, ଦିଲ୍ଲୀ-ମୁମ୍ବାଇ ଶିଳ୍ପ କରିଡର, ମେଟ୍ରୋ ରେଳ ଓ ହାଇସ୍ପିଡ୍ ରେଳରେ ଏହାର ସମ୍ପୃକ୍ତି ରହିଚି ।
ଏକାଧିକ ଦକ୍ଷତା ବିକାଶ ପ୍ରୟାସ ଏବେ ଚାଲିଛି । ଆମ ଭାଗିଦାରୀ ଏବେ ଆମର ପ୍ରାଥମିକତାର ଗୁରୁତ୍ୱପୂର୍ଣ୍ଣ କ୍ଷେତ୍ରକୁ ସମ୍ପ୍ରସାରିତ ହୋଇଛି । ଏଠରେ ବସିଥିବା ଜାପାନୀ ବାଣିଜ୍ୟ ଓ ଉଦ୍ୟୋଗର ନେତୃମଣ୍ଡଳୀ ମୋ’ ସହ ଏକମତ ହେବେ ଯେ ଜାପାନର ଜ୍ଞାନକୌଶଳ ଓ ଭାରତର ମାନବ ସମ୍ବଳ ନିଶ୍ଚିତ ଭାବେ ବିଜୟର ସ୍ଥିତି ସୃଷ୍ଟି କରିବ ।
ମୁଁ ପୂର୍ବରୁ କହିଛି ଯେ ଆପଣଙ୍କର ହାର୍ଡୱେୟାର ଓ ଆମର ସଫ୍ଟୱେୟାରର ମିଶ୍ରଣ ହେଉଛି ଚମତ୍କାର ସମିଶ୍ରଣ । ଏଥିରେ ଉଭୟ ରାଷ୍ଟ୍ର ଉପକୃତ ହେବେ ।
ଆସନ୍ତୁ ଅଧିକ ନିବିଡ଼ ଓ ସୁଦୃଢ଼ ହୋଇ ହାତ ମିଳାଇବା । ଆସନ୍ତୁ ଏକାଠି ମିଶି ବିଶାଳ ଦକ୍ଷତା ଓ ଉଜ୍ୱଳ ସମ୍ଭାବନାକୁ ଅନ୍ୱେଷଣ କରିବା ।
ଧନ୍ୟବାଦ
ବହୁତ ବହୁତ ଧନ୍ୟବାଦ ।
The very word "Japan" in India symbolizes quality, excellence, honesty and integrity: PM @narendramodi
— PMO India (@PMOIndia) November 11, 2016
Our past has desired us to stand together. Our present is encouraging us to work together: PM @narendramodi
— PMO India (@PMOIndia) November 11, 2016
Asia has emerged as the new centre of global growth. This is because of its competitive manufacturing, and expanding markets: PM
— PMO India (@PMOIndia) November 11, 2016
I have also been saying that India and Japan will play a major role in Asia’s emergence: PM @narendramodi
— PMO India (@PMOIndia) November 11, 2016
Strong India-strong Japan will also be a stabilising factor in Asia and the world: PM @narendramodi while interacting with business leaders pic.twitter.com/nVSTPlaUrK
— PMO India (@PMOIndia) November 11, 2016
The news is not only about India’s Incredible opportunities, but also about its Credible Policies: PM @narendramodi pic.twitter.com/h50xy1dlGq
— PMO India (@PMOIndia) November 11, 2016
Japan has emerged as the 4th largest source of FDI and that too in various fields: PM @narendramodi talking of India-Japan economic ties
— PMO India (@PMOIndia) November 11, 2016
'Made in India' and 'Made by Japan' combination has started working wonderfully: PM @narendramodi
— PMO India (@PMOIndia) November 11, 2016
Want to make India the most open economy in the world: PM @narendramodi
— PMO India (@PMOIndia) November 11, 2016
Let us march forward and explore bigger potentials and brighter prospects: PM @narendramodi
— PMO India (@PMOIndia) November 11, 2016
