ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ମିଆଁମାରର ବାଗାନସ୍ଥିତ ଆନନ୍ଦ ମନ୍ଦିର ପରିଦର୍ଶନ କରିଛନ୍ତି ।
ଦ୍ଵାଦଶ ଶତାବ୍ଦୀରେ ନିର୍ମିତ ଏହା ଏକ ବୌଦ୍ଧ ମନ୍ଦିର । ବାଗାନ ଅଞ୍ଚଳର ଏହା ଦ୍ଵିତୀୟ ବଡ ମନ୍ଦିର । ଭାରତୀୟ ପ୍ରତ୍ନତାତ୍ତ୍ଵିକ ସର୍ବେକ୍ଷଣ ସଂସ୍ଥା ଏହି ମନ୍ଦିରର ଢାଞ୍ଚାଗତ ସଂରକ୍ଷଣ ଏବଂ ରସାୟନିକ ପ୍ରଲେପନ ତଥା ରକ୍ଷଣାବେକ୍ଷଣ କାର୍ଯ୍ୟ ହାତକୁ ନେଇଛି । ଗତବର୍ଷ ଭୂମିକମ୍ପରେ କ୍ଷତିଗ୍ରସ୍ତ ହୋଇଥିବା ଏହି ମନ୍ଦିରମାନଙ୍କର ପୁନରୁଦ୍ଧାର କାର୍ଯ୍ୟ ASI ପକ୍ଷରୁ ହାତକୁ ନିଆଯାଇଛି ।
ପୁନରୁଦ୍ଧାର କାର୍ଯ୍ୟର କିଛି ଫଟୋ ପ୍ରଧାନମନ୍ତ୍ରୀଙ୍କୁ ପ୍ରଦର୍ଶିତ କରାଯାଇଥିଲା । ପ୍ରଧାନମନ୍ତ୍ରୀ ମନ୍ଦିରରେ ପ୍ରାର୍ଥନା କରିଥିଲେ ଏବଂ ମନ୍ଦିର ପରିକ୍ରମା କରିବା ସମୟରେ ପ୍ରତ୍ନତାତ୍ତ୍ଵିକ ସର୍ବେକ୍ଷଣ ସଂସ୍ଥାର ପ୍ରତିନିଧିମାନେ ପୁନରୁଦ୍ଧାର କାର୍ଯ୍ୟର ବିସ୍ତୃତ ବିବରଣୀ ଦେଇଥିଲେ ।
ମନ୍ଦିରରେ ପ୍ରଧାନମନ୍ତ୍ରୀ ପରିଦର୍ଶକ ପୁସ୍ତିକାରେ ନିଜର ଟିପ୍ପଣୀ ଲେଖିବା ସହ ASI ଦ୍ଵାରା ଆନନ୍ଦ ମନ୍ଦିରର ପୁନରୁଦ୍ଧାର କାର୍ଯ୍ୟ ସଂକ୍ରାନ୍ତ ଫଳକକୁ ଏହି ଅବସରରେ ଅନାବରଣ କରିଥିଲେ ।
ଏସିଆର ବିଭିନ୍ନ ଦେଶରେ ଐତିହ୍ୟସ୍ଥଳୀଗୁଡିକର ସଂରକ୍ଷଣ କାର୍ଯ୍ୟ ଭାରତୀୟ ପ୍ରତ୍ନତାତ୍ତ୍ଵିକ ସର୍ବେକ୍ଷଣ ସଂସ୍ଥା ହାତକୁ ନେଇଛି । ଆନନ୍ଦ ମନ୍ଦିର ବ୍ୟତୀତ ଆଫଗାନିସ୍ତାନର ବାମିୟାନ ବୁଦ୍ଧ ମନ୍ଦିର, କାମ୍ବୋଡିଆର ଅଙ୍କୁର ଭଟ ଏବଂ ତା ପ୍ରୋମ ମନ୍ଦିର, ଲାଓସର ଭଟ ଫୌ ମନ୍ଦିର ଏବଂ ଭିଏତନାମର ମାଇ ସନ ମନ୍ଦିର ।
Connecting with history. PM @narendramodi pays respects at Ananda Temple,the most historical and venerated temple in Bagan, Myanmar. pic.twitter.com/UGNHQgdoIJ
— Raveesh Kumar (@MEAIndia) September 6, 2017
