ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆମେରିକାର ବହୁରାଷ୍ଟ୍ରୀୟ ନିଗମ କ୍ୱାଲକମର ଅଧ୍ୟକ୍ଷ ତଥା ସିଇଓ ଶ୍ରୀ କ୍ରିଷ୍ଟିୟାନୋ ଆର. ଅମୋନଙ୍କୁ ଭେଟି ଆଲୋଚନା କରିଛନ୍ତି । କୃତ୍ରିମ ବୁଦ୍ଧିମତା (ଏଆଇ), ନବାଚାର ଏବଂ କୌଶଳ ବିକାଶରେ ଭାରତର ପ୍ରଗତି ଉପରେ ଏହି ଅବସରରେ ଆଲୋଚନା କରିଥିଲେ ।
ପ୍ରଧାନମନ୍ତ୍ରୀ ଭାରତର ସେମିକଣ୍ଡକ୍ଟର ଏବଂ ଏଆଇ ମିସନ ପ୍ରତି କ୍ୱାଲକମର ପ୍ରତିବଦ୍ଧତାକୁ ପ୍ରଶଂସା କରିଥିଲେ । ସେ କହିଛନ୍ତି କି, ଭାରତ ଏପରି ଏକ ପ୍ରଯୁକ୍ତିର ନିର୍ମାଣ ପାଇଁ ଅନନ୍ୟ ପ୍ରତିଭା ଏବଂ ମାନକ ପ୍ରଦାନ କରୁଛି ଯାହାକି ଉତ୍ତମ ଭବିଷ୍ୟତକୁ ରୂପ ଦେବ ।
କ୍ୱାଲକମର ଅଧ୍ୟକ୍ଷ ତଥା ସିଇଓ ଶ୍ରୀ କ୍ରିଷ୍ଟିୟାନୋ ଆର. ଅମୋନ ଭାରତ-ଏଆଇ, ଭାରତ-ସେମିକଣ୍ଡକ୍ଟର ମିଶନ ସମର୍ଥନରେ କ୍ୱାଲକମ ଏବଂ ଭାରତ ମଧ୍ୟରେ ସହଭାଗିତାକୁ ମଜବୁତ କରିବା ପାଇଁ ୬ଜିରେ ପରିବର୍ତ୍ତନ ଉପରେ ହୋଇଥିବା ଉପଯୋଗୀ ଚର୍ଚ୍ଚା ପାଇଁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଦେଇଥିଲେ । ସେ ଏଆଇ ସ୍ମାର୍ଟଫୋନ, ପିସି, ସ୍ମାର୍ଟ ଗ୍ଲାସ,ଅଟୋମୋଟିଭ, ଔଦ୍ୟୋଗିକ କ୍ଷେତ୍ରରେ ଏକ ଭାରତୀୟ ଇକୋସିଷ୍ଟମର ବିକାଶ ଉପରେ ଆଲୋକପାତ କରିଥିଲେ ।
ପ୍ରଧାନମନ୍ତ୍ରୀ ଏକ୍ସରେ ଲେଖିଛନ୍ତି;
“ଶ୍ରୀ କ୍ରିଷ୍ଟିୟାନୋ ଆର. ଅମୋନଙ୍କ ସହ ଏହା ଏକ ଅଦ୍ଭୁତ ବୈଠକ ଥିଲା ଏବଂ ଏଆଇ, ନବାଚାର ଏବଂ କୌଶଳ ବିକାଶରେ ଭାରତର ପ୍ରଗତି ଉପରେ ଆଲୋଚନା ହେଲା । ଭାରତର ସେମିକଣ୍ଡକ୍ଟର ଏବଂ ଏଆଇ ମିସନ ପ୍ରତି କ୍ୱାଲକମର ପ୍ରତିବଦ୍ଧତା ଦେଖି ଖୁସି ଲାଗିଲା । ଭାରତ ଏପରି ଏକ ପ୍ରଯୁକ୍ତିର ନିର୍ମାଣ ପାଇଁ ଅନନ୍ୟ ପ୍ରତିଭା ଏବଂ ମାନକ ପ୍ରଦାନ କରୁଛି ଯାହାକି ଉତ୍ତମ ଭବିଷ୍ୟତକୁ ରୂପ ଦେବ ।
@cristianoamon
@Qualcomm”
It was a wonderful meeting with Mr. Cristiano R. Amon and discussing India's strides in AI, innovation and skilling. Great to see Qualcomm’s commitment towards India’s semiconductor and AI missions. India offers unmatched talent and scale to build technologies that will shape our… https://t.co/vEPWUzd33D
— Narendra Modi (@narendramodi) October 11, 2025
