ପ୍ରଧାନମନ୍ତ୍ରୀ ୮ ଏପ୍ରିଲ ୨୦୨୩ ଦିନ ସିକନ୍ଦରାବାଦ ରେଳ ଷ୍ଟେସନରେ ପାଖାପାଖି ପୂର୍ବାହ୍ନ ୧୧ଟା ୪୫ ମିନିଟରେ ପହଂଚି ସିକନ୍ଦରାବାଦ-ତିରୁପତି ବଂଦେ ଭାରତ ଏକ୍ସପ୍ରେସକୁ ପତାକା ଦେଖାଇ ଯାତ୍ରାର ଶୁଭାରମ୍ଭ କରିବେ । ପ୍ରାୟ ପୂର୍ବାହ୍ନ ୧୨ଟା ୧୫ରେ ପ୍ରଧାନମନ୍ତ୍ରୀ ହାଇଦ୍ରାବାଦର ପରେଡ ପଡ଼ିଆରେ ଏକ ସାଧାରଣ ସଭାରେ ଯୋଗ ଦେବା ସହ ହାଇଦ୍ରାବାଦ ସ୍ଥିତ ବିବିନଗର ଏମ୍ସର ଶିଳାନ୍ୟାସ କରିବେ । ସେ ମଧ୍ୟ ପାଞ୍ଚଟି ଜାତୀୟ ରାଜପଥ ପ୍ରକଳ୍ପର ଶିଳାନ୍ୟାସ କରିବେ । ସେ ମଧ୍ୟ ସିକନ୍ଦରାବାଦ ରେଳ ଷ୍ଟେସନର ପୁନର୍ବିନ୍ୟାସ ପ୍ରକଳ୍ପର ଶିଳାନ୍ୟାସ କରିବା ସହ ରେଳବାଇ ସଂକ୍ରାନ୍ତ ଅନ୍ୟାନ୍ୟ ବିକାଶମୂଳକ ପ୍ରକଳ୍ପର ଉଦଘାଟନ କରିବେ।
ପ୍ରାୟ ଅପରାହ୍ନ ତିନିଟା ବେଳେ ପ୍ରଧାନମନ୍ତ୍ରୀ ଚେନ୍ନାଇର ବିମାନ ବନ୍ଦରରେ ପହଂଚିବେ । ସେଠାରେ ସେ ଚେନ୍ନାଇ ବିମାନ ବନ୍ଦରର ସମନ୍ୱିତ ରହଣୀ ସ୍ଥଳର ଉଦଘାଟନ କରିବେ । ଅପରାହ୍ନ ଚାରିଟାରେ ପ୍ରଧାନମନ୍ତ୍ରୀ ଏମଜିଆର ଚେନ୍ନାଇ ସେଣ୍ଟ୍ରାଲ ରେଳ ଷ୍ଟେସନରେ ଚେନ୍ନାଇ-କୋଏମ୍ବାଟୁର ବଂଦେ ଭାରତ ଏକ୍ସପ୍ରେସକୁ ପତାକା ଦେଖାଇ ଯାତ୍ରାରମ୍ଭ କରାଇବେ । କାର୍ଯ୍ୟକ୍ରମ କାଳରେ ସେ ଅନ୍ୟାନ୍ୟ ରେଳ ପ୍ରକଳ୍ପ ମଧ୍ୟ ଉଦଘାଟନ କରିବେ । ଅପରାହ୍ନ ୪ଟା ୪୫ ମିନିଟରେ ପ୍ରଧାନମନ୍ତ୍ରୀ ଚେନ୍ନାଇ ଠାରେ ରାମକୃଷ୍ଣ ମଠର ୧୨୫ତମ ବାର୍ଷିକ ସମାରୋହରେ ଯୋଗ ଦେବେ । ସନ୍ଧ୍ୟା ୬ଟା ୩୦ରେ ପ୍ରଧାନମନ୍ତ୍ରୀ ଚେନ୍ନାଇର ଆଲଷ୍ଟ୍ରୋମ କ୍ରିକେଟ ପଡ଼ିଆରେ ଏକ ସାଧାରଣ କାର୍ଯ୍ୟକ୍ରମରେ ଅଧ୍ୟକ୍ଷତା କରିବା ସହ କେତେକ ସଡ଼କ ପ୍ରକଳ୍ପର ଉଦଘାଟନ କରିବେ ।
ଏପ୍ରିଲ ୯, ୨୦୨୩ ଦିନ ପ୍ରଧାନମନ୍ତ୍ରୀ ପ୍ରାୟ ସକାଳ ୭ଟା ୧୫ରେ ବାନ୍ଦିପୁର ବ୍ୟାଘ୍ର ସଂରକ୍ଷଣ ସ୍ଥଳୀ ପରଦର୍ଶନରେ ଯିବେ । ସେ ମଧ୍ୟ ମୁଡୁମଲାର ବ୍ୟାଘ୍ର ସଂରକ୍ଷଣ ସ୍ଥଳୀରେ ଥେପାକାଡୁ ହସ୍ତୀ ଶିବିର ପରିଦର୍ଶନ କରିବେ । ଅପରାହ୍ନ ପ୍ରାୟ ଏଗାରଟା ବେଳେ ସେ ମହୀଶୂରର କର୍ଣ୍ଣାଟକ ମୁକ୍ତ ବିଶ୍ୱବିଦ୍ୟାଳୟ ଦ୍ୱାରା ଆୟୋଜିତ ‘ବ୍ୟାଘ୍ର ପ୍ରକଳ୍ପର ୫୦ ବର୍ଷର ସମାବର୍ତ୍ତନ’ ସମାରୋହକୁ ଉଦଘାଟନ କରିବେ ।
ତେଲେଙ୍ଗାନାରେ ପ୍ରଧାନମନ୍ତ୍ରୀ-
ପ୍ରଧାନମନ୍ତ୍ରୀ ତେଲେଙ୍ଗାନାରେ ୧୧,୩୦୦ କୋଟି ଟଙ୍କାରୁ ଉଦ୍ଧ୍ୱର୍ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବେ । ମାତ୍ର ତିନି ମାସର ବ୍ୟବଧାନରେ ତିରୁପତିର ପ୍ରଭୁ ଭେଙ୍କଟେଶ୍ୱର ପୀଠ ସହ ହାଇଦ୍ରାବାଦ ଆଇଟି ମହାନଗରୀକୁ ସଂଯୋଗ କରୁଥିବା ସିକନ୍ଦରାବାଦ-ତିରୁପତି ଜାତୀୟ ବଂଦେ ଭାରତ ଏକ୍ସପ୍ରେସ ତେଲେଙ୍ଗାନାରୁ ଯାତାୟତ ଯୋଗୁ ଯାତ୍ରା ଅବଧି ପ୍ରାୟ ସମେତ ତିନିଘଣ୍ଟା ହ୍ରାସ ପାଇବା ସହ ତୀର୍ଥଯାତ୍ରୀଙ୍କ ନିମନ୍ତେ ସୁବିଧାଜନକ ହେବ ।
ସିକନ୍ଦରାବାଦ ରେଳ ଷ୍ଟେସନର ପୁନର୍ବିନ୍ୟାସ ପ୍ରାୟ ୭୦୦ କୋଟି ବ୍ୟୟ ଅଟକଳରେ କରାଯିବ ଓ ଏଥିରେ ବିଶ୍ୱସ୍ତରୀୟ ସୁବିଧା ସୁଯୋଗ ରହିବା ସହ ଆଧ୍ୟାତ୍ମିକ ରୁଚି ଓ ଐତିହ୍ୟସମ୍ପନ୍ନ ପରିପାଟୀ ରହିବା ପାଇଁ ଯୋଜନା ରହିଛି । ଏହି ପୁର୍ନବିକଶିତ ଷ୍ଟେସନ ଭୂତଳବିଶିଷ୍ଟ ହୋଇଥିବା ବେଳେ ଏଥିରେ ସମସ୍ତ ଯାତ୍ରୀ ସୁବିଧା ରହିବ । ଏଥିରେ ବହୁମୁଖୀ ସଂଯୋଗୀକରଣ ବ୍ୟବସ୍ଥା ସହ ଯାତ୍ରୀମାନେ ରେଳରୁ ଅନ୍ୟାନ୍ୟ ପରିବହନ ମାଧ୍ୟମକୁ ଯିବା ନିମନ୍ତେ ମଧ୍ୟ ବାଧାବିଘ୍ନ ବିହୀନ ସୁବିଧା ରହିବ ।
କାର୍ଯ୍ୟକ୍ରମ କାଳରେ ପ୍ରଧାନମନ୍ତ୍ରୀ ୧୩ଟି ନୂତନ ମଲ୍ଟି-ମଡେଲ ପରିବହନ ସେବାକୁ ମଧ୍ୟ ପତାକା ଦେଖାଇ ଶୁଭାରମ୍ଭ କରିବେ । ଯାତ୍ରୀମାନଙ୍କ ନିମନ୍ତେ ଭିଡ଼ରୁ ମୁକ୍ତି ତଥା ଦ୍ରୁତ ଓ ବିକଳ୍ପ ପରିବହନ ସେବା ଯୋଗାଯାଇ ପାରିବ । ସେ ମଧ୍ୟ ସିକନ୍ଦରାବାଦର ମେହେବୁବ ନଗର ରେଳପଥ ଦୋହରୀକରଣ ଓ ବିଦୁତକରଣ ପ୍ରକଳ୍ପର ଉଦଘାଟନ କରିବେ । ପ୍ରାୟ ୧୪୧୦ କୋଟି ଟଙ୍କା ବ୍ୟୟରେ ଏହି ୮୫ କିଲୋମିଟର ଦୀର୍ଘ ପଥର ବିଦୁତକରଣ କାର୍ଯ୍ୟ ସମ୍ପୂର୍ଣ୍ଣ ହୋଇଛି । ଏହି ପ୍ରକଳ୍ପ ଯୋଗୁ ସଂଯୋଗୀକରଣ ନିର୍ବିଘ୍ନ ହେବା ସହ ଟ୍ରେନଗୁଡ଼ିକର ହାରାହାରି ଗତି ମଧ୍ୟ ବୃଦ୍ଧି ପାଇବ ।
ହାଇଦ୍ରାବାଦର ପରେଡ ପଡ଼ିଆରେ ଆୟୋଜିତ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ବିବିନଗର, ହାଇଦ୍ରାବାଦ ଏମ୍ସର ଶିଳାନ୍ୟାସ କରିବେ । ଦେଶରେ ସାମଗ୍ରିକ ସ୍ୱାସ୍ଥ୍ୟ ବ୍ୟବସ୍ଥାକୁ ମଜବୁତ କରିବା ନେଇ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟିର ଏହା ଏକ ପ୍ରତିଫଳନ । ୧୩୫୦ କୋଟିରୁ ଊଦ୍ଧ୍ୱର୍ ଅର୍ଥ ବ୍ୟୟରେ ବିବିନଗର ଏମ୍ସ ବିକଶିତ ହେବ । ତେଲେଙ୍ଗାନା ଜନସାଧାରଣଙ୍କ ଘରେ ଘରେ ଗୁଣାତ୍ମକ ସ୍ୱାସ୍ଥ୍ୟ ସେବା ପହଂଚାଇବା ନିମନ୍ତେ ବିବିନଗର ଏମ୍ସ ବେଶ ପ୍ରଭାବୀ ହେବ ।
କାର୍ଯ୍ୟକ୍ରମ କାଳରେ ପ୍ରଧାନମନ୍ତ୍ରୀ ୭୮୫୦ କୋଟି ଟଙ୍କାରୁ ଅଧିକ ବ୍ୟୟରେ ଜାତୀୟ ରାଜପଥ ପ୍ରକଳ୍ପର ଶିଳାନ୍ୟାସ କରିବେ । ଏହି ସଡ଼କ ପ୍ରକଳ୍ପଗୁଡ଼ିକ ତେଲେଙ୍ଗାନା ଓ ଆନ୍ଧ୍ର ପ୍ରଦେଶ ମଧ୍ୟରେ ସଡ଼କ ସଂଯୋଗୀକରଣ ମଜବୁତ କରିବା ସହ ସାମାଜିକ ଓ ଆର୍ଥିକ ବିକାଶରେ ସାହାଯ୍ୟ କରିବ ।
ତାମିଲନାଡୁରେ ପ୍ରଧାନମନ୍ତ୍ରୀ-
ପ୍ରଧାନମନ୍ତ୍ରୀ ଚେନ୍ନାଇ ଆନ୍ତର୍ଜାତିକ ବିମାନବନ୍ଦରର ନୂତନ ସମନ୍ୱିତ ରହଣୀ ସ୍ଥଳ ଭବନ (ପ୍ରଥମ ପର୍ଯ୍ୟାୟ)ର ଉଦଘାଟନ କରିବେ । ପ୍ରାୟ ୧୨୬୦ କୋଟି ଟଙ୍କା ବ୍ୟୟରେ ଏହାନ ନିର୍ମିତ ହୋଇଛି । ଏହି ନୂତନ ରହଣୀ ସ୍ଥଳର ଉଦଘାଟନ ଯୋଗୁ ବିମାନବନ୍ଦରର ବାର୍ଷିକ ଯାତ୍ରୀ ଯାତାୟତ ସାମର୍ଥ୍ୟ ୨୩ ନିୟୁତରୁ ୩୦ ନିୟୁତକୁ ବୃଦ୍ଧି ପାଇବ । ନୂତନ ରହଣୀ ସ୍ଥଳ ସ୍ଥାନୀୟ ତାମିଲ ସଂସ୍କୃତି ସହ ପାରମ୍ପରିକ ବୈଶିଷ୍ଟ୍ୟ ଯେପରିକି କୋଲମ, ଶାଢ଼ୀ, ମନ୍ଦିର ଓ ପ୍ରାକୃତିକ ପାରିପାଶ୍ୱିର୍କ ପରିପାଟୀ ରହିବ ।
ଏମଜିଆର ଚେନ୍ନାଇ ସେଣ୍ଟ୍ରାଲ ରେଳ ଷ୍ଟେସନରେ ଆୟୋଜିତ ସମାରୋହରେ ପ୍ରଧାନମନ୍ତ୍ରୀ ଚେନ୍ନାଇ-କୋଏମ୍ବାଟୁର ବଂଦେ ଭାରତ ଏକ୍ସପ୍ରେସ ଟ୍ରେନ ଚଳାଚଳର ଶୁଭାରମ୍ଭ କରାଇବେ । ଏହା ତାମ୍ବରମ ଓ ସେନଗୋଟାଇ ଷ୍ଟେସନ ମଧ୍ୟରେ ହେବ । ସେ ମଧ୍ୟ ତିରୁଥୁରାଇପଣ୍ଡି - ଅଗସ୍ତିୟାମପାଲ୍ଲୀ ମଧ୍ୟରେ ଡିଇଏମୟୁ ସେବାର ପତାକା ଦେଖାଇ ଶୁଭାରମ୍ଭ କରିବେ । ଏହା ଫଳରେ କୋଏମ୍ବାଟୁର ତିରୁଭାରୁର ଓ ନାଗାଫଟିନ୍ନମ ଜିଲ୍ଲାର ଯାତ୍ରୀମାନେ ଉପକୃତ ହେବେ । ପ୍ରଧାନମନ୍ତ୍ରୀ ଶ୍ରୀରାମକୃଷ୍ଣ ମଠର ୧୨୫ତମ ସମାବର୍ତ୍ତନ ସମାରୋହରେ ଚେନ୍ନାଇ ଠାରେ ଯୋଗ ଦେବେ । ୧୮୯୭ ମସିହାରେ ସ୍ୱାମୀ ରାମକୃଷ୍ଣାନନ୍ଦ ଚେନ୍ନାଇରେ ଶ୍ରୀ ରାମକୃଷ୍ଣ ମଠର ସ୍ଥାପନା କରିଥିଲେ । ଶ୍ରୀରାମକୃଷ୍ଣ ମଠ ଓ ରାମକୃଷ୍ଣ ମିଶନ ଭଳି ଦୁଇଟି ଆଧ୍ୟାତ୍ମିକ ସଂଗଠନ ବିଭିନ୍ନ ମାନବିକ ଓ ସମାଜ ସେବା କାର୍ଯ୍ୟ କରିଥାନ୍ତି ।
ଚେନ୍ନାଇର ଆଲଷ୍ଟ୍ରୋମ କ୍ରିକେଟ ପଡ଼ିଆରେ ଆୟୋଜିତ ସାଧାରଣ ସମାରୋହରେ ପ୍ରଧାନମନ୍ତ୍ରୀ ୩୭୦୦ କୋଟି ଟଙ୍କାର ବିଭିନ୍ନ ସଡ଼କ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବେ । ଏଥିରେ ୭.୩ କିଲୋମିଟର ଦୀର୍ଘ ମଦୁରାଇ ନଗରୀ ଏଲିଭିଟେଡ କରିଡର ଓ ୨୪.୪ କିଲୋମିଟର ଦୀର୍ଘ ଚାରି ଲେନ ବିଶିଷ୍ଟ ୭୮୫ ନମ୍ବର ଜାତୀୟ ରାଜପଥ ଅନ୍ତର୍ଭୁକ୍ତ । ପ୍ରଧାନମନ୍ତ୍ରୀ ମଧ୍ୟ ଜାତୀୟ ରାଜପଥ ୭୪୪ର ନିର୍ମିତ ହେବାକୁ ଥିବା ସଡ଼କ ପ୍ରକଳ୍ପର ଶିଳାନ୍ୟାସ କରିବେ । ୨୪୦୦ କୋଟି ଟଙ୍କାରୁ ଅଧିକ ଖର୍ଚ୍ଚ ବ୍ୟୟରେ ନିର୍ମିତ ହେବାକୁ ଥିବା ଏହି ସଡ଼କ ପ୍ରକଳ୍ପ ଯୋଗୁ ତାମିଲନାଡୁ ଓ କେରଳ ମଧ୍ୟ ଆନ୍ତରାଜ୍ୟ ସଂଯୋଗୀକରଣ ମଜବୁତ ହେବା ସହ ମଦୁରାଇର ମିନାକ୍ଷୀ ମନ୍ଦିର, ଶ୍ରୀଭିଲ୍ଲିପୁଥୁରର ଆନ୍ଦଲ ମନ୍ଦିର ଓ କେରଳର ସାବରିମାଲା ମନ୍ଦିର ତୀର୍ଥଯାତ୍ରୀ ଉପକୃତ ହେବେ ।
କର୍ଣ୍ଣାଟକରେ ପ୍ରଧାନମନ୍ତ୍ରୀ-
ପ୍ରଧାନମନ୍ତ୍ରୀ ସକାଳେ ବାନ୍ଦିପୁର ବ୍ୟାଘ୍ର ସଂରକ୍ଷଣ ପ୍ରକଳ୍ପ ପରିଦର୍ଶନ କରି ସେଠାକାର କ୍ଷେତ୍ର କର୍ମଚାରୀ ଓ ସ୍ୱୟଂ ସହାୟକ ଗୋଷ୍ଠୀଙ୍କ ସହ ସଂରକ୍ଷଣ କାର୍ଯ୍ୟ ନେଇ ମତ ବିନିମୟ କରିବେ । ସେ ମଧ୍ୟ ମୁଡୁମଲାଇ ବ୍ୟାଘ୍ର ସଂରକ୍ଷଣ ସ୍ଥଳୀ ଅନ୍ତର୍ଗତ ଟିପାକାଡୁ ହସ୍ତୀ ଶିବିର ପରିଦର୍ଶନ କରି ମାହୁନ୍ତ ଓ କେଭାଡ଼ିମାନଙ୍କ ସହ ମତ ବିନିମୟ କରିବେ । ନିକଟରେ ପଞ୍ଚମ ଶ୍ରେଣୀୟ ପରିଚାଳନା ଓ ମୂଲ୍ୟାୟନରେ ସର୍ବାଧିକ ଅଙ୍କ ଅର୍ଜନ କରିଥିବା କ୍ଷେତ୍ର ନିଦେ୍ର୍ଦଶକଙ୍କ ସହ ଶ୍ରୀ ମୋଦୀ ମତ ବିନିମୟ କରିବେ ।
ପ୍ରଧାନମନ୍ତ୍ରୀ ମଧ୍ୟ ଆନ୍ତର୍ଜାତିକ ବିଗ କ୍ୟାଟ ଆଲିଆନ୍ସ (ଆଇବିସିଏ)ର ଶୁଭାରମ୍ଭ କରିବେ । ପ୍ରଧାନମନ୍ତ୍ରୀ ଜୁଲାଇ ୨୦୧୯ରେ ଏସିଆରୁ ଅବାଧ ଶିକାର ଓ ବେଆଇନ ବନ୍ୟପ୍ରାଣୀ ବ୍ୟବସାୟକୁ ଦମନ କରିବା ପାଇଁ ବୈଶ୍ୱିକ ଦେଶମାନଙ୍କୁ ଆହ୍ୱାନ ଜଣାଇଥିଲେ । ପ୍ରଧାନମନ୍ତ୍ରୀଙ୍କ ପ୍ରେରଣାରେ ଏହି ଚୁକ୍ତି ଆରମ୍ଭ ହୋଇଛି । ଆଇବିସିଏ ବିଶ୍ୱର ସାତଟି ବିଗ କ୍ୟାଟ ଯଥା ବାଘ, ସିଂହ, କଲରାପତରିଆ ବାଘ, ତୁଷାର ବାଘ, ପୁମା, ଜାଗୁଆର ଓ ଚିତା ସଂରକ୍ଷଣ ଉପରେ ଗୁରୁତ୍ୱ ଆରୋପ କରିବ ।
ପ୍ରଧାନମନ୍ତ୍ରୀ ବ୍ୟାଘ୍ର ପ୍ରକଳ୍ପର ୫୦ ବର୍ଷ ସମାବର୍ତ୍ତନ ସମାରୋହର ଉଦଘାଟନ କରିବେ । ଏହି ଅବସରରେ “ବ୍ୟାଘ୍ର ସଂରକ୍ଷଣ ନେଇ ଅମୃତ କାଳର ଦୃଷ୍ଟିକୋଣ” ଶୀର୍ଷକ ପୁସ୍ତିକା ଉନ୍ମୋଚନ କରିବେ । ଏଥିରେ ସର୍ବଭାରତୀୟ ବ୍ୟାଘ୍ର ସଂଖ୍ୟା ସହ ବ୍ୟାଘ୍ର ସଂରକ୍ଷଣ ସ୍ଥଳୀର ପଞ୍ଚ ଚକ୍ରୀୟ ଆକଳନ ନେଇ ଘୋଷଣା କରାଯିବ । ଏହି ଅବସରରେ ପ୍ରଧାନମନ୍ତ୍ରୀ ମଧ୍ୟ ଏକ ସ୍ମାରକୀ ମୁଦ୍ରା ଉନ୍ମୋଚନ କରିବେ ।
